بخصوص ابتعاث الطالبات الى بريطانيا ( موضوع مهم جدا للجميع )

[battota]

اميييييييييييييييييييييييييييين يارب

[نرسيان 00]

لو سمحتوا الانجليزي الي درستوا مستويات ولا مستوى واحد
يعني كنتم كلكم بنفس المستوى ؟؟؟؟
وانتو اساسا كيف كانت لغتكم سيئة ، متوسطة ، ممتازة ؟؟؟

[cute.memo]

المشاركة الأصلية كتبت بواسطة tofe2000 يب في تخصصات 3 مواد حرة بس تخصصنا المحاسبة مادتين بس كمان احس لو بتطلعو تدرسو مادة حرة وتقدرو لمن ترجعو ماتعادلوها والله فرصة انكم تتمشو على حساب الجامعة هههههههههههه بس ادا كان من جد مافي ترم صيفي في الجامعة بالنسبة لي باقيلي مادة حرة واخدتها الترم ده بس لمن افتح الخطة على المستوى ال 7 احصل 14 ساعة ومن ضمنها مادة حرة بس انا قدمتها واخدتها الترم ده يعني لمن يجي الترم ال7 راح اخد 12 ساعة ادا مافتحو لنا مواد من المستوى ال8 :(

توفي من جد صح كلامك
انا كمان نفس الشئ لأني مخلصة المواد الحرة

في الترم السابع لو مافتحولنا مواد من التامن راح اخذ 12 ساعة بس :s

المشكلة مو هنا المشكلة اللي تقهررررررررر انهم ضايفينلنا ترم تاسع ومافيه الا مادة وحدة و3 مواد اختيارية او التدريب

يعني ماني فاهمة ايش فيها لو حطو دي المادة في المستوى الثامن

مايعرفوا انو في ناس يبغوا يخلصوا في 4 سنين بالززبط

المهم انا رحت كلمت استاذة امال اووول

وقالت انو بداااااية الترم السابع كل مجموعة بنات يروحوا عند رئيسة قسمهم
ويقولولها انو نبغى دي المادة تنفتح في المستوى الثامن
عشان يكون عندهم ترم كاااامل يقدروا يزبطوا وضعهم ويلاقو منهج ويلاقو دكاترة يدرسونا هيا
ونفس الكلام للاولاد يروحو من بداااية السنة الجاية يطلبوا يفتحوا اخررر مادة حاطينها في المستوى التاسع يحطوها في المستوى الثامن

[tofe2000]

نيرسان
اول ماتوصلو هناك بيعملو لكم اختبار ويشوفو فين مستواكم طبعا من قبل متخصصين الانجليزي الي هم اثنين عشان يعرفو يبتداو معاكم من فين في التدريس بعدين خلاص يبدوا معاك والي تبغى تشوف درجتها ممكن تتكلم معاهم ويوركي كم بس الاغلب راح يبتداو من اغلب مستويات الطلاب يعني لو اغلبكم متوسط بيبداو من متوسط حتى لو ان شاء الله في 5 متميزين
انا اتوقع انتو لو رحتو حتفرحو الجامعة الترم الصيفي لانكم دافورات ماشاء الله ولغتكم الانجليزي قوية
موفقين

كيوت الله يسهلنا مالنا غير نكلم رؤسا الاقسام بالتوفيق لكم في قسم الطالبات

[joony]

المشاركة الأصلية كتبت بواسطة tofe2000 نيرسان اول ماتوصلو هناك بيعملو لكم اختبار ويشوفو فين مستواكم طبعا من قبل متخصصين الانجليزي الي هم اثنين عشان يعرفو يبتداو معاكم من فين في التدريس بعدين خلاص يبدوا معاك والي تبغى تشوف درجتها ممكن تتكلم معاهم ويوركي كم بس الاغلب راح يبتداو من اغلب مستويات الطلاب يعني لو اغلبكم متوسط بيبداو من متوسط حتى لو ان شاء الله في 5 متميزين انا اتوقع انتو لو رحتو حتفرحو الجامعة الترم الصيفي لانكم دافورات ماشاء الله ولغتكم الانجليزي قوية موفقين كيوت الله يسهلنا مالنا غير نكلم رؤسا الاقسام بالتوفيق لكم في قسم الطالبات

