تجمع للمتقدمات على وظيفة معيدة برابغ مين اتصلوا عليها

[redflower]

يابنات ممكن أعرف هل صدرت أرقامكم الوظيفية ومتى قالو لكم المباشرة ؟؟
مع خالص دعواتي لكم بالتوفيق

[رقة الورد]

المشاركة الأصلية كتبت بواسطة مس أسيتون snowystorm وانا ان شاء الله معاكم

مس أستون ...مبروووووووووك الوظيفة والله يعطيك خيرها ويقيك شرها

كنت أبغى أسألك تعرفي البنات الباقين المقبولين معيدات كيمياء هل هم طالبات ماستر ولا خلصوا ماستر ولا لسى ما درسوا ماستر بس بكالوريوس؟

واذا كانوا بيدرسوا ماستر في أي سنة في الماستر؟

وأنتي ماشاء الله في أي سنة في الماستر؟

آسفة أسئلتي كثيرة بس ما أعرف غيرك كيمياء

[قلب شجاع]

مبروك يا رقة الورد بس هل عندك فكرة متى المباشرة؟

[مس أسيتون]

المشاركة الأصلية كتبت بواسطة رقة الورد مس أستون ...مبروووووووووك الوظيفة والله يعطيك خيرها ويقيك شرها كنت أبغى أسألك تعرفي البنات الباقين المقبولين معيدات كيمياء هل هم طالبات ماستر ولا خلصوا ماستر ولا لسى ما درسوا ماستر بس بكالوريوس؟ واذا كانوا بيدرسوا ماستر في أي سنة في الماستر؟ وأنتي ماشاء الله في أي سنة في الماستر؟ آسفة أسئلتي كثيرة بس ما أعرف غيرك كيمياء

الله يبارك فيك . اللهم امين ومبروك عليك
وهل اعطوك ورقة المباشرة ؟ ومتى تكون المباشرة ؟
لا مااعرف احد كيمياء على فكرة انتي شكلك كيمياء طيب ايش تخصصك الدقيق؟
انا عن نفسي لسه ادرس.
طيب بالنسبة للمواصلات كيف ؟ عشان بروح معاكم ان شاء الله والله يكتب اللي فيه الخير

[blessed]

السلام عليكم لوسمحتوا قلب شجاع وكندا فين عملوا المقابله الشخصيه لكم في جده او رابغ وايش كانت الاسئله ارجو الرد للضررررررررررررررررررررررررررررررررررررروورره وجزاكم الله خير والله مررره محتاجه الاجابه

[قلب شجاع]

في جدة وكانت اسئلة بالنسبة لي بالانجليزي وعن أشياء كثيرة عامة وخاصة مثلا تكلمي عن نفسك ؟ وايش استعدادك للوظيفة؟ وكيف تتوقعي يكون تعاملك مع الطالبات والمناهج؟ وهل عندك الرغبة والقدرة انك تدرسي في رابغ؟
ايش اهتماماتك؟ بصراحة انا اعتبرها كانت اسئلة عامة في كم سؤال عن التخصص نفسة بس صراحة نسيتها

[blessed]

جزاك الله الف خير على الرديا قلب شجاع والله يجعله في موازين حسناتك ؛لو سمحتى راح اكلف عليك كم عدد الاشخاص اللي امتحنوكي في المقابله ؛ وهل قدمتي لهم في اوراقك توفل اوبديل التوفل لانه انا نفس التخصص وقدمت معاكم بس فاتنى موعد المقابله لاني كنت مسافره؛فابغى اعرف ايش اكثر شي يدوروا عليه من ناحيه المقابله والسي في

[قلب شجاع]

كانوا ثلاث وخلي عندك صورتين من السي في بالعربي والانجليزي وكان معاي التوفل
طيب انتي وين الحين ؟ ومتى كان موعدك؟ ومتى موعدك الجاي؟

[blessed]

الله يسعدك يا قلب شجاع ؛ انا قدمت في شعبان وعلي طول بعد كدا سافرت مع زوجي على امريكا ، وما كنت عارفه متى موعد المقابله لانه كنت معتمده على وحده من زميلاتي تبلغني لانه خالتها تشتغل في الجامعه ،المهم هي كمان سافرت ووقت ما بلغتني كان فات على الموعد اسبوع وما كان فيه مجال انزل السعوديه واول ما نزلت راجعتم وما مشي الحال والحمد لله خيررررره الواحد ما يعرف الخير فين ؛انا لما قدمت الملف عملت السي في زي ما قلتى عربي وانجليزي وعندي بديل التوفل والايليتس واضفتها طيب فيه حاجه تانيه اضيفها ومن الان اجهز نفسي لانه يقولوا ممكن تنزل وظايف تانيه قريب والله اعلم لو عندك اي نصائح اكون لك شاكررررررره والف شكر وهل تعرف شي عن الامتحان التحريري اللي عملوه في 25-12 هل طلعت نتائجه وكان لمين بالضبط والله الاخت معيده ان شاء الله ما قصرت وضحت لنا الامتحان عن ايه اتمنى ان شاء الله انها تكون من المقبولين يااااااارب وييسر لها الخير وين ما كانت وسامحينى مره تانيه دوشتك معايه

[العتيبيه]

snowystorm

لو سمحت لما أخذتي الاوراق استلمتي قرار التعيين وهل باشرتي؟ وأبي أتواصل معاكي من شان المواصلات

والله يوفق الجميع