أضرار سواقه المرأه.... توقعات مستقبليه !!

[rubi]

المشاركة الأصلية كتبت بواسطة lovely one السلام عليكم نعيد و نزيد زمن الرسول كان النساء يركبو الجمال ليش ما منعهم الرسول وقلهم احنا في خلا او صحرا لازم نجيب لكل وحده &quot;صبي&quot; يمسك الجمل بمسمى &quot; محرم&quot; ولا ما ينفع لانو ممكن من تنزلو من الجمل او الحصان بعض من جسمكم يبان ولا ما ينفع لانو ممكن الحصان يهيج وتتعورو ولا ما يحتاج لانو المدينه المنوره صغيره الي عندها مشوار تروح برجولها ولا ولا ..... الخ في اشياء كتيره عندنا ما كانت موجوده زمان فعشان كدا لازم نحاول نقارن و نربط بين زمن الرسول ودحين و نتخيل زمن الرسول ونتخيل اش حيكون موقف الرسول في دا الموقف لانو ما عندنا دليل من الكتاب و السنه يحرم او يحلل دا الشي وعلى فكره الصحابه ما كانو ملائكه كانو بشر زينا يغلطو و يتوبو و مو لازم عشان المرأه حتسوق يعني حتفصخ العبايه و تزني انا ما اعرف عن سواقه المرأه في دول الخليج بس متاكده انو في ناس مغطيين و متحجبين و اكييييد احسن من حجاب بعض البنات الي عندنا الي بيكربو معا سواق و اي حاجه حنمر فيها اكيد مرت على الدول الاسلاميه الي زينا وبعدين محسسينني انكم حتخترعو قرار ترى كل شعوب العالم المراه بتسوق فيها وترى منتو الوحيدين الي تعرفو ربنا و حتى اهل القرى انا اعرف انو المراه تسوق و اغلب الاضرار الي ذكرت في الموضوع ممكن تسير برضو ازا البنت كانت معا سواق صح ؟؟ و بعدين مين قال سواقه السياره مجرد كماليات ازا عندك اخوان وسواق فالحمدلله منتي محتاجه تسوقي فتصير كماليات لكن من تكوني ارمله او ماعندك اخوان و ما عندك القدره على دفع 1000 ريال او اكثر كل شهر فانتي محتاجه سواق و لا يعتبر من الكماليات و اش تمرد المراه اش التخلف دا من فين جاب العقليه دي الله يشفيه <<مشكله لو الشعب كولو تفكيرو زي كدا حنرجع لزمن ابو جهل و الي يقول ملكات ومني عارفه ايش خخخ؟اش التشبيه الفضيع دا؟ ما اعرف يعني تكذبو الكذبه وتصدقوها ؟؟ و بعدين كلنا عارفين انو ركوب المراه معا سائق يعتبر خلوه ؟ ليش حللتوه ليش سامحين فيه ولا عشان حيريحكم من مسؤوليات كتيره للي ما يعرف ركوب المراه معا سائق اجنبي خلوه يلا اشوف كل واحد يسيب اللاب توب ويروح ينام عشان بكره هوا حيوصل امو واخواتو و اخوانو الصغار و يجيب كم غرض من البقاله؟؟ و في النهايه الي تبى تعمل حاجه غلط حتعملها سواء كانت سايقه سياره ولا معا سواق ولا راكبه حمار ولا ماشيه على رجولها و بس :)

احييك

[lovely one]

المشاركة الأصلية كتبت بواسطة bint aboha الأحلى مرورك يالغلا طبعا الخوف من الله اولا ثم علينا ان نرى هل نسمح اللتعدي ع حرمات الله ان تزيد عن ماهيا عليه ؟؟؟؟ <<< ما فهمت ممكن توضيح اش قصدك بحرمات الله :) فليس السواقه هيا الحل دائما اتمنى من كل قلبي ان يكون هناك حل للأنني ايضا احتاج ف بعض الأحيان إلى قضاء حوائجي ولااجد من يجلبها لي لاكن لاأتمنى السواقه ابدا \\\\

