ملابس البنات الى اين

[فنية معمل]

في مواضيع أهم من دي المواضيع صراحة ولازم توقفوا فيها وقفة جامدة
وإذا انتم شايفين شي غلط لازم تتكاتفوا في ايصال الشكوى بس بدون فضايح في الجرايد
المقصود إيصال الشكوى انفس مدير الجامعة وصدقوني ترا توصل 100%
وعن نفسي ماشفت أي شي في الملابس تبع الطالبات
بس بنات المسترجلات عندنا في الكلية مرا كتييييييييييير وبالأصح مش من كليتنا جايين من كلية ثانية
لأن أشكالهم غريبة عن الأشكال الي أعرفها............
وجالسين على درج الكلية>>>>>>>>>>>هادا أكثر شي يطرطعني
أنا سرت أول ماأشوف أي شي غلط
على طول أنادي حريم الأمن
آخر مرا اشتكيت على بنتين الترم الي فات كانت بينهم تصرفات مو كويسة
والحمد لله تم فصلهم من الجامعة.............>>>>>>>>>>>أحسن يقعدوا في بيتهم

[maya2020]

تشكري على تصرفك هذا وكل المواضيع تحتاج مننا وقفة عشان تكون جامعتنا جامعة محترمة

[o,O]

بصراحه مايصبرك ع الجامعه الا البنطلون شايفين قد ايش بعيده المباني وحر وشمس
تخيلي وانتي لابسه عبايه وربي ننسلخ نجلس ساعتين على مانوصل من غير التعب
لكن المشكله في طريقه لبسهم للبنطلون يعني لو ضيق تلبس عليه شي طويل
والمشكله في البنات مو بس في الجامعه كذا شكلهم لما يطلعو ينتظرو اهلهم فاكه العبايه كلها
وكل شي باين !
احمدو ربكم سمحو بالبناطيل واحتشمو عشان ماتنلغي
احنا بنات كبار لما يجينا شي حلو نستغلو مو نخربها
وزي ماقالت فنيه معمل بلاش كلام جرايد السمعه مو ناقصه كمان
وخلي حواركم معاهم على اساس يسمحو بالبناطيل ونلبس فوقها تي شيرت طويل
مو يلغوها

[بنت المالكي]

هو جد في بنات مزوديها بلبسهم بس قليل مو كثير

يعني حرام الكل يتضررعلى شان كم وحده ضيقت بنطولنها ولبست بلوزة اختها الصغيره

في بنات لابسين بناطيل وبالطو وفي بنات لابسين بنطلون واسع يعني اذا خمسه ولاسته مااحترمو المكان يتضررو البقيه

[كيميائية العام]

حرام عليكم يابنات انو بكدة ممكن يرجع المنع وحتضرو الكل ومتفي احد حيستفيد

[BARGAIN]

لا ما راح يتضرروا احنا نطالب انوا اذا فيه احد كذا يتعاقب
لاكن مايمنعوا البناطيل (اللي عليها لاب كوت او بلوزه طويله )
لان ما احد راح يسمع لهم

[maya2020]

جزاكم الله خير

[loletaaaaa]

حتي انا ذهلت تماما التنانير مره قصيره وساقها كلو برا ناهيكي عن انها بتخرج وبرا كلو سواقين واخوان الطالبات وابهاتهم بيتفرجو لانو العبايه بتطير

والبناطيل الي ماسكه فكل حته لاحول ولاقوه الا بالله والله انا شخصيا مره اضايقت لكل شي حدود

[loletaaaaa]

والاخوات الي يقولو كل مين لو بنفسو طيب فين حديث الرسول صلي الله عليه وسلم
من راي منكم منكرا فليغير بيده وان لم يستطع فبلسانه وان لم يستطع فقلبه فذلك اضعف الايمان !

[Glucose ~]

والله الحمدلله الجامعه فيها منآظر تسد النفس

اللبس صحيح في بنات بزياده وشفت تننانير قصيره

وفي كم مره شفت فساتين انفقعت من الضحك يومها < شر البلية مايضحك

بس البنطلون الصراحه اريح ..

لكن هيا المشكله فالمبالغه فالشئ

وعموم الحال في بنات يفكرو الجامعه استعراض

ولا فاشن شو ..

فل ميك اب عالصباح واشكال الله لا يوريها لـ مسلم حتى ياريتو حلو ومرتب ..

ماأحس اني فجامعه او دي اشكال طالبات علم ..

المشكله في حاجات صعب نقولهم لاتسووهآ .. هم كبآر مو صغار

لكن للأسف فاهمين الكبر غلط .. اني اسوي اللي ابغاه ومحد له دخل فيا

الله يهديهم ويكبرهم بعقولهم

تشكرات عالموضوع