انتى كيمياء حيوي ؟؟؟ اتفضــــــــلى ..

[~S O N A]

المشاركة الأصلية كتبت بواسطة m!ss amooola بليز بنات عندي بكرة محاضرة تغذيه في غرفة 54l وين مكانها انا الي اعرفة انو aالدور الاول وbالثاني c الثالث وlهذي وين موقعها

حبيبي انا كنت اخد فيها الترم الي فات

هيا 54c وتلاقي ورقة مكتوب عليها 54l

وفيها قفل من برا لول

=)

[الطول عز]

سلام سليم ارق من النسيم .. <<

يسعدكم ربي كلللكم .. واللهي احس اني عجوزة بينكم ..

جيت بدي احكييكم حكايتي مع الـ كيميا الحيوي .. << فاتحة الخطة الدراسية ترى

بس طبعا تجي للإنسان فترات كسل وبلادة فلا تعتمدو على كلامي مرة مرة .. يمكن اشوف دكتورات كويسات بس غيري لا والعكس طبعا ..
وكمان انا ما التزمت بالخطة بس بكتب المواد ع حسب الخطة الجديدة .. ع العموم نبدا :

بسم الله ..

- اللغة العربية (1) اخدتها مع أ. تيسير الشريف .. يكفيها كلمة واااااااااااو ..
الشرح نص ساعة والباقي تهرج مع البنات وتنصح وكل اللي تشرحوا يجي في الإمتحان ..
يعني ( أ+) وانتي مغممضة .. ما ادري ازا كانت تعطي إلين دحين ولا لا

- كيمياء عامة (1) اخدتها مع د. لطيفة .. وياريتني ما اخدتها المادة عادية مي مرة صعبة بس من جد ماكانت تعرف تشرح ..

- أحياء عامة (1) اخدتها متأخرة الترم اللي غيروه لإنقلش :( الله لا يوريكم بسس انخسف المعدل جددن ..
اخدتها انا مع د. ابتسام البستاوي .. كانت تقرأ السلايدات واحنا الحمد لله على كل حال .. طفش واكتئاب ..
والإختبارات زي الـز .... بس دحين ساروا يسهلولها للبنات اكتر من اول ..

- كيمياء عامة (2) اخدتها مع د.سامية كوسه .. لو اقول من هنا لبكرة ربي يسعدها دنيا وآخره
ماوفيتها حقها .. شرحها واسئلة وكل شي .. كانت جداااا راقية في تعاملها معانا .. والمنهج كان أحلى من 1 بكتييييييير ..

- كيمياء حيوية عامه .. اخدتها اول ترم تخصص مع د. امينة مدحت .. الدكتورة شرحهاا حلو وبسيط بس عيبها انو صوتها واطي وتكتب بسرعة وماتفهمي شي من خطها ..
بس اسئلتها سهلة وحلوة .. ازا اخدتو معاها اقعدو قداام في وجههاا عشان تسمعوا ..

- أحياء عامة (2) دي المادة اللي من جد استمتع وانا آخدهاا من قسم الأحياء ..
اول الترم كانت تدينا د. فاطمة قدسي .. انسانة رااااااااائعة بمعنى الكلمة .. تعامل + شرح +اسلوب + شخصية وكل شي فيهاا .. تحببك في الأحياء بقوووة ..
بس للأسف اخدوهاا على نص الترم عشان بنات الماجستير .. فجابولنا د. عواطف .. صح كويسة ودمها خفيف ..
بس مو بمستوى د. فاطمة .. ربي يسسعدها ويوفقهاا ..

- ك. عضوية لغير طلاب الكيمياء .. اخدتها مع د. فوزية البلوي .. شرحها جدا حلو وبذمة ..
صح انها تجي ع الوقت تماما وتخرجي ع الوقت تماما .. وماتنكسل .. والمنهج دمو تقيل
بس انسانة رائعة في الشرح والتعامل وكل شي ..

- بيولوجيا الخلية .. د. صباح لنجاوي .. كرهت الأحياء والخلية بسببها ..
تقرأ ما تشرح اببدن .. صوتها يجيب النوووووووووم وواطي مرة .. اسئلتها عادية اي احد مذاكر يقدر يحل ..
وصحيح انها تدي درجات وترفع مررررة .. بس كـ شرح مررة ما انصح فيها ..

