بخصوص انهم لغو التست بانك ادخلوو بناات كلكم خطة"أ" و" ب"

[شمعة الإيمان]

المشاركة الأصلية كتبت بواسطة سـديـم يآ حلوين بالعكس آستآذتنآ اللي بالشرفيه .. قالت بالعكس ذآكروآ من التست بآنك لآنهآآ حلوه وتفهمك كيف تجي الآسئلة .. وكلهآ رآح تجي آختيآري .. علمآ بآني شعبه ea في الاحيآء وقآلت لنآ العرض مررره مهم .. صوح كلآمك آنهآ كثيره بس مدآك بالعرض مو كل شيئ تطبعيه .. وتختصري كل شريحتين في وحده وعلى الاقل اللي في العرض كلآم مختصر لمآ هو في الكتآب .. اطلعي على الكتاب وشوفي ..

شتان بين التست بانك والعروض حقتهم هذي .. مانقول الا بإذن الله يرجع التست بانك

[زهرة الماضي]

الله يوفقكم يآآآآآرب

والله الاحياء كلامه مرره كثير

بس لو احد تخصص احياء حتضطر من الرجوع الى كتاب السنه التحضيري

[dr-sh0sha]

ما اتوقع حيحذفوه لكم لانو الكتاب صعب ومصطلحات صعبه عليكم .
دايما كدا قسم الاحياء يقولوا حيتلغي ويرجعوه قبل الاختبار بكم يوم ,,
هدا غير الدرجات اللي نقصوا البنات والحوسة في اختباراتهم ,,
ع العموم ادعو ان ربي ييسر لكم ويرجعوا لكم التست بانك ولا تياسوا دايما روحوا كلموهم الين يرجعوه .
منجد شيء يقهر حاسة بتوتركم وقهركم ,,

سؤال \\سمعت انو انتوا لغوا لكم السكاشن والبونس في الماث يعني مافي اون لاين تحلوه وتاخدوا عليه 10 درجات بونس صح ولا لا ؟؟؟

بالتوفيق للكل ^^

[ahmad31]

يلا شدوا حيلكمـ وبندعيلمـ ... عيال السنه اللي فاتت سووا كذا مع انهم كانوا جيش مصغر ,, مو مثلكم كذا ماشاء الله احس انكم كثر منظمين ....
الله يوفقكم ... بإذن الله الواحدالأحد يرجون لكمـ التست بانكـ ...
ويعطيها العافية المس شمعة الإيمان .. اتنوا قدها وقدود

[شمعة الإيمان]

زهرة الماضي .. الله يعيننا يارب ومو الكل بيتخصص أحياء .

المشاركة الأصلية كتبت بواسطة dr-sh0sha ما اتوقع حيحذفوه لكم لانو الكتاب صعب ومصطلحات صعبه عليكم . دايما كدا قسم الاحياء يقولوا حيتلغي ويرجعوه قبل الاختبار بكم يوم ,, هدا غير الدرجات اللي نقصوا البنات والحوسة في اختباراتهم ,, ع العموم ادعو ان ربي ييسر لكم ويرجعوا لكم التست بانك ولا تياسوا دايما روحوا كلموهم الين يرجعوه . منجد شيء يقهر حاسة بتوتركم وقهركم ,, سؤال \\سمعت انو انتوا لغوا لكم السكاشن والبونس في الماث يعني مافي اون لاين تحلوه وتاخدوا عليه 10 درجات بونس صح ولا لا ؟؟؟ بالتوفيق للكل ^^

ممكن إحتمال بس مو أكيد كذا ولا كذا احنا نبغاهم يرجعونه لنا من بدري عشان مانضيع وقتنا بالبوربوينت وحوسسسته عندنا مواد غيره تحتاج هالوقت ..دعواتك

بالنسبه للبونس والأون لاين برضو انحذذفت استغفرالله سنة نحاااسه ماادري ايشبهم ربي يعيننا ان شاء الله لكن التست بانك اهم بنركز انهم يرجعونه لنا ..

ahmad31

شكـرا لــك وإن شاء الله إحنا قدها وقدود

[شمعة الإيمان]

Up.....

[الحربي 001]

اتوقع لو اجتمعوا 500 الى 800 بنت راح يرجعوا التست بانك و يا ليت لو اتفاعلوا الاولاد في الموضوع نفس الترم الثاني السنة اللي فاتت ويكون من كل الطرفين ساعتها راح تضمنوا التست بانك طول السنة هاذي بالنسبة لكل اللي علقوا انهم راح يتجمعوا اتمنى تكلموا شعبكم فكل المواد يصير كل طالبه تجيب معها 150-200 بنت راح تصيروا جيش ههههههههههه وترعبوهم فمبنى 7
وبالنسبة للي يقول انهم راح يرجعوه من نفسهم انا من خبرتي ما اتوقع الشي هذا يصير بدون شكوى من الطلاب خصوصا ان قسم الاحيا همهم الاول و الاخير يقللوا درجات الطلاب و الطالبات و اكبر مثال انو السنة اللي فاتت كانوا يجيبوا سؤال او اثنين كل اختبار بطريقة مختلفة مو مثل اللي بالتست بانك
اتمنى لكم كل التوفيق

[طآلبة جآمعية]

Up ... هآ أش صآر ؟؟؟؟؟

[ward al lolo]

انا وحدة من الناس الي بدات الترم الثاني السنة الي فاتت
واخدت خطة الرياضيات والفيزيا الترم الي فات وهذا الترم الاحياء و...
مو من العدل انو البنات الي دخلو معايا الترم الثاني واخدو الاحياء بتست بانك واحنا لاااا
صحيح انو العدد الاكبر هو الدفعة الجديدة بس برضووو

[د. هدّولا]

تبغوا نصيحتي ..
إذا همكم تتعلموا من جد وتبغوا تخصصات كويسة
لازم تذاكرو من السلايدات ..

التست بانك نوعا ما ساعدنا في الدرجات
بس خرجنا من التحضيري ونحن خلفيتنا في الأحياء ضعيفة جدا
وهالشي بدأنا نلاحظه خصوصا نحن بنات الطب والكليات الصحية عموماً ..!
لأنه كنا نحفظ ونربط الكلمة بالكلمة .. ولو جيتو سألتونا عن ايش كانت تتكلم الشباتر ماأعطيناكم كلمة مفيدة
إلا من رحم ربي وأجتهد وذاكر من السلايدات ونفع نفسه من البداية ..


نصيحة
المادة المشروحة ماهي شي جديد أو تعجيزي كل شي أخذتوه في الثانوي
بس أنه انجلش ..
فالأفضل ترجعو لكتب الثانوي وتفهمو الموضوع
وترجعو للسلايدات وأقرؤها راح تسهل عليكم كتير وراح تفهمو مصطلحات جديدة بدون ماتحتاجو تترجموها ..


ولعد تفكروا بدرجات ..
خلوا في بالكم أنكم جايين تتعلموا مو تجيبوا درجات !

والله دا الكلام مابقوله لكم الا لأني مجربة الفرق وحسيت بصعوبة في الطب من هالمسألة !
أخلصوا النية وتذكروا ماشالو التست بانك إلا لمصلحتكم أولا وأخيرا..

وبالتوفيق =)