الحمدلله انقليزيتي ابد مو بطااااااله بس السبيكن عندي يبغالو تدريب وشغل وهكا

سؤالي : الاختبار لتحديد المستوى فيه جزء منه شفوي ولا كلو على ورق ؟؟؟؟؟؟

[battota]

cute memo

انتي تبغي تخلصي 4 سنين

طيب لا تنسي انو في ترم تدريب ,,,,,,

يعني حتى لو ماده (اداره الاداء ) اخدناها بالترم التامن

فيه ترم تاسع فيه تدريب

يعني حنخلص ب 4 سنين ونص

[battota]

الله يعينا على اختبارهم

والله شكلهم راح ياخدواااااااااااا ال 30 طالبه اللي مرررررررررررررررررررره مرررررررره شاطرين وبيرفكت بالانجلش

[My World]

د . اماال
قالت يمكن نزوود العدد
من 30 ل 40
حياخ\وا احتياطي
لان البعض حيسجل وا\ا انقبلوا بعضهم ينسحبواا وحيكون فرصة للباقيين عشان يسافرواا

[cute.memo]

المشاركة الأصلية كتبت بواسطة battota cute memo انتي تبغي تخلصي 4 سنين طيب لا تنسي انو في ترم تدريب ,,,,,, يعني حتى لو ماده (اداره الاداء ) اخدناها بالترم التامن فيه ترم تاسع فيه تدريب يعني حنخلص ب 4 سنين ونص

لا ياعسل أنا ماحاخد تدريب
حاخد 3 مواد اختيارية وحدة في السابع واثنين في الثامن
لاني احس الاختيااري اسهل بكتيررررررر من التدريب

وفي مواد كتير سهلة من كليتنا ومعروف ياخد الواحد فيها a او a+ زي الحرة معروفة والحمدلله اخدتها واتوفقت فيها

بس لو اخدت تدريب مااضمن كم يحطولي درجة اقوم انقض وينخسف المعدل لانه حيكون ب 9ساعات

ولو افترضنا أني حاخد تدريب هو مو شى سهل ويبغالو ترم لوحده
لانه يحكون مدته 3 شهور ودوام على حسب المكان اللي تتدربي فيه
يعني لو اخدتي في بنك ودوامهم من 10 ل 4 راح يكون دوامك زيهم
فتخيلي يكون كمان عندك مادة تروحي الجامعة بعدين الدوام وترجعي 4 مهلوكة

عموما هده نصيحة اغلب بنات الدفعات اللي قبلنا انو لاناخد تدريب مع مواد لانه حيكون تعب ويبغاله تفرغ

[tofe2000]

جوني يب بس ورقي بس على ما فتكر انه في بداية الترم سائلو كل واحد لحاله من الاسئلة مثلا لو جاتك فرصة تكمل راح تكمل في جامعتهم ولا بترجع تكمل في بلدك وليش؟

وبعد شهر بعد ماخلصنا المادة الاولى قامو يعملو لنا اختبار ثاني ورقي يبغو يشوفو هل في تحسن ولا لا وطبعا برضو انسالت مره ثانية بس ماني فاكر ايش انسالت وبس دي كانت ثاني مقابلة فيس تو فيس

انتو لا تشيله هم الانجليزي يعني لو وحده راحت ميح او مستوها مو مره في الانجليزي راح تمشي

وكمان راح تجيكم واجبات من الانجليزي اكثر مما تجيكم من المواد الي طالعين تدرسوها بس انصحكم اعطو اهتمامك في المواد الي انتو طالعين عشانها لانه الانجليزي مهما حليتو واتنفدرنتو فيه ماراح تتسجل لكم بس خدو الانجليزي كمادة مساعدة وللفايدة
يعني زي مثلا مره اعطونا واجب وجلست احله اكثر من ساعة في الاخير متخصصة الانلجيزي حلته على البوربوينت ولا اخدت عليه ولا درجة هههههههههههههه
من نصايحي كمان لحد فيكم تسوي شاطرة زيادة عن اللزوم لانه في الاخير شهرين بتخلص وبترجعو بلدكم محد راح يقول: لا والله الفلانه دي كانت شاطرة خلاص لازم نكلم جامعتهم تجي تكمل عندنا هههههههههه ولا حيفكرو

ماي ورد يب بيحطو قائمة احطياطية زي ماحطول لنا


بطوطا ... لو التدريب ماحيكون في الصيفي ففكرة كيوت حلوة اخلص مواد اختيارية واخلص في الترم الثامن واروح اتوظف