مستجدي العلوم..مرحبًا بكم..(مساحة للإجابة على إستفساراتكم)

[Nada90]

نبغى نعرف رموز المواد ونبذة بسيطة جدا عن كل مادة واقتراحات عنها
يعني مثــلا ايش المواد اللي نحطهم مع بعض في ترم وايش المواد اللي صعب ناخدها مع بعض في ترم واحد..
يعني زي كده .. ورمز كل مـــــــــادة ..

وشكرا ..

[R-Kh]

المشاركة الأصلية كتبت بواسطة Nada90 نبغى نعرف رموز المواد ونبذة بسيطة جدا عن كل مادة واقتراحات عنها يعني مثــلا ايش المواد اللي نحطهم مع بعض في ترم وايش المواد اللي صعب ناخدها مع بعض في ترم واحد.. يعني زي كده .. ورمز كل مـــــــــادة .. وشكرا ..

بما انكم مستجدين علوم
فـ اكيد تاخدو مواد العلوم العامة اللي باقيتلكم
...
Bio281
معمل احياء عامة 1
كان رخم بصراحة
لانو فيلو كمية حفظ رهيييبة
وعليه 100 درجة
بس انو مو مره صعب
يمشي حالو
والمشكلة الوحيدة اللي واجهتني فيه هي تشريح الفار
...
Chem281
معمل كيمياء عامه 1
املاح مجهولة
وانتِ تكتشفي المجهول من المواصفات حقتو
تقدر تقولي كأنو كان لعبة
ومن الالوان تعرفي المجهول
كان مممتع بمعنى الكلمة
...
Phy281
معمل فيزياء عامه1
دا انا اخدتو اول مادخلت الجامعة
وما اعرف لو اتغير المنهج او لا
بس كان يعتمد على فهمك في المعمل
يعني لازم تفتحي عينك مزبوط وتفهمي كل كلمة
بس كان بصراحه رائع
كدا تحسي المعمل والتجارب ذكاء
...
Bio202
احياء عامه 2
اسهل من 110 بكتييييييييييير
مواضيعها مفيدة في ا لحياة
وكانت مادة رائعة بصراحة
ومعملها كان مررره حماس
وكان فيها معامل دم
ونختبر لو الشخص عندو فقر دم
ونحدد فصائل الدم
وفي معمل تشريح فار نفس 281
...
Bio222
بيولوجيا الخلية
طبعا حفظ في حفظ
بس انا لما اخدتها كانت بالعربي ودي السنة حيتغير الكتاب
...
Isls101
ثقافة اسلامية 1
طبعا سهله ومايحتاج كلام فيها
...
Arab101
عربي 1
دي المادة مدري كيف
كانت سهله بمعنى الكلمة
فعل فاعل مفعول به
مضارع امر ماضي
بس بصراحة مدري كيف بيحطوا الاختبارات حقتها
كانت صعبة لان اغلبها اشعار
...
Arab201
دي المادة حرام لو ما جبتي A+ فيها
والله كدا بيقولولك خدي الـ 100 هدية
اسهل مادة شفتها في الجامعة
ومذاكرتها ما تاخد ساعتين
...
طبعا كل واحد ياخد المواد حسب تخصصو
يعني كل خطة دراسية تختلف من تخصص لتخصص
..
:)

[R-Kh]

المشاركة الأصلية كتبت بواسطة nada90 يعني مثــلا ايش المواد اللي نحطهم مع بعض في ترم وايش المواد اللي صعب ناخدها مع بعض في ترم واحد..

