برنامج خادم الحرمين الشريفين للابتعاث الخارجي المرحلة الثامنة 1433

[Reflection]

الله يعافيكي يارب و يسهل امورك،،

الولايات اللي فـ راسي/
كاليفورنيا - بنسلفـينيا - كلورادو - تكساس و يمكن تجي انديانا و اهايو فالاخير و في ولايات مش بطاله يعني زي الينوي و نورث كارولينا ،،

و بما اني صرت معيد فالجامعة ولله الحمد ،، فـمادري يمكن تتغير النظرة لو راح يلزموني بقائمة جامعات معينة و لو ما صار فـ راح اجلس على ما انا عليه ، و ربي يقدم اللي فيه الخير.

[shuaa:]

طب اقدر اراسل المعهد واقدم وانا ماعندي الضمان المالي ؟؟

[shuaa:]

جاني سؤال فجائي <<<عاد ما اكثرها

الضمان المالي يكون للتقديم للمعاهد او الجامعات صح ؟؟

طب دا ليا انا والمرافق .. ولا المرافق ايش وضعو ؟؟؟

ولما اقدم للمعهد اقدم له معايا ولا كيف !!!!!




><

[shuaa:]

ايش هيا الشهاده البنكيه !!! ><

[Reflection]

طب اقدر اراسل المعهد واقدم وانا ماعندي الضمان المالي ؟؟

لاتسوي كدا .. استني لما تنزل قائمة المعاهد او لما يرسلولكم الوزارة الضمانات المالية يصير قبول رسمي مره وحده .. واحد في مبتعث سوا زيك وجاب قبول ولما راسل الملحقية قالوا له قفلنا المعهد لانه متكدس ومسكين كل اللي سواه راح ع الفاضي.

جاني سؤال فجائي <<<عاد ما اكثرها الضمان المالي يكون للتقديم للمعاهد او الجامعات صح ؟؟ طب دا ليا انا والمرافق .. ولا المرافق ايش وضعو ؟؟؟ ولما اقدم للمعهد اقدم له معايا ولا كيف !!!!! ><

مدري ان كان في ضمان مخصص لكل شي لكن ماتوقع.. لانه الضمان مجرد خطاب ان الوزارة متكفله في مصارف الانسانه شعاع و دراستها الاكاديمية و كل ما تحتاجه من مصاريف و علاج ..ألخ .. و يكون مختوم وموقع من الوزارة و انتي تراسلي فيه .. المرافق لما تقدمي له تضيفي اسمه معاكي.
بخصوص الفيزا شوفي هنا و هنا

ايش هيا الشهاده البنكيه !!! ><

زي الضمان المالي .. بس هذا لو كنتي طالعه على حسابك الخاص او مستعجله مرره
و تبغي تقدمي من دحين .. تجيبي ورقه من البنك انه في حسابك مثلا 100 الف او اكثر و انك مدعومة ماديا للدراسة فالخارج .. بس انتظري ضمان الوزارة احسن.

[shuaa:]

ريفليكشن ..

شكرا مره على طولة بالك على اسئلتي الكتيييره

الله يفتحها عليك من اوسع ابوابه .. ويسهل كل صعب في دربك ..


:

:

انتظر باقي اسئلتي خخخ اتحملوني:pبس الين نسافر

[k.o.k.a]

مساء الخير يا حلوين ..
انا عندي مشكلة متعبتني نفسياً
انا مبتعثه لأمريكا ماجستير >> تخصص(( تأمين ))على أساس أنه تخصص مطلوب وكتير ناس شجعوني أدرسه ... بالذات بابا
بالرغم إنو تخصصي في البكالوريوس تصاميم وفنون ولا يمت له بصله
المشكلة لما بحثت عن الجامعات الموصى بها لقيتها كلها 7 جامعات في امريكا بس تدرس هدا التخصص وتعتبر من أقوى الجامعات الامريكيه ..
وكلهم طالبين أيلتس (سته ونص - سبعه ) وهدا شي ما يهمني
اللي متعبني نفسياً ..كلهم يبغو اختبار جيمات .. وانتو عارفين الاختبار هدا مررره صعب أحس أني اتورطت في اختياري ... ما أبغا اختبر جيمات

إيش اسوي هل أغير التخصص ؟ ولوغيرته أيش اختار بداله ((كل التخصصات بعيده عن مجالي ))؟
ومتى يسمحولي أغيره ؟؟
بليييييييز
أنا احتاج مشورتكم ... وآرائكم ..

