قرارات صعبة تواجهنا في حياتنا لابد ان نتخذها

[طاالبه كيووت]

المشاركة الأصلية كتبت بواسطة Life as Game هلا والله طالبة كيوت كيفك اهااا جيتي ف وقتك كيف كتبتي جامعية داجة خخخ ممكن تديني الطريقة<<لا جيتي ف وقتك ولا شي بس يبغى يغير الموضوع ككك بعد مو معناه تسحبين علي هاتي الطريقة بسرعة..

هلا والله Life as Game

انا تمـام .. أنت كيفك؟

طيب شووف راح اقولك على الطريقه ..

بس وش ليا ؟؟ ههههههههههههه أمزح ..


انا اقولك كيف ...

روح من عند لوحه التحكم -> بعدين على يدك اليميين راح تلاقي ..

تعديل بيانتي -> أنزل تحت وراح تلاقي لقب العضو ..

أكتب اللي تبيه وبالصحه والعافيه ؛؛< ههههههههه

بس وبعدين ليه ماصليت على النبي؟


وهـ حابه اعتذر من صاحبه الموضوع دخلنا على موضوعها عرض

سووووري ..

[D700mI]

والله شوفي التخصصات زي ماهي ما تتغيييييييييييييييير


بس خذي نصيحتي وسوي الي انتي تشوفيه صح والي تميلي له ولا تسمعي كلام الناس

لانه هذا شي يخصك انتي وبيكون لكي في الاخير

صح انه لازم تستشيري بس مو كل العالم

فاااااااا سوي الي يرييحك وابشرك جامعتنا الله لا يشيلها مع سيل ثاني زي ما ما شالها مع السيل الاول

الجامعه هي نفسها والتخصصات عمر ام امها ما تتغير

واذا بدك الاداري ادخلي اداره مستشفيات تتخرجي على مكتب ومكيف وقدامك كمبيوتر فيه سوليتير العنكبوت وتجلسين 8 ساعات وسط الاوراق وتاخذين راتب ما يقل عن الـ 5000 كبدايه هذا اذا مو اقل ووووووووو بس

واذا بدك العلمي وميولك حاسب انا اتضارب معاكي اذا ما دخلتيه هع

والله ولي التوفييق

[Life as Game]

المشاركة الأصلية كتبت بواسطة طاالبه كيووت هلا والله life as game انا تمـام .. أنت كيفك؟ طيب شووف راح اقولك على الطريقه .. بس وش ليا ؟؟ ههههههههههههه أمزح .. انا اقولك كيف ... روح من عند لوحه التحكم -> بعدين على يدك اليميين راح تلاقي .. تعديل بيانتي -> أنزل تحت وراح تلاقي لقب العضو .. أكتب اللي تبيه وبالصحه والعافيه ؛؛< ههههههههه بس وبعدين ليه ماصليت على النبي؟ وهـ حابه اعتذر من صاحبه الموضوع دخلنا على موضوعها عرض سووووري ..

اللهم صلي وسلم على نبينا محمد
بس مو لازم نصيح قدام الناس

"روح من عند لوحه التحكم -> بعدين على يدك اليميين راح تلاقي .."

ذكرتيني باول يوم في الجامعة اقلقت الحراس حقين البوابات وين مبنى وين شارع ..ككك

اما صاحبة الموضوع ماعليك منها اصلا الجامعيين يمونون على بعض ككك

دحين شوفي اللقب حقي هههه بس لايق علي طبعا

[3aloo]

