.. { درستـي مادة حرة / اختيارية ؟! تعــالي وشاركـي زميلاتك } ..

[(" الغلا ")]

المشاركة الأصلية كتبت بواسطة خوخه فيها دوخه بنات ابغى ماده حره او اختياريه سهله ومذاكرتها من ملزمه .. وقنها من الساعه 6,10 الى 7,20 مساءآ سبت , اثنين , اربعاء غير مبادئ علوم السياسه لانها نازله عندي عند الدكتوره امل عرب بس تقول الدكتوره انها راح تتغير فخايفه اجرب غيرها :( اتمنى تساعدوني

خالده الشادي ممتازة :)

[خوخه فيها دوخه]

يسلمو يالغلا ..

[هتون العسولة]

السلام عليكم
تسلموا ياحلوين على المجهود الرائع

بنات انا اخذت دا الترم مبادئ علوم سياسيه وكانت عند الدكتورة خالدة بس اتغيرت وصارت عند الدكتورة امل هاشم
والدكتورة امل قالت انا مااعترف بالملازم المذاكرة تكون من الكتاب وفي جزء محذوف وبنات خالدة يقولو انو مقرر عليهم السلايدات بس
فانا مرررررررررررررة محتارة لاني ماقيد جربت امل هاشم او خالدة السيد
بللللللللللللللللللللليز بنات اللي تعرف معلومات ممكن تساعدني بيها لاتبخل وجزاها الله خير لانو السنترا بدا خلاص وياخذ وقت لو حاغير الدكتورة افيدوني مين الدكتورة الافضل انا سمعت عن خالدة كثير بس امل هاشم اول مرة اسمع عنها

[DoOoDE]

مرحبا بنات الله يعطيكم العافية على هالموضوع المفيد
وان شاالله كلنا نستفيد من خبرات بعض
بس عندي سؤال حصلت في الحذف والاضافة مواد حره
مبادئ قانون ومبادئ اداره عامه بس مااعرف ايش تنصحوني فيه انزلها ؟؟ والا انزل مواد ثانيه اختياريه وحره ؟؟
سمعت عن حكومه الكترونيه انها سهله بس ماحصلتها سؤالي هل هي نازله هالترم والا لا؟؟
واذاكاانت نازله كيف اضيفها لجدولي؟؟
ماعليش طولت عليكم انا اسفه بس اتمنى تساعدوني..

[najo300]

حكومه الكترونيه مو نازله هذا الترم ...
انا هذا الترم اخذت مبادئ اداره عامه ...بس على حسب انتي ايش الماده اللي تحبيها وتفضليها في المذاكره اختاري من بينهم

[هتون العسولة]

بناااااااات محد رد عليا كيف مادة مبادئ علوم سياسيه مع د/امل هاشم بليييييييز اللي مجربه عندها تفيدني

[خوخه فيها دوخه]

انا مثلك نازلتلي عند امل هاشم والماده معها حلوه والكل يمدحها ويمدح الدكتوره خالده والاسئله موحده .
معقوله الدكتوره خالده قالت لطالباتها يذاكروا من السلايدات والاسئله موحده اذا كان كذا تمام نذاكر من السلايدات..
شوفي المحذوف في موقع الدكتوره امل وراجعيه مع الكتاب احسو قليل يعني اهو السلايدات المهم بس الشرح من الكتاب ..
بالتوفيق قلبي....

[ام سطام]

بنات بلييز ابغى ماده حره سهله ومجربينها

[طالبة انتساب))]

بنات الله يسعدكم كيف اداره مبيعات سهله ولا صعبه ؟؟
الشي التاني تمويل صحي نقدر ننزله ولالا ؟؟؟


موفقات ,,

[طالبه داجه]

انا مو من جده هل اقدر ارسل ايميلي لاستاذه سلمى الكيال مرشده موارد البشريه وتضيفها ليه وهي نظام السياسي اختياريه ومبادى علوم سياسيه اختياريه وعلى فكره اول مره اخذ اختياريه وماقد اخذت اختياري ولاحره ارجو الرد
وسوال الثاني هل اقدر اخذ اثنين مع بعص الي هي نظام ومبادى علوم السياسيه ولالا
لاطنشون رسالتي بليزززززززززز