حصريا : كل ما يخص كلية الطب & الهندسة .. نبذة شاملة

[حبه سوكـرا..]

مــاشــاء الله إبداع اهنيكم صرآآحـه ع الموضوع الرائع
وربي يحقق امانيكم جميعا
و جزاكم الله خيرر

[GnrlKhalid]

المقابلة تكون بعد نتائج الفرز و صعب جدا إنك ما تنقبل بسبب المقابلة لأنه التسكين يكون إنتها , لكن حسب كلام الطلاب في اليوم الإرشادي إنه المقابلة عملت عشان يعرفوا نوعيات الطلاب إبي بيدخلوا طب و يعملولهم فحص طبي (سحب دم و إلخ).

[الله يـعيـن]

السسسسسلآم عليكم

أول شي يعطييكم ألف ألف عآفيه ع المجهوود

اسمحولي بس عندي كم استفسآر لـ خآلد



الله يعيــنك أسئله كثيييره >> من بدآيتهآ احبآآط

طبيعة الدرآسه انت قلت حتكون قريبه من السنه التحضيريه


ممكن اعرف يعني الدوآم من كم لـ كم ^^
وهل كل آيآم الأسبوع ؟

آنآ عشآن دوآمي دحين سبت و اثنين و ربووع من 8 لــ 11


فـ مآ اعرف لمن ادخل الهندسه كيف حيكون أفضل ولآ أسوأ

--------------------------------------------------

نجي دحين بالنسبه لـ الموآد

فيزيآء : كم حيكون عدد الطلآب اللي معآيآ و هل يختلفوآ من مآده لـ مآده ؟؟ ولآ نفسهم في الفيزيآء همآ اللي في المآث و في الانقلش و كذآآ ؟؟


مآث : نفس سؤآل اللي قبل


الانقلش : حنآخذ انقلش ؟؟ مع العلم انوو خلصنآ في السنه التحضيريه 4 مستويآت ؟ ^^ وكم عدد الطلاب اللي معآيآ إذآ في انقلش ؟


اللغه العربيه و ثقافه اسلاميه : سؤآلي بالنسبه لـ دوول المآدتين هو انو حيكونوآ بالعربي صح ؟؟ و كيف طريقة مذآكرتهم يعني يحتآج أول بـ أول ولآ بس أبوو قبل الاختبآر بـ يومين ؟ وكم عدد الطلآب ؟


الرسم الهندسي : كيف تكون المآده هآذي يعني في المحآضره حيكون بس نظري و شرح ولآ عملي و أشتغل ؟؟ و برضو كم عدد الطلآب اللي معآيآ ؟


التصميم هندسي : نفس سؤآل اللي قبل


ومادة أخرى اغلب شغلها برزنتيشنز : الله يستر آنآ لمن شفت برزنتيشن قلبي وقف ^^ ( صرآحه آنآ مني من النوع اللي يحب يتكلم قدآم الطلآب ^^ )

كيف حتكون المآده ذي ؟ و طبعآ بالعربي ولآ انقلش ؟ وكم عدد الطلآب ؟



--------------------------------------------------------


الحمــد لله أخيرآآ خلصنآ من الموآد


سؤآل عآم لـ كل الموآد هل الدكآتره شديدين مع الطلآب ولا يتسآهلوآ يعني من نآحيه التعآمل و الوآجبآت و الدرجآت


------------------------------------------


بالنسبه لـ البرنآمج المقدم من آرآمكو


الشركة طالبه تقريبا 4 تخصصات موجودة عندنا بكلية الهندسة

اذا خلصت 30 ساعة بمشوارك الاكاديمي بالجامعة


30 سآعه مع السنه التحضيريه ولآ لآ ؟ لأن بعد مآ اخلص السنه التحضيريه حكون مخلص 25 سآعه


( يعني بالعربي متى أقدر أقدم لـ البرنآمج دآ ؟ ) قبل مآ اتخصص ولآ بعد ؟


و كمآن يعني مثآل لو مآ قبلوني آرآمكو لأي سبب كآن هل ممكن أرفع المعدل و أقدم ثآني ؟؟


وبالنسبه لــ اللي انقبلو في البرنامج هل لآزم يحآفظوآ على معدل معين ولآ خلآص انقبل يفل ؟؟

-------------------------------------------------

تقريبآآ كذ’آ انآ غطييت معظم تسآؤلآتي مآ بقييت شي


يعطيك العآفيه

[خالد9921]

بالنسبة للمعدل اللي مكتوب بالجدول لهندسة الطيران 3\5 قصدك في ( السنة التحضيرية ) ولا اية سنة ؟؟؟؟

لا بعد ترمين تقريبا في كلية الهندسة
يعني قياسا على معدلك ذاك الوقت مو وقت السنة التحضيرية
بالتوفيق ..