اهلين بسمة افتكر اول السنة لما حطيت موضوع مين يبغا حاسب كنت من اللي جاوبوا عليي ايش صار وغيرتي رأيك ؟ بس عشانو صعب ؟؟ مافي شي سهل انا اقولك هي كل التخصصات صعبة بس لما تحبي تخصصك حتتقبلي صعوبته وتتلذذي فيها كمان فكري التخصص (اين كان حتدرسيه ) حتجلسي نقول خمس سنين وبعدا حتكملي ماستر او تتوظفي فيه فهل تبغي تخصص تحبيه ؟ او تخصصص عشان الوظيفة وخلاص لان تخصصك حيشغل جزء كثير من حياتك هو الموضوع مو بس وظيفة وخلاص انتي لما تتوظفي حتجلسي 8 ساعات تقريبا كل يوم فهل تبغي هذي ال8 ساعات من يومك في شي تكرهيه وماتنتجي فيه او في شي تحبيه وتبدعي فيه ؟ هذي ال8 ساعات حتتسألي عنها يوم القيامة فلازم تفكري في الموضوع بجدية
وبالنسبة للصعوبة شوفي انا اختي السنة اللي فاتت جابت معدل يدخلها اسنان لو تبغى بس هي ماكانت تبغاه وكانت تبغى حاسب بس اقاربنا قعدوا يخاصموا ويتريقوا مع انو ماما وبابا موافقين لانو هذي حياتها وحطت صيدلة وبعدين استخارت ومااترتاحتلو بس لما دخلت تقول ممتع وحلو بس (صعب) وهي اساسا ماتحب المجالات الطبية فحولت للحاسب مو عشان صعوبة الصيدلة عشان هي ماتبغى وذحين حاسب وابشرك كمان صعب هههه بس مبسوطة فيه لانو بصراحة كل شي صعب لان هذا تخصص مو ثانوي فانتي لاتقولي ماابغا عشان صعب لانو كلو صعب بس فكري وقولي حاادخل التخصص اين كان عشان احبو وحااتحمل صعوبته وابدع فيه شوفي انا ابغا حاسب ( مو معناتو اني ابغاكي حاسب هذا قرارك ) والحمدلله درجاتي الى الآن تدخلني اللي ابغا بس انا ابغا حاسب عشان انا احب الالكترونيات واقرب تخصص له الحاسب وانا مااحب البرمجة لذيك الدرجة بس حااتحمل وعارفة انو صعب (ترا الناس في بالهم شي غير الطب سهل ) والله اختي ماتطلع مسكينة بس هي مبسوطة وانا حااتحمل لان زي ماقال المثل (اذا لم تكن زائدا في الدنيا فانت زائد عليها) فانتي استخيري وشيلي فكرة صعب وماادري ايه وعلى الوظيفة والراتب هذا كلو من ربي والمفروض مايكون هذا تفكيرنا طول الوقت مفروض نبغى نسوي شي في الدنيا اكبر من وظيفة بس للي يبغى (وظايف) ترا الحاسب مليان وظايف ولو مرا مافي كملي ماستر فيه او في تخصص ثاني وحتلاقي سوري طولت بس ان شاء الله يختار لك اللي فيه الخير

[طيوف الحب]

صبااااااااح الخير بسوووومة

كيفك يا عسل ؟؟

معليش يا حلوووووووووة توي اشوف موضوعك اليوم

حبيبتي

انا مررره كنت افرفر في المنتدى كعادتي الكريمة << خخخخخخخخخخخ

ولقيت هذا الموضوووووووع مررررررررره رهيب

شوفي هذا الرابط

http://www.skaau.com/vb/showthread.php?t=59788


وشوفي كمان هذا

http://www.skaau.com/vb/showthread.php?t=60260

واتمنى انك تستفيدي

[بسمة ألـم]

المشاركة الأصلية كتبت بواسطة anooosa nooosa سنة تحضيرية + 3 سنوآت الدرآسة + سنة إمتيآز = 5 سنوآت وقف السنة المآضية القبول "تقنية طبية - بنآت" بعد إجتيآز موآد السنة التحضيرية بنسبة موزونة: 86.555 وبمعدل تقريباً: فوق 4.30 وبدآية السنة تم توزيع أورآق لإختيآر التخصص "مختبر - أشعة - علآج - تغذيــة إكليـنكية" وتم التسكين ع حسب الرغبة تقريباً تقدري تشتغلي بعدين في مستشفى أخصائية تغذية وممكن في نادي صحي وطبعا اللي متخرجة من تقنية طبية- تغذية اكلينكية جدا تختلف عن اللي متخرجة من اقتصاد منزلي- تغذية

يسعدك ربي ياانوسا

ان شا الله بفكر فيها الاكلينكية دي

اشكرلك متابعتك لموضوعي

[بسمة ألـم]