[Reflection]

المشاركة الأصلية كتبت بواسطة shuaa: ريفليكشن .. شكرا مره على طولة بالك على اسئلتي الكتيييره الله يفتحها عليك من اوسع ابوابه .. ويسهل كل صعب في دربك .. : : انتظر باقي اسئلتي خخخ اتحملوني:pبس الين نسافر

تعالي أي وقت ،، الواحد يفيد بـاللي يعرفه
آمين و يفتح عليكي ربي..و تسافري و ترجعي بالسلامة

[Reflection]

المشاركة الأصلية كتبت بواسطة k.o.k.a مساء الخير يا حلوين .. انا عندي مشكلة متعبتني نفسياً انا مبتعثه لأمريكا ماجستير >> تخصص(( تأمين ))على أساس أنه تخصص مطلوب وكتير ناس شجعوني أدرسه ... بالذات بابا بالرغم إنو تخصصي في البكالوريوس تصاميم وفنون ولا يمت له بصله المشكلة لما بحثت عن الجامعات الموصى بها لقيتها كلها 7 جامعات في امريكا بس تدرس هدا التخصص وكلهم طالبين أيلتس (سته ونص - سبعه ) وهدا شي ما يهمني اللي متعبني نفسياً ..كلهم يبغو اختبار جيمات .. وانتو عارفين الاختبار هدا مررره صعب أحس أني اتورطت في اختياري ... ما أبغا اختبر جيمات إيش اسوي هل أغير التخصص ؟ ولوغيرته أيش اختار بداله ((كل التخصصات بعيده عن مجالي ))؟ ومتى يسمحولي أغيره ؟؟ بليييييييز أنا احتاج مشورتكم ... وآرائكم ..

اول شي .. ريحي بالك ... ومبررووك البعثه
ثاني شي .. حددي ميولك و اهتماماتك ..يعني تخصص زي التأمين دراسته تعتمد على رياضيات و احصاء و مواد اداريه و شغلات زي كدا .. لو ناسبك حاولي في الـ 7 الجامعات و بالفعل قليلة ما تدري اي وحده فيهم تقبلك ،، أو شوفي لك تخصص ثاني يناسبك .. او كملي في مجال الفنون و التصاميم على الاقل تخصص عندك خلفية سابقة فيه ،،
الجيمات اغلب التخصصات الادارية تطلبه .. و يمكن تلاقي قليل ما تطلب (يبغالها دواره و تحفير في مواقع الجامعات )

تغيير التخصص لو ما غيرولك في فترة الملتقيات راح تغيريه و انتي في بلد الابتعاث و هذا الاكيد ،، و شرط علشان تغيري لازم تجيبي قبول جامعي في التخصص الجديد ،،
يعني خلال فترة دراستك للغة دوري لك قبول في الجامعات للتخصص المطلوب و ارفعيه للمحلقية مع اسباب التغير وما يردو طلبك ان شاء الله.

[k.o.k.a]

يعطيك العافيه Reflection
هل يوافقولي اني اغير واختار تخصص التصاميم والفنون ؟
بالرغم انو التخصص مو موجود من ضمن خيارات البعثه ؟

لانو ابغا اغير من هنا
لانو الجامعات اللي تدرس تأمين جداً جداً قويه
واخاف
لو رحت هناك على اساس قبول وحده من جامعات التأمين

مايوافقولي أغير لجامعات وتخصصات أضعف

فهمتني

ههههه انا عارفه انو الهرجه ملخبطه بس حاول تركز معايا