أول شي يعطييكم ألف ألف عآفيه ع المجهوود اسمحولي بس عندي كم استفسآر لـ خآلد

طبيعة الدرآسه انت قلت حتكون قريبه من السنه التحضيريه ممكن اعرف يعني الدوآم من كم لـ كم ^^ وهل كل آيآم الأسبوع ؟

الدوام عادي مو متعب مره
ما راح يواجهك يوم تعب اذا ضبطت جدولك كويس
الا يمكن يوم او يومين اذا عندك معمل فيها
والباقي مناسبه
تقدر تخلي جدولك كل ايام الاسبوع
واذا مره ضبطته تقدر تسويلك يوم off
يعني انت وتضبيطك لجدولك
وعموما انا اغلب دوامي
من 8 لما 1 اقصى شي ما عدا يومين بس منها يوم معمل الفيزيكس

فيزيآء : كم حيكون عدد الطلآب اللي معآيآ و هل يختلفوآ من مآده لـ مآده ؟؟ ولآ نفسهم في الفيزيآء همآ اللي في المآث و في الانقلش و كذآآ ؟؟

انا بشعبتي تقريبا فيه 20 طالب بس
ويمكن فيه شعب اكثر وشعب اقل حتشوفها بعدين بالاوديوس الشعب لما تنزلك الماده بعد التسكين ان شاءالله
والطلاب لا مو نفسهم لانو الفيزيكس ياخذوها كمان ناس من كلية العلوم وغيروه
يعني يصير عندك اختلاف بالطلاب وبعضهم يمكن تلقاهم وبعضهم لا

مآث :

نفس سؤآل اللي قبل

شعبتي بالماث تقريبا 22 طالب
بس الفعلي تقريبا 40 شكلهم ما يحضرو مبزوطين خخخخخخخ
ونفس الشي مو كلهم دايما معايه على حسب تخصصاتنا وشعبنا

الانقلش : حنآخذ انقلش ؟؟ مع العلم انوو خلصنآ في السنه التحضيريه 4 مستويآت ؟ ^^ وكم عدد الطلاب اللي معآيآ إذآ في انقلش ؟

ومادة أخرى اغلب شغلها برزنتيشنز : الله يستر آنآ لمن شفت برزنتيشن قلبي وقف ^^ ( صرآحه آنآ مني من النوع اللي يحب يتكلم قدآم الطلآب ^^ )

الماده اللي اقصدها هيا نفسها الانقليش
بس ما حبيت اوصفها انها انقليش زي حقكم لانو فيه اختلاف بسيط شويه
اسمها ie 200
عالعموم تقدر تقول ماده كلها لغه وبس
ويطلب منك تسوي حاجات زي الكتابه وغيرو ..
لا تشيل همها الماده ماهي بذيك الصعوبه اذا اعطيتها حقها تنجح بدرجه حلوه
واذا حسنت مستواك باللغه بالصيفيه راح تجيب فيها اقل شي A بإذن الله (:
عدد الطلاب على حسب الشعبه
في شعب من 20 -30 وبعضها اعلى بشويه كمان

اللغه العربيه و ثقافه اسلاميه

: سؤآلي بالنسبه لـ دوول المآدتين هو انو حيكونوآ بالعربي صح ؟؟ و كيف طريقة مذآكرتهم يعني يحتآج أول بـ أول ولآ بس أبوو قبل الاختبآر بـ يومين ؟ وكم عدد الطلآب ؟

يب صح بالعربي
لا مواد سهله من اسبوع لاسبوع مذاكره تجيب فيها فل مارك بالراحه
عدد الطلاب ببعض الشعب مرره ضخم
وبعضها اقل بشويه
لانو كل الجامعه تدرس هاذي المواد ومكان دراستها مبنى 125

الرسم الهندسي : كيف تكون المآده هآذي يعني في المحآضره حيكون بس نظري و شرح ولآ عملي و أشتغل ؟؟ و برضو كم عدد الطلآب اللي معآيآ ؟

يب نظري وعملي وكلو وتشتغل وفيها نشاط يعني (:
يعني روح لها وانت فاااايق خاصة انو مدة كلاسها طويله شوي
عدد الطلاب تقريبا ما راح يزيد عن 15 او 20 اقصى شي
وبعض الشعب كمان حول 10 واقل !! ...

