الأسئلة والاستفسارات عن كلية طب الأسنان ..

[M!Šs JỏJỏ]

جزاك الله كل خير ما قصرتي
ربي يسعدك وينور دربك وتكوني احسن دكتورة اسنان في الدنيا
مرة مرة شكرااااا :)

[~RAN~]

عندي استفسار

بما انه اغلب موادنا سنه ثانيه مواد بشريه
رحت شفت الكتب الي عندي في البيت
وطلعت كم كتاب وحابه اسأل اذا راح تفيدني او لا

وهذي صورها مع اسمائها ورقم الطبعه


biochemistry
الطبعه الثانيه




clinical anatomy
الطبعه السابعه



color textbook of histology
الطبعه الثانيه




atlas of histology



pharmacology


ولسه في كتب كثير بس ماتوقع انها تفيدنا في طب الاسنان
~

[Kaira]

بالنسبة للكتب في سنة تاني مررررررررة مااحتجنا للكتب
يعني زي أول كتاب دا بايو كميستري
وكنا ندرس من أوراق وشيتات الملاحظات إلي كنا نكتبها مع الدكاترة ..
الكتاب يشرحلك بالتفصيل وبوضوح أكتر لو ما فهمتي نقطة معينة في الدرس
بس الشيتات كانت كااااافية وشاااااملة ويااااادوب تكفي نزاكرها من كترة الكلام إلي فيها ^^"
حتى الصور موجودة تكون في الشيتات لأنو الدكاترة يآخدو الصور من الكتاب دا نفسو ويشرحو عليها
يعني pathway معين وزي كدا ..
أنا عن نفسي ما احتجت للكتاب الحمدلله ..

بالنسبة للـ Anatomy برضو كنا ندرس من شيتات وأوراق وكنا نرجع للكتاب بس للصور ..
في أطلس اسمو Grays Anatomy >> أتوقع كدا السبيلنغ صح ^^" مررررررررة كويس دا الكتاب للصور
ودكتورات كتيييير نصحونا بيلو
كمان في كتاب تاني مررررررررة كويس اسموNetter's غلافو رمادي وكتيييييير بنات أشتروه عشان الصور خاااصة في الترم التاني مع جزء الــ Head & Neck وكمان جزء الــ Neuroanatomy
لكن كمعلومات وكدراسة ندرس من الشيتات حقت الدكاترة بس ^^
وطبعا أسئلة الكومون حقت السنوات السابقة جدا مهمة ولا تخافو راح نساعدكم من دي الناحية ^_~ ..

برضو نفس الكلام للــ Hitology & Embryology نكتفي من الشيتات والأوراق والملاحظات إلي نكتبها ..

ومافي أطلس للـ هيستولوجي ^^..
بس كان في كتاب رسم راح يقولوكم عليه الدكاترة أول ما يدخلولكم تشتروه عشان ترسمو معاها كل كلاس ..

الــ Pharmcology دا مو في سنة تاني
راح تآخدوه انشاالله في سنة تالت ^^..

وأي سؤال تاني أو استفسار أنا حاضرة ^^

[~RAN~]

^
جزاك الله خير ياعسل ^^
وان شاء الله ربي يوفقك ونشووفك افضل دكتوره يارب ~

[Dr~NanoOok]

ران ماشالله كايرا ابدا ما قصرت وجاوبتك على كل شي ^_^
يعطيكِ الف عافية ياعسل


ران بالنسبة لكتب البشري اللي ممكن نستفيد منها هي اطالس الاناتومي زي ما ذكرت كايرا
وممكن كتاب سنيل للاناتومي كمان يفيدك

اما البيوكيمستري انا عندي ولا استفدت منه

حتى الفارما ماله داعي

ممكن لو لقيتي كتاب الباثولوجي.. اسمه ناسيته بس اعتقد
Robbins human pathology
يعني اطلعوا عليه شويه والصور حقته.. بس برضو مو مره مهم

تلاقيه في كتب سنة ثانية بشري

..

