اش شعوركم وانت انقبلتو في كلية الطب << ابغى مشاااااعر

[][_ غــــــيــــــر _ ][]

السلام عليكم ورحمة الله وبركاته ..
* يمنع منعا باتاً الخروج عن صلب الموضوع و جعله ساحة للمناقشات الجانبية ( chat ). وسيتم حذف الردود الخارجة عن صلب الموضوع .
*إن الجهل بهذه القوانين لا يعفي من المسؤولية , ويعتبر كل عضو مسؤلاً عن مشاركاته و ردوده .

النظام العام لمنتديات طلاب وطالبات جامعة الملك عبدالعزيز

[mzat kau]

اوه اوه اسفين يامشرفنا العزيز هههه
الموهم مزاج عموما دا شي حلو يعني انتا تقريبا اكتر ولد كتب مشاعر هنا خخخخخخخ
ان شا الله ماكون طلعت عن صلب الموضوع بس هع

[A N G E L]

جييييييتكم بقصة العمر
والله صراحة التسكين كاان شي خياالي
كنت اقعد بالساعات على الاودس
الين صارتلي وسوسة حتى الين ذحين صرت ادخلو بس كذا كانو فرض

بس كاانت ايام مرهقة صرااحة
واحلى شي
كانت
الاشاعات
مرررررررررة جيدة كان كل ثانية تطلع اشاعة زي قناة الاسهم تطلع وتنزل عندنا الاشاعات كانت بس تطلع

الموووهم بدخل في صلب الموضوع عشان لا ينحذف الرد <<

القصة كالتالي:
يومتها صليت الفجر طبعن في المسجد
وطبعن طوالي على الاودس واحدثو كل دقيقة الين الساعة 8 ونص وانا على الاودس والمنتدى ما شاء الله
..
شوية الوالد يقولي روح العمارة اباك تقعد مع حقون المكيفات << في عز الشمس افكورز
قلنا تيب منها نوخر شوية الهم حق الاودس
مشينا على 8 ونص من البيت قعدت في العمارة من وقتها الين الساعة 10 ونص
شوية قلبي
وجعني <<

حسيت انها نزلت
قلت اتصل على اخويا يفك من عندو
اتصلت عليه طويل العمر رد عليا وهوا نايم
قلتلو: روح افتح جهازي وتلاقي صفحة موجودة سويلها تحديث
قلي طيب
راح اخونا في الله اتصل عليا..قلي (( من فين اسوي التحديث ))
افاااا وبعد عنااء طويل
عرف من فين وسوالها تحديث
تخيلو اش صار
جهاازي اللي عمر ابو ما علق
عللللللللللللق وقتها
قلي جهازك الـ^$&%&%$ علق
انا عاد مررة خلاص شوية واموت
قلت بلا مكيفات بلا هم

واحرك على البيت وداعس كانو سباق طبعن اقهر ما عندي وقتها
الاشارات هههههههه شي يقهر
المهم وصلت البيت
في اصنصير
من تنااحتي
قلت الا اطلع الدرج
وانا طالع
والله العظيم ركبي مهي قادرة تشيلني

طبعن وصلت بعون الله الى غرفتي

سويت ريستارت سريع << شلت البطارية والشاحن هع

وشغلتو
فتحت الاودس وقلبي يسوي .. طرمبقن طرمبقن
واخييييييييرن
فتح ومكتوب مكان التخصص
طــب وجــراحة
طبعن على طول بدون اي مقدمات
سجود الشكر زي حق الملاعب فوق السرير
وكلمت الوالدة والوالد
وانهاالت عليا الاتصالات << تكفى يا مهم
وهييك

بس وقتها والله خلااص حسيت هم كبييييييييييييييييييييييييييييير راح عني
ارتحت من جد صرت احس انو انا سويت شي
وعملت شي في السنة هذه
وهذه قــصة تـسكيني في كليتنا العزيز
كـلية الطـب

[mzat kau]

ووه ينااااس على سجود الشكر هع هع
الحمد لله والف مبروك يادكتر ههههه اهم شي اني متابعه هنا معاكم بالغصب حاشرة نفسي هع
الموهم ادعووولي انقبل في التقنيه واسوي سجود شكر ملاعب هع هع

[A N G E L]

هههههههههههههههه
كيف بث
بالتوفيق والله
ومبروووك مقدما << واثق خلااص
وبيتك ومطرحك ولو

[M!ss Mojy]

وي ياانجل اتحمست مع قصتك حتى انا قلبي سوا طربق طربق

وعقبال ماتجي يامزتي وتحيكنا شعورك لمن تنقبلي في التقنية الطبية

[د.مشاعل]

مبروووووووووووووووووووووووووووووووووكـ

[mzat kau]

يارب يابنتي يااااارب انا حعمل بارتي لو انقبلت ههههههههههه استغفر الله حيكون رمضان
واصلا انامن دحينا قلبي بيسوي ططربق طربق خخخخخخخ
يارب ان شا الله :(
وانجل يارب يسمع منك ويتحقق كلامك يارب

[A N G E L]

لو انقبتلي

السحور عندك

الله يوفقك يا رب

ويوفقنا جميعن لما يحبه ويرضاه :)

[mzat kau]

لووووول طيب تعالو كلكم كل المنتدى لا اسويلكم مدفون << دايما تسمع بيه هههههههههههه
ايش هوا لاتسالوني

ههههه امزح امزح اطلبو اتدللو انتو بس خلوني انقبل وسحوركم كلكم عندي واللي يعجبكم ايش في احسن من كدا هههههههههههههه