إذا كنت مستجد في الكلية ادخل هنا

[الهيملي]

حسب كلام العمادة في تويتر ايوا ويبدأ من يوم 4 /11

[نهى العتيبي]

انا رتبت رغباتي انو نظم معلومات ادارية هي الاختيار الاول
وصراحه انا مو مره بالانقلش ومره قلقت من كلامك
والرغبات انرفعت ماقدر ارتب مره ثانيه واخلي المحاسبه اول اختيار؟

[الهيملي]

ما عليك التخصص ما يحتاج ذيك الانقلش المواد كلها قواعد بيانات وبرمجة وأشياء زي كذا مو لازم تكوني فالحة فالإنقلش بعدين مدام درستي المواد العامة بالانقلش كمليها , بالنسبة للتغيير روحي كلميهم وشوفي , لكن أنا أشوفي إذا تحبي الحاسب والأشياء هذي تخشي نظم , لكن لو تحبين الحسابات والأرقام حاولي تكلميهم وإن شاء الله خير.

[king nasser]

السلام عليكم

حبيت اسأل متى افضل وقت نروح نسجل فيه الجداول ؟

الصباح بدري ولا متأخر ؟

[الهيملي]

وعليكم السلام

صراحة ما حد يقدر يفيدك لكن فالغالب لو تروح بدري قبل ما يفتحون عشان تنزل تخلص وضعك بسرعة لكن حاول تخش على الأودس وتعرف الشعب اللي حتنزلها وتسجل الرقم المرجعي للمادة .

موفق .

[king nasser]

يعطيك العافيه بس عندي سؤال ثاني سمعت في شي اسمه تقوية المحاسبه هل هذا الكلام صح ؟ انا حطيت يوم الاثنين تقويه بس عادي ولا لا ؟ لاني خفت اني ازود شي في الجدول ماله داعي

[الهيملي]

الله يعافيك
نعم التقوية هذي يسموها تتوريال ويكون دكتور ثاني ويجي يحلق معاكم أسئلة الكتاب ويسوي أحيانا كوزات طبعا عليها 20 % من درجات المادة .

طبعا هي تنزل مباشرة مع الشعبة اللي تسجلها , يعني أنت أكيد أنك نزلت لنقول مثلا : 11:00-11:50 ثلاثة أيام والتتوريال تنزل معاها مباشرة وتكون مثلا يوم الأثنين 04:00 , أكيد عادي لأنها تنزل مع المادة نفسها تلقائيا .

[lo0o0le]

انا عندي سوالين
بعد م اخلص 3 اترام يختارون التخصص ب المفاضله ؟
اقدر بعد م ادرس ترم ارفع معدلي واحول هندسه ؟

[الهيملي]

بمفاضلة بسيطة والأغلبية يخشون التخصصات اللي يبونها , لأن التخصصات حول بعض وكل شخص يخش حسب ربته يعني مثلا 30 طالب اختاروا تسويق و30 اختاروا نظم وهكذا فقط المحاسبة قد يكون عليه مفاضلة بسيطة طبعا هذا عند الأولاد ما اعرف عند البنات إذا نفس الشيء بس لا تخافي الإغلبية يخشون التخصصات اللي يبونها .


إذا ناوية تحولين حاولي تدرسي مواد سهلة وتقدري تحولين من أول ترم إذا قبلوك .

بالتوفيق.

[ناصر الشمراني]

السلام عليكم
اللحين انا نزلولي جدول ومواد ودكاترة وزبطو كل شئ
ابغى اعرف اذا يمديني اغير اوقات المحاضرات ؟ واذا اقدر اغير الدكاترة فالمواد اللي نزلوها لي ؟ وكيف ؟