◕‿◕ دكـــــــاترة السنه التحضيــــريه + آراء طــلاب وطالبــات دفعـــــــــه 11 ◕‿◕

[.. H2 ..]

يعطيكم العافية جميعا استفدنا كثير والله .. وباقي ننتظر اسماء الدكاترة ينزلون ..

طيب انا قريت دكتور (منسق المادة) وش يعني ؟

[Beeshoob]

^^

الدكتور منسق الماده هوا المسؤول عن الماده واختباراتها واعتقد حتى الكميه اللي ندرسها من الماده


__________________________________


ماشاء الله تبارك الله مجهود رااائع وواضح انو الموضوع متعوب عليه وبقوه

الهي يوفقك ويعطيكي العافيه د ران من جد من جد ماقصرتي

وتسلم المشرفه الرائعه اللي طفشناها الين ماقلنا بس السنه اللي فاتت غلا روحي

ومشكورين طلاب وطالبات دفعتي الحلوه على تفاعلهم ومشاركاتهم

يابختكم دفعه 12 والله ودلعوكم

عن نفسي درست مع احسن دكتورات في الجامعه وبشاهدة الكل يعني لو تجي عند
نفس دكتوراتي معنتو حظكم مره حلو

انا كنت خطه ب

دكتورتي في الكيمياء

اكرام دانش

انسانه طيوبه وشاطره ماشاء الله عليها
شرحها واضح جدا وتفهمك كل شي بالتفصيل وحبه حبه وادا تبغيها تعيد بس قولي لها وما تقصر مع احد
تحبي معاها الكيمياء وعندها تست بانك راح تقولكم عليه مره مفيد وعندها موقع تلاقوها في كلية العلوم قسم الكيمياء في موقع الجامعه

بس كانت الماده صعبه عليا شويتين لانها دسمه وانا كنت مهملتها كمان
يعني ذاكروها كل يوم بيومو وراح تصير زي المويه


دكتورتي في الاحياء

احلام الاحمدي

انسانه قمه في الذوق والاخلاق من جد طيوبه وهاديه ومتفهمه
شرحها حلو بس ممل يبغالك تركزي معاها و اكيد راح تفهمي باذن الله وادا في شي مافهمتيه بس اساليها

الماده حلوه سهله ذاكروها من التست بانك وراح تمشو تمام وراجعوها كتير مو تسو زيي وتخشو
الاختبار على اساس انو عندكم فوتومموري وتروحو في خرايط امها

دكتورتي في الاحصاء

نهله

برضو انسانه طيوبه دمها خفيف ومره اخلاق وتحسيها تدي المااده بذمه وضمير وحتى لما تجيها في المكتب حقها تشرحلك بتفصيل ممل
شرحها مو رائع اتعب وانا اقولك حلو ورائع ماشاء الله عليها من جد تفهمي معاها يعني تفهمي بس اسمعي كلامها بالحرف الواحد لما تقول حلو التمارين حلوها وصدقيني تاخدي الميه معاها الماده سهله وحلوه بس يحتاج لها ذكاء
ولا تسمعوا للي يقول ماده صعبه ومعقده والله ما عرفو كيف يتعاملو معاها صدقوني الماده جيده

دكتورتي في الماث

هناء الاشولي

طيوبه وعسل
بس شرحها مو قد كدا تحسيها متوتره وتلخبطك احيانا وما عندها ديك القدره في توصيل المعلومه
حاولي تركزي معاها واسئليها كتير وعشان تستفيد منها ذاكري اول باول
وعلى كل حال الله يخلي جمال السعدي ما قصر ابدا

