«乂آلملكي 乂رآآبطة جـمـ،ـهــ،ــور آآلـشـــThe Sunـــمـــس آلعآآلمــي بسكآآو 乂آلملكي 乂»

[Mshal Bin Fahad]

بعد التحيه لكبار الشخصيات رؤسائنا الأفاضل
المميز / ناصر وحبيب قلبي العالمي / ياسر
لبى قلوبكم والله ريلاكس حبايب قلبي كلكم عداكم العيب
الأخ ناصر بيض الله وجهكـ على هالمجهودات البطله وتواصلكـ البطل
اتمنى انكـ تعذر اخوي ياسر لانو بجد الولد معذور بهالأسلوب وربي انفقعت مرارته
وهو يمثل الرابطه والنصراويين بالقسم وانت الكل بالكل هنا وكلامكـ عالعين والراس وتآمر آمر
انفجر عليكـ وطلع لكـ اللي بخاطرهـ من زماان بسبب أستقعاد المراقب المذكور وتصيدهـ لنا
بأتفه الأمور والتجاوز عن اخصامنا حتى لو تعدو تجاوزاتنا والأمثله كثير وسبق ووضحت هالشي
لحبيبنا المميز / بوليمر .. تهكير لرابطتنا وإغلاق لمواضيعنا وحذف لمشاركاتنا والكثر الكثير
من استفزازنا وقهرنا بقوة الصلاحيات ولو الله وحبنا للزملاء بهالمنتدى و" فايدتنا الكبيره "
من باقي الأقسام العلميه وثقتنا بكم ما همتنا يوزراتنا وما جلسنا دقيقه بهالقسم يابعدي ياناصر
وانا عن نفسي كل شي قلته لأخوي / بوليمر قبل فترهـ وقدر الأمور وقدم لي
أعتذار نيابه عن المذكور وقسم بالله مو مجامله تشرفت كثير بهالأعتذار من شخصيه بهالمستوى
بمنتدانا الغالي علينا ومن بعدها كأني عضو جديد النفسيه عسل صدق " جبر بخاطري وقتها " :)
بعد ما كنت افكر أشتري المنتدى بكبرهـ إذا بتبيع واطرد اللي قاهريني والمراقبين هههههههههههههه
لكـ كل الحق ياناصر أنو ما احد من الاعضاء يجرح كبريائكـ او يتعدى على هيبتكـ كمؤسس للمنتدى
والمسؤول الأول والأخير عن كل ما يحصل بهالمنتدى سواء بالتهديد او الإساءهـ لكـ لا قدر الله
يمكن ياسر ضايقكـ شويات بس ما نستغني و " نطمع " بسعة صدركـ ياريس :)
لذا .. آمل من سموكم الكريم أخوي ناصر الأمر على من يلزم بإنهاء هذا الموضوع وحذف جميع ماتم من نقاش
وصلت فكرته بهذا الشأن والبدء بفتح صفحه جديدهـ بين الجميع مع لفت نظر للمراقب المذكور
بالإجتهاد وإعطاء كل ذي حقاً حقه إبراءاً لذمتكم كمؤسس للمنتدى الغالي على قلوبنا
وحبذا انو تتم معاقبتنا على تجاوزاتنا لا قدر الله بالمستقبل عن طريق سموكم شخصياً اخوي ناصر
بالرفع لكم بمى هو حاصل للنظر بالموضوع بشكل كامل وعين العدل والأمر بمى يمليه ضميركم
وفكنا لبى قلبكـ من الأهلاوي الهلالي يارجال لو نضحك على واحد صديقه قفل الموضوع بكبره هههه
وآمل بعد .. من سمو رئيس رابطة جمهور الشمس المميز ياسر أنه يعقل ويشيل الفكرهـ
وربي الرابطه ولا تسوى بدونكـ شسوي انا بدونكـ ياشيخ روقنا ومالكـ إلا طيبة الخاطر وسعة الصدر
والحق وما يلحق بعد حبيب قلبي يكفي انو عرفنا الراس الكبير " ناصر " نصراوي عالمي صميم
يعني بإختصار " أمووووورنا طيبه " هههههههههههههههههههه
بالتوفيق ياربي للجميع وربي يخليكم لعين ترجيكم إن شاء الله
والله يحفظكـ اخوي ناصر ويخليكـ " ذخر " للجميع بإذن الله

[Naser]

الله يعطيكم العافية يا شباب
الموضوع كان زعل من الأخ ياسر , وجاوبت عليه بالردود 662 \ 664
وعلى الرغم من وجود صيغة التهديد إلا اني احسنت النية , وقلت يمر بضغوط اختبارات

