[[ ~ يا آحَــرفي آرَويِــني ،، ويآ آيامَي فــآجئيني !! ]] ~

[صوت الفجر]

//



مشكلة لما يستفزك شخص والله آطلع من طوري واعصب
وإذا عصبت عاد يبدى التكليج اشوى اني ما كلجت بالبلاغ بعد


يعني اعطيكم مثال بسيط يوم كنت ثالث متوسط كنت احب مادة التفصيل ~
وكانت الإستاذه ما تحبني مدري ليش << مافي اشقى منها

بس لما ادخل غرفة التفصيل خلاص اصير مؤدبة
واحاول ما اتحرك كثير والزم مكاني وما اتفلسف << كالعادة

المهم كانت حصتين للتفصيل الثانية والثالثة << مانسيتها والله
آخذنا الدرس وخلصنآ دق جرس الحصة الثالثة خلصت الحصتين ~
قالت لي الابله رقيه جمعي الكراسات حقت البنات

أنا مبسوطة الابله صارت معي تمام وخلتني اجمع الكراسات
نسيت الفسحة من الفرحة واجمع في كراسات البنات ولا اقعد فوق راس البنت لين تكتب الدرس عشان لا تعطيني كراستها ناقصة وتزعل ابله حنآن

وجمعت الكراسات ساعدتني صديقتي ( آماني ) الله يذكرها بالخير << هالبنت فيها شقاوة العالم كلها

وكانت تقولي رقيه طنشيها لاتجمعي الكراسات لها خلي اي وحده تجمعها مافي الا انتِ يعني !!

المهم
جمعتها ورحت مكتبها واعطيتها في الحصة الخامسة نهايتها مع بداية الحصة السادسة عشان اضمن كل البنات اعطوني كراساتهم وما اجيبها ناقصة،،

تخيلوآ وش قالت لي

قالت لي ادري من قطع الاوراق اللي حاطتهم في غرفة التفصيل هذي انتِ واماني

( بالعادة في غرفة التفصيل حركات و وارق ملونه لتزين غرفة التفصيل )

انا في وقتها سويت كذآ





آي اوراق يا ابله

قسم بالله ما سويت شي

واماني معي قالت شفتي قلت لك مافيها خير لا تجمعي لها شي

أنا فكيتها ضحك وقلت والله يا ابله ما سويت شي ولا خربنا غرفتك :(

قالت خلاص أنا عرفت كل شي

واتهمتني ظلم

وصرت ابربر واكلج ومدري وش انطق مدري وش اقول وهي الله يهديها حركتها مستفزه ماسمعت مني تحرك راسها وتقول خلاص عرفت روحي فصلك

لي عودة اقولكم من قطع الاوراق لاني عرفت مين ~

<< تحمسكم بس مو الحين الحلقة الجاية



الكراسات = جمع كراسة يعني دفتر للتفصيل ~
وجب التوضيح ~

الامضاء ولا خلاص مالو داعي

..

[صوت الفجر]

//

هونت

آصلًي واجي اكملها يمكن بكرى انسى واخليكم تتحمسون على الفاضي

<<<<<< لحد يتحرك ترى ماعاد بقولكم قصص

إذا عجبتكم ترى سجلي حآآآآآآفل بالقصص والمقالب خصوصآ مع الأبلات

والله جننت معلماتي يارب يسامحوني

خصوصآ ابله الجغرافيا ابله جواهر الله يسعدها ويذكرها بالخير

اذكر يوم تخرجت من ثالث متوسط وحده من المعلمات ( هي ابله جواهر )
قالت لا لا لا لا
لازم نسوي حفلة
رقيه بتتخرج

وانا في وقتها ع بالي فرحانة لي
مادريت انها فرحانه و بتفتــك مني


..

[صوت الفجر]

//


عُدت

الحاقآ للبيان الصادر

لا امزح استكمالآ لقصتي الحزينة

اكيد بتعرفوآ من قطع الورق

طبعآ تعرفون فيني ذكاء وفطنة الله يخارجنا من ذكائي بس

رحت غرفة التفصيل وفعلآ الورق مقطع وحالته حاله :(

اشتغل مخي << كونان على غفلة

لاني فعلآ مو أنا قطعتها كيف تقطعت الاوراق ~

عرفت مين الفصل اللي اخذ بعدنا الحصة اللي هي( الرابعة والخامسة )

عرفت الفصل كانوآ ثاني متوسط ~ وانا كنت ثالث طبعآ معارفي في كل انحاء المدرسة تكفين

والله جد اعرف بنتين بالفصل ( الهام وسلمى ) الله يذكرهم بالخير

جيتهم من فوق يعني اني ذكية

قلت لهم وش كان عليكم الرابعة قالت تفصيل ههههههههههههـ !!