امشي حسب الخطة حقت تخصصك
الخطه مرتبة حسب مستويات المواد
..
:)

[طالب سنة تحضيرية]

ولد خالتي كان معدلو 3.7 ورفعو لـ 4.9 ماشاء الله
بسهوله تقدري ترفعي المعدل لو شديتي حيلك

أما هذي معليش ما بلعتها يعني لو كان معدلوا الترم الأول 3.7 و جاب الفصل الثاني 5 من 5
راح يصير المعدل 4.35
يا ليت توضحي لي يمكن أنا غلطان

[R-Kh]

المشاركة الأصلية كتبت بواسطة طالب سنة تحضيرية ولد خالتي كان معدلو 3.7 ورفعو لـ 4.9 بسهوله تقدري ترفعي المعدل لو شديتي حيلك أما هذي معليش ما بلعتها يعني لو كان معدلوا الترم الأول 3.7 و جاب الفصل الثاني 5 من 5 راح يصير المعدل 4.35 يا ليت توضحي لي يمكن أنا غلطان

صحيح
انا غلطت
انا اقصد انو جاب الترم الاول 3.7 والتاني 4.9 فـ صار التراكمي 4.3
بس خربطت مع العجلة وما كتبت التراكمي
...
شكرًا طالب نسة تحضيرية
وآسفة
..
:)

[طالب سنة تحضيرية]

شكرا

[zico alitti]

السلام عليكم و رحمة الله

استفسار بسيط .في الأودس مكتوب التخصص:مستجد - علوم .هل معناه انو لسى محا نتخصص ولا كيف؟؟

يعني على كلامك انو المواد الباقيه اللي ما درسناها ندرسها في السنه دي بعدين ندخل التخصص ولا مع التخصص اللي نختارو؟؟ .

يعني انا مثلا ابغى ادخل أحياء قسم احياء دقيقة علشان أحول للعلوم الطبية التطبيقيه.ف كيف الشغله احس اني متلخبط.

جزاكم الله ألف خير و جعلكم من العتقاء من النار في هذا الشهر الفضيل.

[R-Kh]

المشاركة الأصلية كتبت بواسطة zico alitti السلام عليكم و رحمة الله استفسار بسيط .في الأودس مكتوب التخصص:مستجد - علوم .هل معناه انو لسى محا نتخصص ولا كيف؟؟ يعني على كلامك انو المواد الباقيه اللي ما درسناها ندرسها في السنه دي بعدين ندخل التخصص ولا مع التخصص اللي نختارو؟؟ . يعني انا مثلا ابغى ادخل أحياء قسم احياء دقيقة علشان أحول للعلوم الطبية التطبيقيه.ف كيف الشغله احس اني متلخبط. جزاكم الله ألف خير و جعلكم من العتقاء من النار في هذا الشهر الفضيل.

وعليكم السلام ورحمة الله وبركاته
...
"مستجد علوم" يعني انك طالب بكلية العلوم ولسا ما اتخصصت بالكلية
...
احتمال تتخصص بأول الدراسة فـ يصير تاخد المواد الباقيه وانت متخصص
أو تخصص بعد ترم ويكون اخدت ديك المواد
...
وبالنسبة للتخصص
انت اللي تختار القسم اللي تبغاه عن طريق الاوديس لما يطلبوا منكم طلبات التخصص
...
بالتوفيق
..
:)

[gjs]

تشريح فار هههه خفت يكون عندي ضعف نظر

طيب نحنا اخدنا احياء 110 بس / ( احياء 202 او 218 ...... ) متى حنضطر ناخدها
مو هي بس للناس الي يبغوا يتخصصوا احياء ؟

[R-Kh]

المشاركة الأصلية كتبت بواسطة gjs تشريح فار هههه خفت يكون عندي ضعف نظر طيب نحنا اخدنا احياء 110 بس / ( احياء 202 او 218 ...... ) متى حنضطر ناخدها مو هي بس للناس الي يبغوا يتخصصوا احياء ؟

مثلا لو انو تخصصك احصاء او رياضيات محا تاخديها
راجعي خطط كل قسم
وشوفي لو المادة موجودة او لا
http://www.skaau.com/vb/showthread.php?t=31619
...
< اختك في الله اخدت احياء281 و202 وعمري ما مسكت الفار
..
:)