دكتورتي في الفيزياء

سناء افندي

انسانه وااااو ماشاء الله عليها حبيت الفيزياء معاها هيا طيوبه مع اللي تحسها مركزه معاها
تعصب مره لما يدق جوال أي وحده وتفكر تخرج وتقلنا مشروح بس ما قد صارت ما تحب احد يتاخر رغم انها هيا تتاخر كتير واللي تجي بعدها ب 10 دقايق تطردها واللي تحسها مشغوله في جوال او أي شي تاخدو منها او تطردها
هيا صح انها حازمه شويتين بس والله عسل ودمها خفيف وتتقبل كل الاسئله وتحسيها تقدس التعليم لانو كانو بنات كتير يجو من شعب تانيه واحيانا في بنات يطروا يقعدو ع الارض عشان مافي كراسي << الشي اللي خلاني اتورط لما صرت ليدر
نجي لشرحها تفهمك يعني تفهمك كمان تشرح باابسط طريقه ممكنه وباسلوب جدا واضح وبسيط ومن جد الفيزيا معاها غير شي حلو راح تحبيه

دكتورتي في الاتصال

اميره النمر

انسااانه رااائعه والدنيا في عيونها حلو وكل سنه يحولوها لتحقيق مسكينه لان الكل عندها ميه اول فل مارك
محاضرتها بالنسبه لي ماتتفوت افوت كل المحاضرات الا محاضرتها عشان شرحها واسلوبها وتعاملها انسانه من جد رائعه اتعلمت منها حاجات كتيره صراحه بس اتوفى زوجها الله يرحمو وغابت عننا مايقارب شهر واحنا ماناخد الماده

دكتورتي في الحاسب

مياده المصري

طيوبه برضو وعسل ومتفهمه جدا وحاطه فينا امل كبير
شرحها مفهوم وبسيط وواضح بس ركزي معاها وماراح تتعبي في المذاكره لان الماده مره ممله

ما حبيت اتكلم عن دكاترة الانقليش لانو شرحهم مو داك الشي كلهم تقريبا هما حبوبين بس الشرح


الله يوفقكم وان شاء الله تنبسو بالتحضيري

[ŻŌŻξ]

ما شاء الله عليـك د.رآن كعادتـك
مجهوود رائــع و تنسيق اروـع
تسلم يمينك

..||


مشكوريـن رواد 2011 عالافادة بتجاربكم


||..

و ان شاء الله داآيم و النجاـح و التوفيق حليفكم ..

..||

[alnay]

السلام عليكم ورحمة الله وبركاته
كيفكم عساكم طيبين ان شاء الله
انا عندي استفسار ابغى اعرف الدكاتره الي يدرسوني كيف من الاودس لمن ادخل على قائمة الشعب واختار المادة والفصل لكن السنه هل اختار 2012 ولا 2011 احنا دفعه 12 بس اختار اي سنه لمن اختار 2012 مايطلع شي ولمن اختار 2011 تطلع الاسماء

[Abdullah Al-juhani]

أخوي احنا 2012
ونفس الشي كلنا ما تطلع معانا أسماء الدكاترة استنى على شوال أعتقد مع نتائج الإنقلش
بالتوفيق

[M!Šs JỏJỏ]

السلام عليكم ورحمة الله وبركاته

تقبل الله صيامكم وقيامكم ~ رمضان كريم ~

مبروووووووووك ع القبول في الجامعة وعقبال التخرج يارب


في البداية : حبيت اقلكم كلمتين عن السنة التحضيرية ،، لا تخافوا وتشيلوا هم هيا سهلة بس يبغالها شدة حيل ،، محا تدرسوا شي جديد كلو درستوه في السنوي بس دحين حيكون بشكل ابسط ومختصر . الجديد هوا المزاكرة بالانقلش بس فترة وحتتعودوا فنصيحة في بداية الترم حاولوا تزاكروا اول بأول عشان تتعودوا ع طريقة المزاكرة قبل الاختبارات الدورية . انا ما كنت ازاكر ع طول بس كنت احاول قبل كل محاضرة اشوف الأشياء الي اخدناها في المحاضرة الي قبلها واراجع المصطلحات بالانقلش .