ورجع وكتب الرد الأخير له , وانا صادق امام الله , ثم أمامكم
أي عضو يهدد بالتهكير والتخريب مصيره الطرد من الموقع
( وأنا على ثقة تامه بقوة الحماية لدينا لأننا نحتمي بالله عز وجل ثم أخذنا بالأسباب )


اخوي مشعل قلت :

يجرح كبريائكـ او يتعدى على هيبتكـ كمؤسس للمنتدى

لو كنت أدير الموقع بـ كبريائي و هيبتي , لم يستمر الموقع سنة واحدة
أنا والأخوان في الإدارة ندير الموقع حسب النظام , مانخلط العواطف والكرامة و الهيبة أبداً في الإدارة
عشان ننصف الجميع




تقبلوا تحيتي
و صلى الله على محمد وعلى آله وصحبه وسلم

[Life as Game]

المشاركة الأصلية كتبت بواسطة naser ( وأنا على ثقة تامه بقوة الحماية لدينا لأننا نحتمي بالله عز وجل ثم أخذنا بالأسباب ) أنا والأخوان في الإدارة ندير الموقع حسب النظام , مانخلط العواطف والكرامة و الهيبة أبداً في الإدارة عشان ننصف الجميع

كفيت ووفيت يا اخ ناصر ..وانجازاتك تشهد لك
واحنا واثقين في حماية المنتدى بعد الله سبحانه
لكن كل المرجو انها ما توصل لكدا
لان السالفة ما تستاهل ان احد يوصلها للتعرض للسيرفر
وكمان ما تستاهل ان المراقب يتحيز عيني عينك ..فين الروح الرياضية؟؟

اولا انا ما ازكيك على الله بس عارف انك ما حتقفل موضوع احد او تحدفو او تتحيز عشان كورة,,

وكمان ما ابرئ المراقبين لانو من جد صارت معايا مواقف لين طفشت ..,
البلبلة دي ..
سببها اولا واخيرا عنصرية المراقبة ..وانا ما اتهم احد معين
لكن في النهاية اللي ما ادى الامانة اللي عليه حيكون مسؤول امام الله عن المشكلة اللي حصلت بينك وبين الاخ ياسر .,
واتمنى من اللي كان جذر من جذور المشكلة انو يتعلم ..ولا يكررها عشان ما توصل لكدا واكتر ,,

جزيت خيرا اخ ناصر ,,ووفقك لما يحب ويرضى

[Mshal Bin Fahad]

المشاركة الأصلية كتبت بواسطة naser اخوي مشعل قلت : لو كنت أدير الموقع بـ كبريائي و هيبتي , لم يستمر الموقع سنة واحدة أنا والأخوان في الإدارة ندير الموقع حسب النظام , مانخلط العواطف والكرامة و الهيبة أبداً في الإدارة عشان ننصف الجميع تقبلوا تحيتي و صلى الله على محمد وعلى آله وصحبه وسلم

مافيه شكـ ياريس كلامكـ على متمه
حسب النظام وبإحترافيه خصوصاً المسؤولين الكبار
ولاحظة بنفسي مخافتكم لله سبحانه وتعالى في الكثير مما يطرح
خصوصااً سالفة المقاطع اللي فيها موسيقى واختلاط البنات بالشباب في بعض الاقسام
ربي يجزاكـ عن الجميع كل خير ويعطيكـ على قد نيتكـ طال عمركـ
وشاكر لكـ هالتواضع البطل منكـ والتواصل المميز اللي شرفتنا فيه اليوم في " محلكـ "
وبإذن الله يتم الإلتزام بقوانين المنتدى ومالكـ إلا طيبة الخاطر ياريس
ومابه لا تهديد ولا تهكير ولا شي من هالقبيل يابعدي بس تعرف الواحد
اذا تضايق ولحظة غضب يخونه التعبير وما يوفق بالسيطرهـ على أسلوبه أوقات
وكلامكـ وتوجيهاتكـ كلها وصلت تآمر آمر ودوووم محشوم ياشنب
انت تدخلت هاليومين بالقسم ونظفته احلى تنظيف عالكل والكل بلع العافيه
لكن لاحظ صاحبنا لما يتدخل يجامل هالفريق ويفزع مع هالفريق ويدلع هالعضو
واحنا جميع مشاركاتنا حذف " قهر الرجال " ياريس الرسول اللهم صلي وسلم عليه حذر منه
واعتقد انت بعينكـ شفت " تراخيه " أمس في رابطة الهلال المحلي
وكيف قاعد يدير الأمور بمزاجيه وانواع الإساءات اللي الكل شافها
وبالاخير : احنا العالميين ومعنا الموندياليين اللي ناكلها إنذارات وتوقيفات وعقوبات
وزعلات من الإدارهـ شرواكـ بسببه هو وشكاويه ضدنا :(
مبسوط بسالفة " اتسعت الدائرهـ " " ضاقت الدائرهـ " ومطاردات ورى مشاركاتنا خص نص
بدون ما يشوف مشاركات المنافسين وقد ايش يسيئون لنا ويجبرونا عالإساءهـ
نبي مراقب فله .. لما يشوفني متجاوز يجيني يقولي حبيبي مشعل انت غلطة بكيذا
عدل ولا هو نفسه يعدل حسب النظام فقط وخلاص مو يقلبها شخصنه وأوقات يقولكـ انت " ... "
ويقعد يقييم الأعضاء ويسوي الديكـ علينا وهو أمس عضو مثلنا وطرف رئيسي في جميع المناوشات

