اللبس في الجامعه بصراحه

[سما عسير]

اختي الكريمه نادين اشكركي على هذا التنبيه القيم ولكن اتوقع انك بتدخلين بتعليق جميل ومفيد لهذا الموضوع لكي يزيد من رونقه ومن اكتماله وانا محترم هذا الموقع بكل من فيه من اعضاء ومشرفين وطلاب وطالبات وانتي منهم ولكن اذا المتلقى اسمه الحوار الجامعي وانا اتوقع انك لم تقرايه جيدا فلو كنتي قراتيه لقلتي غير هذا الكلام ولكن الى متى نبكي على الاطلال ونقول شبابنا بخير وفتياتنا بخير ونحن على ما كان عليه الصحابه وافضل ؟؟؟؟

لا اقول ان شبابنا جميعهم سيائين وانهم لا خير فيهم لا حاشا وكلا فمن قال هلك الناس فهو اهلكهم شبابنا فيه خير وفتياتنا فيهم خيرولكن نعاتبهم عتاب محبه وود على ما يصدر منهم بعض الاوقات عرضت هذا الموضوع للنقاش والحوار الهادى الهادف ولست لكي اشغل مساحات الملتقى ارجوا ان تفهمي الموضوع واذا كان لديكي اي تعليق انتي او غيرك فارمي لنا بسهم وشكرا لكي .

[joyful]

الجنز : اعتقد انه خامه , يعني لاتعمم الجنز على باقي الملابس او الموديلات طيحني وطقته ..

انا ما بتكلم عن لويست او بابا سمحلي مدري سامحني ؛ لأنه الرجال اللي يلبسها ماهوووب رجاال ؛ والبنت اللي تلبسها ؟؟؟؟

بختصار شديد , البنطلون اللي ما يوضح معالم جسمك ويكون ملتصق فيها وما يجذب العيون الى النظر في تفاصيل جسمكـ هذا اشوف ان لبسه شي عادي ..

امــــــــــــــــا , البنطلون اللي يخليك غصبن عنكـ تطالع في اللي لابسه ويفصل جسمه من تحت تفصيل وكنه استرتش فهذا اشوف ان لبسه عيب , وش تبي يومنك تجذب الانظار لجسمكــ , الا اذا عندك ميول شاذه , وانك تشبع نفسك بنظر الاخرين لكــ , وهذا اللي منتشر الحين بين الشباب , وما ادري وش مقصدهم غير انه يحس بإشباع لنفسه وذاته كل ما زاد نظر الاخرين له...

احنا ما نعرف ايش في نفوس الاخرين , ولكن لنا عيون وعقل ونعرف نحكم على الشخص اللي قدامنا ..

اللبس اللي تلبسه عنوان لكـــ

الناس اللي نقابلهم يصدروا احكامهم عنا من خلال نظرتهم لنا ومنها اللبس اللي احنا لابسينه ..
مثال :
شااب ملتحي عليه سمات الصلاح لابس جنز ضيق (( استرتش )) , وتحس انه طالب الدعم من اخوانه في الباسه هالبنطلون .. وش بيكون نظرتنا عنه , وحكمنا عليه ؟
بنحكم عليه ان اللحيه اللي عليه ديكور . لأانه هو اصلاً مو قادر يوفق بين هويته الشخصيه واللبس اللي لابسه..
شاب ملتحي عليه سمات الصلاح لابس جنز على قد قده لا ضيق بالحيل ولا واسع بالحيل يعني وسطــ , وش بنقول عنه ؟
رااح نقول شاب متحضر او انيق .. لأنه وفق بين هويته اللي شايفينها بلحيته , واللبس المحترم اللي لابسه..

مثال اخر ابترك الحكم لكمــــ

رحت للبــر شوي وانت واقف الا تسمع بريرر ددسن غماره وصوت عيسى الاحسائي يطلع من هالغماره , وشوي ينزل رااعي الددسن وتطالع فييه الا هالشاب البدوي اللي شنبه يصلح عقال للبعير .. وخشونه في وجهه ويسلم عليك والصوت اخشن واخشن .. وتطالع في الادمي الا لابس جنز ضيق من ابو تفحيطه لونه زيتي غامق وتي شيرت لونه اورنج غامق ..وش بيكون رايك فييه ؟

كل اللي مكتوب فوق وجهة نظـــــــري ما اعممها عليكــم وكل واحد له وجهة نظره ..

[بالع الجامعة]

طيب البنات لازم يفصخوا العبايه ولا عادي تكون لابستها

[سكر نبات]

اايدك اخوي على نقدك

[NOIR]

احنا البنات ما عندنا مشاكل D:
الي تلبس بنطلون تلبس لاب كوت فوقه
و اذا مرة كسلنا نقعد بالعبايات xD
و السلام عليكم

[أعز إنسانه]

نلبس ونتشيك

لكن رغم كذااا العباايه مااتفارقنااا

يعني استرلنا واضمن لنا وهم بعد اكشخ لنااا نجلس بالعبايات


الا اذا انجبرنا نفصخها بوقت المحااظره بس


< خلوناااا نلبس عالنظااام امشي ويحتاار عدوك فيك >

سي يااه

[dre]

موضوع فقع مرارتي
ما طفشتو من الهرج فيه

[ساكنه في بيتنا]

هههههههههه هلا دري

من زماااااااااااان عنك يارجال *_^ ..

[أنا وبس]

المشاركة الأصلية كتبت بواسطة dre موضوع فقع مرارتي ما طفشتو من الهرج فيه

لا ماطفشنا نحوب الملاابس

[نكهة آندومي]

كل ممنوع مرغووب

لو منعنا هالشي بالجامعه بيلبسوونها برا الجامعه

يعني باختصار شديد ,, حترجع هالاشياء على اخلاق الطالبه او الطالب
سواء منعنا او لا