نصيحة : لازم تحضروا المحاضرات وكدا حتسهل عليكم المزاكرة ،، خاصة لو اتعودتوا تكتبوا الاشياء المهمة وقت الشرح .


فكرة مختصرة عن كل مادة :

خطة " ب"

كيمياء :
اكتر مادة يبغالها تركيز وفهم في دي الخطة ،،وازا ربي كتبلكم تكونوا عند دكاترة كويسين مرة لا تشيلوا هم لانو دا اهم شي .

المزاكرة : كنت اعتمد ع المحاضرات والأشياء الي اكتبها فيها + الكتاب : اقرا الدرس واحل التمارين المطلوبة مننا ،، بعض الدكتورات ينزلوا عروض فكنت اقراها كمان ،، وقبل الاختبار احل اسئلة السنة الي فاتت .

بالنسبة للدكتورات : كانت تدرسني "د.إلهام باعيسى" كويسة وشرحها تمام .

بس دكتورة إكرام مررررة كويسة ما شاء الله عليها حاولت احضر معاها في الاوقات الي كنت فاضة فيها ،، مرة شرحها حلو وتفهم حبة حبة وما تخرجي الا والمعلومة مثبتة في راسك . في اسئلة تحطها قبل كل اختبار ((مهمة)) قريبة من اسئلة الاختبار.




إحصاء :
الز مادة *_^

محاضرات + ملاحظاتي + الكتاب + التمارين + اسئلة السنوات الي فاتت

دكتورتي : "نهلة عبد الجبار " وحدة لزوووووووووزة مرة وشرحها مرة حلو ما شاء الله .. ومرة حلوة المادة معاها

أحياء :
كنت ازاكر من التست بانك ،،بس لازم تتأكدوا ممكن يتغير النظام

وبالنسبة للدكاترة ما احس يفرق كتير بس د.حنان الشاذلي ،، ود.عواطف يمدحوا فيهم



خطة " أ "

ماث :
اكتر مادة يبغالها مجهود في السنة التحضيرية ،، بس مع التمارين والحل حتسهل كتير وتحسوها ممتعة

مزاكرتي : من الكتاب + ملخصات أشرف (( في الابندكسات )) + طلعت سالم ((حل تمارين ))


مرررررررة مهم انكم تحلوا التمارين وتتعودوا عليها ،، صح كانت تاخد اغلب وقتي بس استفدت منها كتير

الدكاترة : درستنا دكتورة غادة في بداية الترم لين الدوري الاول ،، بصراحة ما اتوقع في احسن منها ما شاء الله اخلاق وطيبة وشرح ،، تشرح من قلبها وتفهم وتجيب نماذج من السنوات الي فاتت ،، ما شاء الله احسها وحدة فاهمة من جد ايش بتقول ،، وازا احتجتوا أي شي ما تقصر

وبعدها درستنا أ. منية في البداية حسيتها بطيئة بس بعدين اتعودت ،، مرة طيبة وقلبها ابيض وتتقبل كل حاجة



فيزياء :
ما اعرف ايش اقول عنها بس مافي مقارنة بين فيزياء السنوي وحقت الجامعة

في الجامعة مرررررة عبيطة وسهلة .. اممم ما حسيت فيها شي يتزاكر

كنت اقرا الكتاب بس مافي معلومات كتير اهم شي القوانين والتمارين الي يحلوها وقت المحاضرة + ملخصات أشرف استخدمتها فترة

درستني دكتورة " سناء اباظه " احسن وحدة في الفيزياء ،، شرحها حلو

وفي كتير مدحوا د.وجود



مهارات الاتصال : بالعربي *_^

مادة من حياتنا ،،ما يحتاجلها حفظ ،، قراءة بتركيز وفهم تكفي ،، جاتنا اسئلة في الاختبار تقيس الفهم

