تجمع المتقدمين لماجستير ادارة اعمال (البرنامج العام الاكاديمي ) لعام 1434 - 1435

[&R&]

الله يوفقنا يارب ونتقابل ع خير ان شاء الله
هدوء بخصوص القدرات انا انصحها تعيده وتجيب اعلى درجه ممكن تجيبها والافضل فوق %80
اما الاستيب شرط لازم تجتازة مايدخل في النسبه الموزنة للقبول لازم تجيب اقل شئ 52
يحسبو النسبه الموزونة 50% من المعدل 40% قدرات و10% حسب قرب التخصص وهذا من اختصاص الجامعه تحطه لها

[راتانيا]

المشاركة الأصلية كتبت بواسطة هدوٍء~ الف مبروك للجميع ياليت تردو على استفساري صديقتي تخرجت هذا الترم من البكالريوس قسم ادارة اعمال ادارة موارد بشريه ومعدلها 4.10 وجابت بقدرات الجامعيين 68 وستيب لسا ماطلعت نتيجتو ابغا اسألكم كلكم عندكم خبره ؟ وكيف تحسب صديقتي معدلها التركمي والا النسبه والا ايش اللي يتم على اساسها القبول وكم جبتو في اختبار ستيب ؟؟

الله يبارك فيكي ^^

ما حزيد شي على كلام &r&

الا عن موضوع الخبره

الخبرة كانت شرط لكن اتنازلوا عنه هادي السنه وارسلوا ايميلات بدا الشي

يعني السنه الجايه ممكن يرجعوا يشترطوا او يتجاوزوا عنه اظن بحسب عدد اللي يقدموا
للامانه ما اعرف بالضبط ليش كان التجاوز عن الشرط لكن دا مجرد تخمين
الله يوفقها ويكتبلها الخير ^__^

[الفراشه2008]

صباح الخير
حابه استفسر من طلاب وطالبات ماجستير إدارة أعمال إذا لديهم أي مراجع وأوراق امتحانات وتكاليف ممكن تفيدنا في دراستنا أنا طالبه مستجدة ولا أعلم شيئا عن التخض والدكاتره فياليت أي أحد عنده معلومه تفيدنا يرسلها ولا يبخل علينا بعلمه وجزاه الله ألف خير
وطلب خاص لرحله إحساس ارجوا ان تفيدينا من سنين دراستك وتنزلين جميع تكاليفك على الموقع وجزاك الله خيرا ووفقك في ما تبقى من مشوراك.

[najmah]

الله يوفقكم يارب وإن شاء الله ربي يحقق لنا اللي أتمناه ويسهل أمورنا .. يااااااااااارب أكون معاكم هالترم بإذن الله بس باقي درجة الكفايات .

رحلة إحساس إستفدنا منك كثير الله يوفقك ويسعدك عقبال تتخرجي بنسبة عالية إن شاء الله

عندي سؤال حذف وإضافة المواد في إعلان يقول بدء التسجيل المبكر في الحذف والإضافة طيب واللي لسى ماطلعت نتيجة الكفايات متى آخر موعد ..؟

[راتانيا]

بنات رحت الجامعه عشان نموذج طالب مستجد وادوني نموذج ومالقيت اي احد في القسم يعبيه

حبيت اقولكم عشان ما تضربوا مشوار زيي

قالولي ارسليه على ايميل الدكتوره امل لانها مسافره برا
اذا تبغوا النموذج ممكن ارفعه لكم وترسلوه للدكتوره

[mnoola]

المشاركة الأصلية كتبت بواسطة راتانيا بنات رحت الجامعه عشان نموذج طالب مستجد وادوني نموذج ومالقيت اي احد في القسم يعبيه حبيت اقولكم عشان ما تضربوا مشوار زيي قالولي ارسليه على ايميل الدكتوره امل لانها مسافره برا اذا تبغوا النموذج ممكن ارفعه لكم وترسلوه للدكتوره

الله يسعدك كويس اديتنا خبر
طيب استلمتي البطاقة؟
واذا ماعليكي امر نزلي النموذج وايميل استاذة امل

[*nar*jes*]