آسف عالإطاله بس عاد اعذرنا فرصتنا نقولكـ مشاكلنا يابعدي دامكـ تورطت وطليت علينا
طمعاً بشوية آوامر رئاسيه تضبط الأمور بالقسم أكثر
موفقين بإذن الله سبحانه وتعالى
وصلى الله وباركـ
،،،،،،،
:)

[Naser]

الله يسلمك يا ابو فهد

و بإذن الله ماراح يصير إلا اللي يطيب خاطر الجميع بلا إستثناء
و اذا فيه اخطاء سابقة إعذرونا

والقادم أجمل بإذن الله

[Mshal Bin Fahad]

المشاركة الأصلية كتبت بواسطة naser الله يسلمك يا ابو فهد و بإذن الله ماراح يصير إلا اللي يطيب خاطر الجميع بلا إستثناء و اذا فيه اخطاء سابقة إعذرونا والقادم أجمل بإذن الله

ويسعد لي أيامكـ يالغلا
قسم بالله ما تدري وش كثر مبسوطين بتشريفكـ لنا اليوم
صحيح الامور كانت ساخنه بس وربي كثير تشرفنا بهالتواصل وهاللفته المميزهـ من سموكـ
وانا أشهد من متابعتي لكـ أنكـ كفو تقول وتطول وبتطيب خواطر الجميع بإذن الله
ومعذورين بالعكس ما شفنا منكـ إلا كل خير ورايتكـ بيضا الله يجزاكـ بالخير
وبجد كلنا ثقه بالله ثم فيكم بإنو القادم اجمل وفالكم التوفيق ياربي وللجميع بإذن الله
والله يحفظكم ويرعاكـم .،،،

[أمير القلوب]

يسعدلي قلبكـ أخوي وحبيب الكل ناصر ..
طلة متواضعة منكـ أخي .. كما عودتنا .. تخللها أخذ وعطاء
مع أحلى الأعضاء
حبيب قلبي ياسر .. وقائد الكتيبة الصفراء .. وأنا اخوكـ ناصر ماقصر والكل طلع اللي بخاطره .. والبساط كان أحمدي
فياريت صفحة جديدة لعيون مشعل ضيدان ... الخ وكل نصراوي يمر من هووون أو من الجيران في الروابط الغالية
وكنت أتمنى حضور حبيبي عمووري .. وفتح صفحة جديدة مع المراقب مافيه أحد كامل .. ويد بيد مع الروابط للسعي بالمنتدى إلى مصاف التميز بعيدة كل البعد عن التعصب والتحيز ..

أخوي ياسر خذلكـ هـ اليومين راحة والمنتدى والرابطة مرحبين فيكـ يالغلى ..
ناصر من كل قلبي أشكر لكـ هذهـ الإطلالة ..
مشعل حوار راقي لاتحرمنا هـ القيادة في حواركـ وحضوركـ دوما متمير ..
منورين الجيران الأعزاء ..

[خالد9921]

صلوا عالنبي يا جماعه وما صار شي
وان شاءالله الكل هنا اخوان بدون لا نصر ولا إتحاد ولا غيره (:
اذا كان فيه تقصير من أحد فالافضل يعترف فيه ويبدأ صفحه نظيفه مع الكُل
وان ما كان فيه اي تقصير او تعمّد فالخطأ وارد ولزوم نعذر بعض ..

