بنات أسئلتكم عن مواد , أستاذات , أماكن تدريب ... إلخ

[حلم عمري]

تونيا الله يشفيه ويعافيه وتشوفوه سالم إن شاء الله

ولو والله محد بيلومك إذا مارحتي معاك عذرك لاتشلي هم أي شيئ ماقصرتي أبدا وشكرا على كل شيئ


اللي يسألو عن بنات تسويق اتخرجو في وحده اعرفها باقيلها بس تسوي البحث خلصت تدريب إذا فيه شيئ بخصوص التدريب تبغوني أسألها


حنو 123
والله موادك من زمان اخذتها اكيد الاستاذات اتغيرو بس المحاسبه عندك أنيسه تركستاني وفاطمه كمال اتوقع كدا اسمها جربتهم والإثنين تمام

المحاسبه يبغالها تركيز وتحلي مسائل كثير ودايما عشان تركز بس ماهي صعبه فعليا

العربي مره سهل وحلو بس كثير متعقدين منه ويحملو الماده انا اخذتو مع وحده مره كويسه بس للأسف ناسيه اسمها ومن زمان اخذتو

الإقتصاد الجزئي صعب حبتين انا ماعجبتني الماده ولازم حفظ وفهم
الإحصاء أهم شيئ تختاري أستاذه كويسه وتكتبي معاها الملاحظات وكل شيئ تقولو
الإنجليزي عادي تذاكرري القاعدات اهم شيئ هذا اذا مااتغير المنهج

[ورد ..]

المشاركة الأصلية كتبت بواسطة حلم عمري اللي يسألو عن بنات تسويق اتخرجو في وحده اعرفها باقيلها بس تسوي البحث خلصت تدريب إذا فيه شيئ بخصوص التدريب تبغوني أسألها

ياليت والله .. تسوي فينا خير ..

اساليها عند اي استاذه اخذتها ، وفين اتدربت ، وهل الاستاذه تشرطت كثير في المكان ؟

يعني كل مالقت مكان تتدرب فيه وشاورت استاذتها مارضت ..

وكم يوم يآخذ التدريب ،

كمان احس فترة الدوام الدوره مع دوام التدريب صعبه + ان الوقت راح يكون ضيق ع بال مايفتحون الحذف والاضافه ويضيفون المواد والحوسه حقتهم خاصة لو كان نهاية الترم ..

وضروري دا التدرريب والا ممكن تتقاضى عنه الاستاذه ؟


اعذريني على كثرة الاسئله .. من كثر ماني شايله همها ..

[حلم عمري]

^

طيب سألتها دوبي وقالت هيا أتدربت عند د.عواطف أمين وقالت إنها كويسه بس هيا اصلا تبع إداره عامه في التسويق غالبا اللي تجيكي في التدريب تكون إما شذى عزي أو جيهان فكهاني

وقالت مااتشرطت عليها أبدا وهيا أتدربت في شركة التموين العربي تابعه للناغي في الحمراء

فيها أقسام قسم حق شوكلاته وقسم مواد غذائيه وقسم تجميل انتي تروحي قسم الموارد البشريه وتقولي إنك طالبة تسويق أخر سنه وتطلبي تدريب وتسألي هل في إمكانيه ولا لا

وأخذت منها إسم ورقم مدير الموارد البشريه أرسله لك ع الخاص هوا تتصلي عليه وتسأليه بس لاتتشرطي وتتطلبي قسم معين تتدربي فيه شوفي هما فين يحطوكي وبس

في كمان بنات تسويق اتدربو في شركة يونيليفر وشركة نستله ممكن تروحي في وحده فيهم

التدريب هيا راحت لمدة اسبوعين كل يوم تروح من 8 إلى 5 يعني يعتمد على عدد الساعات اللي تروحيها كل يوم

التدريب يكون بعد الدوره مو بنفس الوقت لمن نخلص الدوره تكوني إتفقتي إنتي وأستاذتك على كل شيئ

ومسألة التدريب ضروري ولالا قالت يعتمد على أستاذتك هي عند عواطف تعطي ع التدريب 60 والبحث 40

دروب مااشوفك :( أنا بعد شويه بطلع من البيت ممكن اكلمك في الليل أو بكرا

[ورد ..]

^
^


وصلت رسالتك

ومااقدر ارد خاص ..