حبيبتي كلامك في بعض من التناقض كيف محتاجه تقضي حوائجك و ما تتمني تسوقي
يعني زي كانك تقولي محتاجه شهاده بس ما اتمنى اني ادرس او اتعب نفسي في الجامعه
او محتاجه فلوس بس ما اتمنى اني اتوظف ولا التزم بشغل
و بعدين ترى احنا في نعمه بس غيرنا لأ خليهم يحطو شروط تعجيزيه بس اهم شي يسمحو للارامل والايتام والناس المحتاجه.. ان شا الله يبدؤ بالنساء الي ياخدو من الضمان الاجتماعي فقط مو مشكله
وترى احنا محتاجين بس هما احوج مننا بكتتتتتير .... بلاش نفكر بانانيه
يعني انا ما عندي اخوان كبار يسوقو من اتخيل لاسمح الله انو بابا يسير في شي ولا يتعب "ان شا الله يومي قبل يومو " كيف حنودي المستشفى و سياره الاسعاف ممكن تتاخر اتخيلي نفسك في دا الموقف حتحسي زي كانك مشلوله ولا مقعده ليش ؟؟؟!! عشان بس ما تقدري تسوقي اش ينقصك عشان تسوقي ترى انا اشوف اولاد ما يتكلمو يسوقو طيب دحين الابكم دا احسن مني ومنك و كما اذكر شفت في التلفزيون واحد مقعد يسوق بس مغيرين بعض الاشياء في السياره طيب هل هوا احسن مننا ؟؟

[ALEMBRA6OR]

لا لقيادة المرأة .

لن تقودوا بإذن الله رضي من رضي و من لم يرضى فليشرب من البحر

[ALEMBRA6OR]

المشاركة الأصلية كتبت بواسطة lovely one حبيبتي كلامك في بعض من التناقض كيف محتاجه تقضي حوائجك و ما تتمني تسوقي يعني زي كانك تقولي محتاجه شهاده بس ما اتمنى اني ادرس او اتعب نفسي في الجامعه او محتاجه فلوس بس ما اتمنى اني اتوظف ولا التزم بشغل و بعدين ترى احنا في نعمه بس غيرنا لأ خليهم يحطو شروط تعجيزيه بس اهم شي يسمحو للارامل والايتام والناس المحتاجه.. ان شا الله يبدؤ بالنساء الي ياخدو من الضمان الاجتماعي فقط مو مشكله وترى احنا محتاجين بس هما احوج مننا بكتتتتتير .... بلاش نفكر بانانيه يعني انا ما عندي اخوان كبار يسوقو من اتخيل لاسمح الله انو بابا يسير في شي ولا يتعب "ان شا الله يومي قبل يومو " كيف حنودي المستشفى و سياره الاسعاف ممكن تتاخر اتخيلي نفسك في دا الموقف حتحسي زي كانك مشلوله ولا مقعده ليش ؟؟؟!! عشان بس ما تقدري تسوقي اش ينقصك عشان تسوقي ترى انا اشوف اولاد ما يتكلمو يسوقو طيب دحين الابكم دا احسن مني ومنك و كما اذكر شفت في التلفزيون واحد مقعد يسوق بس مغيرين بعض الاشياء في السياره طيب هل هوا احسن مننا ؟؟

ايه احسن منك, لان سواقته مافيها ضرر أو فساد للمجتمع .

[rubi]

المشاركة الأصلية كتبت بواسطة alembra6or ايه احسن منك, لان سواقته مافيها ضرر أو فساد للمجتمع .

.......... دا رد ترده لوحدة بصحتها وعافيتها وتقول ان المشلول احسن مننا!!!!!!! .........

[lovely one]

المشاركة الأصلية كتبت بواسطة alembra6or لا لقيادة المرأة . لن تقودوا بإذن الله رضي من رضي و من لم يرضى فليشرب من البحر

ياريت تتكلم بالمنطق و بعدين نجي نتناقش << بس ازا حتفضل بالعقليه دي ومتسك برايك بسبب وبدون سبب ف الله يعين المجتمع عليك وعلى الناس الي تفكيرهم زي كدا ... صحيح متى ناوين تنقرضو ؟؟
انا ما قلت كلام غير منطقي وازا في شي ما اقنعك نتناقش في مو مشكله بس بدون استهزاء

[*{سيموو]

اضم صوتي للرافضين ..

مو لانو مانعرف او لان حقوقنا مهضومه او لغييرة.. وعلى فكرة ماعندي سواق ولا اركب تكاسي وماعندي غير ابوي واخواني الله يحفظهم..

ولا لان طلباتي اوامر واخرج متى ما بغيت.. وياكثر المشاوير إلي تكنسلت ولا قدرت اروح لها

لكن لمن يتطبق نظام جديد.. لا ينظر لمصلحة المعنين به فقط.. بل إلى المجتمع بأكمله..
ودرء المفسدة أولى من جلب المصلحة ..

إذا السواقة تحقق فائدة لشريحة من المجتمع .. فهي مضرة لشرائح أخرى ..

وحتى لو قلنا كل واحد عقله براسه .. والبنت المحترمه .. حتضل محترمه بسياره او بغيره

فغير المحترم حيضل غير محترم ..

ودفع الضرر عنا أولى من جلب مصلحة لنا..

