هنا تجمع طالبات الانتظام لمناقشة الجداول والاستاذات ^_^

[Loveless]

^^^

ايوة غيروا شعب الدكتورة اروى عرب لأنها صارت رئيسة القسم و اخدت مكان شعبها دكتورة رضية ..

بالنسبه لرضية هي قمة في الشرح ما شاء الله شرحها مررره حلووو بس مشكلتها في الاسئله .. صعبه !

يعني حتفهمي منها و كل شي بس المشكله انها الاختبارات حتكون صعبه ، انا اكلمك عن تجربة صحبتي في مادة علم النفس التربوي ، و التكاليف جداً دقيقه فيها لازم تراجعيها بعد كل خطوة تسويها تبغى التكليف بيرفكت ..

اما بالنسبه لمادة الشخصية انا سمعت انها جداً سهله و حلوه ، فما اعرف يمكن دكتورة رضيه تتخذ اسلوب تاني فيها مع ان الغالب انه نفس اسلوبها بالتربوي و كده ..

و بالنسبة لسؤالك عن التسجيل ايوة حقيقي و حتقعد المواد الي سجلتيها و غالبًا عدد الشعب الي كان متوفر معظمها كان نصف العدد المفروض ، يعني مفروض انها تتوسع بإذن الله لمن يفتح مره تانيه .. و بس :)

[Loveless]

المشاركة الأصلية كتبت بواسطة meema-.- صباح الخير ياجنو .. بشرينا كيف كان اختبارك ان شاء الله تمام ؟! كنت بسأل عن علم النفس النمو مع نورة الزنان كيف ؟ كيف اسلوبها وتكاليفها وكده .. وكمان التوجيه والارشاد النفسي مع ميرفت شرقاوي نفسو برضو اسلوبها وتكاليفها .. واخر شي انا علم نفس ونزلي بالسمستر دا مادة حرة ايش في كلية الاداب من الاقسام ككل مواد حرة سهله تنصحيني بيها مع اسماء الاستاذة الي يعطوها .. وبكون ممنونهه ..

بالنسبة للمادة الحرة انصحك بمادة ( السيرة النبوية و الخلفاء الراشدين ) مع دكتورة سمر مره المادة حلوة و يكفي موضوعها و تكليفها بالحظ بعض الاحيان تعطي تكليف و بعض الاحيان ما تعطي على حسب و ازا اعطت يكون بحث جداً بسيط ، اما اسئلتها صح و خطأ و اختاري و صلي و فراغات .. هو شويه يلخبط بس ازا كنتي تحبي تحفظي او تحبي المعارك و تحفظيها و كده راح تحبي المادة !

[toot_almuflehi]

المشاركة الأصلية كتبت بواسطة loveless ^^^ ايوة غيروا شعب الدكتورة اروى عرب لأنها صارت رئيسة القسم و اخدت مكان شعبها دكتورة رضية .. بالنسبه لرضية هي قمة في الشرح ما شاء الله شرحها مررره حلووو بس مشكلتها في الاسئله .. صعبه ! يعني حتفهمي منها و كل شي بس المشكله انها الاختبارات حتكون صعبه ، انا اكلمك عن تجربة صحبتي في مادة علم النفس التربوي ، و التكاليف جداً دقيقه فيها لازم تراجعيها بعد كل خطوة تسويها تبغى التكليف بيرفكت .. اما بالنسبه لمادة الشخصية انا سمعت انها جداً سهله و حلوه ، فما اعرف يمكن دكتورة رضيه تتخذ اسلوب تاني فيها مع ان الغالب انه نفس اسلوبها بالتربوي و كده .. و بالنسبة لسؤالك عن التسجيل ايوة حقيقي و حتقعد المواد الي سجلتيها و غالبًا عدد الشعب الي كان متوفر معظمها كان نصف العدد المفروض ، يعني مفروض انها تتوسع بإذن الله لمن يفتح مره تانيه .. و بس :)

يسعدلي ياكِ حبيبتي ,
امم ماحبيت رضيه ابي ارفع معدلي ,

طيب تربوي عند الاستاذ جابر الحربي ؟
ومين جربت مع مها الحمري فسيولوجي ؟
والقيم نهى والا رفعه افضل ؟
صاير عندي تعارض مررة بالجدوول :(

[فراولة تنقط عسل]

صبايا
أنا نزلت للترم الجائ
إحصاء مع دلال
و نمو مع نورة الزنان
فسيولوجي مع سناء سالم

ابغا كمان 3 مواد
شرايكم
نصوص نفسيهه مع عبير خياط ولا مع حنان شغفل
شخصيه مع أميره الزين ولا رضيه
توجيه و إرشاد 2 مع مرفت شرقاوي ولا مع مها الحمري
فئات خاصة مع لما حكاري


ابغا مشورتكم بأحسن 3 مواد اقدر انزلها و رأيكم ف الأستاذات
لا تبخلو عليا

[بنوتة هلالية]

كيف جنائي ونصوص مع عبير
وكيف تكاليفها؟؟

[Loveless]

المشاركة الأصلية كتبت بواسطة بنوتة هلالية كيف جنائي ونصوص مع عبير وكيف تكاليفها؟؟

انا انصحك بالنصوص مع حنان الشعفل لأن عبير اول مره بتمسك المادة و هي ما شاء الله مررره الانجلش عندها تمام ما اتوقع تتساهل بس انا انصحك في حنان الشعفل مرررره حبوبه و طيوبه و تكليفها صحيح انو متعب يكون معرض و عرض مع مجموعه و تتكلمي عن اضطراب و كده بس و الله حلو و تاخدي خبره منو ، و تعطي بونس 4 درجات تكون بأختبارات مفاجئة ! و شرحها تمام و تفهم و كل شيء ! بس يبغالك مذاكرة اول بأول !

