نبذة عن المواد والخطة الدراسة لـ سنة ثانية طب أسنان ,,

[Dr~NanoOok]

مادا

وانت مستهون بالبروتين "^^
هو و الكاربوهيدريت أدسم شابترين بالحياة :p

ومررره عادي انكم ما تفهموا "^^
حاولوا تروحوا عند أحد فاهم.. او عنده شيتات من مدرسين خصوصيين
أو
خلوا البنات يدوروا على شيتات (د.أمينة) في هذه الجزئية
على أيامنا خليناها تجي وتعلمنا مراجعة وتفهمنا أهم النقاط .. والحمدلله مشي حالنا

[عزام محي الدين]

يعطيكم العافية يا دكاتره ماقصرتوا والله

[Glamor Mada]

المشاركة الأصلية كتبت بواسطة dr~nanoook مادا وانت مستهون بالبروتين "^^ هو و الكاربوهيدريت أدسم شابترين بالحياة :p ومررره عادي انكم ما تفهموا "^^ حاولوا تروحوا عند أحد فاهم.. او عنده شيتات من مدرسين خصوصيين أو خلوا البنات يدوروا على شيتات (د.أمينة) في هذه الجزئية على أيامنا خليناها تجي وتعلمنا مراجعة وتفهمنا أهم النقاط .. والحمدلله مشي حالنا

اهااااااا =(
والله يا دوكتوره نانو احنا كلنا منا فاهمين شي في البيوكيمستري.. لانه الدكاترة صراحة الله يهديهم ما بيشرحولنا .. تخيلي يجي الدوكتور يمر عال سلايد يقولنا دي انتو تعرفوها ودي اخدتوها ودي كمان عارفينها !! ايوا احنا علماء ماشالله شكرا يا شيخ
وكمان كل ما كلمنا واحد اكبر مننا يقولنا ( انا مابدي اخوفكم من البيوكيمستري بس ياشباااب انتبهو انتبهووو منه ) .. لا ماشاءالله مررره ماخوفتنا صراحة كتر خيرك
الله يعديها على خير ,, صبر جميل والله المستعان :(
جراسياس دوكتورة نانو يسلمو .. بحاول اشوف شيتات د.أمينة ^^

[Dr~NanoOok]

معليش هي المادة كده دمها تقيل
و اعتقد لازم يقولكم انتبهوا منها
لأن كتيرين لما ما يفهموها ما يحاولوا انهم يشدوا حيلهم فيها او يحاولوا يفهمومها من جد
فيستهونوا بيها ويطنشوها
وعشان الاختبار حقها كله اختيارات متعددة
MCQs
فيدخلوا الاختبار يجربوا حظهم فيه !!

ودا مررره غلط !

فمن جد انتبهوا واهتموا بالمادة.. وصدقوني لما تنفهم
وعلى الاقل الاساسيات فيها.. حتصير امتع

وربي يكون في عونكم امين

[مستشفى البيك للشياكه]

السلام علييكم.....
مساء الخير... اولا شكر خاص للدكتوره نانو .. بجد ما يكفي انو نشكرها بس بالكلام.. لكن إن شاء الله ربك يشكرها بالاحسن على تعبها معانا وعلى جهودها وعلى الردود وعلـــــــــــــــى كـــــــــــل شي.. لك مني خالص احترامي...

وبعد ...
امممم عشان البيو كمستري بصراحه انا محول من كلية العلوم الطبيه واخذت ذي الماده.. (يا الغالي قطعت قلبي يوم قلت انو لما تسال اي احد يقولك انتبه..).... <<< باقلك بالحقيقه وما باخبي عليك شي ,, ابيك تكون في الصوره .. ما ابيك تخاف منها بس ابيك تاكلها مذاكره...(هع)... الماده تعتمد على الفهم اكثر شي لانو الاختبار اختيارات.. والاسئله راح تلاقييها مختلف عن الي ممكن حاطه ببالك.. يعني اففهم كل شي وذااكر اول باول..(ضروري) .. .. واذا معك مشكله حالو تفهمه من الدكتور او من اي طالب حتى لو تبغا تجيني انا .. ابشر.. (بس ما بعلمك من انا هههههههه...... لا بس يعني مو هنا) .. واذا فهمتها صدقني ترتاح بعدين ....



امم وشو بعد اقولك ... بصراحه ابي افيدك بشي ما بأبخل باي معلومه....
اييه صح تذكرت ( هع ) ... امممممممم شسمه ...!
قدامك الكربو هيديت ............. الله يعينا واياك هههههه والله جزئيه مو سهله *_* ..( بالبلدي ) اشبك الدفع الرباعي وبححلق عيوونك وافرك الماطور واتحشر بالعصا والسلسله..هههههههههههه ((ههههههه طيرت الرجال من الدراسه هههه)) ...
بس شد حيلك وإن شاء الله سهاله ^_^ ....



تحياتي لكم .. واعذرووني على الاسلوب لانو ما احب الرسميات ....



وشكرا .......

[Glamor Mada]

مرره شكرررا لك ^^
ان شاءالله تتسهل .. اول خلينا نخلص من البروتين والانزايمز وبعدين نفكر في الكاربوهيدريت لاحقين عالهم O_o"
تسلم ربي يعطيك العافيه

[｡◕‿◕｡ JOONA]

شكرآآ على كل هالمعلوومآآت مررررررررررره فآدتني..

أنا سنة تحضيري كم يبغاالي أجيب معدل علشآآآن أدخل طب أسنآآآن

الله ينفع بيك ياااارب ..

[ebtihaj]

الرجاء من اعزائي طلاب وطالبات الاسنان سنة تانية الاشتراك في الاستبيان المرفق في dental stressفي فيس بوك الاستبيان ضروري لانه يبحث اسباب الضغط النفسي لطلاب الاسنان وتمت معظم المشاركات من المراحل الاخرى. هذا الاستبيان جزء من رسالة ماجستير الرجاء المساعدة
رزقكم الله باشخاص يساعدوكم والله يوفقكم

[M!Šs JỏJỏ]

ربي يســــــ ع ــدك :)
جزااك الله خير
دعوااتك يا قمر

[Kaira]

بصراحة سنة تانية من جد زكرياتها حلوة كانت غير انها سنة دراسية إلا انها سنة تعارف على صحباتك وزميلاتك في نفس كلاسك وانهم راح يفضلو معاكي لحــــــد التخرج انشاالله ^^

صح انو الواحد يحس انو مو داخل طب أسنان بسبب المواد كلها بشري بس برضو تحسس الواحد لما يجي يدرسها انو غيييييير عن كل الكليات
لأنو احنا ما ندرس بس أسنان ,, احنا بنلم كل الكليات الصحية ودا يعطي للواحد دافع قوي وفخر بنفسو وبالكلية إلي ينتمي ليها (( كلـــــية طـــب الأسنان ))
لأنو باقي الكليات ما يدرسو موادنا لكن احنا بندرس موادهم فنكون عارفين ولنا خبرة في باقي الأمور المتعلقة بجسم الانسان >> وبالأصح جسمنا احنا

بصراحة كانت سنة حلوة والحمدلله عدت على خير وتجاوزنا كل صعوباتها وعقباتها ونجحنا فيها بفضل من الله تعالي أولا ثم بفضل تعاون الدفعة مع بعض =)

يسعدكم كلكم يـــــآ dent10 ^_____^