انا أكــرهـ كـل قبيــلي !!!!!

[سكون الورد k.a.u]

السلام عليكم ورحمة الله وبركاته

.
.
.
.
.
.
.
.
.
.
.
.
.
.
.
.
.
.

اخواني ، اخواتي .... (تحيه طيبه ، وبعد )

بصراحه مانيب عارفه شلون ابتدي السالفه .... لكني ابي اسولف وامري لله ...

اليوم صار معي موقف غريب ... صراحه مدري وشلون ابتكلم عنه .. !! لكني بصدد تأكدون لي المعلومه اللي اوصلتني ...

كلمتني اليوم .. وحده من خوياتي (تعرفت عليها بالجامعه) وكنا نسولف ونضحك ونبارك لبعض بالعيد ... الخ

إٍسألتني سؤال كانت هي تعرف اجابته ، لكنها سألتني إياهـ علشان تفتح الموضوع .. وابي اسرد لكم المكالمه

قالت لي : انت ِ قبيليه ؟؟؟

قلت : ايه

قالت : من اي القبايل ؟؟؟

قلت : من حرب

قالت : والنعم

قلت : ماعليتس زود

قالت : بس انا >>>>>> (( ماني قبيليه )) !!!

قلت : وينها فيه المشكله ؟؟؟ كلنا نفس بعض وكلنا بنات آدم ، ومانفرق عن بعض الا بالتقوى ..

قالت : انا عرفتك من خلال المنتدى .. وكان عندي شغف اتعرف عليتس وجهاً لوجه وتصيرين خويتي .. لاني حبيتس ....

قلت : انا يشهد الله اني حبيتس بعد ...

قالت : انا اكره كل قبيلي !!!!!!!!!!!!!!!!!!!!!!!

صاااار وجهي 10000000000 لون ... وتضايقت ... وتلعثمت !! ولانيب عارفه وشلون اتصرف ..

تذكرت اني اخصائيه نفسيه بالمستقبل بإذن الله .... وحاولت اتجاوب مع الموضوع بحياديه ..

قلت : ليش تكرهيننا !!!!

قالت : انا لاحظت شيء صاير كثييييييييير ... !! لاحظت ان عيال القبايل .. مايخطبون الا قبيليه مثلهم ... ، واذا ماصار له نصيب فيها .. ويحاول بقبيليه غيرها ... الخ وان ماحصل له نصيب >>> يروح يآخذ من سوريا ولا الاردن ولا تركيا ، ولا المغرب ، ولا مصر ... الخ ، بدون مايفكر ببنات ديرته الباقيات !!!

قلت : هذا سبب كرهتس اجل ؟؟؟؟ طيب انا الحين عتبت عليك ِ .. لاني ماادري انك تؤمنين بإن النصيب بيد الرجل وليس بيد رب الرجل ؟؟؟؟ يابنت الحلال .. لا انت ِ ولا الشاب عارف وين فيه نصيبه ؟؟؟ لازم يكون ايمانك بالله كبييييييير ، الله عزوجل يرزق الطير بالسمااا ، والحوت بالبحر ... فما بالك انت ِ

قالت : ايه هذا سبب كرهي ، وهذا اللي صاير

قلت : طيب انا ماعرف صحة هالمعلومه من عدمها ؟؟؟؟ ولا اعرف هل التخلف هذا موجود عندنا ولا لااااا ؟؟؟؟

لكني اوجه هالتساؤلات لشباب المنتدى ... وللبنات ...

معقوله التخلف هذا موجود بالشاااااب السعودي ؟؟؟؟؟!!!!!!

معقوله يفضل بنات الديار الثانيه عن بنت ديرته ؟؟؟؟

وخير ياطير قبيليه ولا لاااا ؟؟؟ وش الفرق ؟؟؟؟

انا ماشوف انه به فرق ولا به زياده ؟؟؟ لكن معقوله الشباب ماشيين على سلوم اجداد اجدادنا اللي مانور العلم بصيرتهم ...؟؟ ولا وصل لهم العلم الشرعي اللي ينص على ...

عَنْ أَبِي هُرَيْرَةَ رَضِيَ اللَّهُ عَنْهُ عَنْ النَّبِيِّ صَلَّى اللَّهُ عَلَيْهِ وَسَلَّمَ قَالَ : ( تُنْكَحُ الْمَرْأَةُ لِأَرْبَعٍ : لِمَالِهَا ، وَلِحَسَبِهَا ، وَلِجَمَالِهَا ، وَلِدِينِهَا ، فَاظْفَرْ بِذَاتِ الدِّينِ تَرِبَتْ يَدَاكَ ) رواه البخاري (4802) ومسلم (1466)


ابي الشباب والبنات يتفاعلون معنا بهالموضوع .. لعلنا نغير هالتفكير السلبي ان كان موجود ؟؟؟

وابي تجاوبون على تساؤلاتي أعلاهـ ...

لاهنتم جميعاً ..


دمتم بود