التصميم هندسي :

نفس سؤآل اللي قبل

اممم لسه ما درستها بصراحه ان شاءالله الترم الجاي
لكن مسماها اظن IE201 ويقولو اللي درسوها يبغالها تركيز شوي واهتمام

سؤآل عآم لـ كل الموآد هل الدكآتره شديدين مع الطلآب ولا يتسآهلوآ يعني من نآحيه التعآمل و الوآجبآت و الدرجآت

والله إنت وحظك .. المهم بالعمليه تلقى دكتور يشرح كويس
لان الاغلبيه تدقق عالواجبات والحضور
اهم شي كبداية انك تحضر كوووويس ومجهز نفسك وتكتب بالكلاسات وما تغيب ابدا

بالنسبه لـ البرنآمج المقدم من آرآمكو 30 سآعه مع السنه التحضيريه ولآ لآ ؟ لأن بعد مآ اخلص السنه التحضيريه حكون مخلص 25 سآعه

يب 30 ساعه مع السنة التحضيرية
بس للاسف كليتنا ما تقدر تتخصص فيها الا بعد خمسين ساعه شاملة ساعات التحضيري
وبرنامج ارامكو ما يبغى الا طلاب خلاص اتخصصوا بأحد التخصصات المطلوبة لديهم
يعني عشان نظام الكلية حقنا لازم نصبر لغاية خمسين ونتخصص
وبعدين نقدّم /:

و كمآن يعني مثآل لو مآ قبلوني آرآمكو لأي سبب كآن هل ممكن أرفع المعدل و أقدم ثآني ؟؟

يب تقدر

وبالنسبه لــ اللي انقبلو في البرنامج هل لآزم يحآفظوآ على معدل معين ولآ خلآص انقبل يفل ؟؟

لا عادي بس الافضل يبقى على معدله او يرفعه كمان
لانو لو طاح مرررره ما اضمن يحطوك على مرتبه وظيفيه نازله شويه ..


بالتوفيق ان شاءالله
واتمنى اكون افدتك
اذا ما فهمت شي او حاب تزيد حياك < يقول بنفسه لا تصدّق

[Ahmed Ibrahim]

^^ انا رحت معرض الكليات وقالوا انه الاحصاء داخلة معانا هذي السنة
:)

[الله يـعيـن]

والله جدآ جدآ أفدتني


الله يعطيك ألف ألف عآآفيه و يوفقك يآآرب دنيآآ و آخره


شكككرآآ ,,

[عبدالسلام الغامدي]

المشاركة الأصلية كتبت بواسطة طالب طب في المستقبل بالنسبة لكلية الطب من المعروف انها من افضل كليات الجامعة وهي الان افضل كلية طب في الشرق الاوسط بعد حصولها على الاعتماد الاكاديمي للهيئة الأمريكية الإستشارية للتعليم الطبي وهيئة إعتماد كليات الطب الكندية...

أخالفك الرأي,,,فكلية الطب بجامعة الملك سعود هي الأفضل
((سبحان الله كل طالب يقول ..تخصصي "الأفضل"...وجامعتي "الأعلى" في مستوى))

[طالبة في عزوز]

يانااااس انا ابغا انتحر ابغا امووووت الحين ابغا اعرف اللي يجيب معدل 90 في النسبه الموزونه الخاصه و العامه او اعلى من 90 شويه يظمن كلية الطب خصوصا اني بنت و البنات دوافييييييييييير
بليز احد يطمني ولا بروح انتحر ههههههههههه

[DR.D]

يعطيكم العافيييه موضوع قيم

[GnrlKhalid]

المشاركة الأصلية كتبت بواسطة عبدالسلام الغامدي [/center] أخالفك الرأي,,,فكلية الطب بجامعة الملك سعود هي الأفضل ((سبحان الله كل طالب يقول ..تخصصي "الأفضل"...وجامعتي "الأعلى" في مستوى))

"كانت" الأفضل السنة هذه تفوقت عليها كلية الطب بجامعة الملك عبد العزيز و مؤخرا المنافسة بين الكليتين كانت شديدة جدا لكن إلى حد اللآن كلية الملك عبد العزيز متفوقة على الملك سعود .