خاص بالمقابله الشخصيه لوزارة الخارجيه

[abeer74]

السلام عليكم
اليوم كانت مقابلتي
بس نصيحة ....روحو بدري عشان الدور بالارقام...انا وصلت 11الا ربع و رقمي 20
دخلت الساعة 3 ونص وخمس!!!
كل بنت تجلس من 8 الى 10 دقايق ومو مسموح نسأل البنت الي تطلع اي سؤال!!!!
كانو 5 من دكتورات الجامعة..
ِنظراتهم حادة شوي وممكن ينرفزونك عشان يشوفون قدرة التحمل عندك!!!بس وين القدرة وانا منتظرة 5 ساعات!!!
والاسئلة كانت
عرفي بنفسك
تحبي العمل الجماعي او الفردي وليش
اذكري منظمتين عالميتين تكون المملكة فيها عضو
تتابعين الاخبار
ايش الدولة الاوروبية الي فيها ازمة اقتصادية
ايش ترتيب المملكة من ناحية انتاج النفط
اش آخر الاحداث السياسية
اش اسم المعارضين في تايلاند
اش حاصل في السودان
ما معنى الاوبك والاوابك
اش تعرفين عن هيروشيما
سمعتي عن مصطلح اسمه (آيباك)
تكلمي عن مجلس الشورى(كل شي تعرفينه)
سألتني دكتورة من قسم الانجليزي(لأن تخصصي انجليزي)
اش الكتب الانجليزية الي تقرئينها
من وين مصادر معلوماتك
اش الجرايد الي تقرينها
اش القضية الاجتماعية الي تابعتيعها عن المملكة
اش تعرفين عن العولمة

وبالتوفيق للجميع

[laloo]

بــــاك...

المشاركة الأصلية كتبت بواسطة abeer74 نصيحة ....روحو بدري عشان الدور بالارقام...انا وصلت 11الا ربع و رقمي 20 دخلت الساعة 3 ونص وخمس!!!

المشاركة الأصلية كتبت بواسطة عاشقة السياية روحو بدري وخذو رقم انا جيت من بدري الساعه 8 واخذت رقم ولفلفت بالجامعة الى موعد المقابلة وريحت دماغي ودخلت اول وحده

بالاول احب اشكر عبير وعاشقة السياسه ... وجزاكم الله الف خير .. استفدت من نصيحتكم ورحت بدري .. وخلصت بدري ومشيت <<< عاد كان وراي سفر ,, فسهلتو علي من بعد الله بهالموضوع ..... حتى امي تقول ادعي لهم ... الله يوفقكم ويسهل لكم امركم ياااااااااااااااارب
ويوفقكم جمـــــيعاً...

[laloo]

وصل سلامك عبيــر
واللحين جا دور المقابلهـ ... بالاول كانت مقابلتي الثلاثاء ...

المشاركة الأصلية كتبت بواسطة abeer74 وكانت المقابلة عبارة عن تحقيق!!! هو اسلوب من اساليب الاستفزاز عشان يشوفون مدى الثبات الانفعالي عندك!!! ما صارت مقابلة شخصية!!!صارت امتحان شفوي!!! الاسئلة الشخصية ما تتعدا سؤالين والباقي من الاحداث السياسية!!! اجل اش فرقت المقابلة عن الاختبار الي اختبرناه؟

المشاركة الأصلية كتبت بواسطة lafander * ايش تعرفين عن بومباي ومومباي ؟ * هل تعرفين رواندا ؟ كانت من اغرب المقابلات في حياتها ... المفروض الدكتورات يعرفون عن انفسهم !!! ما حد عرف وعلى طول اسئلة ولا حتى اخذوا سيرة ذاتية او شهادات و في النهاية شكرا وتفضلي خلصنا !!! ملاحظة : بنات فعلا المقابلة تحتاج اعصاب بارة ثلج لان الدكتورات يتعمدون يرفعون اعصابك من ازعاج ( وحدة من الدكتورات كانت تتكلم في التلفون) ابو التشويش واضافة طريقة طرح السؤال الغريبة ... تقول لك السؤال وما تكمل تنتظر

