للـــمستجديــن: كيف بتـــرتب جــدولــك !!

[Koke-07]

^^ صحيح كل يوم فيه دراسة لكن بدوام خفيف ما عدا السبت والثلاثاء من 10 إلا 4 يعتبروا ثقيلين شوية .

لمن اعطيتهم الجدول الثاني هل كتبت المواد الي تبغى تحذفها مع المواد الي تبغى تضيفها ؟
انا روحت امس الاثنين وحذفت الثقافة وبنفس اللحظة حذفها

[Zsangerous]

المشاركة الأصلية كتبت بواسطة koke-07 ^^ صحيح كل يوم فيه دراسة لكن بدوام خفيف ما عدا السبت والثلاثاء من 10 إلا 4 يعتبروا ثقيلين شوية . لمن اعطيتهم الجدول الثاني هل كتبت المواد الي تبغى تحذفها مع المواد الي تبغى تضيفها ؟ انا روحت امس الاثنين وحذفت الثقافة وبنفس اللحظة حذفها

انا اللي كلمني المعيد و شايفه طفشان مني ما ادري ليه ... فلمن جيت عنده قال لي خلينا متفقين على شيء هذي الثلاث مواد ما ممكن تغيرها .. انا قلتله طيب بس حطولي المواد الثانية ثم لقيت في تعارض بسبب المواد الخطأ فقمت و سويت جدول جديد بالكامل و لكن المواد اللي نزلت سبتها زي ما هيا و لمن خلصت قالي في الجدول اعطيته و قال خلاص... و الله مني عارف ايش اسوي و كمان انا مني عارف من فين اعرف اوقات العربي و الاسلامي فعشان كدا بطلت احطها و شكلي محا احطها اللي الفصل الجاي لأن معظم موادي يبغالها تركيز شويتين...

فهل دحين اروح او اروح بكرة ... انا خايف اروح دحين و ينكبني بجدول ما اباه .. الله يهدين هذا المعيد

[Koke-07]

نصيحة روح بأقرب وقت ممكن ،، لازم تتطمن على وضعك لأنه يفترض يضيف المواد بشكل إلكتروني وقدامك .
وما يحتاج لها يوم كامل عشان تنزل .

اوقات العربي والثقافة موجودة في البحث عن الشعب الدراسية تاخذ الرقم المرجعي ورمز الشعبة ، للشعبة الي تشوف وقتها مناسب لك . .

وبالنسبة للمعيد فهو يعطيك نصيحة ونت مو مجبور تسمع كلامه ،،.

[Zsangerous]

المشاركة الأصلية كتبت بواسطة Koke-07 نصيحة روح بأقرب وقت ممكن ،، لازم تتطمن على وضعك لأنه يفترض يضيف المواد بشكل إلكتروني وقدامك . وما يحتاج لها يوم كامل عشان تنزل . اوقات العربي والثقافة موجودة في البحث عن الشعب الدراسية تاخذ الرقم المرجعي ورمز الشعبة ، للشعبة الي تشوف وقتها مناسب لك . . وبالنسبة للمعيد فهو يعطيك نصيحة ونت مو مجبور تسمع كلامه ،،.

طيب دحين انا رحت و كويس اني ما اتكلمت ما المعيد ... و لكن في مصمم ماشالله مرة متعاون و ساعدني لكن المشكلة اللي صارتلي هو عدم وجود شعبات متوفرة لمادة la141 فسألته عن مادة urp130 و قال برضوا مقفولة هذا دليل على كثرة الخوف بين الطلاب حيث ان هذه المادتين هي اصعب مادتين.. و لهذا انا تورط فيهم الاثنين و لكن اضفت الاسلامي و كنت حانزل العربي لكن بطلت لأسباب خاصة.

بخصوص جدولي هذا هو : (إن شاء الله هذي خيرة لي ^^ )


طيب فيه ناس يقولوا كيف حيكون الفصل الثاني ؟؟ و و و

الفصل الثاني سوف اخذ جميع المواد الاجبارية فقط اي يعني : urp130 و ar191 و la141
و لن اخذ اي شيء اخر لأن جميع المواد صعبة نسبيا فلازم اركز فيهم. و إن شاء الله الاسلامي حاخليها في الصيفي و السنة القادمة و العربي في الصيف هذا و القادم بإذن الله .

