هل أنت سعيد بكونك طالب في جامعة الملك عبدالعزيز ؟؟ ( نقاش + فضفضه ) أرجو المشاركة.

[i ĐǿŋŤ ČąЯę]

انا سعيد لاني اكمل دراستي وماني سعيد بأني طالب في جامعة الملك سعود

يكفي الرسوم والمصاريف اللي تقص الظهر علشان ادرس واسكن بجده لاداء الاختبارات

وغربتي عن اهلي وبيتي اكبر مشكله تواجهني ولا حياه لمن تنادي بالنسبه لاختبارات المناطق

ويعطيك العافيه على الموضوع

[سكووت]

سعيدة و مو سعيدة بنفس الوقت ههههه , اللي مضايقني بالجامعة ممم ان تخصصي قانون و مع ذلك لا يوجد تطبيق عملي !!!يعني ليش شطر الطلاب يطبقون و ياخذون فكرة عن المجال الوظيفي و البنات لا !!صراحة ظلم ..

[meno-chan]

نعم ولا
بس الاغلب نعم عشان المكافأه خخخخ <تحب الفلوس

لا عشان اسباب كثيره
مره الجامعه مافيها انتظام ..لا باتخاذ الارء او اي شي
كذا لخبطه على لخبطه
اساتذه يقولو شي و اساتذه يقولو العكس
مافي رأي موحد ..عشان ناخذ العلوم الزينه


حاجه ثانيه

التخصصات مافيها ذاك التنوع و اي شي تبغينها صعب تتحققلك من ناحية نقل او الخ
هذي تحولك لذيك
وهذيك لمدري مين
غير الاخلاق استغفر الله بس <اكثرهم والله الا من رحم ربي

وحركة انهم يدخلونا تخصص ما نبغاه والله ما يصلح كذا
اااه عالايام اللي مريتها انا وكثير من البنات
غلابه

الاااا
مهم ناوين يرفعون المكافأه ؟ خخخخ

[seham alwead]

مرحبا للجميع..
بصراااحة انا سعيدة انى من جامعة الملك عبدالعزيز لانى كنت كااارهه ادخل الكليه بسبب معاناه اختى فيها
لماقدمت عليها وضعوا لنا 3 كليات فقط نقدر نلتحق فيها (هذا قبل السنه التحضيرية وعلى حسب النسبة) المهم انا كنت احب ادخل الطب بس بسبب النسبة تم رفضي حاولت معهم قالت روحى كلمى المسؤوله عن القبول وانتظرتها مده طويله لكن للاسف ماجات .. المهم دخلت كلية العلوم بس للاسف كانت التخصصات نظرية وهذا عيب الجامعه تخصصاتها نظرية ..يعنى اللى تخصصه احياء دقيقة ولا كيمياء حيوي لويقدم للوزارة عشان يتوظف فني مختبر يقولون مالك وظيفة لانه وزارة الصحة ترفض لانكم متخرجين من كلية العلوم مو الصحية ومو مؤهلين مع انه الهيئة السعودية للتخصصات الصحية تعطى شهادات مزاوله مهنه للي يجتاز الاختبار...
غير كذا مافيه ترابط بين الجامعة ووزارة الخدمة المدنية ووزارة العمل لتوجيه الطلاب بالتخصصات المطلوبة في سوق العمل وعمل ورشات عمل ودورات تطويرية..
كمان مافيه استغلال واستفادة من الطلاب والطالبات المتفوقين والمتفوقات للعمل بالجامعة كمعيدين وفنيين بالرغم من وجود نقص في الكوادر البشرية..

[girl moon]

عادي اهم شي ندرس وناخذ شهادة جامعية

[amly 6mo7aty]

نعم نعم نعم

لكن ملاحظاات واشياء لازم تتعدل بأنهم يوضعوا الشخص المناسب في المكان المناسب مو كل ما رحت استفسر عن شي محد عارف ويقعدوا ينقولني من مكتب لمكتب وفوق ذا ما الاقي الاجابه الكافيه لدرجة اني مره رحت اسال عميده كلية الاقتصاد والادراه عن اشاياء في كليتها المكان اللي محطوطه فيه ماهي عارفه تجاوبني تقولي ما اعرف روحي اسالي مدري ميين

وحكااايية النسب اللي متساهلين فيها مع الاولاد الانتظام والبات كل شي يبغوا فوق 4 و 4:50
لازم الكل يكوون عبقريي

وبسس

اهه لو يمسكووني رئاسة الجامعه حتصييير احلى جامعه في العالم
^^^^^^^^^^^^^^^^^^^^^^^^^
تحمسست

[jolya]

انا الحمدلله نوعا ما اميل للرضا برغم انه من الطبيعي اي مكان فيه ايجابيات وسلبيات
ولكن الحمدلله اني توفقت بأستاذات عااادلات مرة يعني ما قد جبت درجة حسيت اني ما استحقها الا في كم مادة
ومن السلبيات صراحة موظفات الادارايات وتعاملهم مع البنااات كان يستفزززززني واكره اروح عندهم كل اول ترم لانهم معاناة بحد ذاتها لازم الجامعه تسوي لهم دورات فن التعامل لان اخلاقهم تجارية اقوى شيء
ومن السلبيات كمان التفرقه بين الاولاد والبنات في اشياء كثير حق من حقوقنا البسيطه جدااا مانعرفها ولكن يجي ولد هنا يقول هذي عندنا عادي مثلا حكاية الحذف والاضافه المواد الحرة والاختيارية قمة المعاناة زين الترم اللي راح فتحولنا الاختيارية من الاوديس وهذا يحسب لنظم المعلومات في الجامعه شيء موفق واحنا صااااابرين الى اخر قطرة في هالجامعه مو عشاننا لاني قربت اتخرج بس عشان عيالي في المستقبل :) وبالتوفيق للجميع اسال الله العلي القدير ان ينفعنا بما علمنا ويرزقنا خير الدنيا والأخرة ,,,,,,,,,,

[нαмooḐ]

الحمد لله يارب....