بس ممكن سؤال .. اتدربت في قسم نسائي ؟ والا عادي مختلط ؟

والله يعطيك الف عافيه انتي وزميلتك .. افدتيني كثيير ..

ع الاقل صار عندي خلفيه عن الوضع ..

[منى الشمري]

الله يشافي ابوك تونيا ويعطيك العافية انتي وحلم عن جد الموضوع جدا مهم انا باقي لي 2اختياري و2حره ومادة البحث والتدريب و ثقافة 4 لاني ما قدرت اختبرها الترم الفات بسبب المطر مفكرة انزل حكومة الكترونية ومشروعات عامة كحره واختياري نظام سياسي ومحتارة في الاختياري وبالنسبة للتدريب انا اصلا موظفة في بنك الرياض يصلح اختم اوراق التدريب من عندهم والا لا ياليت تردون وياليت نتساعد في عرض المواضيع المختلفة عن موضوع البحث واقتراحاتكم وآرائكم بالعناوين
الله يوفق الجميع وانتخرج على خير وبمعدلات عالية ,,,,

[حلم عمري]

ورد

قالت إن المكان أصلا مختلط بس في مكان للبنات يجلسو فيه عشان ياخذو راحتهم واللي تبغى تكشف وكدا تقول لو رحتي قسم التجميل بيكون في حريم أكثر

منى الشمري يعتمد على اللي بتعطيكي مادة البحث والتدريب إذا بتوافق ولا لا

الله يعافيكم وإن شاء الله نتخرج على خير

[حنو123]

المشاركة الأصلية كتبت بواسطة حلم عمري تونيا الله يشفيه ويعافيه وتشوفوه سالم إن شاء الله ولو والله محد بيلومك إذا مارحتي معاك عذرك لاتشلي هم أي شيئ ماقصرتي أبدا وشكرا على كل شيئ اللي يسألو عن بنات تسويق اتخرجو في وحده اعرفها باقيلها بس تسوي البحث خلصت تدريب إذا فيه شيئ بخصوص التدريب تبغوني أسألها حنو 123 والله موادك من زمان اخذتها اكيد الاستاذات اتغيرو بس المحاسبه عندك أنيسه تركستاني وفاطمه كمال اتوقع كدا اسمها جربتهم والإثنين تمام المحاسبه يبغالها تركيز وتحلي مسائل كثير ودايما عشان تركز بس ماهي صعبه فعليا العربي مره سهل وحلو بس كثير متعقدين منه ويحملو الماده انا اخذتو مع وحده مره كويسه بس للأسف ناسيه اسمها ومن زمان اخذتو الإقتصاد الجزئي صعب حبتين انا ماعجبتني الماده ولازم حفظ وفهم الإحصاء أهم شيئ تختاري أستاذه كويسه وتكتبي معاها الملاحظات وكل شيئ تقولو الإنجليزي عادي تذاكرري القاعدات اهم شيئ هذا اذا مااتغير المنهج

مشكورة ياعسل

لكن حآبة أسأل مين أفضل في مبادئ المحاسبة
نهال الجندي ولا آمال عوض

[شموخ كبريآئي]

يعني مكآإن آلتدريب إحنآ نختآرو ,, ولآ يختلف من دكتورهـ لدكتورهـ..

[ورد ..]

حلم عمري ..

جزاك الله خير .. والله يوفقك يارب ..


/


منى الشمري ..

شوفي ماده مبادئ علوم سياسيه اختياري

تشابه كثييير نظام سياسي

في بنات ياخذوها مع بعض في ترم واحد ..

انا اخذت علوم سياسيه الترم اللي فات ،، وناويه ان شاء الله اخذ نظام سياسي دا الترم ..

وبالتوفيق

[حلم عمري]

المشاركة الأصلية كتبت بواسطة حنو123 مشكورة ياعسل

المشاركة الأصلية كتبت بواسطة حنو123 لكن حآبة أسأل مين أفضل في مبادئ المحاسبة نهال الجندي ولا آمال عوض

والله ماعندي أي خبر عنهم ماأعرفهم إن شاء الله أحد يفيدك

شموخ

إنتي تختاريه وتقولي للدكتوره الإختلاف في الموافقه ع المكان من دكتوره لدكتوره

ورد

شكرا الله يوفقنا جميعا