خلونا نتناقش يمكن نقدر نغير الواقع!!!

[mzat kau]

مممم ماتتكلمي مع البائع طيب نفترض مثلا لا قدر الله وان شا الله مايسير اضطريتي تعيشي لوحدك بدون ولي امر ( ودا شي صاير لوحده اعرفها ) كيف حتعيشي وانتي عمرك ماجربتي الحياه برا ماحد قلك شيلي الحيا ليش مافي حريم متدينات بيكلمو شيوخ ويسالوهم عن اشياء ولا برضو مو لازم وولي الامر يسال ولا مثلا دخلتي صيدليه تبي تجيبي دوا برضو ولي امرك اللي حيتكلم ّ!! لاحول ولا قوة الا بالله لاتخلو كل شي حرام لمجرد انو محرم لازم يكون في استثناءات

ومرة تانيه بقول انا كنت بقرا بصمت بس عن جد ماقدرت اسكت ومابا ادخل فيجدال عقيييييييييم

[عصر الحاسب]

^
إذا اضطريت لا قدر الله فيه قاعدة فقهيـة تقول بأن للضرورات أحـكام
ووقتها ما راح أكون عاجزة بإذن الله عن كلمتين أقولها ==> ترى أعرف أتكلم ولله الحمد يعني مو لهذي الدرجة ...!
والحريم اللي يسألوا الشيوخ والله لو ولي أمرها موجود هو اللي يسأل المفروض ...
وكمان الصيدلي زيه زي البائع ولهم نفس الحكم وأكيد فيه وصفة يمشي عليها الصيدلي يعني والله ما يحتاج فلسفة وأخذ وعطاء معاه ...ولا تحاولي تقنعيني بضرورة التحدث مع الرجال

خارج النص :)

ماجربتِ تشوفي معنى معرفك في google أو بالأصح في معاجم اللغة؟

[متطلع]

سوما ،

والله ترى وضعك يرثى له ،

رجاءً لا تحاولي تقنعي أحد مو متعلم إنه يتناقش ويقتنع قبل ما يقنع غيره ( ما أقصد أحد فيكم كلكم ما شاء الله عليكم كويسين وحلوين ، مجرد نصيحة لله مالها دخل بالموضوع ، اللي على راسه بطحة يحسس عليها ، اللي يبغى يتخانق على الكلمة أتحداه يحاول يثبت إن كلامي خطأ ، ويتناقش بانفتاحية شوية وبتقبل هزيمة لو انهزم ، وأوعدكم إني حأعامله بالمثل )

حأتكلم بطريقة علمية ، وماحد يقدر ينكر هذه المعلومات لأنها وردت في الصحيحين وذكرها علماء أخر ،

كلامي باختصار شدييييييييييييييد ، واسمعوا يا معارضين ، بأذن متقبلة للهزيمة أو الفوز ،

صلوا على رسول الله

1- أيااااااااااام الرسووووول ( اللهم صلي على سيدنا محمد ، وسلم تسليمًا كثيرًا ) ، كان في اختلاط !!! وكان الرسول اللي هو قدوتكم يا شباب يخاطب النساء في مواقف عديدة ، والدليل إن كان في صحابيات يقولوا الشعر ، اتوقع إن كل الموجودين سمعوا شعر الخنساء ، ولا تنسوا إنها قالت شعر قدام صحابة ومنهم الرسول وهي كانت تستحي من الرسول ، ما منعها حياءها من إنها تكمل الشعر ، فيرد عليها الرسول : " إيه يا خناس " بمعنى : أكملي يا خناس . هذه المعلومة رقم واحد .

2- أياااااااااام الرسوووووول ( اللهم صلي على سيدنا محمد ، وسلم تسليمًا كثيرًا ) ، كان في زنا ، والدليل حديث الصحابية التي أتت للرسول تقول له : يا رسول الله إني زنيت فطهرني . وهذه المعلومة رقم اثنين .

3- من المعلومة واحد واثنين ، نستنتج أن الصحابة والصحابيات يااااااااااما اختلطوا ، ويااااااااما اتكلموا ، ويااااااااما كان في ضعاف نفوس ، ويااااااااااما زنوا ، الصحابة ليسوا معصومين من الخطأ !!! ياااااااااما غلطوا ، طيب والحل ؟؟ كيف قامت الدولة الإسلامية بكامل مجدها وقوتها ؟؟؟ صحيح كان في بعضهم ضعاف نفوس ، بس كانوا يفكروا صح ، ما كانوا يقولوا نمنع الاختلاط !!!!!!!!!! ما كانوا يقولوا نفرق بين الجنسين حتى في العمل !!! من سنن الحياة إن المرأة تشتري بنفسها ، الأرزاق بيد الله ويااااااااااما كانت النساء تبيع وتشتري في زمن الرسول ،

كانوا يغلطوا بس يصححوا أغلاطهم ، وولي أمرهم اللي هو الرسووووووووووول ما منع البيع والشراء تماما !!! ما منع العزاب ينزلوا السووووووووق ،

شغلة عوائل بس في المولات هذه من تأليفنا إحنا ، مو الرسول اللي قالها ، المفروض حسب كلامكم يا ناس إن منهج الدين يصلح في جمييييييييييييييييييييييع الأوقات صح ؟؟؟؟؟؟؟؟؟؟؟؟؟؟؟؟؟؟؟

طيب ليش تمنعوا الاختلاط ؟؟؟؟؟؟؟ حتقولولي حرام ؟؟؟؟ أيام الرسول كان في اختلاط ، أنا أتكلم عن هذا النوع من الاختلاط !!!