غريبة ليش الضحك طيب قالت والله لعبنا في غرفة ابله حنان لعب !!

انا في وقتها سويت كذآ

وش سويتم طيب قالت شفتي الاوراق اللي ورى مزًينة فيها الغرفة قلت ايه قالت قطعناها
قلت في نفسي ادري والله


قالت بس تكفييييين لا تعلمين آحد
متى عليكم تفصيل قلت لها اليوم اخذناه الثانية والثالثة :)

قالت خلاص لو سألت من قًطع الاوراق قولوآ ماندري !!

واضطريت آسكت لاني لو علَمت راح اتفشل من صحباتي !!
اضطريت اسكت وابلع الموس




بس لايفوتكم صرت مؤدبة بفضل الله ثم ابله اسمها أمينــــة الله يذكرها بالخير
..


اقولكم حكايتها أن شاء الله أن ربي آحياني ومد لي بالعمر

نسيت اقولكم

صبآح الخيــــــــر



..

[صوت الفجر]

//

ومضة !!

ترى كلن يرى الناس بعين طبعـــه أن كان طبعك أن ترى كل شي شـ و ر .


فيه ناس نيتهآ صافية ولا تنتظر منك آي تقيـــم !!

عجبآ لعقول كـعقولكم !!
اصبحنآ واصبح الملك لله وحدهـ


..

[صوت الفجر]

//

استودعكم الله ~
مسموح لكل من اغتابني مسموح لكل من فكر ولو مجرد تفكير أن يغتابني
مسموووووح ليوم الدين


والله الدنيآ ماتسوى ~
والله الدنيآ ماتسوى ~
والله الدنيآ ماتسوى
~


جرب ليوم واحد أن تنام وانت مسامح كل من آخطاء عليك
آروع شعور والله


( آلهي ارزقنآ لذة النظر لوجهك الكريم )



..

[صوت الفجر]

كلمات أعجبتني ‏​‏​‏​‏​الرزق لا ينحصر في مال أو طعام . . رزق الله واسع ː • الرزق في أصدقاء طيبين .. • في طمأنينة .. • في شخص يتحمل أخطائك .. • في كلمات جميلة تقرأها .. • الرزق في دعوه من أم أو أب .. • في كتف محب تببكي عليه .. • في مكالمة صديق تزيح هماً .. • في احترام من حولك .. في كل شيء لنا رزق من الله فاللهم أرزقنا رضاك فأنت خير الرازقين.. اللهم آآآمــــــــــــــــــــيــــــن

[صوت الفجر]

//




اليوم صآر شي مرة يخوف

في الصباح يمكن الساعـــة 8 خرجت من البيت مع امي وابويآ واختي ~
رايحين موعد في مستشفى لأمي

وفجاءه بالطريق مدري وش صار بس كان بيصر لنا حادث
فيه حفرية بالطريق وفيه عامود مدري وش قصته بس ابويا ياقلبي ما انتبه للعمود
وكان العمود قرررريب من السيارة وشوي الا تكسر زجاج السياره حقت ابويا وانا كنت في المقعد الخلفي ،،
وراء ابويا بالضبط
وطاااار الزجاج عليآ جاني برود في جسمي وخوف ومدري تربط لساني من الخوف

بس الحمدلله عدلت على خير


..

[صوت الفجر]

//


حسبيا الله ونعم الوكيل في كل شخص متهاون وراضي وهو بيده حل مشكلة اهلنا في سوريآ

حسبنا الله وكفى به حسيبآ

الوضع صار خطير وصعب مجزرة اليوم صعبة والله صعبة

ربي عليك ببشار و زمرته فإنهم لا يعجزونك ..




آآآآآآآآآآآآآمـــــــــــــــــــــــــــــــين



..

