✿!{.. آراءكم في الدكتورات |{للطالبات}ﾟ¨ﾟ*

[عطر القصيد]

د\ديبــآ - سلوكـ تنظيمي ..
في الشرح ممتــازهـ جداً جداً ،طيوبهـ وأخلاقهــا زي العسل ، الدرجــات تعطيكـ حقكـ بالملي لاتزود ولاتنقص
د\غــآدة جمعهـ -تحليل كمي ..
شرحهــا سريع جداً اقدر اقول عليهـ جيدجداً ،طيوبـهـ ،الدرجـات اممممممم كريمــة شوي اسئلتـها " السهل الممتنع "
د\أمــل شلبي -قـآنون ..
شرحهــا ممتاز ،اخلاقهــا ع حسب نفسيتهـا إن كانت تمام تلاقيها بشوشهـ والعكس صحيح ،الدرجــآت بالملي ، اسئلتهـا سهلهـ بس يبيلها صياغة زينهـ (لأنه الأنقلش عندهـا ركيكـ ) بالتالي مانفهم السؤال وش يبي فنجيب العيد في الأختبار
د\سامي خـآن - موارد بشريهـ ..
الشرح سئ ،تعاملهـ معانا مو ذاكـ الزود كـان دايم يطنشنـا لما نكلمهـ ، اسئلتهـ متوسطة يعني موب سهلهـ ولا صعبهـ ( اللي يذاكر زين يحل إن شاء الله )


وبس ..موفقيـــن إن شاء الله ’

[د/شهود]

صباح الفل

اقتصاد كلي :( د/ايمان حسن علي) شرحها رائع وتعاملها جميل مره تعطيكي شرح من قلب كانت تعطينا أمثله من الواقع تقربنا اللي بندرسو عشان نفهمو ونستوعبو اكتر حبيبي كانت دايماً مشغوله في اللجنة الرياضيه وكمان تدرس ماستر وللأسف دا اخر سمستر لها رايحه مصر خلاص بالنسبة للاختبارات طبعاًً موحده بس كانت تقولنا ايش المهم تصحيحها كان مره رائع حتى ترجع لورقة الأسئلة وممكن تعطيكي عليها درجات وكمان في الاخير ادتنا واجب عليه بونس بالنسبالي أعطيها 10:10

محاسبة 213: ( د/سحر جبروني ) آدمية تشرح وتعيد وتزيد لدرجة انو احياناً وحده تقولها ما فهمت وترجع تشرح مره واتنين وتلاته اعصب وأقولها دكتورة أنا اشرحلها تقولي لا أنا حفهمها ما شاءالله انسانه بالها طويييييييل أخدت معاها 117 أتوقع كان افضل... تحل معانا تمارين نهاية كل باب و تسوي مراجعه قبل كل اختبار بالنسبة للتصحيح دا السمستر ماحسيتها تراعي أبداً مافي بونسات اعطي الدكتورة 10:9

بالنسبة لثقافه 1:(أستاذة رحاب بدوي)في البدايه كانت مره يناس ولو عليا اعطي كل بنت تحضر معايا فل مارك بس في النهايه اللي سارت تجي بعد عشر دقائق غياب وكانت تغيب بنات حاضرين والسبب انو ما سمعتهم داااااايماً تخرج خارج مواضيع الكتاب صح انو أحلى مرررره من شرحها للمنهج بس برضو عندنا منهج نخلصو آدمية مره حلو لو تسوي محاضرات اعطي الدكتورة 10:7

تحرير كتابي : كان مع هدى الحربي يناس عليها كنا نبدأ بعد الوقت ونخلص قبل الوقت كانت انسانه ممررررره متفهمه لو كان عندك اختبار في نفس اليوم وما حضارتي تقولك جيبلي ورقة من الدكتورة عكس دكتورة الثقافة تقولك لو مؤ في وقتي أنا ما اقبل.. بالنسبة للشرح كان يعتمد ع النقاش ودا شي مره جميل عيبها الوحيد صوتها حاد شويا أعطيها 10:10

لغة انجليزيه متقدمه مستوى تاني : كان مع مس عايشه انسانه مره تدخل القلب متفهمه دمها مره خفيف الكلاس الفللللله ضحك وبسطه صححتلنا البرزنتيشن قبل مانعرضو ماتبانا ننقص شرحها جميل كمان يناس عليها لما تتكلم عربي ونعلمها كلمات عربي بلا شك تقييمي لها 10:10