ويعز عليا اشوف داتا بيز من 7 سنوات وزيادة تتدمر

ههههههههههه منتدى في 2011 وعدد اعضاءه حول 200 الف ماشاءالله
وما عنده باك أب ؟ موووستحيل !
يعني حتى اللي يفكر يهكر يستريح اكثر شي (:
لانو مهما بلغت قوه تهكيره على حماية المنتدى ما راح ياخذ الا الهوم بيج كم ساعه !
يطير فيها شويتين ويرجع المنتدى وكأن شي لم يكن
البيانات وحتى ذهاب العضويات ... يصير المنتدى مرره ابو صفر ولا داتا
كنت تروح زمان ايام منتديات 2004 وقبلوو قبل حركات الباك اب (:
اما حاليا اصلا ما على المنتدى خوف
متأكد بشكل كبير إنو البيانات محفوظه ويمكن بشكل دوري كل يومين تخزين !!
بس ان شاءالله اصلا ماحد يفكر بهذا الشي ولا الامور مستاهله على رياضه
قبل ما تهكر منتدى زي كذا تذكر الووف الطلاب اللي يستفيدو منو في منتديات كلياتهم والتحضيريه :/
ما تهون دعوتهم عليك لو عطلتهم واشغلت الهوم بيج اذا كنت شطور مره :/
والله يهدي الجميع ويصفي النوايا (:
ولا يكثر بس ما لقوها الا اللاعبين توقيع عقود و ملايين وحنّا مقابع هنا !

بالنسبه للنصر اقول له هارد لك < بدرررري
الدفاع محتاج ترميم والله عبدالغني والدوخي معليش إعتزال ..
اصلا النصر يعاني من اول الدوري من اجانب اي كلام وكانوا عبأ عالفريق
وربي كان توفير حق عقودهم افضل بكثير من التعاقد معهم
لان اخرتها ما شال الفريق الا المحليين وبدران .. !
وما ألوم المدرب كذا حتى لو فاااشل
لانو وجد فريق فيه مناطق ضعف وخلل
الدفاع بصراحه حتى مع هوساوي ما يطمّن ..
لكن بالمقابل ذوب اهان فريق قوي بالسنه الاخيره
وشفنا كيف طلّع الجار رايح جاي شامل وجبة العشا ..
عشمنا بالجاي ان شاءالله واول العلل الاجانب اذا ضبطوا راح تضبط امور كثيره
مشكلة النصر انه فاقد العنصر الاجنبي المميز من ايام سيزار وتورينيو ..
وهو فاقدها من قبلهم بسنوات ولكن هالاثنين عملوا نقله نوعاً ما للي يذكرهم


بالتوفيق للجميع
وأولّهم ناصر وتاليهم ياسر ,, وكل الغوالي القايمين على رابطة العالمي

[Mshal Bin Fahad]

السلام عليكم ورحمة الله وبركاته
بعد التحيه والإحترام للجميع

مداخلت صاحب السمو الملكي الأمير
فيصل بن تركي بن ناصر بن عبدالعزيــــــز
رئيس نادي النصر السعــودي العالمي
في برنامج " في المرمى " مع/ بتــال القــــــــوس 28/ 6 / 1432هـ
وجاء فيها :-
" عمل سموهـ بعض الفحوصات وأحتياجه للراحه والعمل على إنقاص الوزن وهذا ما تم بالفعل "
" العــــــــــــــــودهـ قريبــــــاً "
" وجود إجتماع لأعضاء الشرف نهاية الموســــــم "
" مكالمته مع أبن الملكـ عضو شرف النصر صاحب السمو الملكي الأمير محمد بن عبدالله بن عبدالعزيز"
" ثقته برجال إدارته وأنه سيصحح الأخطاء وإعتذارهـ للجماهير "
والكثير الكثير .......... الخ

[Mshal Bin Fahad]

عميــد الكتاب . محمد الدويـش

(ارسال) يُرسل النصراويين الى (اللاوعي)...!!

أسوأ ما تفعله قناة تلفزيونيه أن تُناصر شخصا ضد جمهور وهو ما قامت به القناة الرياضية السعودية ومن خلال برنامجها شبه اليومي (ارسال)، ولو اكتفى البرنامج برأي الضيف رغم أنه لم يقل رأيه وحسب وانما اسقط على كل من يخالفه الرأي لاعتبرنا ذلك عملا مهنيا ولكن مقدمي البرنامج تبنيا رأيه سواء في مدير الكرة النصراوية (سلمان القريني) او في من يخالفه الرأي اي من ينتقد المدير وهذا اقل ما يقال عنه انه تجاوز مهني واخلاقي لا يليق ببرنامج كنت اول من اشاد بنجاحه (اعدادا وتقديما) كبداية وارجو الا تتحول الى مجرد بداية قوية لبرنامج جديد ليس الا.

