مظلومة ومدري وش بيسوون معي

[عبادي$]

اول شيء بسم الله الرحمن الرحيم
ثانيا انتي واضح انك مظلومه جداً جداً

شوفي يابنت الناس حقك لا يضيع ولازم ماتسكتي عن موضوعك لانه يخص سمعتك ومستقبك وانتي قبل كل شيء ماسويتي شيء غلط ولكن هم استغلوا خوفك وارتباكك هذيك اللحظه وضغطوا عليكي عشان تقولي انك سويتي هذا الشيء الله لأيبارك فيهم واحد واحد !

هذي غلطتكي الوحيده انك سمعتي كلامهم وياليتك ماسمعتيه وهذا طريقه معروفه لدى الظالمين اذا ما حصلوا شيء على المتهم يحاولوا يركبوه الغلط حتى لو ماسواه مقل حالتك تماماً !

شوفي يابنت الناس انتي بريئة ومافيه شيء مثبت عليكي لذلك تكلمي عن الظلم اللي سار لكي وانتي عينك مرفوعة وادخلي على موقع الجامعه وراسلي مدير الجامعه بنفسه ولا تسيبي حقك يضيع وانتي مظلومه وتشرحين الوضع كامل حتى لو تسير مشكلتك قضية رأي عام لان السكوت راح يخليهم يتمادوا ويظلموا على كيفهم وانا هنا أنبه على نقطه كلامي هذا لانك مظلومه فقط وانا متأكد انهم واجهوا مشاكل مشابهه كثير لذلك هم ماعاد يتنبؤا عن الحق !

زي ماقلتلك اكتبي مشكلتك في موقع الجامعه وراسليهم قبل كل شيء لانه مو معقول انك تنظلمي عيانا بيانا وبدون اي إثباتات وينسكت عن هذا الظلم
وأقول للمسؤولين والمسؤلات اللي ظلموا ناس كثير وانتي وحده منهم ان يتقوا الله في الامانه التي أسديت اليهم وان يراعوا بنات الناس وظروف الناس

لان لو هذا الشيء صار لبنت مسؤول كبير والله باتصال واحد راح ينهي الموضوع !

انا ما تكلمت هذا الكلام الا من قهر وانه مافيه دليل مثبت عليكي والظنة بس انك قلتي لهم اني اعرفه لكن هذا الشيء تقدري تقولي لهم انو بعد ما ضغطوا عليه وهددوني بالشرطه وووو الخ

لاتسكتي عن حقك يابنت الناس والسنه اللي حرموكي منها ربما تكون خيره لكي لكن الموضوع كله ظلم في ظلم واذا ما انرفع الظلم عن المظلومين

معاد في الناس خير !

انا واثق بريئة يابنت الناس بس ادعي ربك واستغفري وصلي في اخر الليل وبتشوفين النتيجه ان شاء الله واحنا مع الحق دائما ان شاء الله وحنسمع الأخبار الحلوه بإذن الله .

والسلام عليكم ورحمة الله وبركاته

[حلم قريب]

بداية تأكدي مية بالمية الحقوق عند الله ماتضيع أبدا
لا تتركي الدعاء أبدا وتحرّي مواطن اجابة الدعاء
وراح تشوفي كيف ربي راح ينصرك
ياليتني شفت الموضوع قبل لا أروح الحج عشان أدعيلك في عرفة :(

وبقولك شي , صح الموضوع انتهى وحكموا عليك وعاقبوك لكن !
خذي الموضوع هذا درس لكِ , مرّة ثانية لا تعترفي أبدا بشي ماسويتيه ولو حطوا السيف على رقبتك لاتعترفي
وهذي نصيحة لكل بنت, أبدا لا تخلي الخوف والضغط يسيطروا عليكِ وتعترفي بأشياء ماسويتيها عشان تنجي بنفسك
صدقيني ماراح تنجي راح تدبسي أكثر!
للأسف مثل ماقال واحد من الأعضاء إنتِ ظلمتي نفسك وورطتي نفسك وماساعدتي نفسك
بقولك شي مرّة مهم , أكثر الأخطاء تجي مع الخوف
مادامت ماغلطتي ليش خفتي لدرجة اعترفتي على نفسك ولسه وقعتي !!!!
الإعتراف الشفهي أهون مليون مرّة من التوقيع
ماراح أقولك مثل اللي قالوا لكِ لاتسكتي وكلمي مين ومين
ماراح أقول كده لأنو هذي الأشياء مضى وقتها وراح تضيعي وقتك وجهدك بدون فايدة
تدري ليش ؟
لأنك اعترفتي على نفسك ووقعتي !
مو تحبيط لكِ لكن بعض الدروس عشان نتعلم لازم نتألم بقوة ..

