ماذا حصل في مراجعة الجامعة؟ يرجى الدخول للمقبولين والمقبولات

[loly]

أختي كان اليوم موعدها من 11- 12 وانقبلت اداري تأهيلي
وموزونها 79.73

باركووووووووولي = لها :)

وللفايدة ترى كان في انتظام علمي في الكلية و كمان أداري انتظام في الكلية

[عموريAHLI]

مسآآآآء الخيرات

احم احم

اول شيئ دخلت مبنى 125 ودخلوني قاعة مدري كم رقمها المهم واعطاني الدكتور ظرف قاللي حط صورتك فيه

بعد كذا تلقى في نفس القاعة عند الباب تقريبا ملف ازرق تاخذه وترتب الاوراق على حسب مو مكتوب في شاشة

العرض

بعد كذا تروح قاعة ثانية وتمسك سرة ماياخد منك 5 دقائق وتسلم الملف الازرق لأحد الاساتذة

بعدين يرسلك لغرفة رقم 203 تلقى شاشة باللمس تكتب فيها رقم هويتك وتختار رغبتك وبمجرد ماتحط رقم الهوية

تطلع لك البطاقة الجامعية وسند مكتوب عليه رقم الطالب

بعد كذا يوجهوك اشخاص معينين الين ماتوصل لباص المدرسة سوري باص الجامعة وتاخذ جولة عالجامعة

تقريبا ثلث ساعة او اكثر وخلال الجولة يوزعو لك مطوية اختبار الانجلش ودليل الجامعة وغيره ...

هذا بالمختصر المفيد ماحل لي في جامعة الملك عبدالعزيز ..

[samya]

يعيني على الدلع انا كان موعدي من10الى11 ولطعونا الين ماطلعت روحي كل شوية من قاعة الى قاعة
ووصلت البيت تقريبا الساعة وحدة وشي المفروض اني اخلص 11

[غرور عذراء]

دحين فين موقع الكلية اللي في حي السلاامة ؟؟؟!!!!!!

[Alaa Al ghamdi]

هلوووووووو

ياجماعه انا كان موعدي يوم الاثنين12/8 الفترة من9الى10 مبنى29 طبعا وانقبلت الحمدالله في الجامعه اداري وانتظام

بس لمن رجعت البيت لاحظت انهم ماطلبو الكشف الطبي وماحطيتو مع اوراقي رجعتو معايا

بس قريت ردود هنا انو اخذو الكشف الطبي
كيف كدا

["شوشو الحلوة"]

لا عادي ما أخذوه مني قالوا مو مهم جيبه معاك اول يوم وهذا وجهي ان أخذوه اول يوم ولو ما جبناه معنا كان قالوا روحوا جيبوه وتعالوا

[Oxsgen]

هههههههههه

اصلا انا رجعت نص الاوراق اللي اخذتها معايا

الكشف الطبي و حسن سيرة وسلوك


والصور حقت الشهادة

,’,

[فروته]

انا كمان كان موعدي يوم 12 - 8 من 10 الى 11

بس بالضبط خلصنا الساعة 11 ما اخرونا

[Alaa Al ghamdi]

هههههههههه اصلا انا رجعت نص الاوراق اللي اخذتها معايا الكشف الطبي و حسن سيرة وسلوك والصور حقت الشهادة

لالالالا افا عليكي بس
دبست حسن السيرة والسلوك مع شهادة الاصل
كلو الا سيرتي وسلوكي لازم يدرون اني مؤدبة فديتني بس


طيب عندي سؤال

يقولون في بعض مواضيع المنتدى انو في اختبار انجليزي تحديد مستوى لانو الانجليزي 6مواد واذا عديناه

اعتقد يرفعو من الانجليزي لانو 3ساعات ورى بعض

انا عن نفسي ماحد قلي شي لمن رحت سجلت
بس بنات كثير اتكلمو عنو
وفيه وحده كانت حاضرة مع المرافقات تقول انو سولهم محاضرة عن الاختبار وقالو في ملازم بـ5ريال

الين دحين كلو تمام عادي نختبر مافي مشكلة

بس فين اسجل
كيف
ومتى؟؟

احس بربرت كثير
يلا سلام

[فوضوية]

مرووووومه

شكرا ياقلبو ماقصرتي .... انفتح معاي وشفت الجدول وخطتي خطه أ

بالتوفيق لك وماقصرتي وشكرا لكل اللي ساعدوني

حابه اسألكم ::

وش سالفه هذا الاختبار اللي بشهر شوال ؟؟؟؟ ماني فاهمه .... ويقولون انك تختبرين مادة الانغليزي كلها الترمين بذا اليوم وماتدرسينها بالسنه التحضيريه ؟؟؟؟؟ صح والا ؟؟؟؟؟

بليز اللي يعرف شي يقووول ؟؟؟؟

تح ـــــــــــــــــــياتي