المشاركة الأصلية كتبت بواسطة اشتيآآق الذكرى يآعسل انا مثلك كنت ابغى احووول لان درجاتي نازله والقسم الي ابغاه ماراح ادخله ومع اني عارفه اني احتمال اذا ربي كاتب لي احمل الكمياء صيفي ومع هذا ما بضيع تعبي وبكمل يآعســل انتي درجاتك حلوه وانتي اخترتي علمي بأرآدتك ودرستي علمي لانك تبغي شيلي من بالك انو ما فيه اقساااام حلوه لا فه كثير عندك كليه العلوم اطبيه التطبيقيه تقنيه طبيه... تقنيه مختبرآآآت << مرآآ حلوو عندك اشعه علاج طبيعي تغذيه وعندك صيدله وكمان كمياء حيوي وكماان فيه اقسام الاقصاد المنزلي اسمعي ياقلبي الحاسب مو صعب اذا تبغيه تسمع من الناس انتي الي حتدرسي وتقيمي صعوبه الماده لا تسمعي من الي بيتكلمو شوفي انتي اش تبغي لا تفكري تحوولي كملي واذا لك خيره صدقيني بتلقي المجال مفتوح قدامك وبتحولي م غير تفكير لا تفكري كثير وكلي امرك لربك وسوي الي عليك ياقلبي لازم الواحد يتعب ويحتار بس في الاخير ل شي مكتوب ومقدر بس عليك تسوي الي عليكي :) الله يريح قلبك وقلبي ويكتب لك الخير ادخل على موقع الجامعه او العماده وحتلاقي كل شي عن الاقساام العلميه :) ربي يوفقك اختك اشتيآآق

هـلا فيك اختي اشتياق >> بس مين الكبيرة

هههههههههه

تصدقي انو كنت بكره بروح العمادة

واحول


بس بعد ماقريت ردك


برجع افكر


بصراحة عليك اسلوب اقناااع رهييييييييييييييب


حتى يمكن افكر اشيل فكره التحويل من راسي


ان شا الله يارب يكتب لنا كل اللي فيه خير

واشكرك ياقلبي عالرد

[بسمة ألـم]

المشاركة الأصلية كتبت بواسطة al-sultan k.a.u درجاتك عالية وما تعرفي تدخلي اي تخصص والله حاله

للاسف ايوا

شكرا خيوو

[بسمة ألـم]

المشاركة الأصلية كتبت بواسطة مجموع انسان مدرسين خصوصيين؟ امممممممممممم مدرسين؟؟؟؟ من جد!!!! ------------------------------------------------ بصراحه فتحتي موضوع وضيعوك الاعضاء اصلا هذه غلطه منك تفتحي موضوع وتقولي ايش التخصصات انتي ما تتبعي واحد قالك التخصص وبطريقه تجذبك وبعدين تدخلي وتندمي اقعدي في غرفتك طفي النور وفكري انت ايش تحبي؟ ايش الشي الي يعجبك؟ ايش الي حتبدعي فيه؟ ميولك؟ الحاجه الي تعتبريها لعبه بالنسبه لك! فكري فـ التخصص الي حتدخليه وتتمتعي فيه لدرجه انه ما يكون دراسه عليك يعني كانك تروح ماده وتحبيها وتقوي معلوماتك فيها ووقتها تحسي انه شي انتي تبغيه مو شي مجبوره تدرسيه وسمع الله لمن حمده قريت ردود الاعضاء من 1 الى 51 ولا واحد سئل عن الي انا سئلته^_^ قوليلي كيف يدرسوك^_^<<<نفسي اعرف .. مو لقافه ..>>اهتمااام<<

ان شا الله اليوم بجلس مع نفسي وبسوي اللي قولته


والله اخوي عاتي نجلس على الطاولة


اول شي تأشر لنا على الاشياء المهة

وبعدين تملينا الترجمة

واخر شي تشرحها

وبس


اشكرك خيو عالرد

[بسمة ألـم]

المشاركة الأصلية كتبت بواسطة shenosheno اختي دخلت تصميم داخلي واتخرجت منو بـ فوق الـ 4 اذا مني غلطان ,, واهوه شوفيها تدور على وظيفه لما جاها الطفش ماحصلت شي هع

ياحبيبي

والله حاااااااااااله

من دي الوظايف

>>مقوره الاجانب يتوظفو

وابناء الوطن الغالي مو لاقين وظايف


يعني اشلو من راسي

>> رجعت تفكر تحول


يسلموو خيو عالرد