الله يعينك وييسرلكِ أمورك وينصرك على اللي ظلمك

[carelass]

الله يعينك ويستر عليك ،، يمكن كلامي يكون صريح شوي معذرة
و الله يجزي الجامعه والامن الخير على الي يقومون فيه ،
انتي بالطريقه هذي تبغى تريحي نفسيتك تجلسي تحلفي وتبرري للناس وامرك بيد عالم الغيب والشهادة نصيحتي لك ان تطلبي العون منه جل في علاه
اما بالنسبه للامن ترى الادله كلها تدينك (حتى لو ما كان هالشيء حقيقي ) مهما بررتي وجودك مع شخص بسيارته في الجامعه وانه كان ينتظر بنت ثانيه وبالصدفه انو زي سيارتك واعترافك وتوقيعك مهما كانت الظروف ، عزيزتي العدل المطلق في السماء

[super lazy]

حسبي الله ونعم الوكيل عليهم وعلى كل من بظلم احد بغير وجه حق
يارب يفرج لك

[فدوشة]

الله يعينك ويوفقك آمين ..

[لقيت روحي]

سميرة قطان
ربي خصيمها ليوم الدين محد بقي في الجامعة
الا واشتكى منها ..

الله يهون مصيبتك

[غداَ يوم آخر]

أتفهم جدا صعوبة أنك تفتحين هالموضوع مع أهلك لكن تأكدي أن الحقوق تنتزع أنتزاعا ولاتوهب كان من الأجدر بك تأخذين حقك من " حلوقهم " .. بدل أن تخسرين سنه كامله من عمرك
الله يوفقك ويسهل لك كل عسيـر

[سلاااف]

حسبنا الله ونعم الوكيل
يالله معقوله فيه ظلم زي كدا يعني اللي نشوفه بالمسلسلات مو كذب
والشي الثاني صح انو الامن من كثر البلاوي والاشياء اللي يشوفوها يعصبون
ومايخلون لك مجال تتكلمي بس دا مو معناته انو لهم الحق في قذف مؤمنه
حتى لو شافوك وكل شي ضدك لا مو كل شي لان لو الرجال الاول اللي مسكك
تفاهم معاك كويس وترك لك مجال تتكلمي كان عرف وقتها انك صادقه
يعني كان دقيتي ع السواق يجي ويشوفوا تشابه سيارات
والمحفظه بالسياره وبالعقل يعني بالله تنزلي من سياراتك وع طول تركبي مع واحد
بسرعه وقدام الناس وين عقله الله المستعان
وانتبهي زي ماقلوا لك الاعضاء درس لك وكل من يقؤا موضوعك
لو ضغطو عليك تعترفي كذب لاتعترفي

الله يفرج همك حبيبتي وشوفي كم واحد تسبب في هتك عرضك
دايم كرري لااله الاانت سبحانك اني كنت من الظالمين


واخر شي بقوله وووصلي صوتك لعميد الجامعه ولكل احد له مركز بالجامعه
لاتكتي عن حقك واعترفي ع اللي قالت لك انك تعترفي

وقبل كل شي صارحي اهلك عشان تكوني مطمنه ومرتاحه لما تتواصلي
وتشتكي ع العميد او المدير

[موني بشاره]

بسم الله
اذا مافي يدك ولا يد اهلك شي بحكم انك غير سعوديه
وتقولي انو اهلك غير متفهمين , خلاص فوضي امرك لله عز وجل
حسبك ربي وكفى ..
الله ينتقم لك منهم :(

[طمووح آنثى]

ربي يهون عليك وينصرك عاجلا غير اجل ... عليك بقيام الليل والاستغفار ليزيح الله همك ويفرج كربتك ..