طيب ليش تمنعوا المرأة من الخروج والسعي في طلب الرزق ؟؟؟ ياااااااااما النساء قالوا الشعر قدام الرسول ( صلى الله عليه وسلم ) وشجعهم !!! ويااااااااااااما في نساء حااااااااااااااربوا بنفسهم وقتلوا يهود وكفار بنفسهم !!! والرسول شجعهم !!!
واللي مو مصدقني يكتب في قوقل هذا الاسم ويشوف قصة حياة هذه الصحابية : نسيبة بنت كعب
استحلفكم بالله قبل ما تردوا علي تكتبوا اسمها في قوقل لأن أي رد تفكروا فيه ردي حيكون موجود في قصة حياتها !!!

الاسم مرة ثانية عشان لا تغلطوا :

نسيبة بنت كعب
طيب ممكن تسألوني : إنت إيش تبغى مننا دحين ؟؟

أبغاكم تعترفوا بهزيمتكم ، وتقولوا الجملة دي بلسانكم قبل ما تكتبوها في ردكم : مو كل قرار تطلعوا المملكة العربية السعودية صحيح ، والدليل إنها دولتنا الرشيدة بتتراجع عن بعض قراراتها وهذا طبيييييييييييعي ، الإنسان يخطئ والدول تخطئ ، وأنا ممكن أخطئ وإنت ممكن تخطئ ، لسنا معصومين !!!

وأسألكم بالله تتقوا الله في ردكم ، حاولوا تتقبلوا الهزيمة قبل ما تردوا بكل عنف وقوة ، لأني ما حأرد على ردود ما تتقبل النصح ولا الحقائق العلمية !!!

[mzat kau]

اااااااااااااااااااااااااه بس
الله يعين وحتختلف الاراء الين النهايه

وماحرد لانو انا تعبت خلاص هههههه << بالي مو طويل

للضرورات احكام انتي قلتيها ومافي في عزوز قسم بس للبنات واللي تبا تروح عند الرجال تروح بكيفها امكن نحنا كمان مضطرين هههههه


وياحبيبتي ع الموضوع اللي خارج النص فهمت ايش تقصدي برضو الاراء حتختلف :) لانو انا حاطا اسمي بالمعنى الشائع بين اهل جده وهوا حلوة مو المعني اللي انتي تقصدي وادا قلتي لاي احد في جده انتي مزة حتفهم انو حلوة

المعني اللي قصدك علي كان ايام 90 او قبل مافتكر

زي كلمه وسخه منتشرة بين الشباب ق .. ماحب اقولها الموهم معناها في اللغه معني الثرثارة ولكن طبعا ميه وتمانين درجه غير عن المعنى الشائع نفس الفكرة

[mzat kau]

متطلع احييك على فكرك الراقي :) وكلامك ميه بالميه صحيح

[متطلع]

مشكورة يا أختي ،

يا جماعة اكتبوا اسمها ، معليش حتعبكم معايا ، روحوا قوقل واكتبوا : نسيبة بنت كعب !!!

تراها جاااااااااااااهدت !!! مو بس طببت الصحابة الجرحى ، جااااااااااهدت معاهم والرسول دلها على اللي قتل ولدها ، فراحت قتلته !!!

قولولي يلا إن الرسول ما كان يدري إيش تبغى تسوي في اللي قتل ولدها !!!

[عصر الحاسب]

أبدًا يا متطلع والله ما انهزمت أبدًا

بس سؤال تعرف ابن جبرين ولا لا ؟

وسؤال آخر هل أنت من من يأخذوا بكلام اللجنة الدائمة للإفتاء ولالا ؟

هذي الاسئلة عشان أقدر أحاجك على بصيرة ... لأنه ممكن تكون أنت على مذهب ثاني ( وهذا لا يعيبك)
وأنا على مذهب ويحصل الجدال الغير مجدي .

[متطلع]

المشاركة الأصلية كتبت بواسطة عصر الحاسب أبدًا يا متطلع والله ما انهزمت أبدًا بس سؤال تعرف ابن جبرين ولا لا ؟ وسؤال آخر هل أنت من من يأخذوا بكلام اللجنة الدائمة للإفتاء ولالا ؟ هذي الاسئلة عشان أقدر أحاجك على بصيرة ... لأنه ممكن تكون أنت على مذهب ثاني ( وهذا لا يعيبك) وأنا على مذهب ويحصل الجدال الغير مجدي .