خليت دي الماده في الاخييير عقدة دا السمستر
مبادئ أداره : مع رنا ديفيا صراحه شرح سييييييء كنا نقعد مابنفهم شي منها وغير كدا الأخت دائماً كانت تسحب علينا واحنا نجي الصباح عشانها اخر شي تكلمنا بعد ما وصلنا الجامعة ترا مافي كلاس وحتى لما تجي تجي على 8 ونص 9 الا تلت وتخلصنا 9 بالكثير 9 وعشره في دا الوقت نخلص شابتر كامل عادي واحنا نسلكلها وهيا تسلكلنا بالنسبة للبروجكت اديناها هوا و ميه ميه الا شافت قراف فيلو أرقام عربي قالت أنا دا مااقبل فيلو ابداً وأبا خط البروجكت كلو (مساواه) داك الشي الي كانو مسوين الكلام بالمسطره مدري وقتها ايش كانت تحس في لكن بعد دا كلو الحمد لله ادتنا في فل مارك.. الاختبارات ماتحطها ولاتدري كيف شكلها بس في الاخير الحمد لله ادتني بونس جميللل تقييمي لها 10:4

وسلامتكم وأزا احد عندو استفسار عن دكاترتي أنا تحت الخدمه

[RoOoDy]

الحمدلله خلصت المستوئ السادس بنجاااح
التسويق / مع نعيمة بوقري ~ عاد نعووومة تحب تنقيص الربع و النص بس اذا كتبتي لها الواجب من مخك و ما نقشتيه ~ تعطيك درجااات كويسة و بالمشاركة مع انو ما قومتي غير مرهـ وما جاوبتهـآ ,, اعطتني درجة اكثر مما توقعتهـآ ~ صح كلاسها ممل و يا كثر ما فاتني الباص عشانهــآ بس الله يسعدهـآ طلعت مو اسوووآآ الدكتورات << اعطيهـآ 5 ونص /10
البرمجة / مع بدور باوزير ~ يا انهـآآآ كرفتنـآآ كرف بس الحمدلله درجات الكلاس مرررهـ كويسة ~ ستايل بدور انهـآ تعطيك الكود وانتي اشتغلي عليه و بعدين تشرررحه ~ صح انو في اشياء ما كانت عارفتها بس كانت ترجع ترد لنـآ خبر بعدين ~ اعطيهـآآ 8 ونص / 10 عشاااني حبيتهـآ
اعداد تقارير / مع صايمة ~ يا زينهـآآآ زينآآآهـ الشيخة صايمة الله يسعدهـآآ ~ صح ممل الكلاس بس كانت تكتبنـآآ كتير و منو تعطينـآآ بونسـآآت ^^ اعطيهـآآآ 8 /10 ~ نقصت 1 عشان ممل الكلاس و واحد عشان الكرف ^^
قانون / مع امل شلبي ~ الدكتوررهـ يا زينهـآ زيناهـ طوول الترم وبالنهائي اكلنـآآ العسل
لا احد ياخذ معاهااا اي مادهـ بالانجليش ~ 5 /10 عشان الدرجات اللي طيرتهـآ
ادارهـ / مع الشيخة رنـآآ ~ الانسانة دي ما تدري فين الله حطهـآ بس مرررا راعتنـآ بالدرجات ~ بس جاء الشيخ سجاد وخربهـآآ بالنهائي 7 /10 عشان طول الترم مكنسله محاضرتهـآ
التحليل الكمي / مع غادهـ ~ وي وي الله يسعدهـآآآآ وين ما راحت الاستاذهـ ~ لو في مادهـ تانية معاهـآ ع طول انا باخدهـآ معاهـآ ~ من ناحية الشرح نص الوقت يعتمد ع تدرسك لنفسك ~ بس لما انفصل النهائي عن الاولاد ~ الاختبار كان كلووو من شرحهـآ 9 ونص /10 ~ نص عشان حولتني من كثر ما تلف بالقاعة

[coOola]

نظم : شيماء رشاد جيدة كمان صباح الصومالي

وتمويل : ما فيهم أحد زين ,, بس صايمة أهون الامرين

وتسويق: د.نعيمة بوقري


واعداد تقارير: صاايمة .. وإن كان فيه أحد بياخذها مع عالية فالافضل مايضيف المادة ^^

[جلنـــار]

المشاركة الأصلية كتبت بواسطة i am ambitious بنات ممكن تقولوا لي من افضل الاستاذات للمستوى الخامس لذي المواد الي هيه : نظم وتمويل وتسويق واعداد تقارير............وشكراااااا

نظم : درستني أ / صباح صومالي جيددةة بس وقت البريسنتيشن ما كانت متساهلةة ابدا
و ظلمتنا نوعاا ماا ( الحضور و الغياب عندها مررة مهم )

تمويل : د.خديجةة و بسسس ... شاركي معاها و ثقفي نفسكك في الاشياء اللي تقولك عليها
و رح تمشي أمووركك كلها لأنه ما في شى بيضيع معاها اذا شاركتي او جبتي اي معلومة تآخذ اسمكك و في نهاية السمستر رح تلاقي عنددكك درجات بونس كتيرةة المهم تكوني معاها على طول
في الشرح و لا تفوتي و لا محاضرة ( ما تحاسب ع الحضور و الغياب الا نادراً )