- الأيض العام .. د. نجوى الصاوي .. مو مرة تشرح بس تعاملها حلو مع البنات .. واسئلتها حلوة .. كلها اختياري فقرتين او تلاتة تجي برى السلايدات .. بس تنحل مهي مرة صعبة ..
وربي يسسسعدها تقولك على السايكل اللي تجي في الإمتحان ويكون عليها 10 درجات ..
فتضمنيها وانتي مغضمة .. انا عن نفسي احبها دي الدكتورة احسها فرفوشة وحقت هروج ههههههههه ..


- الانزيمات .. آآآخ من دي المادة .. اكرههاااااااا اخدتها مع د. سوسن خوجة ..
مررررة ماتشرح بس تقرأ من السلايدات .. وكان كل شوية عندها كويز .. بس من كرهي للمادة
ماكنت اذاكر ولا كويز .. اسئلتها مو مرة سهلة ولا مرة تعقيد .. بالعكس اللي يزاكر السلايدات يجيب درجاات
واخس شي في دي المادة كمان لابهاا .. دمو تقييييييل ..

- الأيض العام (2) د.وديعة .. ما اقدر اقول غير اللي ياخد معاها الله يعينو ..
من قلبي والله .. لا اسئلة ولا شرح ولاشي في الحياة .. مملللللللللللللللللة
<< كرهت التخصص بسببها وربي ..

- كيمياء حيوية التغذية .. د. مديحة .. مافي غيرها يدي المادة .. غنية عن التعريف ..
اكتبوا معاها اللي بتقولوا واللي تكتبوا .. وخططوا كمان ع الكتاب .. وانا اضمنلكم( أ+) او( أ)
واحس شي تكونوا معاها مشاركين .. يعني توروها وجهكم زي ما يقولوا ..

- الأحياء الدقيقة العامة د. نجاح .. شرحها حلو واسئلتها حلوة بسيطة في التعامل مع البنات ..
بس ما ادري حسيت اني انظلمت معاها في النهائي .. مع انو كتير جابو معاها درجات حلوة ..
بس عموما الدكتورة جيدة ..

- كيمياء حيوية غير عضوية .. د. اماني .. محد يدي غيرها ..المادة وع وع وع والدكتورة اخسس
صمّي واكتبي بالنننص .. لا اسئلة ولا تعامل .. مع انو شرحها حلو .. بس اختباراتهاا زي الـز...
الترم اللي تاخدوها فيلو .. الله يعييينكم ويساعدكم ع الحفظ ..


- تنظيم الأيض .. د. سهيرة .. المادة شويتين مكلكعة .. والدكتورة مسكينة كانت تعبانة وانضغطنا آخر الترم .. بس عموماا تدي درجات

- الطاقة الحيوية .. د. صفاء ومحد يدي غيرها .. المادة عبييييطة وماتفهمي راسك من رجولك .. والأسئلة ماتجي من السلايدات ولا من اي مكان هههههههه وتدخلي الإختبار وتخرجي ..
وانتي منتي عارفة اي سويتي صح ولا خطأ .. وتتفاجئي بالدرجة الحلوة ..
الدكتورة تدي درجات بالهبل .. وترفع .. وكل شي ..
اهم شي تسليم الواجبات .. اهم شي في الحياة ترى ..


- كيمياء حيوية فيزيائية ..د. جيهان .. محد يدي غيرها .. المادة عادية .. والدكتورة صراحة راقية في التعامل .. وشرحهاا حلو .. وتساعد .. اسئلتها في السهل منها وفي المتوسط ..

- مصطلحات .. د. هالة .. المادة حلوة حلوة حلوة والدكتورة أحلى ..
صحيح انها تحب الإنضباط ودا من حقها .. بس المادة من جد حلوة .. خصوصا إنك تستفيدي منها
في حياتك وفي الواقع .. وفي المواد اللي بتاخديها بعدين ..




دي المواد اللي اخدتهاا ..
اتمنى من كل قلبي انو ساعدتكم .. واي وحدة محتاجة اي خدمة انا حاضرة ..
سؤال استفسار .. لاتترددوا ..

اتمنى انكم تدعولي بالتوفيق وربي يحققلي آمالي ..