كنت احسب انو الوحيدة اللي صار معاي كذا لانو لظروف المقابله تبعي .. منها انو تو الدكتورة اللي من الجامعه تو واصله ولسا ما ترتبت امورهم يعني ... وكانت فيه وحده بالنص (بين الدكتورة اللي من الجامعه وبين الثالثه اللي تتفرج عليك بس)..تتكلم بالجوال ولمن جيت وقالت لي اجلسي قامت من الطاوله وراحت الجهه الثانيه تتكلم ... وهذيك استلمتني تحقيق (ولا جلست اللي معاها جوال) الا لمن قالت الدكتورة خلصت اسئلتي .. وسألتهم عندك سؤال لها قالت لا وتأشر بيديها وهي ماسكه جوالها حتى ما شفت وجهها ما رفعته والثانيه اللي تتفرج ما سالتني بعد...
هذا بالضبط اللي صار معاي .... وكانت اعصابي معها بارده... (بس لمن طلعت من المقابله اعصاب فوووق لدرجه انو انهل الشريط على ابوي بالسيارة وانقهرت) انو ليه مقابلتي كذا مو زي البنات ماصارت مقابله ما تعرف عني غير اني متخرجه من عندهم
ما عرفت اتكلم عن نفسي زي الناس.. من جد مقابله غريبة.. طمنتوني انو فيه احد مثلي .. ارتاح بالي..الله يريحكم

ما اطول عليكم ...سألتني نفس الاسئله ضيفو عليها
* سألتني عن معدلي؟
* عن التسرب اللي صار بالنفط بامريكا؟
* سالتني في تخصصي؟ اللي جاب معاها سيرة اسرائيل وآيباك وعن جنسية اعضائها.. وليه تستخدم اسلحة غير مسموح بها قانونيا؟ً
* اش سويت في السنه اللي فاتت بعد تخرجي؟
* سالتني عن عملي الفردي والجماعي وهل ترأست مجموعه بعملي؟
*احتياطي المملكه من النفط؟
*واللي استغربته اكثر اني ما قدرت اعرف عن نفسي بالعربي، فا لمن سالتني كيفك بالانجليزي وقلت لها كويسه ... قالت طيب اتكلمي <<<< كذا فجأه اتكلمي!!!!
قلت لها: اعرف عن نفسي
قالت:لالا خلاص عرفتي بالعربي .. تكلمي عن هواياتك <<< سلامات متى عرفت عن نفسي
مشيييت المقابله وبوجه شرح زي ما تبي
وكانت تغالطني بالكلام، يعني اقولها تعاملت مع الغرفة التجاريه بالمدينه ، ترجع بعد شويه تقولي ايوه لمن عملتي بالغرفه بالطايف << ؟؟؟؟
شكلها بتشوف امشي كلامها ولا اعدل لها .. انو ايه ايه عشان اخلص من المقابله
فا عدلت لها كلامها وقلت المدينة وجاوبت على سؤالها..
اش بعد <<<< ودي افيدكم لانو استفدت منكم
بس تقريبا هذا اللي اتذكره ذحين ..

وموفقين يارب جميعاً..... وياااااااااااااااااااارب يكتب لنا الخير ...

[selfConfidance]

١- تكلمي عن نفسك
٢- وش مسمى الوظيفه اللي انتي مقدمة عليها
٣- كم عدد افراد مجلس الشورى؟ ما هي طبيعة عملهم؟ عدد افرادهم؟ من يختارهم؟
٤- تكلمي عن الاسلام؟
٥- ما سبب الازمه الاقتصاديه في العالم ؟
٦- الدول التي تستخدم اليورو؟
٧- اذكري دولتين لا تستخدم اليورو في اوروبا
٨- اخر خبر سياسي قراتيه ؟
و اسئلة كثيره مالها داعي يعين لمفروض يسئلون عن الجانب الشخصي في شخيصية المتقدمة !! و الله شي غريب

[laloo]

المشاركة الأصلية كتبت بواسطة laloo كانت مقابلتي الثلاثاء ...