المشاركة الأصلية كتبت بواسطة رحلة احساس آمين وإياك الله يسلمك زمان كان تقدري تختاري إما رسالة أو مشروع بحثي بس الآن بعد الاعتماد الأكاديمي صار نظام الدراسة واحد فقط: مشروع بحثي، يعني المواد كثير على قولتك بالنسبة للمواد الاختيارية فما عندك خيارات كثيرة فيها لأنه في الفصل الواحد يفتحوا مادة أو اثنين حعطيك نبذة مختصرة عن (بعض) الدكاترة اللي درسوني المواد الأساسية وأسلوبهم في التدريس وراح أحاول أكون حيادية في الطرح، يعني أذكر حقائق فقط بدون ذم أو مدح مناهج البحث والتحليل الكمي هذي المادة مهمة مهمة جدا في الماجستير كله، تفهمك كيف تسوي أي بحث، وبالذات المشروع البحثي كانت كل مرة تنزل مع أحد، بس أنا أخذتها مع د.خالد الشعيبي بصراحة علمنا صح كيف نسوي بحث كامل، وايش الأخطاء الشائعة في البحوث، وكيف نكتب الفرضيات والاستبيان والأهداف والأهمية وايش الفرق بينهم حتى إنه كثير مننا لما جينا لآخر ترم نطبق المشروع البحثي، رجعنا لأوراقه والكتاب اللي كان يشرح منه بالنسبة لأسلوب الدكتور فهو يحب التفاعل في المحاضرة، يعني يضرب مثال بعنوان بحث ويجلس يسأل: ايش الفرضيات؟ أما توزيع الدرجات فمني حافظة لأنه أخذت المادة بأول ترم، بس أتذكر كان مطلوب من كل مجموعة تختار موضوع وتسوي عليه خطة بحث، وكان فيه اختبار نهائي وبالاختبار النهائي جاب لنا مثال لبحث واحنا نكتب عليه الأهمية والأهداف والفرضيات ووو ...الخ بالإضافة لكم سؤال ثاني استغرقنا تقريبا الوقت كامل ( ساعتين ) لأنه لازم تعصري مخك في ساعتين فقط وتكتبي خطة بحث إدارة العمليات الإستراتيجية تعطيها أ.د.أسماء باهرمز معروفة المادة بكثرة شغلها، لكن كلمة حق تنقال: تستفيدي من الكرف : ) يعني رحنا لما يقارب 3 مصانع مع الدكتورة، بعضها بس كدا زيارة نستفيد منها ونتناقش فيها، وبعضها نكتب عنها تقرير من صفحة أو اثنين، غير المصنع اللي تختاريه لمشروعك انت ومجموعتك وتروحوه وتكتبوا تقرير كامل عنه وورد وبعدين تعملوا عليه عرض بالإضافة إلى إنه كل مجموعة تختار فصل من الكتاب وتشرحه بالنسبة لاختباراتها ففيه بنهاية كل فصل بالكتاب أسئلة يكون عنوانها critical questions كانت تجيب منها، مع اختيار من متعدد الإدارة الإستراتيجية المتقدمة أعطتنا هي د.وفاء اليافي بالنسبة لأسلوب د.وفاء فهو ثابت في كل المواد: تحضري مؤتمر أو لقاء علمي أو دورة وتكتبي عنه تقرير في صفحتين + مشروع يعتمد على طبيعة المادة، مثلا في ادارة استراتيجية كانت تعطي كل مجموعة حالة دراسية وهي تكتب خطتها الاستراتيجية، يعني الرؤية والأهداف وتحليل سوات ... الخ + زيارة لمكتبة مثلا أو مكان وتكتبي تقرير عن هذه الزيارة برضو في صفحتين + اختبار دوري ونهائي والأسئلة مقالية، يمكن 5 فقرات فقط صح وخطأ، وبعدين سؤال من 10 فقرات تقريبا عددي تعددي اثنين من كل شيء مع شرح بسيط مثلا: عددي مزايا التوجه الاستراتيجي؟ مطلوب فقط تحفظي اثنين وتكتبيهم، وتشرحيهم شرح مبسط فلما كنا نذاكر كانت التعدادات كثيرة، بس احنا نحفظ اثنين فقط من كل تعداد وآخر سؤال يتكون من عدة فقرات: مقارنة، ورسم، وتعليق على خبر منشور في جريدة مثلا الريادة في مجال الأعمال نزلت مرة مع د.عبلة بخاري، ومرة مع د.سيدة مختار أنا أخذتها مع د.سيدة مختار، بريطانية، ما تتكلم عربي أسلوبها في التدريس مختلف عن النمط اللي متعودين عليه، يعني ما عندها كتاب وشرايح تشرح منها كل محاضرة كنا ناخذ نماذج مشاريع قادة ورياديين وكيف بدؤوا وكيف انتهوا، المحاضرة كلها عبارة عن حالات دراسية، نقرا حالة دراسية سوا ونجلس نعلق عليها ونقول آراءنا كمجموعات طبعا فيه بنات يناسبهم هذا الأسلوب، وفيه بنات يحبوا يلتزموا بكتاب ومنهج معين حتى المشروع عبارة عن حالة دراسية نقراها ونجاوب على أسئلتها والاختبار النهائي حالة دراسية برضو، يعني ما تذاكري شي بالنهائي بس بالدوري أعطتنا كم ورقة نذاكر منها وكانت الأسئلة كلها مقالية اقتصاد إداري د. فاروق الخطيب دايما يعطيها، وأحيانا يفتحوا معاها شعبة ثانية لدكتور ثاني لأنه مو بس إدارة أعمال ياخذوها، كمان طالبات محاسبة واقتصاد أظن توزيع الدرجات مع الدكتور فاروق: دوري ونهائي ومشروع وواجبات الواجبات عبارة عن مسائل تحليها في البيت، والمشروع تروحي مصنع (كل وحدة لحالها) وتكتبي عن الوظائف الخمسة له: موارد بشرية وانتاج ...الخ الدكتور قبل الاختبارات يراجع ويعطيك أوراق أسئلة منها 100 صح وخطأ، يجيب نفس الصح والخطأ بس يغير فيها، ولازم تنتبهي للتغييرات لأنه بعضها دقيقة وتقريبا 3 مسائل في كل اختبار، كل مسألة تحليها في صفحة وأفكار المسائل شبيهة جدا باللي يشرحها في المحاضرات نظم المعلومات الإدارية د.اقبال الصالح المادة فيها عرض لأحد فصول الكتاب (مجموعات)، ومشروع، ودوري، ونهائي، ومشاركة بالنسبة للعروض فالدكتورة يهمها الرسومات في عرض البوربوينت، يعني مو دش كلام فقط، ووقفتك ولبسك ونظرات عينك تكون موزعة عالطالبات وانك تعرّفي بنفسك في البداية،، وغيرها طبعا أما المشاريع فناخذ نظام معلومات لأي شركة أو جهة عمل ونشرح عمليتين أو 3 في النظام وأسئلتها بالاختبارات صح وخطأ، واختياري، وفراغات، وعددي، ورسومات وتجيبلك سؤال كامل مصطلحات بالانجليزي وتسألك هذي اختصار لايش، لما حتدرسي المادة حتفهمي أكثر ايش أقصد : )

