تجمع المتقدمين لماجستير ادارة اعمال (البرنامج العام الاكاديمي ) لعام 1434 - 1435

[طوفان]

مشروع بحثي ماعاد فيه رساله عشان البرنامج تغير هو برنامج mba برنامج عالمي واعتماده عالمي ايضاً

[&R&]

الحمدلله طيب كويس
لو احد بيروح الجامعه ياريت يرسلنا النموذج

[راتانيا]

مافي داعي تروحوا الجامعه عشان النموذج لانو تم اكماله الكترونيا من الجامعه
بس انا باقي عندي مشكله المواد التكميليه احد زيي؟

[راتانيا]

بخصوص النموذج

انا اسفه جد حرصت انو ما اكتب شي في الورقه عشان انزلها لكم واوفر المشوره بس جبتها من السياره ولقيت اخويا معبي بياناتي فيها بالقلم فما قدرت انزلها لانو ما حتفيدكم وانحرجت اكتب دا الشي 
والدكتوره امل ارسلتلها وردتلي انها في اجازه خارج المملكه ورجعت ارسلتلها متى بترجع وما ردت وهادا ايميلها

a_mukhtar_t63@hotmail.com

واعذروني جد اسفه :( بس الموضوع ما عاد له اهميه لانه انعمل الكترونيا خلاص

[&R&]

ايوة جاتني رساله ع الجوال
انا عندي ايقافات لموافقه جهه العمل مع اني مو موظفة
وايقاف للمواد التكميلية وانا ماراح ادرسها لانه نفس تخصصي في البكالوريوس
يعني مااروح الجامعة ؟؟ طيب والجدول ماراح ينعمل الا لمن تروح الايقافات

[~هدوء~]

السلام عليكم ورحمة الله وبركاته
الله يوفقنا ويسهلنا دراستنا .. جميل انو فيه موضوع جامعنا هنا .. أنا طالبه مستجدة امس ألغيت إيقاف موافقة العمل واستلمت بطاقتي ونفس الشئ قالو لي أوقع أوراق التكميلي بس مافيه احد يوقعها .. بإذن الله ربي يسهلنا .. سألت احد صديقاتي تدرس ماجستير بالخارج عن الدراسة... وقالت لي أن احد أسباب نجاحها كان مجموعة عمل متعاونة وان درجاتها تغيرت للأفضل لأنهم جميعا شكلو مجموعة دعم لبعضهم البعض للحصول على النجاح .. أتمنى من الله أن يرزقنا بالصحبة الطيبة التي تعينا على الجد والاجتهاد .. وتذكري أختي العزيزة وأخي العزيز أن كل عملا تقومون به لمساعدة الآخرين يدخره الله لكم ليوم تشعرون به بضائقه فتفرج بإذن الله ..شكرًا رحلة إحساس على معلوماتك القيمة

[&R&]

صح كلامك بالتعاون وحب لغيرك كما تحب لنفسك والنية الصادقه ربي راح يوفقك ان شاء الله وييسر امورك

[~هدوء~]

أعزائي .. تم فتح الحذف والإضافة .. وقد قررت أن تكوني خطتي كالتالي بإذن الله في الترم الأول من كل سنه سأدرس 3مواد إجبارية ومادة اختيارية..والترم الثاني في السنه الأولى سأقوم بدراسة 3مواد إجبارية (بدون اختياري) وسيتبقى لي في ترم التخرج 3مواد (إجبارية ،اختيارية،مشروع البحث) ومبدئيا سأضيف مناهج البحث والتحليل الكمي ،القيادة والسلوك ، ادارة العمليات الاستراتيجية ، مهارات التفاوض
وذلك حرصا مني على عدم وجود مواد في نفس اليوم حتى إذا كان هناك اختبار أتفرغ للمادة بأكملها بدون أن احمل هم المادة التي تليها في المحاضرة، أما بخصوص أن هناك مادتين يوم الأربعاء ( القيادة ، ومهارات التفاوض) تعمدت اختيارها لوجود فارق ساعة بينهما لأخذ راحة و
التحضير للمادة الأخرى ولا ننسى الصلاة ..بالتوفيق جمعيا

[mnoola]

مهارات التفاوض لها متطلب (قيادة وسلوك تنظيمي)

اتوقع ما ينفع تاخذي مادة ومتطلبها في نفس الترم

[&R&]

مافتحت لي الحذف والاضافه:( بسبب وجود عندي ايقاف المواد التكميلي ياريت تقولي لي ايش موجود في الشعب انا من خارج جدة هل لازم اروح لهم ولا اصبر يخلصونها الكترونيا حسب مافهمت من رسالتهم من الجوال اتمنى يكون في مواد في نفس اليوم محاضراتها بحكم انتي مو من جدة عشان اقدر اداوم مرة وحدة رحله احساس نبهت بخصوص المواد الاجبارية تنزل مرة كل سنة فالافضل ناخذها من باب اولى وبالنسبة للمشروع اشوف ناخذه الترم الثاني قبل التخرج بترم عشان الترم الاول اطول من الثاني وفي اجازات ونقدر ناخذ راحتنا فيه واذا انضغطنا ناجله للثاني هذه من وجهه نظري