يعني لازم يكون طموحي كلية الطب ولا اصير انسان بلا هدف ؟

[M7mmd]

كلامك صحيح 100%

المشكلة ان العقدة هذي اتربت مع الواحد , من زمان واحنا نسمع ( طب - هندسة ) احسن شي

فـ طبيعي ان الواحد لو دخل اي تخصص ثاني يعتبر نفسو فشل .. ؟

واحيانا العقدة هذي توصل الواحد لدرجة انو يدخل تخصص ما يبغاه ويترك تخصص ثاني يحبه بس عشان معدله يسمح

او بسبب كلام الناس سواء الاهل......

الله ييسر للكل طريقه =)

المشاركة الأصلية كتبت بواسطة gnrlkhalid موضوعك مرة طويل وأنا مافية أقراه فراح أجاوب على سؤالك : يعني لازم يكون طموحي كلية الطب ولا اصير انسان بلا هدف ؟ طبعاً

ما ادري انتا تقصد نفسك بكلامك ولا عممت على الكل

بس تقصد انو اي شخص في الدنيا هذي ما دخل طب فهو شخص مالو هدف؟ ;)

[SSDORA]

السلام عليكم
مو شرط اهل الطب والهندسة هم التوب لأن الحياة مترابطة ببعضها يعني الدكتور مااتوظف لو ماكان فيه المال الا بنى المستشفى والمهندس المعماري ماشاف مخططاته لو ماكان في اليد الا تبنيها و...... الخ فعشان كدا ماينفع نقول ان الطب والهندسة هي كل شيء

[اسويس]

والله ياراعي الموضوع انك بطل انا معك واقول ياليت الكل يحترم كل شخص وميوله +قدراته
ومووووش شرط ادخل طب يعني انا شيء ومحد قدي والباقي اقل ذكاء مني بالعكس
كل تخصص وله اهميته اشبنا 24 شاعه بالمستشفيات !!!
كل تخصص مطلوب
وشكرا على الطرح الاكثر من رائع

وتحياتي

والله يوفقنا

ومع السلامه

واللى اللقاء

ههههه
سلام

[ُزمرد]

السلام عليكم ورحمة الله وبركاتة..

موضوع رائع.. وفي الصميم =)

للأسف إنه للآن في عقليآت تفكيرهآ محدود...

كل تخصص مهم .. والاهم ان الشخص يختآر ويحدد فين ميولة .. ويبرع ف الشيء اللي هو اختاره عشآن يطلع ب نتيجه .. عشآن يصير إنسآن نآجح ويثبت نفسـه ..

اللي بيدخل طب ولا هندسة بناءً على هذه الاقاويل انها تخصصات ناجحة والخ للاسف هذول ( إمعة ) مالهم رأي ماشيين ورا اراء غيرهم ومخليين كلام الغير هو اللي يحدد مصيرهم ..

مو التخصص اللي يصنع نجاحنا .. احنا اللي نصنع النجاح فين ماكنا وإيش ماكنآ

شكراً على الموضوع ..

ُزمـرد

[RHF]

اخوية stu

السسسلام ،،

برضو انا زي كدا ، كنت حاطة في بالي طب طب طب طب ، طيب ليه طب ؟؟؟؟؟؟؟؟

عشان الطب هو احسن شي ، وكنت مقنعة نفسي انو انا حساعد الناس وانا حاكون في بيئة مستشفايات ، والدراسة حلوة و ومدري ايشششششششششش

واهلي طبعن من جهة تانية ايوا بنتنا الدكتورة الدكتورة الدكتورة ،،

بعدين ، بالغلط قطعت اصباعي < دا اللي غير ميولي كلها

من عملية ، لمراجعات ، سرت اشوف الناس مكتئبين تعبانين ،، وانا قلبي ضعيف ؟؟؟؟؟؟؟

ما قدرت استحمل الشي دا ، قولت انا بنت فرفوشة ابا بيئة عمل حلوة ، مو كئيبة زي المستشفيات ؟؟

غير كدا انا بنت مو حقت دراسة طب !!!

ابغا دراسة و هياصة

المهم ///////// الصدمة كلها لمن قولت لاهلي ، اني اكتشفت اني ابغا اكون بيزنس وومن

كانو حينجلطو هههههههه :$

كيييييييييييييييف و الطبببببببببببببببب و الدكتووووووووووووووووورة

قولت ايوا ، اسير دكتورة في دا المجال ؟؟ فين المشكلة ؟؟

انا فكرت و حسيت اني حابدع في المجال دا ، مجال الادارة ، وكمان انا بابا بيزنس مان ، وانا اخدت من خبرتو مرررررررررررررة كتير ، وفاهمة في الشي دا

واحتجت لوقت طويل عبال اشرحلهم اني ابغا المجال دا

ما منعوني ، لكن حسيتهم محرجين ؟؟؟ مدري ليه هههه

عمومن دا كلام طلع من قلبي :)

ودحين باستنا التخصصات ،، وان شاء الله اخش ادارة ، وازا ما خشيت برضو مو نهاية الدونيا ، حابدع في اي مجال يحطوني فيه ازا حطيت الشي دا في بالي :$


< معليه عالفلسفة :$

[ُزمرد]

