الأسئلة والاستفسارات عن كلية طب الأسنان ..

[amiwa]

يعطيكي العافية د.نانوك ماتقصري ابدا ^^

انا متحمسة عالعملي اككككككتر شي، وان شاءالله المعلومات اللي نحفظها ترسخ في دماغنا ياااااااارب
xD xD

[Dя.βℓυε ₥αя[G]яiττα]

السسلام عليكم يآ دكاتره :p

بخصوص ايقونة التحويل للكليات الصحيه !!

إيش وضعهآ ؟

ويعني مثلا لو كنت أبغى أحول للطب البشري أقدم الآن عليهآ وإلا ايش الوضع !!



ششششششكرآ مقدما :d

[Dr~NanoOok]

التحويل للطلبة من السنوات الاخرى.. المتسكنين حديثا من السنة التحضيرية لا يشملهم التحويل

وهذا الموضوع يوضح
http://www.skaau.com/vb/showthread.php?t=425583

[M!Šs JỏJỏ]

Dr.nanook
اكيد عندنا مقابلة السنة دي ولا بس بنات البشري ؟
^^جاتنا اليوم بنوتة اسنان وقالتلنا انها ما سمعت انهم حيعملولنا مقابلة

وقالتلنا انو خطتنا السنة دي جديدة بس مهي عارفة ايش اتغير بالزبط
فبالله ازا عارفة حاجة ممكن تفيدينا
وجزاك الله كل خير يا عسل

[~RAN~]

ايش هيا الحاجات الي راح نضطر نشتريها خلال السنه الجايه ان شاءالله ؟؟
ومن وين ممكن نوفرها ؟

[mjoOodh]

المشاركة الأصلية كتبت بواسطة dr~nanoook التحويل للطلبة من السنوات الاخرى.. المتسكنين حديثا من السنة التحضيرية لا يشملهم التحويل

حتى لو الموزون عآلي مآ في مجآل للتحويل بهالوقت ؟؟

[Dr~NanoOok]

المشاركة الأصلية كتبت بواسطة mjooodh حتى لو الموزون عآلي مآ في مجآل للتحويل بهالوقت ؟؟

اذا كان في تحويل لكم .. حيكون بداية السنة الدراسة وعن طريق نفس الكلية

اما التعاملات الالكترونية عن طريق الاوديوس تكون للدفعات الاكبر

[Dr~NanoOok]

المشاركة الأصلية كتبت بواسطة m!Šs jỏjỏ dr.nanook اكيد عندنا مقابلة السنة دي ولا بس بنات البشري ؟ ^^جاتنا اليوم بنوتة اسنان وقالتلنا انها ما سمعت انهم حيعملولنا مقابلة وقالتلنا انو خطتنا السنة دي جديدة بس مهي عارفة ايش اتغير بالزبط فبالله ازا عارفة حاجة ممكن تفيدينا وجزاك الله كل خير يا عسل

والله ما عندي علم
لان المقابلة شي جديد وليهم كم سنة ما عملوها

لكن اتذكر انهم كانوا يعملوها للاسنان والبشري
على العموم ه قالوا حيعلنوا عن موعد المقابلة في موقع الجامعه او بارسال رسائل للطلبة

بالنسبة للنظام.. فغالبا ما حيتغير كتير
ممكن بعض المواد تزيد او تنقص

ولا تاخدوا هم المقابلة ابدا.. هي فقط شي شكلي وما يؤثر بقبولكم بالكلية

[Dr~NanoOok]

المشاركة الأصلية كتبت بواسطة ~RAN~ ايش هيا الحاجات الي راح نضطر نشتريها خلال السنه الجايه ان شاءالله ؟؟ ومن وين ممكن نوفرها ؟

بالنسبة لأدوات الأسنان
حتحتاجوا ادوات النحت وتكون مجموعة بشنطة واحدة
و قوالب شمع خاصة بالاسنان

الدكاترة والبنات حيوروكم هيا بعدين

هذه صورة الـ Dental carving kit


وبالنسبة لادوات النحت.. حتفضلوا تستخدموها الى سنة سادس
فالافضل تشتروا نوعية كويسة

من الاماكن الكويسة لبيع اشياء الاشياء.. محل اسمه الرازي
اسعاره غالية بس ممتاز

ولما تعملوا طلبية لكل الدفعة وكل ما زاد العدد يخفضلكم السعر
فدايما اشتروا مع بعض

[Dя.βℓυε ₥αя[G]яiττα]

يعطيك ألف عآفيه يآستي