الأسئلة والاستفسارات عن كلية طب الأسنان ..

[ABADI14]

سلام عليكم
حبيت استفسر عن مادة المصطلحات الطبيه بندرسها ولا الغوها
ويا ريت الي عنده الخطة الدراسيه لدفعة 10 يحطها الله لا يهينه

[shosho0o]

المشاركة الأصلية كتبت بواسطة ~ran~ عندي سؤال طول سنوات دراستنا هل راح نشرح حيوانات والا لا ؟؟ واذا ايوه ايش الي راح نشرحه ارنب والا فار والا ضفدع والا اسد <<

بالنسبه لسنه تانيه ما حنشرح أي حيوان أغلب معاملنا كانت شرائح و عليها العينات ماعدا العملي حق الاناتومي كنا بندرس على جسم إنسان ....

[shosho0o]

المشاركة الأصلية كتبت بواسطة abadi14 سلام عليكم حبيت استفسر عن مادة المصطلحات الطبيه بندرسها ولا الغوها ويا ريت الي عنده الخطة الدراسيه لدفعة 10 يحطها الله لا يهينه

و عليكم السلام
اللي أعرفه انو من سنتين تقريبا ألغوا تدريس دي الماده بس ترها سهله و جدا ممتعه و الدكاتره ما يقصروا و هم بيشرحوا بيبينوا معنى كل كلمه ،،،،،،،، و إذا قصدك عالجدول هو حيكون زي جدولنا حينزلوا إن شاء الله قبل الدراسه بكم أسبوع على موقع الجامعه كان نفسي أنزلوا لكم بس للأسف مني لقياه إن شاء الله احد من الاعضاء ينزلوا لكم ...

[ABADI14]

^^^
يعطيكي العافيه على الرد السريع ما شاء الله عليك shosho0o طيب انا خشيت على الخطه الدراسيه في موقع الجامعه http://dentistry.kau.edu.sa/Pages-%D...%8A%D8%A9.aspx ولقيت مادة اسمها اساسيات الطب رمزها FOND 101 في جدول متطلبات من خارج الكلية يمكن تكون هيا مصطلحات الطبيه ؟؟؟؟؟؟؟

[UNIQUE ....]

ولقيت مادة اسمها اساسيات الطب رمزها fond 101 في جدول متطلبات من خارج الكلية يمكن تكون هيا مصطلحات الطبيه ؟؟؟؟؟؟؟

بالنسبة للخطة هذي قديمة .. قبل نظام التحضيري
الآن النظام تغير ... بس للاسف ماغيروه على موقع الجامعة
على العموم هذي المادة كانت تدرس في السنة الاولى
وما أعرف إذا كانت نفسها مادة المصطلحات الطبية ... لكن ما أعتقد
على العموم أتمنى أني أكون أضفت لك شيء
وبالتوفيق

[مسيو ماديلاين]

بسم الله الرحمن الرحيم

السلام عليكم :)

أنا طالب بجامعة الملك سعود بالرياض وأبي أحول كلية طب الأسنان اللي عندكم بالملك عبد العزيز ..

أتمنى اذا تعرفو حاجة عن الاجراءات - المسؤول عن التحويل - هل التحويل من الكلية نفسها ولا العمادة - وياليت اذا تعرفو شي عن الاسكان الجامعي تفيدوني .. الله يوفقكم ^_^

ربي يخليكم ويسعدكم ..

[* رولا *]

المشاركة الأصلية كتبت بواسطة dr~nanoook شكرا ياعسل على الرابط .. دايما تساعديني ربي يسعدك ^^ يب مبنى 10 فيه كل شي حق الأسنان أما بعض مواد البشري ومعاملها حتاخدوها في مبانيهم .. وهم وقتها حيدلوكم أول يوم تعالوا على مبنى 10 .. ورووا الشؤون التعليمية وهم حيفيدوكم بكل شي

العفو، ويسعدك يا رب، ما سويت شيء
مشكورة على الإجابة :)

[amiwa]

وعليكم السلام والرحمة.. للاسف انا ماعندي خلفية، اخواننا واخواتنا هنا ان شاءالله ماراح يقصروا معاك بس شكلهم شوية بيزي دي اليومين

[mjoOodh]

بخصوص دورة المصطلحآت اللي يعملوها الدكآتره
غير اللي مشرفين عليها طلاب البشري
قريت بمنتدى البشري انهآ مَ اتلغت وحتكون بتآريخ 23/ 7 / 2011

هل هذي الدوره مثل اللي بيسوها طلاب البشري خآصه فيهم
والا تشملنآ احنا طلاب الاسنان ؟؟

[shosho0o]

المشاركة الأصلية كتبت بواسطة mjooodh بخصوص دورة المصطلحآت اللي يعملوها الدكآتره غير اللي مشرفين عليها طلاب البشري قريت بمنتدى البشري انهآ مَ اتلغت وحتكون بتآريخ 23/ 7 / 2011 هل هذي الدوره مثل اللي بيسوها طلاب البشري خآصه فيهم والا تشملنآ احنا طلاب الاسنان ؟؟

انا ما اعرف إذا اتلغت ولا لأ ،،،،،،،،،الدوره اللي بتعملها الجامعه تكون شامله جميع التخصصات الطبيه و حتى الدوره اللي بيعملوها طلاب و طالبات البشري بتكون شامله جميع التخصصات بس الفائده الاكبر تكون للبشري أنا العام حضرت كل الدورتين و الحمدالله استفدت منهم ...