Please Girłs ،، Wē Nēēḓ Hεłṕ [[ استفساراتكم هنا + سوالف الموضه والمناسبات ]]

[~ إيقـــ المطـر ـــــاع ~]

السلآم عليكم ورحمة الله وبركاته حيآكم الله وبيآكم وسدد على طريق الخير خطاي وخطآكم ..)! كيفكم صبايا ان شاء الله تمام !..؟ طبعا الكل لآحظ في قسم لهآ قد ايش نحتاج نستفسر عن أشياء نطلب مساعده ونستشير بعض خصوصا اننا بنات جامعه وحده ومدينه وحده غالباً << جدة أم الرخا والشدة وطبعآ زي ماانتو عارفين القسم مخصص لمواضيع كثيره المطبخ ~ الديكور ~ الشعر ~ المكياج ~ الأسره ~ الطفل ~ الصحه وفي الفتره الأخيره طغت مواضيع الإستفسارات وطلبات المساعده لدرجه غطت على مواضيع القسم الرئيسيه كذلك تكررت الطلبات وتكرر فتح مواضيع لنفس الإستفسار من هذا المنطلق << احم احم حبيت أفتح الموضوع هذا بحيث تكون كل الإستفسارات هنا أي وحده حابه تسأل عن شئ تستشير أو تساعد مع جزيل الشكر كلكم تتفضلو وتسألو هنا حتى يسهل للعضوات مساعدتكم مثلآ : وحده اشترت تنوره او بلوزه وماتعرف اي لون تاخذ معاها او اي لون تلبس وحده حابه تسأل عن مول معين وحده تبغى تجارب البنات في البشره والشعر والعنايه بها وحده طقت براسها سوالف عن الموضه وحده بتسأل عن كوافير قص او صبغ او تسريحات شعر او مكياج ايش الميك أب اللي يناسب المناسبه الفلآنيه أو اللبس الفلآني اللي بتسأل عن حاجه من وين تشتريها وكذآ ... الخ يعني كل خرابيطنا خلوها هنآ هدفنا الأول نساعد بعض اذن هنا رح تكون كل الإستفسارات + السوالف اليوميه عن الموضه وكل اهتماماتكم << بس لآ تروحو بعيد طبعا الكل يساعد وكل وحده لها الحق تسأل قد ماتحب وكل عضوه رح تجيب على حسب تجربتها أو حسب ماسمعت يعني ممكن تلآقيي اجابات متعارضه ...) ومن هنا رح نستفيد من بعض ونفيد غيرنا وحتلآحظو ان اللوك تبعكم تغير كمان لأننا كنا نلبس بذوقنا بس الآن رح نستشير بعض ورح نختار مع بعض )...! القوانين للي يحبون الخربطه .../! 1- السؤال يكون واضح وان شاء الله بتلقي الإجابه الواضحه 2- الإجابه عن سؤالك بتكون حسب معلوماتنا وخبراتنا 3- اذا ماعندك استفسار وماتبغي تساعدي وودك تسولفين حطي صورة ستايل وتكلمي عنه 4- طبعا كلكم عارفين حدود الصور المسموح بها عشان مااتتعرض الصور للحذف اذا روقتو تعالو هنا وانطلقو لآ تستحون