تسويق : د. نعيمة البوقري .. انسانةة حقانية جدآآ تهتم بانك تذاكري أول ب أول و بداية كل محاضرة تسأل بالاسماء و تهتم بالحضور و الغياب .. المادةة ممتعة جدآآ و سهلةة


اعداد التقارير لسى ما أخذتو ~


موفقةة

[Frish flower]

المشاركة الأصلية كتبت بواسطة _sora مرة جزاكِ الله خير جيرل ما تدري قد ايش ردودك بتساعدني يسعدك ربي قولي آمين :") الله يسعدها دائما بتجاوب علينا . كنت ب أسالك ما تعرفي احد قد جرب قسم ادارة مستشفيات انتظام؟ مرة نفسي فيه بس خايفة منو لانو يتعدو ع الاصابع اللي بيختارو القسم دا .. في بنات كانوا معانا داخلين هالقسم وماشين فيه الحمد لله أهم شي تكوني حاباه وربي يسرلك كل شي . ولو تقوليلي مين الدكاترة الكويسين لدي المواد مرة اكون شاكرة ليكي والله مبادئ محاسبة 117 سحر جبروني _ شريفة مهارات لغوية 101 يمدحوا شادن . مبادئ الاقتصاد الجزئي 107 إيمان حسن -حنان الجشعم . مقدمة في الرعاية الصحية 170 ادارة خدمات صحية 171 لغة انجليزية 201 < اشوفكم تمدحو سحر كتير ما شاالله ازا ما كانت موجودة لا سمح الله مين غيرها كويسة : ) صايمه - مآرب - عيشه وأي احد يحب يشارك بالرأي مررررة ويلكم و شكرا مقدما (f)

عفوا ياقمر .
بالتوفيق يارب.

[Frish flower]

المشاركة الأصلية كتبت بواسطة _sora frish flower & girl ما ادري ايش أقلكم والله شكرًا قليلة فحقكم :") يآرب يحققلكم كل امنياتكم و يكتبلكم الخير فين ما كنتو يعطيكم الف عافية :")

هذا واجبي ياعسل ^_*تسلمي ع الدعوات الحلوة ولك المثل بإذن الله .
الله يعافيكي يآآآارب وفالك التوفيق بإذن الله :)

المشاركة الأصلية كتبت بواسطة كاسرة الهموم سسلام بلييز ممكن تساعدوني حابه اسال عن افضل الدكاترة في مواد السمستر الثالث محاسبه 117 مههارات لغويه 101 اقتصاد جزئي 107 لغة انجليزية 201 احصاء اعمال 271 بلييييز اتمنى تنصحوني بافضل الدكاترة ولكم مني اطيب الدعوات .. لا اله الا الله ..

مهارات لغوية - شادن
اقتصاد جزئي - حنان الجشعم +ايمان حسن.
انقلش 201-ماآارب.
احصاء اعمال 271- لمياء باحارث+مها الأشرم.
بالتوفيق يآرب.
محاسبة 117-سحر جبروني + شريفة

[د/شهود]

^^

ماعمري سمعت عن وحده منهم ان شاءالله تلاقو مين يساعدكم

[جلنـــار]

المشاركة الأصلية كتبت بواسطة εïз » ðr.Ӟβềềбђ º7 بنات انا داخله سمستر الثالث ابغي خبرتكم بالاستاذات اللي حذكرهم لان شيكت عالشعب ونزلت اساميهم احصاء عام stat271 # مريم م محمد جمال مومن خان # تهاني عبدالقادر بصير مهارات لغوية arab 101 # هدى ح حميد الحربي # نسرين ع بامنصور # منيرة ع عبدالله باعباد # هدى ا احمد الذماري # سلوى ع بابطين # سهير ع عبدالرحمن # فوزية ب مخلد العتيبي # سارة ص عمر بادحدح اللي جرربوو اي استاذة افيدووونا : )

^^

منيرة باعباد أخذت معاها عربي 2
الدكتورة كويسةة مرة و خلوقة و متعاونة

عموما العربي مع اي وحده تقدري تمشي
المآدة سهلة و موحده أنا كنت أخذهم على حسب وقت الشعبة اذا يناسبني أو لا ..

موفقين : )

[جلنـــار]

المشاركة الأصلية كتبت بواسطة shooshaa بنات ايش احسن استاذة مبائ برمجة لتخصص نظم معلومات ؟؟

رح اخذ المادة دا السمستر ان شاء الله

سألت عن الدكتورآت قالو لي كان فيه اتنين بس بيعطو المادة
بدور باوزير و سيدرا
قالو سيدرا جيدة بس شرحها مو مرةة لكنها أفضل من بدور

و الله أعلم