المشاركة الأصلية كتبت بواسطة RHF اخوية stu السسسلام ،، برضو انا زي كدا ، كنت حاطة في بالي طب طب طب طب ، طيب ليه طب ؟؟؟؟؟؟؟؟ عشان الطب هو احسن شي ، وكنت مقنعة نفسي انو انا حساعد الناس وانا حاكون في بيئة مستشفايات ، والدراسة حلوة و ومدري ايشششششششششش واهلي طبعن من جهة تانية ايوا بنتنا الدكتورة الدكتورة الدكتورة ،، بعدين ، بالغلط قطعت اصباعي < دا اللي غير ميولي كلها من عملية ، لمراجعات ، سرت اشوف الناس مكتئبين تعبانين ،، وانا قلبي ضعيف ؟؟؟؟؟؟؟ ما قدرت استحمل الشي دا ، قولت انا بنت فرفوشة ابا بيئة عمل حلوة ، مو كئيبة زي المستشفيات ؟؟ غير كدا انا بنت مو حقت دراسة طب !!! ابغا دراسة و هياصة المهم ///////// الصدمة كلها لمن قولت لاهلي ، اني اكتشفت اني ابغا اكون بيزنس وومن كانو حينجلطو هههههههه :$ كيييييييييييييييف و الطبببببببببببببببب و الدكتووووووووووووووووورة قولت ايوا ، اسير دكتورة في دا المجال ؟؟ فين المشكلة ؟؟ انا فكرت و حسيت اني حابدع في المجال دا ، مجال الادارة ، وكمان انا بابا بيزنس مان ، وانا اخدت من خبرتو مرررررررررررررة كتير ، وفاهمة في الشي دا واحتجت لوقت طويل عبال اشرحلهم اني ابغا المجال دا ما منعوني ، لكن حسيتهم محرجين ؟؟؟ مدري ليه هههه عمومن دا كلام طلع من قلبي :) ودحين باستنا التخصصات ،، وان شاء الله اخش ادارة ، وازا ما خشيت برضو مو نهاية الدونيا ، حابدع في اي مجال يحطوني فيه ازا حطيت الشي دا في بالي :$ < معليه عالفلسفة :$

وعليكم السلام ورحمة الله وبركاتة

وربي انتِ مية مية ي فتآه ما اعرف ليه كلامك لما شفتو جاتني قشعريره

وشيء حلو انك اتخذتي قرارك وصممتي عليه.. اتمسكتي فيه وواجهتي اهلك وكلمتيهم بالرغم من انك عارفه انه حيكون صعب عليهم شويتين تقبل وتفهم الموضوع

انا نفس الشيء اول ما اتخرجت من الثنوي .. طب طب طب طب طب غسلولي مخي النآس

والحمدلله اكتشفت مؤخراً اني ابغى صيدلة ونفسي فيهآ.. والحمدلله اني فقت واكتشفت الشيء دا ..
واذا انقبلت فيها ان شاء الله ابدع فيهآ ..

بخترع ادوية وسموم .. واسمم صحبآتي وأفتك xD

[عبير الفيفي]

سلام

يؤؤؤ نسيت الموضوع يتكلم عن شو ههههههههههه

من الردود اللي ما لها داعي الله يصلحكم انتو اكبر من كدا

ع العموم مشكور اخوي ع الطرح الجميل

وفي الاخير <<< لاتكن كالدخان يعلو بنفسه الى طبقات الجو وهو وضيع
بالتوفيق

[آحم p:]

كلامك حلو
بس انا اقول لان كل العلوم البآقيه مامنهآ فآيده يعني بس ندرس و ندرس وندرس و في الاخير ندرسهآ <بالشده
و نبقى على ذا الموال زي االكيميا والفيزيا و العربي و الاحياء والرياضيات و و الخ
لكن الطب هو العلم اللي بيستفيد منه الانسان ويتطورون فيه من جد والهندسه طبعا

يعني الزبده تحس انك تستفيد من الشي اللي تتعب فيه

[مشمشانا]

المشاركة الأصلية كتبت بواسطة آحم p: كلامك حلو بس انا اقول لان كل العلوم البآقيه مامنهآ فآيده يعني بس ندرس و ندرس وندرس و في الاخير ندرسهآ <بالشده و نبقى على ذا الموال زي االكيميا والفيزيا و العربي و الاحياء والرياضيات و و الخ لكن الطب هو العلم اللي بيستفيد منه الانسان ويتطورون فيه من جد والهندسه طبعا يعني الزبده تحس انك تستفيد من الشي اللي تتعب فيه

معليش اسمحيلي //////////////
فاهمة الطب غلط ،،،،،،،
1/ كيف حتسيري طبيبة اذا ما عرفتي اجزاء الجسم و تشريحها ( احياء )
2/ كيف حتسيري طبيبة اذا ما عرفتي تعالجي ( كيميا ) الادوية كلها كيميا
3/ كيف راح تحسبي الجرعات اذا ما تعرفي (رياضيات) حتدي المريض اي جرعة والسلام
4/ كيف حتستخدمي الاشعة اذا ما تعرفي في (الفيزيا )
الطب علم جمع هذي العلوم و نسقها مع بعض بدونها مافي الطب الطب عبارة
عن انسجة و احياء و كيميا وفيزيا و رياضيات

العربي كيف راح تشرحي لمريضك مرضو اذا ما كنتي تعرفي عربي و كيف راح تدويني كل المعلمات لو ما تعرفي

و بعدين الكتب و القصص غذاء للروح مو بس البدن يتعب حتى الروح تحتاج من يداويها

===

الهندسة عبارة عن خليط من الفيزياء و الرياضيات كيف راح تبني البيوت و المستشفيات بدونها
هذي العلوم هي اساس اللي راح تدرسيه في قسم من الاقسام الصحية او الهندسية

[سمسم2010]

يعني لازم يكون طموحي كلية الطب ولا اصير انسان بلا هدف ؟

لا طبعااا

انا صح حلمي اني اكون طبيبه بس ضد هذا التفكير المبني ع التخلف للاسف

وصدقوني الانسان الناجح راح يبدع اذا انحط في الكمان الصح مو المكان اللي يختاره له اهله