الله يسعدك ويوفقك ويكتبه في ميزان حسناتك بغيت اسالك اذا انا قد سبق ودرست احدا هاذي المواد في مرحلة البكالريوس اعيد دراستها من جديد ؟؟؟

[&R&]

يعطيكم العافيه
راتانيا تسلمي الله يسعدك ممكن تنزلي النموذج توفري علينا مشوار وايميل الدكتورة امل

[طوفان]

بالنسبة لشطر الطلاب ذهبت قبل اسبوع لاستلام البطاقه وفعلا استلمتها ومن ثم توجهت لقسم الشئون الاكاديمية واعطوني نموذج طالب مستجد يعبأ من الكلية ذهبت للكلية ووقعوا لي بعدم وجود مواد تكميليه التوقيع سيكون من امين القسم د. مندوره او د. عبدالله باسهل المشرف ع برنامج mba

عدت بالورقة مختمة الى الدراسات العليا وسلمتها للشئون الاكاديميه اخبروني بانه قريب سوف يفتح الحذف والاضافه الكترونياً
وقبل 16 رمضان لازم اكون اضفت المواد
طبعا النظام مافتح الاضافه فتواصلت مع المشرف ع البرنامج د. عبدالله باسهل واخبرته فرد علي بان الاضافه ستكون في شوال مع بداية الدراسه واكد على ذلك
مع خوفي من تضارب المهمات بين المشرف بالكلية والشئون الاكاديميه بالدراسات العليا

[&R&]

ماشاء الله امورك تيسرت الحمدلله العقبه لنا
ياريت التسجيل بدايه السن
طيب بسالك سالت عن نوع الدراسه رساله او مشروع بحث!?