ونصيحة مهما حاولوا الدكاترة يقنعوكم تشتروا كتب لمواد البشري ما حتفيد صدقوني !
الشيتات كافية مع النوتز

وفروا فلوسها لكتب الاسنان

عندكم كتاب اوبريتيف سعره قريب 500 ريال

وبرابع عندكم كتاب للفيكسد قريب 600 ريال

غير الكتب التانية .. واقل كتاب لاسنان لقيته بـ 300 ريال !

[~RAN~]

المشاركة الأصلية كتبت بواسطة dr~nanoook ران ماشالله كايرا ابدا ما قصرت وجاوبتك على كل شي ^_^ يعطيكِ الف عافية ياعسل ران بالنسبة لكتب البشري اللي ممكن نستفيد منها هي اطالس الاناتومي زي ما ذكرت كايرا وممكن كتاب سنيل للاناتومي كمان يفيدك اما البيوكيمستري انا عندي ولا استفدت منه حتى الفارما ماله داعي ممكن لو لقيتي كتاب الباثولوجي.. اسمه ناسيته بس اعتقد robbins human pathology يعني اطلعوا عليه شويه والصور حقته.. بس برضو مو مره مهم تلاقيه في كتب سنة ثانية بشري .. ونصيحة مهما حاولوا الدكاترة يقنعوكم تشتروا كتب لمواد البشري ما حتفيد صدقوني ! الشيتات كافية مع النوتز وفروا فلوسها لكتب الاسنان عندكم كتاب اوبريتيف سعره قريب 500 ريال وبرابع عندكم كتاب للفيكسد قريب 600 ريال غير الكتب التانية .. واقل كتاب لاسنان لقيته بـ 300 ريال !

جزاك الله خير ع الرد
والحمدلله مادام الشيتات والنوتز كفايه لانه احجام الكتب واشكالها وااو ماشاءالله
بس الصراحه احب اتفرج على الصور وهيك احسها ممتعه مرره

ربي يوفقك ياعسل ^^

[* رولا *]

مرة شكرًا د. نانوك :)
يا رب تجينا ونقابلك ^^

[مَـزٍآج ..}..]

المنتدى اعملوهـ بدإأيه السنـه لانه برضو يحتآج له ترتيبآت . .

يسهل التواصل بين الشبآب والبنات . . مره لا تسوا قروب في الفيس بوك وتعتمدوا عليهـ

مآ إأحسسه عملي ابداً . . المنتدى يستممر لمآ التخرج إن شآء الله . .

بعدين لا تسوا منتدى مجآني لانه بآآد . .

قطه صغنونـه كدآ

واحجزوا مسآحه وشركه استضافه يعني يبغالها شغله بسيطه كدآ . . وانتهى موضوع المنتدى

او ريحوا نفسكم وارتآحوا وسووا زينـآ . . شوفوا منتدى جييد واحجزوا من صاحبوو

مساحه وما تفتح الا ببآس وورد لكم وبس وبسعر معين في السنه (اظن ب 500 كل السنه ) . .

يعني يطلع ع الواحد فيكم مبلغ مره مره بسيط يمكن عشره ريال واقل كمان

وخلاااص اسهل طريقه دي

وممكن ليدركم يكلم الليدر حقنآ ويصير في المنتدى حقناا لانه فيه دفعه بشرري كمان

[amiwa]

اول مرة اعرف اننا نشتري منتدى O.o شكرا د.مزاج معلومة جديدة D:
ود.كايرا و د.نانوك ماشاءالله عليكم كفيتو ووفيتو.. يعطيكم العافية ؛)
بس... دقيقة الشيتات هادي ملازم؟ زي حقت المدرسة؟ والدكاترة يسووها صح؟ يعني ما بيخرجو عنها ونلاقي سؤال سبحان الله من الكتاب؟

[Kaira]

الشيتات هية نفسها المحاضرات حقت الدكاترة إلي تتعرض عالباوربوينت ..
سواء تحبو تدرسوها على طريقة باور بوينت أو تطبعوها في أوراق وتزاكرو منها ^^
ولا تخافو ما يخرج منها أبدا