تجمع للمتقدمات على وظيفة معيدة برابغ مين اتصلوا عليها

[العتيبيه]

حبيت اسألكsnowystorm
الساعه كم اتصلو عليك

وكم الرقم لاني ما أرد على ارقام مجهوله

وكمان بعد ويش قالولك

الله انه يسر أمرك وأمري وأمر جميع المسلمين

[saronh]

المشاركة الأصلية كتبت بواسطة snowystorm معليش يابنات والله ماادري عن أسئلتكم من زمان مادخلت ع المنتدى ..لا ما أتصلوا عليا ياجماعة إلا اليوم ..يعني لما بلغتكم عن الباص كانت الفكرة مجرد إشاعات وصلتني انا وزميلاتي فقلنا نشوف باص لكن الكريم أكرمنا اليوم واتصلوا علينا وبلغونا وطلبوا منا إستكمال الإجراءات والعقبى لكم يارب

ما شاء الله
اللة يبارك لك في الوظيفة و يكتب لك الخير
من اللي اتصل عليك جدة او رابغ
لان عرفت انه كان فيه تصفية
كل 3 مرشحات ياخذون 2 فقط (الكلام غير اكيد)
وبالتوفيق يا رب

[ورده متفائله]

ألف مبروك الله ييسر لكم أموركم ويوفقكم
وتكون هالوظيفة فال خير عليكم يارب

[snowystorm]

المشاركة الأصلية كتبت بواسطة العتيبيه حبيت اسألكsnowystorm الساعه كم اتصلو عليك وكم الرقم لاني ما أرد على ارقام مجهوله وكمان بعد ويش قالولك الله انه يسر أمرك وأمري وأمر جميع المسلمين

هلا حبيبتي ...اتصلوا عليا بنفس الرقم اللي اتصلوا فيه زمان ..الرقم اللي من رابغ نهايته 702
اتصالهم كان الساعة 2إلا ربع ...قالوا لي راجعي قسم البنين عشان تستكملي إجراءات التعيين وتباشرين...ورجعوا اتصلوا عليا ثاني الساعة 10 الليل بس وقتها كنت أختبر أنجليزي فما رديت وزميلاتي اللي ردوا قالوا لي مجرد تأكدين أننا نستكمل إجراءاتنا
موفقّة حبيبتي بإذن الله يتصلوا عليكِ الليلة أو بكرة بالكثير

[snowystorm]

المشاركة الأصلية كتبت بواسطة saronh ما شاء الله اللة يبارك لك في الوظيفة و يكتب لك الخير من اللي اتصل عليك جدة او رابغ لان عرفت انه كان فيه تصفية كل 3 مرشحات ياخذون 2 فقط (الكلام غير اكيد) وبالتوفيق يا رب

الرقم هو نفس الرقم اللي كانوا يتصلون علينا فيه من رابغ ...قالوا لي أستكمل الإجراءات عن طريق قسم البنين بالجامعة بجدة
ربي يبارك فيكي والعقبى لكم يارب

[snowystorm]

المشاركة الأصلية كتبت بواسطة redflower الف مبرووووووووووووووووووك للي اتصلو عليهم والله يكتبلهم خيرها بس عندي سؤال ؟؟؟ هل اعطوكم الارقام الوظيفية ولا بس اتصلو عشان تعملو الكشف الطبي لأن محد اتصل عليه للأسف بالله ياسنو ستورم ايش قالو لك بالضبط ومتى تباشري بإذن الله ؟؟ الله يوفقنا يارب ويسهل أمورنا

هلا حبيبتي اتصلوا قالوا لنا روحوا كملوا إجراءاتكم عن طريق قسم البنين بجدة ...فقمت سألتهم هل صدر قرار التعيين قالوا لي بالحرف الواحد (مبروك)...راح اخوي فرع البنين وأخذ اوراق عشان اعبيها وفعلاً الكشف الطبي من ضمنها وكمان في ورقة للأحوال المدنية يطلبون فيها تحويل وضعي لموظف وكاتبين انه السبب تعييني بجامعة عبدالعزيز فرع رابغ ...فأتوقع انه كذا خلاص عينونا يارب ..بس برضو ماراح أرتاح غير لما أباشر لساتني قلقانة
الله يطمن قلبك وقلوبنا جميعاً ويرزقنا ويرزق جميع المسلمين

[قلب شجاع]

ألف مبروك يا بنات و الله يطمن قلوبكم يارب

[العتيبيه]

الحمدلله اليوم تم الاتصال عليه الساعه 1 ظهرا هههههههه وكمان عاودو الاتصال عليه ونفس الكلام الي قلتيه قالوه ليه

بس طلبو اوراق من اخوك؟ لإن حتى بكره مقدر اروح الجامعه لإن بكره عند زوجي عمل ضروري

[قلب شجاع]

هلا أختي العتيبية ألف مبروك ولا تعصبين كلنا في الهوا سوى انا كلموني بس ما اقدر اروح لهم إلا بعد أسبوع لأني مرتبطة مع زوجي في رحلة عمل عنده خارج جدة بس ياليت أحد يتأكد لنا عن المدة اللي ممكن ينتظرونا فيها ومتى راح تكون المباشرة ؟

[redflower]

الف مبروك وشكرا على ردك
الله يفرجها يارب بالقريب العاجل