تجمع للمتقدمات على وظيفة معيدة برابغ مين اتصلوا عليها

[blessed]

بنات فيه احد فهم عن الامتحان واللي بيذاكروا بيذاكروا ايه بالضبط ؛واللي ما وصلتهم رسايل راح يروحوا اولا . والله مررررررررررره شايله هم حتى العيد ما استمتعت فيه زي العالم والناس .طمنوني كله رزق والله عارفه لكن الهم والخبطه جننتني. الله ييسر للجميع الخير ياررررررررررررررررررررررررررررررررررررررررررررررب

[canada]

انا عن نفسي ماحروح رغم ان وصلني مسج لكن اتضح ان ارسال المسجات كان بشكل عشوائي لاني صحباتي ثنتين بنفس وضعي بالضبط وما وصلهم شي في نفس الوقت وحده من صديقاتي بس حطت السي في عندهم لاترشحت ولاسوت مقابله وارسلولها المسج
بعدين المترشحات اللي معهم شهادة اللغه وامروهم تمام خلاص بس ينتظروا قرار التعيين ان شاء الله
والاعلان يقول ان الامتحان ذا لما قبل المفاضله واحنا خلاص ترشحنا ترشيح نهائي
والدليل اني كلمتهم الربوع اللي قبل العيد وقالو قرار تعيينك نزل بس انتظري اتصال

[قلب شجاع]

الله يسهل الامور يارب
على قولتك يا كندا احنا الآن ننتظر صدور الرقم الوظيفي ولا حتى قرارات تعيينا صادرة
وانا عني ما جاني اتصال

[canada]

المشاركة الأصلية كتبت بواسطة قلب شجاع الله يسهل الامور يارب على قولتك يا كندا احنا الآن ننتظر صدور الرقم الوظيفي ولا حتى قرارات تعيينا صادرة وانا عني ما جاني اتصال

تطمني ماتصلو على احد انا كلمتهم صدفه اخر ربوع اللي قبل اجازة العيد وقالوا توها صدرت وثاني اسبوع بعد العيد حيكلمونا
اسال الله لي ولكم التوفيق

[canada]

بالنسبه للاخت رعشة دفى اللي راسلتني ع الخاص
ياليت يوصلها كلامي وتشوف ذا الرد لاني مااقدر ارسل لها خاص بسبب عدد مشاركاتي قليل
ابي اوضح لها اني مبتعثه على من قبل ابتعاث خادم الحرمين
وراح انهي البعثه قريب
وبالنسبه للاجراءات حتكون من بوابة الطلبه المبتعثين
وتطمني اختي انا سالت بمبتعث عن موضوع ترجيع الفلوس قالوا لي مفي شي من ذا الكلام

[قلب شجاع]

الله يطمنك حبيبتي

[blessed]

جزاكم الله الف خير على الرد، لو سمحوا يا اخوات (كندا وقلب شجاع )انتم مقدمين على رابغ والا جده . ومتى كان ترشيحكم بعد المقابله الشخصيه والا بعدها او بالاحرى هل عملوا لكم مقابله شخصيه.

[قلب شجاع]

انا بالنسبة لي مقدمة على رابغ وعملت المقابلة في اول شعبان وجاني الترشيح في آخر شعبان يعني الترشيح بعد المقابلة واستكمال الاوراق واتوقع كندا مقدمة على جدة واخليها هي تحكي لك اللي صار معاها
واي سؤال انا في الخدمة بس دعواتك ربي ييسر باقي الامور

[canada]

المشاركة الأصلية كتبت بواسطة قلب شجاع انا بالنسبة لي مقدمة على رابغ وعملت المقابلة في اول شعبان وجاني الترشيح في آخر شعبان يعني الترشيح بعد المقابلة واستكمال الاوراق واتوقع كندا مقدمة على جدة واخليها هي تحكي لك اللي صار معاها واي سؤال انا في الخدمة بس دعواتك ربي ييسر باقي الامور

ثينكس قلب شجاع بخليك المتحدثه الرسميه باسمي ههههه
زي ماقالت اختي انا مقدمه ع جده و المقابله عملتها قبل عشره شهور تقريبا
بعد ماغسلت يدي منهم ورحت البعثه جاني الترشيح برمضان
الحمدلله معوضه بخير ان شاءالله

[قلب شجاع]

كندا انا زيك قدمت وانا في البعثة بس خلصت في الصيف وجيت للسعودية وعملت المقابلة ورجعت لامريكا في رمضان عشان زوجي يكمل السمستر هذا وانا ان شاء الله اكمل الدكتوراة واعطيت الجامعة خبر بهالموضوع
وعلى طاري المتحدثة الرسمية لا ما اقدر مانستغني لازم تكوني موجودة وتشرفينا بمشاركاتك ( أعتذر عن المنصب)
ههههههههههههههه