عصر الحاسب ، ترى بلا مبالغة والله صرت أخاف من ردودك ...

كلامك يخوف لأنه وراه حجج وبراهين من علماء الزمن المعاصر ،

لكنك بتجادليني على الفاضي ، أنا أعطيتك حجج مو من ابن جبرين ( ما أعرفه ) ، ومو من اللجنة الدائمة للإفتاء ( أنا آخذ بالكتاب والسنة ، أي شيء ما عدا ذلك فهو من الأمور المتشابهة بين الحلال البين والحرام البين ، ومن الورع أن تتركي الأمور المتشابهة لله !!! )

أنا الآن أعطيتك حجج من أيام الرسووووووووووول !!!

يعني لا تقوليلي أي أحد بعد كدا !!! لأ من جد ترى ما بأمزح ، كلام الله والرسول لا يعلى عليه كلام ابن جبرين ولا اللجنة الدائمة للإفتاء ،

وكتبت كل كلامي بطريقة واضحة وعلمية وممكن تستدلي عليها من الصحيحين !!!

هذه أحداث حصلت في عهد الرسووووووووووول ، سؤالي لكي : هل اللجنة الدائمة للإفتاء أدرى من الرسول ؟ هل ابن جبرين أدرى من الرسول ؟؟؟

الجواب لأ ، مع ذلك أتوقعك تردين علي بجواب قوي ، وأنا في انتظاره لكن رجاااااااءً احترميني وأحترمك عشان نطلع بنتيجة

وآسف إذا غلطت فيكي أو في رأيك ، أنا مجرد بشر ...

[عصر الحاسب]

المشاركة الأصلية كتبت بواسطة متطلع عصر الحاسب ، ترى بلا مبالغة والله صرت أخاف من ردودك ... كلامك يخوف لأنه وراه حجج وبراهين من علماء الزمن المعاصر ، لكنك بتجادليني على الفاضي ، أنا أعطيتك حجج مو من ابن جبرين ( ما أعرفه ) ، ومو من اللجنة الدائمة للإفتاء ( أنا آخذ بالكتاب والسنة ، أي شيء ما عدا ذلك فهو من الأمور المتشابهة بين الحلال البين والحرام البين ، ومن الورع أن تتركي الأمور المتشابهة لله !!! ) أنا الآن أعطيتك حجج من أيام الرسووووووووووول !!! يعني لا تقوليلي أي أحد بعد كدا !!! لأ من جد ترى ما بأمزح ، كلام الله والرسول لا يعلى عليه كلام ابن جبرين ولا اللجنة الدائمة للإفتاء ، وكتبت كل كلامي بطريقة واضحة وعلمية وممكن تستدلي عليها من الصحيحين !!! هذه أحداث حصلت في عهد الرسووووووووووول ، سؤالي لكي : هل اللجنة الدائمة للإفتاء أدرى من الرسول ؟ هل ابن جبرين أدرى من الرسول ؟؟؟ الجواب لأ ، مع ذلك أتوقعك تردين علي بجواب قوي ، وأنا في انتظاره لكن رجاااااااءً احترميني وأحترمك عشان نطلع بنتيجة وآسف إذا غلطت فيكي أو في رأيك ، أنا مجرد بشر ...

ماتعرف ابن جبرين ؟!

هذا من قالت إحدى الدول الأجنبية بأن رأس ابن جبرين لو انتهت منه فإنها ستعيش في سعادة غامرة وسؤدد

لأنه عالم رباني يمثل رعب بالنسبة لهم .

طيب من من العلماء الذين حاججتهم ؟!

لي رجعة بإذن الله لأن وقت الفجر يداهمني

[متطلع]

المشاركة الأصلية كتبت بواسطة عصر الحاسب ماتعرف ابن جبرين ؟! هذا من قالت إحدى الدول الأجنبية بأن رأس ابن جبرين لو انتهت منه فإنها ستعيش في سعادة غامرة وسؤدد لأنه عالم رباني يمثل رعب بالنسبة لهم . طيب من من العلماء الذين حاججتهم ؟! لي رجعة بإذن الله لأن وقت الفجر يداهمني

مدري صراحة ،

أنا أقلك هي على بلاطة : أنا ما أبحث عن العلماء ولا أقرأ عنهم ، نفسي أقرأ عنهم لكن ما حصل الشرف ،

لكن أنا مستعد لو تبغي تحطي اسم أي عالم وإيش قال إني أبحث عنه وأتأكد من صحة كلامك ،

أنا عندي استعداد تام إني أنهزم ، لكن الموضوع وبكل بساطة أني لا أرى كلام يعلو كلام الله ورسوله ، هذا مصدر ثقتي بكلامي ...

ومشكووووووووووووورة على الرد الحلو ، يا ريت كل الأعضاء بالمنتدى يردوا بهذه الطريقة