خطأ مطبعي >>> يوم الأحد كانت
.........
Up
موفقين ياااارب

[عاشقة السياية]

المشاركة الأصلية كتبت بواسطة laloo بــــاك... بالاول احب اشكر عبير وعاشقة السياسه ... وجزاكم الله الف خير .. استفدت من نصيحتكم ورحت بدري .. وخلصت بدري ومشيت <<< عاد كان وراي سفر ,, فسهلتو علي من بعد الله بهالموضوع ..... حتى امي تقول ادعي لهم ... الله يوفقكم ويسهل لكم امركم ياااااااااااااااارب ويوفقكم جمـــــيعاً...

الله يوفقك حبيبتي laloo
والله عيني أدمعت لما دعيتيلنا
تسلميلي والله يخليلك الوالدة وربي يحفظها لكم
الله يوفق الجميع

[عاشقة السياية]

هلا بالجميع
عساكم بخير وصحه وعافيه
اخت عبير كان الله في عونك اسألتك مره صعبه وكثيرة ان شاءالله عرفتي تجاوبي عليها
انا قابلت من كم يوم وحبيت افيدكم زي ماوعدتكم وخاصه الحالمة عزيزتي واسألتي كانت كالتالي
-تكلمي عن نفسك؟
-ماهي مؤهلاتك الوظيفية؟
ماهي نقاط ضعفك وقوتك؟
-من قائل العبارة (الغاية تبرر الوسيلة وهل يعتبر اخلاقي او لا )>>وشي صار الوان تنحت تناحه وعدت على خير بحمدالله
-مالفرق بين الاتحاد السوفيتي وروسيا
- اليورو عملة لمن من الدول الاوروبية؟ وماذا نسمي هذي الدول<<الجواب الاتحاد الاوروبي وطلبت مني اعدد دول الاتحاد الاوربي جميعها
-من النائب الثاني؟ وما منصبه؟>>لاتسوو مثلي انا قلت نايف وزبطت لكن خربتها وقلت انه وزير الخارجية <<حسيت مالي داعي بالمقابلة خخخخخ
-مارأيك بمقوله ان المرأة لايجب ان تعمل "وقرن في بيوتكن" وان مكان المرأة البيت لا للعمل ؟
-سألتني عن لغتي الانجليزية وسالتني سؤال بالانجليزي عن المشاكل الاجتماعية الحاصلة بالمملكة داخليا ؟
-سألت عن شي في كلمة اقليم او عددي 3 انواع للاقاليم بالمملكة؟ بصراحه مافهمت السؤال
-هل تقرأي جرايد؟ايش الجرايد اللي تقرأيها؟هل تتابعي اخبار على التلفزيون؟
-هل تقرأي كتب؟ايش نوعها واسماء مؤلفيها؟
-هل المادة شي مهم واساسي للحياة>>قصدها الفلوس يعني
-اممممم هذا اللي اذكره وسامحوني على اللي نسيتو
وجهت نظري بالمقابلة ونصايحي لكم:
روحو بدري وخذو رقم انا جيت من بدري الساعه 8 واخذت رقم ولفلفت بالجامعة الى موعد المقابلة وريحت دماغي ودخلت اول وحده
-كنت بس اضحك وهم يضحكوىيعني الجو كان لطيف جدا
كانو 3 دكتورات 2 يسألو ووحده ساكتة طبعا وظيفتها تراقب تحركاتي يعني خليكم واثقين من روحكم عشان حركات الجسد والجلسة بالطبع لها دور مهم بالمقابلة
السؤال اللي ماكنت اعرف عنه شي كنت اقول ما اعرفه بصدق لان بيأثر على السؤال اللي بعده
-مقابلتي اخذت 5 دقايق فقط وسريعه جدا

اان شاءالله تستفيدو من مقابلتي والله يوفق الجميع
دواعتكم لي ولزوجي وابني
ولو في اي استفسار انا في الخدمة حبيباتي

[دانةالدنيا]

الله يعطيكم العافية ويوفقكم من جد ساعدتوني وريحتوني,,,,,
الله يكتب اللي في الخير,,
أنا مقابلتي يوم الثلاثاء انشاءالله....
الله يسهل يارب

[لولــــــــــــو]

اللـــــــــــــــــــــــــــــه يوفق الجميع ويطمن بالكم ويصلح حالكم وعليكم بالإستغفار فانه منفغة في الامور كلها

[أجمل أميرة]

السلام عليكم
تكفون أنا إختباري آخر يوم الإثنين 17/6
وانتظر مساعدتكم