[Hmud]

المشاركة الأصلية كتبت بواسطة Zsangerous طيب دحين انا رحت و كويس اني ما اتكلمت ما المعيد ... و لكن في مصمم ماشالله مرة متعاون و ساعدني لكن المشكلة اللي صارتلي هو عدم وجود شعبات متوفرة لمادة la141 فسألته عن مادة urp130 و قال برضوا مقفولة هذا دليل على كثرة الخوف بين الطلاب حيث ان هذه المادتين هي اصعب مادتين.. و لهذا انا تورط فيهم الاثنين و لكن اضفت الاسلامي و كنت حانزل العربي لكن بطلت لأسباب خاصة. بخصوص جدولي هذا هو : (إن شاء الله هذي خيرة لي ^^ ) طيب فيه ناس يقولوا كيف حيكون الفصل الثاني ؟؟ و و و الفصل الثاني سوف اخذ جميع المواد الاجبارية فقط اي يعني : urp130 و ar191 و la141 و لن اخذ اي شيء اخر لأن جميع المواد صعبة نسبيا فلازم اركز فيهم. و إن شاء الله الاسلامي حاخليها في الصيفي و السنة القادمة و العربي في الصيف هذا و القادم بإذن الله .

جدولك غريب ، اقل عدد ساعات مسموح بها 13 ساعة ، في جدولك 12 ساعة فقط ما أدري كيف سمحولك

لكن الله يعينك الترم الثاني ، لو خليت la141 الترم الاول و ar210 في الترم الثاني
بيكون جدولك افضل بكثير ومتوازن ، نصيحة اخ فقط وانت فكر فيها

[Zsangerous]

همممم مشكور و ياريت لو اقدر ... انا كنت ابا المادتين مع بعض لأن دحين جدولي سهل جداااا
كلو رسم و مواد سهلة و الحمد لله انا احب الرسم يعني مني شايل همو ..

اصعب مادتين للي يحبو الرسم هيا : la141 و urp130
و المشكلة المادتين مقفولة مافيها و لا شعبة فاضية. عشان كدا انا في الفصل الثاني بس حاخذ 3 مواد و اتفرغ للهم ^^ و انا على تفاؤل و اعتقد هذي خيرة من الله ... عشان كدا حبقى في هذا الجدول و إن شاء الله تكون درجاتنا كلها حلوة ^^

[ahmed 19]

مين ضحك عليكم وقلكم مادة la141 صعبه ؟؟؟

مادة جدا سهله والاسئلة حقتها اختيار متعدد سهله مررا (بس يبغالك تذاكر)
والعملي بيطلب منكم بعض الدراسات الخفيفة مررا (ورقة تكتب فيها كم حاجة اخذتوها المحاضرة اللي فاتت,,حط صور عشان يعطيك درجات اكثر) وتعطوها المدرس حق المعمل اسمه عماد مدرس مرررا متعاون مع الطلاب

المشكلة اللي فيها المشروع اللي يطلبه واللي عليه 20 درجة بس مو صعب مررا !!

مادة urp130 تنزل في الترم الثاني فقط

[Hmud]

عندي استفسار لأحمد او اي احد خلص السنة الاولى
La141 ندرسها يومين في الاسبوع ، يوم مدته ساعة ويوم مدته ساعتين
ايت فيهم العملي وايت النظري ؟

[ahmed 19]

المشاركة الأصلية كتبت بواسطة hmud عندي استفسار لأحمد او اي احد خلص السنة الاولى la141 ندرسها يومين في الاسبوع ، يوم مدته ساعة ويوم مدته ساعتين ايت فيهم العملي وايت النظري ؟

السبت يكون نظري ومدة المحاضرة ساعتين دايما من 10 الى 12 وكل الشعب مع بعض
والعملي يكون يوم الثلاثاء ساعة وحدا لكن شعب كثير لانو المعمل ياخذ تقريبا 20 طالب

النظري ممل شوية لانو الدكتور يقعد يتكلم وانت بس تسمع وفي بعض المشاركات الخفيفة
العملي ممتع لانك تسوي تجارب بسيطة بنفسك (المتعب في العملي تكون في اوراق على الطاولة تكتبها في دفترك وممنوع التصوير لازم تكتبها ويصححها استاد عماد (مشرف المعمل)

[Hmud]

المشاركة الأصلية كتبت بواسطة ahmed 19 السبت يكون نظري ومدة المحاضرة ساعتين دايما من 10 الى 12 وكل الشعب مع بعض والعملي يكون يوم الثلاثاء ساعة وحدا لكن شعب كثير لانو المعمل ياخذ تقريبا 20 طالب النظري ممل شوية لانو الدكتور يقعد يتكلم وانت بس تسمع وفي بعض المشاركات الخفيفة العملي ممتع لانك تسوي تجارب بسيطة بنفسك (المتعب في العملي تكون في اوراق على الطاولة تكتبها في دفترك وممنوع التصوير لازم تكتبها ويصححها استاد عماد (مشرف المعمل)

مشكور على إفادتك
حسافه كنت احسب المحاضرة النظرية بيتغير موعدها ، بس ان شاء الله خيره