كل ما يخص وظيفتي باحثة علاقات دولية و كاتبه المطروحة للمنافسة من قبل وزارة الخارجية

[اوزلام]

صباحكم قشطه

بخصوص البوابه يا بنات ايوا البوابه الرئيسيه الكبيييره حتى العسكري بياخذ بطاقة الشخص اللي بيوديكي سواء سواق او احد من اهلك واعدي تدخلين البوابه البنيت بوجهك الكبيييره هو العسكري اصلا بيدلك عليها .. طبعا تدخلين في تفتيش عليك وعلى شنطتك .. بعدها تطلعي من الدرج الابيض قدامك على طول المقابله حيكون في قاعة الطعام وقاعة الاستقبال هي اللي انتظرنا فيها مرره واضح ما راح تضيعو بالمرررره

[zaitona]

بنات مساء الخير .. موفقين إن شاء الله .. على فكره انا يوم 28 المقابله ..والله يعطيكم ويعطينا على قد نيتنا

بس شي لاحضتو مهم .. bcc مو الامانه العامه لمجلس التعاون .. هي الرمز اللي في رسايل البريد مو يجيكم to & cc & bcc .. هادي هيا

اما الامانه العامه رمزها gcc وهادا الويبسايت عشان تتاكدو
http://www.gcc-sg.org/

وازا انا غلط ارجو منكم التصحيح

ويومكم طيب ...:)))

[abeer74]

zaitona
انتي صح
انا شكيت في الامر وبحثت وطلع زي الي قلتيه
جزاك الله كل خير

[اوزلام]

ايييوا بنات صح كلامكم انا شكلي كتبتها وانا فاتحه بريدي خخخخخخخخ

بس صح معاكم حق دوبي افتكرت فلا تلخبطوااا وذكركم اللي اتسألت وحده تخصصها انجليزي

[منتسبه*]

هلا فيكم بنات تمنياتي لكم بالتوفيق يارب

اختي زيتونه صح كلامك

ممكن سؤال ( الابلكيشن كيف راح نعبيه + هل راح يوزع لوظيفه كاتبه او فقط لعلاقات عامه )
وممكن توضحون اكثر لنا عن المكان والقاعه وطريقة الدخول

ربي يوفقنا جميعا

[اوزلام]

الابليكيشن تعبينو لما تدخلي تشوف اسمك وتحط رقم لك عشان الاولويه للي جو وتديكي ورقه تعبينها انا علاقات عامه بس مدري الكاتبه نفس الموضوع ماعندي فكره والله

[fm1428]

السلام عليكم

يا أخوات يعطيكم العافيه على تجمعكم الطيب هذا
انا تخصصي علم نفس، و مقابلتي بحول الله راح تكون 21يوم الخميس القادم
وان شاء الله راح "أشبعكم حكاوي"

بأشكرك يا أخت عبير على متابعتك وهذا ايثار كبير منك، و أسأل الله ان يكتبلك كل خير
و بأسأل الزميله في علم النفس "أوزلام" عن الدكتوره ليلى؟؟؟ هي د.ليلى الغالب؟؟؟

أسأل من جمعنا ع خير سبحانه انه يتمم لنا كل خير

[اوزلام]

اييييييييوا اخت اف ام دكتوره ليلى ال غالب

[abeer74]

اختي fm1428
لا شكر على واجب..انا ما سويت شي ابدا..يا ليت اقدر افيد بشي اكثر..
وان شاء الله الاربعاء اذا جيت (بالسلامة) اكتب لكم كل التفاصيل
ولو ان الاخوات ما قصّرو ابد وخصوصا اوزلام
كل شي نصيب وهذي ارزاق بيد رب العالمين...
( لا يؤمن أحدكم حتى يحب لأخيه ما يحب لنفسه)

بالتوفيق للجميع

[abeer74]

هذي مشاركة من منتدى الفراشة..لها نص ساعة تقريبا
سلامون عليكم

الوضع كالآتي البطاقة تُسلم عند البوابة عشان المطابقة بمجرد ما توقف عند البوابة حتلاقي الكل عارف انك فلانة و عندك مقابلة بعدين باب كبير ومنه إلى ممر بجهاز لتفتيش الشنطة ومن بعدها على قاعة الإستقبال مكان كبييييييير تحسي انك في استقبال ملكي المهم يعطوكي ورقة و فيها نفس اسئلة اللي اضفتها الآخت اللي هي فين سافرتي ايش نقاط القوة و الضعف و ايش اهم انجازاتك في الخمس سنين اللي فاتت و ليش تتوقعي يقبلوكي في هذي الوظيفة طبعاً الاجابات بالانجليزي فاستعدوا و رتبوا الاجابات بورقة
بعدين لما دخلت سالوني الاتي
عرفي بنفسك
موقف محرج حصل لك
لو جاتك وظيفتين وحدة راتبها متوسط و شغلها تعرفيه و الثانية راتبها عالي بس شغلها ما تعرفيه

و سلامتكم