لقد سقط برنامج إرسال حين ارسل جمهور النصر الى اللاوعي فأشاد بقرار سلمان القريني عدم اشراك (حسين عبد الغني) في مباراة الاتحاد وطبَّل له وسَّفه رأي كل من انتقد القريني بل وكما قال المذيع: كل من طالب بابعاده.. وتناسى الضيف والمذيعان ان سلمان القريني هو نفسه من حرم النصر في المباراة نفسها من فيغاروا وخالد الزيلعي وقد اتضح وقياسا برادوي أن قراره بعدم مشاركتهما غير صحيح.

هكذا ضحك الضيف والمذيعان على جمهور النصر واستغفلوهم واذا كان للضيف عذره بصفته احد المقربين من النادي ومن القريني فان اللوم يقع على البرنامج الذي كان يُفترض بمثل ما اشاد بعدم اشراك عبد الغني ان ينتقد عدم مشاركة فيغاروا والزيلعي وتأثيرهما اكبر من عبد الغني بل ان عدم وجود عبد الغني في المباراة كان يُفترض ان يكون قرارا فنيا وليس اداريا لأنه يفقد اعصابه امام الاتحاد ويتسبب بخسارة فريقه كما حدث في مباراة الخمسة.

ان استغفال الجمهور والضحك على وعيهم وتسفيه ارائهم ونسف مطالبتهم تصرف لا يليق ابدا بالقناة الرياضية السعودية واظن ان استقالة مدير الكرة النصراوية بات مطلبا جماهيريا لا سيما بعد حكاية الزيلعي وفيغاروا رغم انف الاعلام الهلالي وعلى رأسه ارسال.

الا الولاء
لا يهدم قول كيانا مثل الطعن والتشكيك بالولاء وقد عاصرت النصر سنوات وعايشت خلافات واختلافات بين الرئيس واللاعبين ورغم ان بعضهم كان على علاقه معروفة ومكشوفة مع بعض اعضاء الشرف الا انني أبدا لم اسمع الامير الراحل عبد الرحمن بن سعود يقول عن اللاعب الذي اختلف معه: انه يلعب لعضو الشرف وليس للنادي.. او ان عضو الشرف يحرضه على النادي.

اختلف الرئيس مع ماجد عبد الله وكان على علاقة مميزة بعضو شرف كبير في مكانته وثروته واختلف مع فهد الهريفي وكان على علاقه مميزه مع احد اعضاء الشرف. واقسى ما قاله عن ماجد في عز الخلاف أنه يلعب بجماهيريته.. واقسى ما قاله عن الهريفي: ان عضو شرف هلالي اغراه بالاعلانات لترك النصر، ان طعن الولاء والتشكيك به في نادي النصر من اختراع الادارة السابقه حين قسَّمت النصراويين الى مع او ضد فمن ليس معها فهو ضدها وهو مع عضو الشرف الذي هو ضدها.

قالوا ذلك عن سعد الحارثي مع الاستاذ حسام الصالح.. وقالوا عن صحفيين ولاعبين ووكلاء لاعبين انهم مع الامير ممدوح بن عبد الرحمن، وليس سرا ان أقول: ان اقوى اسباب وقوفي ضد تلك الادارة هو هذا النهج التدميري الذي اقصى لاعبين واعضاء شرف وصحفيين وكبار مشجعين وهو النهج الذي اطلقت عليه وصف (السوسة) ولا زال المنتدى الرسمي لنادي النصر يمارس هذا النهج حتى اليوم.

ان على ادارة النصر برئاسة الامير فيصل بن تركي ونائبه عامر السلهام أن تفتح صفحه جديده عنوانها: (النصر لكل النصراويين) وقد أسعدني ما سمعته من (ابو تركي) مؤخرا عن لقائه مع الامير محمد بن عبد الله بن عبد العزيز فالنصر اليوم احوج ما يكون لكل محبيه من داعمين ومفكرين فقد ولى عصر (مع او ضد) الى غير رجعه او يفترض ان يكون ولى وحتى لو حدث اختلاف او خلاف وهو وارد حتى بين الاخوة فلا طعن ولا تشكيك وانما حوار حضاري ورأي جماعي.


السبت 3\7\1432هــ