على انو الجامعه فيها اشياء كثيييره ماهي كويسه بس برضوو تبقى من اقوى الجامعات والحمد لله اني طالب فيها

شكرا ع الموضوع :)

[ساوووووووخ]

الاجابه لا هي ايوه ولا لا

يعني بالنص مافي شيء كامل بس للاسف الجامعه اغلب مافيها ظلم و عيوب
انا الحمد الله مااكلت ظلم بالدرجات غير 3 مرات مرتين كلمه الدكتوره " نفس الدكتوره بمادتين " فيها تقول مااقدر افيدك وقامت تبربر انها مو قاصده وهذا النظام ماتقدر تعطي ناس كثيرa ومابيدها درجات حتى من القهر يلي فيني وقتها من غير مااقصد قفلت ع يدي الباب
تعامل الشؤؤن المزري مع الطالبات ،،،،وكاننا جالسين نطالبهم بصدقه لا وتكلمك من فوق خشمها ولا تطالع فيك " اقسم بالله لما يجيني احد بالشارع يشحد اطالع بعيونه بشكل مباشر ! " ونظام مااختم لك غير ورقتين كل يوم ،،،خير ان شاء الله ؟
الانظمه يلي ماتعرف من وين طالعه ،،،،خصوصاً اخلعي العبايه يلي في الشؤؤن ولا مانخدمك شيء مضحك والله حتى لما اجي اسئلهم شيء ترفض ترد تقول عبايتك نزليها اول ولا كاني إلا قلت بتقهوى عندكم الظهريه وبتكي ترا راس مالها 5 ثواني ياايوه يالا ،،،،بعدين اخراج البطاقه عند الدخول والخروج عشان بنات السكن مايخرجون ! كاننهم بسجن " عاد الله يعينهم بنات السكن اشوفهم يشتكون كثير "
الدكاتره اغلبهم مايجلسون باوقاتهم المكتبيه ولو جيتي تراجعيهم بالدرجات وكانت الدكتوره " عصبيه " تاكلك بقشورك ولا توريكي الورقه ليش هي ماتعرف تصحح وانتي يلي بتجيبيها
والشرح بعضهم مايشرح ولا يتعب نفسه ووقت الاختبار الاسئله تخلي راسك يصدع من كثر ماتفكر ،،،السؤال ذا من اي جزئيه اصلاً ماقد شوفته
الظلم بالبحوث الله لايوفقها يلي مسكتني ببحثي ورب الايمان اني للان مقهوره منها ولا رح اسامحها لا اليوم ولا بكرا
المشكله انها مو بس هيا يلي ظالمه اغلب صاحباتي بيعانون من الطلبات التعجيزيه ببعض الدكاتره
وقت الاضافه والحذف اتوقع كل انسان راح يضيف من الجامعه ماده دخل بمقلب اليوزر مو عندي واستنى لين مايجيني وتروحي البيت تستني وتبدآ الشعبه تتتعبى وتتعبى لين ماتصير فل " ع العشى " وانتي للحين ماانضافت لك ! تراجعي تقولي ياناس انا الساعه 9 ضفتها وحرام يصرفونك بالاستاذه تروحين تترجينها انها تقبلك تدخلين ،،،وفوق ذا كله في ناس تنضاف تحت اللون الاحمر
المبنى التاسع يلي اعاني منه شخصياً المشرفات يلي يعاملونك كانك داخله لمحاضرتها " بعضهم "
تقفل الباب بعد ماتدخل ولا تدخلك بعدها ، حساسيين من جهة الصوت لو تكلمنا كتمو الصوت ولو قال الدكتور شيء يضحك وضحكنا انفجعت المشرفه و بسرعه تقفل الصوت وتصيح " عيييييييب يبنات وين احنا "
فوق ذا كله التمنين بانهم يلي يخلونا ننجح عند الدكتور ! والتواصل السيئ بيينا وبين الدكاتره
بعدين كلمه " من اقوى الجامعات " من وين طالعه اذا كذا التعليم القوي اجل الضعيف شلون

المشاركة الأصلية كتبت بواسطة rww3ah وليه الطالب الاجنبي مايدرس انتظام .. ماحد احسن من احد ... لافرق بين عربي واعجمي الا بالتقوى وماحد ياخذ رزق احد .. حط نفسك مكان الطالب الاجنبي ترضى انك تنظلم وتحرم حق من حقوقك بس عشانك اجنبي.

الموضوع مو عنصريه بالعكس منطق
يعني المواطن لو مالقي مكان له بوطنه وين يروح ؟
الاجنبي يقدر يرجع لوطنه لو مالقي مقعد ،،،بعدين المفروض ان الدوله تصرف ملايين عشان بالاخير يطلع لها شباب ينتجون لخدمه الوطن ويساهمون بالتنميه الاقتصاديه ،،،تتوقعين الاجنبي رح ينتج لوطنه الاصلي ولا لمكان الاقامه ؟

[القائد نابليون]

عزيزى محمد بخصوص موضوعك في غير محلة احمد ربك انت وهو على النعمة غيركم ما دخل وغيركم في الدول الاخر لا بود من دفع رسوم وتقولى هل انت سعيد في الجامعة يكفيك فقط المكافاة التى لا توجد في اكثر جامعات العالم فل نحمد لله على النعمة