بالنسبة لعبير خياط :
انا اخدت معاها جنائي و ما انصحك فيها كل الاسئله لف و دوران مافي شيء واضح في الاختبار و صادفني في الدوري التاني و النهائي اسئله من خارج المقرر و مال امها دخل في المقرر جد انصدمنا ، و اقدر اقلك ان الاختياري كان اختاري الأصح ! يعني جداً شيء متعب مو قد تعب المذاكره !

بالنسبة لتكليفها كان تختاري موضوع يتعلق بالجنائي و تسوي عرض و تعرضي مع مجموعة طبعًا و في النهاية اعطت الكل فل مارك بالتكليف مع ان ما كان الكل يستحقها و قالت هادا البونس خلاص ! و بالنهاية لو بقيلك نص درجة على ال a ما تدفك -_- و بس

[Loveless]

المشاركة الأصلية كتبت بواسطة فراولة تنقط عسل صبايا أنا نزلت للترم الجائ إحصاء مع دلال و نمو مع نورة الزنان فسيولوجي مع سناء سالم ابغا كمان 3 مواد شرايكم نصوص نفسيهه مع عبير خياط ولا مع حنان شغفل شخصيه مع أميره الزين ولا رضيه توجيه و إرشاد 2 مع مرفت شرقاوي ولا مع مها الحمري فئات خاصة مع لما حكاري ابغا مشورتكم بأحسن 3 مواد اقدر انزلها و رأيكم ف الأستاذات لا تبخلو عليا

فسيولوجي مع سناء دقيقه فيه بس تشرح الفسيولوجي مرررره كويس ما شاء الله و ما تطلب الكتاب تطلب الشرايح الي هيا تعطيها و تعرضها تكليفها ما عندي خلفية ..

بالنسبة للنصوص زي ما قلت في ردي السابق ، انا انصح في حنان الشعفل الله يسعدها تجنن بس لازم تذاكري أول بأول ولا ما راح يعجبك ، عبير اول مره راح تمسك المادة فما ادري ..

شخصية أميرة الزين بس إختباراتها مقالي بس مرررره مدحوها ، و لأن رضية تكلمت عنها في ردي السابق قبل برضو شوفي الرد ..

فئات مع لما الحكاري أحححححلى أستاذة فئات ربي يسسسعدها !! A+ و انتي مغمضة .. أصلاً المادة سهله و حلوه .. و تكليفها بحث عن أي إعاقه ..

بالنسبة للتوجيه 2 ميرفت شرقاوي ما أعرفها ، بس مها الحمري مدحوها و سمعت قالوا شرحها كويس و سمعت إنها تعطي تكليفين واحد أساسي و واحد بونس ..

[Loveless]

المشاركة الأصلية كتبت بواسطة toot_almuflehi يسعدلي ياكِ حبيبتي , امم ماحبيت رضيه ابي ارفع معدلي , طيب تربوي عند الاستاذ جابر الحربي ؟ ومين جربت مع مها الحمري فسيولوجي ؟ والقيم نهى والا رفعه افضل ؟ صاير عندي تعارض مررة بالجدوول :(

اممم .. تربوي مافيه استاذ شكلك غلطانه ترا فيه لخبطه في الشعب أتوقع يصلحوها لمن يفتح الحذف و الإضافه .. أو شكلك ما اخترتي الفرع : المركز الرئيسي - طالبات << قبل ما تعملي بحث في الشعب تأكدي إنك اخترتي الفرع الصحيح ..

التربوي مافيه غير فاطمة السيد ، و لما حكاري .. طبعًا لما جربوها البنات قبل و جداً حبوبه و الكل ينصح معاها ، لكن فاطمة الظاهر إنها جديدة بالقسم لأن محد عارف شيء عنها ..

مها الحمري ما جربتها بس مدحوها تكلمت عنها في ردي السابق ..

الشباب و قيم المواطنة مدحوها نهى و رقية فتيحي ! يعني كويسه نهى ..

أتمنى اكون ساعدتك

[Loveless]

بنات بسألكم عن أستاذة عفراء ، كيف في تفسيرات النفسية و وسائل الإعلام ؟

كيف أسئلتها و إيش تكليفها و شرحها .. ؟!

[فراولة تنقط عسل]

المشاركة الأصلية كتبت بواسطة loveless فسيولوجي مع سناء دقيقه فيه بس تشرح الفسيولوجي مرررره كويس ما شاء الله و ما تطلب الكتاب تطلب الشرايح الي هيا تعطيها و تعرضها تكليفها ما عندي خلفية .. بالنسبة للنصوص زي ما قلت في ردي السابق ، انا انصح في حنان الشعفل الله يسعدها تجنن بس لازم تذاكري أول بأول ولا ما راح يعجبك ، عبير اول مره راح تمسك المادة فما ادري .. شخصية أميرة الزين بس إختباراتها مقالي بس مرررره مدحوها ، و لأن رضية تكلمت عنها في ردي السابق قبل برضو شوفي الرد .. فئات مع لما الحكاري أحححححلى أستاذة فئات ربي يسسسعدها !! A+ و انتي مغمضة .. أصلاً المادة سهله و حلوه .. و تكليفها بحث عن أي إعاقه .. بالنسبة للتوجيه 2 ميرفت شرقاوي ما أعرفها ، بس مها الحمري مدحوها و سمعت قالوا شرحها كويس و سمعت إنها تعطي تكليفين واحد أساسي و واحد بونس ..

مششششكورةة يا عسل الله يعطيك العافيهه


حابه اعرف مين افضل مها الحمري ولا استاذه رضيه