[ليان العمودي]

الله يعطيك العافية

طيب تعرفي شي عن نهى موزان حتعطيني هذا الترم كيمياء 202

[Dr-Bro0r]

الطول عز

يعطيك العافية خيتووو :)

[M!Ss AmoOoLa]

الطوول عز جزاك الله خيرا

[سمآ]

بنات

اذا كان جدولي

ايض 1

انزيم

بيولوجيا الخلية

ثقافة 2



ينزل المعدل بسهولة ؟؟؟

و لا أخليه زي كدا كويييس ...


الله يسعدها اللي ترد عليـــــــــــــــــــــــــــــا

[lملاك الشوق]

المشاركة الأصلية كتبت بواسطة ليان العمودي الله يعطيك العافية طيب تعرفي شي عن نهى موزان حتعطيني هذا الترم كيمياء 202

[dalo90]

حابه اسألكم عن د/ صفاء كيف موادها اسلوبها شرحها تعاملها ...... الخ
لاني اخذت معاها كيمياء حيوي

وابغى اسال كمان
ايش الفرق بين الكيمياء الحيوي لطالبات القسم وغير طالبات القسم ؟

انا احياء يعني حيكون مخفف اللي عندنا ؟

[lola bs*]

صح عليكي ياالطول عز
بس اليووم ححكيكو اخدت انزايم مع استازه وديعه مادري صحيح موو مرره في الشرح بس حسيتهاا تتهضم حبتين يعني تمشي حالهااا ... بس اللي ابا اعرفووو كييف اختباراتهااا؟؟؟؟

[Aziza Yahya]

الطول عز : تسلميلنآ يآ عسسل والله يوفقك دنيآ وآخره يآرب

المشاركة الأصلية كتبت بواسطة ليان العمودي الله يعطيك العافية طيب تعرفي شي عن نهى موزان حتعطيني هذا الترم كيمياء 202

تقريبا هيه جديدة مو كدآ قآلت لنآ

بس علىى فكرة ترى كتير يقولو كيميآ 202 سسسهل مو معقد

اهم شي انتِ ذآكري اول بأول واسألي لو في شي مو فآهمآه و يآرب تآخذي+a

المشاركة الأصلية كتبت بواسطة سمآ بنات اذا كان جدولي ايض 1 انزيم بيولوجيا الخلية ثقافة 2 ينزل المعدل بسهولة ؟؟؟ و لا أخليه زي كدا كويييس ... الله يسعدها اللي ترد عليـــــــــــــــــــــــــــــا

الخلية مررره سسهل خآصة لو درستي احيآء 202 ..,

انزيم اهم شي فيه انك تتخيلي وتفهمي الدروس تمآآم لو فهمتي تحلي كووويس ..,

ايض 1 ..مع الفهم يحتآج حفظ اول بأول ورآجعي كل مسآر ايضي واربطيه باللي قبلو

اهم شي لا ترآكمي الدرووس وربي بجد حتتعبي مستحيل تقدري تحفظيهآ وهيه مترآآكمه

كل شوية رآجعي رآجعي رآجعي حيسير سسسهل و ان شآء الله تآخدي الـ +a

ثقآفة 2 ..مقدر افيدك يدوبك نزلت ثقآفة 1 دآ السمستر

المشاركة الأصلية كتبت بواسطة lola bs* صح عليكي ياالطول عز بس اليووم ححكيكو اخدت انزايم مع استازه وديعه مادري صحيح موو مرره في الشرح بس حسيتهاا تتهضم حبتين يعني تمشي حالهااا ... بس اللي ابا اعرفووو كييف اختباراتهااا؟؟؟؟

يآ ستي اختبآرآتهآ مثلا سؤآلين .. وآحد صح و خطأ ويكون 20 فقرة تقريبا ..
والتآني ممكن اختيآري ..

و فـ أول امتحآن جآبت لنآ مقآرنة ..

وكمآن سؤال 4 درجآت بونص مررره سسسهل

اهم شي ذآآكري اول بأول في بنآت كتير اخذو فل مآرك ف الدوريآت

و الفآينل كآن حلوو ووآضح

واي احد يقولك صعب ومعرف ايه

لا تسمعيلو لأنو هوه غير وانتِ غير

مذآكرتك واجتهآدك هيه اللي تحدد درجآتك ^_^


,’