وبالنهاية .. الامر بيد أولي الامر.. فإن رأو ان المصلحة تستوجب المنع .. فنحن مع حكمهم

والله بيده الخير..
تحيآتي

[MEMA2009]

عذرا :


احنا مو خالصين بدون قياده ... اش رح يصير لو يسمح بها ..

و الله احنا كذا بنعمه بس مو حاسين

عشان العالم كله سمحوا بدا الموضوع نحنا لازم نصير زيهم ..

في مواضيع أهم بكثير من هذا للمناقشه ..

تحياتي ..

[lovely one]

المشاركة الأصلية كتبت بواسطة *{سيموو اضم صوتي للرافضين .. مو لانو مانعرف او لان حقوقنا مهضومه او لغييرة.. وعلى فكرة ماعندي سواق ولا اركب تكاسي وماعندي غير ابوي واخواني الله يحفظهم.. ولا لان طلباتي اوامر واخرج متى ما بغيت.. وياكثر المشاوير إلي تكنسلت ولا قدرت اروح لها لكن لمن يتطبق نظام جديد.. لا ينظر لمصلحة المعنين به فقط.. بل إلى المجتمع بأكمله.. ودرء المفسدة أولى من جلب المصلحة .. كلام جميل... طيب ...... بلاش من جولات الكاميرا و الي فيها بلوتوث لحسن كلنا عارفين ضررها علينا والاشياء الي الناس اوبس قصدي السعوديين بيستخدموها فيها بلاش من البلاك بيري لانو كولو حش في حش وكلام لا يودي ولا يجيب بلاش من الاسواق الي في كل شارع و ما يحتاج اعلق عالشي دا بلاش من الابتعاث لحسن انا سمعت انو في ناس ارتدت عن الاسلام << العقل زينه برضو الله يهدينا اجمعين و في ناس عامله الهوايل وفي ناس الحكومه بتجري وراهم عشان يرجعو البلد و بلاوي متلتله ربك اعلم بيها بلاش من استقدام العماله لحسن جرايمهم كترت افتحي صفحة الحوادث في اي جريده حتلاقي تلاته ارباعها بسبب العماله بلاش من النت لحسن فيلو مواقع اباحيه و في ناس بيتعرفو عن طريقو وغيرها اكيد درء المفسده اولى من جلب مصلحه بس ليش ما نطبق دا الكلام في حياتنا ليش اول ما تكون الهرجه عن النساء فجاءه الناس تعرف ربنا وتطلع الايات والاحاديث واحد يفتي والتاني يحرم و يفسر بكيفو بس في الليسته الطويله دي محد اتكلم معا انو في ضرر برضو وبعض الاشياء الي ذكرتها ضررها اكتر من نفعها و كلها خليتوها جايزه سبحانك يالله إذا السواقة تحقق فائدة لشريحة من المجتمع .. فهي مضرة لشرائح أخرى .. ازا كانت بشروط وكان في تنفيذ للقوانين باذن الله محا يكون في ضرر ..و بعدين ترى احنا سعوديين كل القوانين والتكنولوجيا بنستخدمها غلط مو شي جديد .. ف مو عشان فئه ضاله حنمنع نفسنا منها الاولى كل الاشياء الي فوق برضو نحرمها لانو في فئه حتستخدمها غلط وحتى لو قلنا كل واحد عقله براسه .. والبنت المحترمه .. حتضل محترمه بسياره او بغيره فغير المحترم حيضل غير محترم .. ودفع الضرر عنا أولى من جلب مصلحة لنا.. وبالنهاية .. الامر بيد أولي الامر.. فإن رأو ان المصلحة تستوجب المنع .. فنحن مع حكمهم والله بيده الخير.. تحيآتي

:) انا موافقه على السواقه بس اهم شي يصير في قوانين صارمه تنفذ بحق من تخالفها و ازا ما في قوانين تحكم بعض الناس المفاجيع و الهمج << يالطيف فانا حرفض الموضوع بس ماعدا الارامل والايتام والناس المحتاجه المفروض يسمحولهم اليوم قبل بكرا

[lovely one]

المشاركة الأصلية كتبت بواسطة mema2009 عذرا : احنا مو خالصين بدون قياده ... اش رح يصير لو يسمح بها .. و الله احنا كذا بنعمه بس مو حاسين نحنا في نعمه و لله الحمد بس غيرنا لأ ولا الناس المحتاجه طز فيها عشان العالم كله سمحوا بدا الموضوع نحنا لازم نصير زيهم .. محد جاب سيرة التقليد الاعمى لغيرنا احنا ناخد الي يوافق الشريعه وغير كدا نحنا في غنى عنو في مواضيع أهم بكثير من هذا للمناقشه .. اتحفينا !!هاتي مما عندك وانا اول وحده حارد على مواضيعك "الاهم" تحياتي ..

:) .......