.,~ دفتر الأيام ~,. ملاذ بوح صامت

[المحزوون]

بريليانت اقتبست ردك ولقيته كله اكواد وسحبت عليه

ترى والله مدري وش السالفة .. مدري هي قصايد ولا مواقف ولا مقالب ولا يوميات :)

الي اشوفه ان الي يجي دوره يمسك خط ولا ادري وين متجه ههههههههههههههه

[المحزوون]

ترم تخرج ان شاءالله .. ومن الغريب ان المعنوية منخفضة تحت الصفر وليس هناك اي حماس للمذاكرة مع العلم اني لم ابدا الى الان في اي مادة ولم يتبقى على الاختبارات سوى ايام معدودة ..

اللهم لا سهل إلا ما جعلته سهلاً فأنت تجعل الحزن إن شئت سهلا ..

[المحزوون]

التجــــــــــــــــاهل .. هو الحل الامثل لمن لا يملك الحكمة

[المحزوون]

حالي عقب ما اقفا هوى البال يا سعود .. حالة مريضٍ عاف شربه و زاده
لا وعذابي كل ما هبت النود .. الموت لا جاء الليــــل واقبل ســـــواده
اسهر طوال الليل والعالم رقود .. صار السهر يا سعود للعين عـــــاده
ومن سبته حالي غدا كانه العود .. الله اكبــــــر يا حيـــــاة النكــــــاده

[المحزوون]

من ذاكرة الماضي المضحك :)

في اول يوم من ايام عيد الفطر كنت وقتها في الثانوي .. نايم والناس معيدين وما في البيت إلا انا .. كانت الساعة تقريبا 9 صباحاً .. ازعجني واحد يدق جرس البيت صحيت افتح الباب ( طبعا ابو سروال وفنيله ما لبس ثوب ) الا شايب الظاهر انه من عصر ابو زيد الهلالي و ثوبه يابس .. دخل المجلس ولا شاور اخونا فالله .. انا في هاللحظه تورطت ما كنت وقتها اعرف اسوي قهوة والمشكله شايب يعني يبي قهوة كييييف مو اي قهوة .. قلت مافيه الا حل واحد .. رحت اسوي نسكافيه وصبيته في دله لا وحطيت سكر بعد من الفهاوه .. اخذت دلتي وقدوعي ورحت له ( تمنيت عندي وقتها دونات بدال التمر ).. صبيت اول فنجال الا اسووووووود ومديته له قلت تقهو .. اخذ رشفه وكش وجهه وحط الفنجال على الارض ويناظر فيني بحقد قال : هذي قهوة رجاجيل الحين ؟ قلت والله وانا اخوك مافيه الا هي اشربها ولا خلها .. قال : انت من انت ولدٍ له ؟ قلت انت من بغيت ؟ قال بغيت فلان .. قلت ابد وصلت انا ولد فلان .. قال وين ابوك يا ورع .. الا يوم ارتفع امبير الضغط .. قلت راح يعايد الدنيا عيد ياللحية الغانمة ما احد يقعد .. قال متى يجي يا ورع .. يوم عادها بغيت اقول ورع في ... بس قلت مالها داعي يالمحزوون الرجال كبر جدك العاشر هد اعصابك .. قلت مدري عنه .. قام من عندي وطلع ولا حتى قال عاد عيدكم .. المهم رجع ابوي عقب ساعتين وقال احد جاك يعايد .. قلت لا هههههههههههههههههههه

هذي من المواقف الطريفة الي مرت علي حبيت انقلها لكم ولو اني ذبحتكم بالسيناريو لكن هذا الموجود تبونه ولا خلووه ههههههههههههههههههههههه

[المحزوون]

لا شيء يؤلم أكثر من أن يتغير عليـك إنسان كـان يعنـي لك الكثيـر ..

وكنـت تعتبـره مصدراً لسعادتـك .. فيبـدأ بمحاسبتـك على أخطـاء شبيهـه بالوهـم ..

وكأنـه لا يخطـئ أبداً فكـم مـن مرة إرتكب فيـها أخطاءً كثيـرة وقابلنـاه بحسـن النيـة ونسينـا تلـك الأخطـاء ..

والأصعـب مـن ذلك أن يقـوم بإستفـزازك لتخـرج أسـوء ما لديـك ثـم يقـول لك "أهـذا أنـت"


من اصدق ما قرأت ..

[المحزوون]

حال الكثير من الناس للاسف ..

[المحزوون]

دقت ساعة الصفر .. وحان الوقت للبدء في المذاكرة والاستعداد لحزم الامتعه والرحيل عن الجامعة باذن الله ..

لا يسعني في هذا المطاف الا ان اتقدم بالشكر للاخت بريليانت على كرم الاستضافة وكنت اتمنى لو بقيت معكم لفترة اطول ولكن تعلمون ظروف الاختبارات واجوائها فهي لا تساعد .. واقبلوا مني تواضع ماقدمت لكم وان شاءالله ان القادم افضل واجمل ..

والشكر موصول لجميع اعضاء هذا المنتدى الرائع واخص بالذكر اعضاء قسم اللغات الاوروبية ..

اترك اختيار الضيف التالي للاستاذه بريليانت ..

تحياتي لكم ..


المحزوون ..

[ذبحني حبكـ]

الحِزن سَ يَنقضِي بِمجردْ أنْ تُفكِر بِنفسكَ وْتَركلْ كِل شيءٍ خلفكَ


فكروو بالمستقبل وامحو من ذاكرتكم ماذهب ولم يعد احيو الأمل بأنفسكم وثقو بأن حزنكم بعده فرح اجممل


والحزن جزء من اوراق العمر احرقو اوراقها وستعيشوون بسلام



وعذراً ع التأخير ....

[Bodi_588]

أملي أن نلتقي تحت عرش ربي سُجداً ، بصحبة الأحبة فذاك المُبتغى ، فهناك في الجنه شجرة ظلها مسيرة مئة عام ، أسأل الله أن أمشي تحتها برفقتكم ."
اللهم لا تستدرجنا بالنعم ولا تفاجئنا بالنقم ولا تجعلنا عبرة للأمم وارفع الألم والسقم وجُد علينا بفضلك فأنت أهل الكرم.
بالأمس كنتُ أقول رَمضان أهلاً ..
والآن أقول : رمضانُ مهلاً !
ما أسرعَ خُطاك .. تأتي على شوقٍ وتمضي على عجل..
اللّهم أعتق رقابنا ورقاب آبائنا وأمهاتنا والمسلمين من النار.