الاختبار الكتروني

في كم درجة في يد الدكتورة نسيت كم بالزبط بس اتوقع 30


عملنا عرض + سيرة ذاتية + خطاب تقديم + طلبت مننا ننزل مقطع من اليوتيوب ونقول الايجابي والسلبي + اختبار لمهارة الاستماع +اختبار لمهارة القراءة




الحاسب :
ما يحتاج كلام بس وقت الاختبار زاكروا بتركيز في اسئلة بين السطور
الاختبار الكتروني

ان شاء الله اكون قدمتلكم شي مفيد ،، وبازن الله دي اليومين ارفعلكم الاشياء الموجودة ع جهازي


ربي يوفقكم ويديكم العافية والقوة =)



شكر خاآااص لحبيبة القلب ~ran~ جزاك الله كل خير ع الموضوع

[*عبدالرحمن المالكي*]

بسم الله الرحمن الرحيم

ياشباب دفعة 12 شوفوا انا بعطيكم اسماء افضل الدكاترة سواء درست عندهم او لا

نبدأ بخطة أ

الرياضيات : افضل الدكاترة هم حامد السلمي , محمد الغامدي وهناك بعض الدكاترة يقولوا كويسين ولكن انا ما اعرفهم

الفيزياء : لا يوجد دكتور مميز ولكن برضه يقولوا فيه بعضهم كويسين لكن انا ما اعرفهم (ما لكم الا اشرف بركات او يوسف زويل مع اني افضل اشرف)

الحاسب : كان فيه دكتور يدرسني اسمه فواز الصاعدي مره كويس والدرجة الكاملة تاخذها معاه وكمان فيه كثير دكاترة كويسين ولكن ما اعرفهم

مهارات الاتصال : كان يدرسني دكتور اسمه عبدالرحمن السلمي ولكن كان تخصصه لغة عربية ولكن كان كويس والدرجة تبع العملي تاخذها كاملة

خطة ب

الكيمياء : الله يوفقه الله يوفقه الله يوفقه الدكتور( ياسر العنقري) قمة في الشرح والاخلاق والعطاء والصبر والتحمل والابداع والنظام وكل شيء مميز فيه والله اقولها وانا صايم والله هذا الانسان من افضل الناس اللي قابلتهم في حياتي
والله الكلمات تعجز عن شكره والثناء عليه وكمان فيه دكاتره كويسين امثال عبدالعزيز السباعي وابراهيم مخالد

الاحصاء : سعيد الغامدي واحمد العم لا يختلف عليهم طالبين في الجامعه والمذاكرة من سلايدات سعيد الغامدي وبعض الملخصات والاختبارات القديمة

الاحياء : ماتفرق اي واحد اذا فيه تست بانك وانا درسني سفيان العسولي مره طيب وشرحة كويس

اما الانجلش درسني ليفل 3 ياسين باركر جنوب افريقي والله من ابدع مايكون ما شاء الله والاكسنت تبعه بريطاني
اما ليفيل 4 درسني واحد اسمه براور امريكي امه يابانية كان بصراحة طيب جداً والدرجات يعطي بس الشرح لك عليه

هذا ما اردت ان افيدكم به وأسأل الله لكم التوفيق والسداد وشدوا حيلكم لانكم اذا ما شديتوا من البداية راح تندموا لانه السنة التحضيرية سهله بس يبغالها شغل مذاكرة وصبر وتحقق من المعلومات والمصادر

شكراً لكم .. تقبلوا تحياتي ....

[ططال عمري]

^
بس بأسأل سؤال ..
الاختبارات كلها اختيارات 1!؟ .. ولا في مقآلي ؟

[~RAN~]

^

كلها اختيارات

[عزتي مالها حـد]

المشاركة الأصلية كتبت بواسطة ططال عمري ^ بس بأسأل سؤال .. الاختبارات كلها اختيارات 1!؟ .. ولا في مقآلي ؟

يأأخ ططآل عمري أذا انت تحضيري
فالتحضيري كله تضليل{اختيآرات} فقط
يعني مآفي شي {مقآلي}