[صوت الفجر]

ما بقى الا سود الايام تحرمك الرقاد كيف الاوهام اتجرأ اتسريك مغبون من متى تجزع من الدمع و تخاف البعاد؟ من متى تقفي بك ظنون و تجيبك ظنون؟ صرت تاخذ كذبتي صدق و مزاحي وكاد لو بقول اني بخونك تحسب اني بخون ما تعرف ان كل شاعر يهيم بكل واد؟ و انهم دايم يقولون ما لا يفعلون؟ ابك انا لا قلت ابنساك و انكرت الوداد و الله اني مانسيتك ولاهم يحزنون من جزع من صفعة الشمس يطمع بالبراد و من فقد وجهاته الخمس يلقى بك ركون اعتبرها هفوة انسان او كبوة جواد لو بتسمح فانت غالي و لو تجرح تمون عد صداتك مروة و طعناتك ضماد خلهن لاراحن طعون و لا ردن طعون خنجرك يستاهل الطعن و متوني شداد و منك يازين الخناجر و يا بخت المتون ردلي حنية المزح باحساس الجماد خلنا واحد يجي صلب و الثاني حنون موت فيني و اندفن فيك بثياب الحداد و ان حييت أموت لرضاك و احيا بك بهون مره ارقد بالكفن و انت ترقد بالمهاد و مرة ارقد بالمهد و انت ترقد بالكفون ادري ان شجونك شجون و اعنادك عناد و البلا ان عنادك عناد و شجونك شجون ربك اللي سخرك لي تقود و ما تقاد و الله الخالق و لله في خلقه شؤون ازرع ضلوعي من رضاك و ابشر بالحصاد لعنبو من جيت ترضيه و ترد محزون بس تسوالك بلد ؟ قول تسوالك بلاد انت كل العالم بكون و لحالك بكون مابعد محبتك حب و مرادك مراد غير كونك سيد حشاي تدري من تكون ؟ نعمتين اختصوا الخلق من جود الجواد كافل الأرزاق من حيث مالا تعلمون البنون و نعمة المال في عيون العباد زينة الدنيا بلا شك في كل العيون مثل زينة دنيتي بس عندي شي زاد من عرفتك صاروا المال و انت و البنون انتشي بك نشوة التيه لعناق الرشاد و افزع الك فزعة القرم لشهاق الزبون و احصنك تحصين الأرزاق عن درب الفساد و اعشقك عشق المظاليم لفراق السجون لو تزيد الشوق جمرة تحولني رماد لو يزيد العشق شعرة بوصل للجنون خل هقواتك كبيرة و نظراتك بعاد كانك انت بكبرك تهون من اللي ما يهون ؟ ازعلك و ارهن حياتي تحت رحمة زناد تهبى لا و الله الا انت و الموت تهبون عاد اذا ما ارضاك هرجي و لا اللي قلت فاد اننا لله و انا اليه راجعون و انت باكر بتعرف على ناس جداد و الكلام يجيك من كل شكل و كل لون لا تحسب ان كل كلمة بتسمعها وكاد و لا تصدق هرج شاعر و تخدعك الظنون دايم اعرف كل شاعر يهيم بكل واد و ان هم دايم يقولون ما لا يفعلون حتى انا اللي قلت اعشقك و ما اطيق البعاد يمكن اطلع ماعشقتك .. و لا هم يحزنون من آآآروع االقصائد لحامد زيد عجبتني آخر الابيات دايم اعرف كل شاعر يهيم بكل واد ،، و ان هم دايم يقولون ما لا يفعلون نفس العبارت اللي تحتهم خط مذكورة بسورة في القرآن الكريم في آي سورة تتوقعون ؟؟

[صوت الفجر]

//


مسآآآآآآئكم الله بالخير جميعآآآآ


..

المشاركة الأصلية كتبت بواسطة صوت الفجر عجبتني آخر الابيات دايم اعرف كل شاعر يهيم بكل واد ،، و ان هم دايم يقولون ما لا يفعلون نفس العبارت اللي تحتهم خط مذكورة بسورة في القرآن الكريم في آي سورة تتوقعون ؟؟

سورة الشعرآء

قال تعالى:

((" وَالشُّعَرَاء يَتَّبِعُهُمُ الْغَاوُونَ * أَلَمْ تَرَ أَنَّهُمْ فِي كُلِّ وَادٍ يَهِيمُونَ*وَأَنَّهُمْ يَقُولُونَ مَا لا يَفْعَلُــونَ *))





..