المبنى الثالث بجامعة الملك عبد العزيز انحلال وفساد

[روووني]

والله ياام عبدالله عيب عليكي تتهمي الناس بالكدب

انا صاحبتي اللي كانت جالسه جنبي في الكلاس قد مره لبست تنوره تحت الركبه على طول ومااحد كلمها وكانت فاسخه العبايه يعني هما بالمزاج يمشو وبالمزاج يمسكوكي

ومره صاحبتي تحلفلي انها شافت وحده في مبنى العلوم لابسه تنوره فوق الركبه على طول وبعدين معروف مبنى العلوم مافي مشرفين الا حديثا

وبعدين ليش نكدب وازا انتي الحمدالله ماشفتي دي المناظر احمدي ربك انك ماشفتيها مو لازم تكدبينا لانو عيب وحرام
ومولازم اللي انتي تشوفيه يكون صح واللي احنا نشوفو يكون كدب وغلط

صراحه ناس عجيبه!!!!!

[الكريم ابن الكرام]

المشاركة الأصلية كتبت بواسطة ][_ غــــــيــــــر _ ][ قال رسول الله صلى الله عليه وسلم : ( والذي نفسي بيده لتأمُرُنَّ بالمعروف ولتنهوُنَّ عن المنكر ، أو ليوشكنَّ الله أن يبعث عليكم عقاباً منه ثم تدعونه فلا يستجاب لكم ) المفروض تنكرون عليهم وتنصحونهم باللتي هي احسن . واذا لم تجدوا تجاوب منهم فنبهوا المسئولين بالجامعة سواء مباشرة واذا مستحين فالايميل او الفاكس يؤدي الغرض باذن الله ... حتى لو يصل الموضوع الى مدير الجامعة . قال الإمام الغزالي : إن الأمر بالمعروف والنهي عن المنكر هو القطب الأعظم في الدين وهو المهم الذي ابتعث الله به النبيين أجمعين ، ولو طُوي بساطه وأُهمل عمله وعلمه لتعطلت النبوة ، واضمحلت الديانة ، وعمَّت الفترة ، وفشت الضلالة وشاعت الجهالة، وانتشر الفساد، واتسع الخرق، وخربت البلاد، وهلك العباد ....

هذا الكلام

[ام حمدان]

لاحول ولا قوة الا بالله
اعتقد لو الاهالي الي مهملين اولادهم وبناتهم يخصصون لوساعه ساعتين باليوم لتفقد احوالهم ومناقشتهم في كل شئونهم لأستطاعوا اكتشاف اي مشكله او انحراف قد يتعرضون له مبكراً وبالتالي محاولة حله والسيطرة عليه مبكراً
لأن الجامعه او المدرسة لاتستطيع معالجة وتصليح ماهو ماهو مشروخ من الاساس
اللهم اهدي شبابنا وبناتنا لما تحب وترضى آمين

[شــفــافـــة]

أحسكم تتكلمو عن جامعة ثانية

هوّا صحيح في شذوذ بس مو لهذي الدرجة

وكل مااتمر عليا وحدة من هذي الفئة
على طول يجي في بالي مقولة (الكبت يولّد الإنفجار)
وأغلب الي تظنونهم شواذ يكون ستايلهم غريب بس مجرد تقليعة مو أكثر

يعني لاتحكموا على البنت من شكلها

واذا وحدة لبست تنورة قصيرة مرة مااشوف فيها شي
احنا نحفظ القوانين عشان نعرف متى نكسرها

مين فينا ماعمرو خالف قانون!

[أحساس دفئ]

صعب العلاج لكن ليس بمستحليل .

[][Strawberry][]

اول شئ انا قريت كول الردود واتمنى ماحد يزعل من اي كلمة بقولها
اول شئ الموضوع المفروض ماينقفل
لانو الاخت الي كتبتو ابدت رايها بكول صراحة
والمفروض ماينقفل وينكبت رائي الغير
دا اول شئ
تاني شئ انا مابغاكم تفهمو كلامي انو والله انا مع البويات ولا شئ وانا اقول رايئ بصراحة ومخاف الا من الي خلقني
تالت شئ شارع الحوب دا موجود من اول ماصنعت الجامعة واذا تلاحظو كول الدفعات تتكلمو عنو يعني الغلط مو من البنات
رابع شئ البويات مو من حق الجامعة تمنعهم مع العلم اني انا ابدن مستحيل اكون بوية انا بنت عادية زي زيكم
بس الجامعة تمنعهم لكن الاماكن التانية تستقبلهم
والشخص حرية شخصية يعني منو الى ربنا
ماحد يقدر يتحكم في تلبس وماتلبس
دي كانت حركات ايام الابتدائي
لكن الجامعة حرية شخصية بغض النضر عن الشذوذ دا معاكم حق في كول الي قلتو والمفروض يتحارب من الجامعة او من الغير
لكن انا بعلق على انو منع البويات وانو يتصدو لهم
دا مبدا غلطنو ل اتحابربو بدا الشكل عناد حيسوا شئ اكبر
خامس شئ وهوا الاهم
بعلق على امتهانكم للكدش
انا اول بنت تعترف بحياتها في محل عام زي منتدى جامعة الملك عبد العزيز انها كدش
وافتخر بنفسي
والشعر وتسريحتو حرية شخصية
مو لازم اكون رابطتو عشان اكون محترمة
يما ناس لامة ومدري ايش اسميها
فالكدش تسريحة لاكثر
والي مايحبو مو مجبور بس يحترم رايئ الغير وميولة
والشئ التاني على المكياج
خليها تحط مكياج قد ماتبى لو تغلق علبها هيا حرا بذاتها ماحد حياخد عمل احد
يعني بويات تكلمتو عنهم سارو بنات وحطو مكياج عارضتو وكولها حرية شخصية بالنهاية يعني
لكن نقطة الشذوذ معاكم حق فيها ولازم تنحل
واخر كلامي
لاتركزوا ع مبنة بحد ذاتو بايتها اتهتمتو المبنى 12 ودحين التالت
الخراب بكل مكان سواء بجامعة ولا غير
لانكم كدا عممتو ع كول بنت تدخلو انها خربانة
فرجاء انتبو
واتمنى تقبلو راي بكول صدر رحب

[بآيعتهآآآ بذكآء]

المشاركة الأصلية كتبت بواسطة نوراليا اليوم حابة اتكلم عالمبنى الثالث

يامسآآء الخير...والجلسه الحلوة ..والطقطقة والسواليف
صبوا القهوه يابنات ..وجيبوا الحلا وخل نسولف <<حال الحريم السعوديات

المشاركة الأصلية كتبت بواسطة نوراليا انا اخد دورة بمعهد العالمية انصدمت لما شاهدت حقيقة من البنات

يؤ يؤ.. عسى ماشر وش اللي انصدمتي منه؟ لا يكون فيه جروح والا شي

المشاركة الأصلية كتبت بواسطة نوراليا من فين جايين

المشاركة الأصلية كتبت بواسطة نوراليا بويات وبنات مكدشات ونظارات سودا كأنهم Vbi وبنات عاملين مكياج كأنهم بفرح وغيره من القلة الحياء والتريقة عالرايح والجاي والاحضان اول مايدخل احد يبحلقو فيه زياللي تشوف اكل وتفز والسماعات 24 ساعة غي اذنهم طربانين وبعدين مع هذا الحال لااااازم تشوفو فيهم حل ووييييييييييييييين الامن عنهم والشؤون انتو ايش رايكم يااعضاء

ياحي الله نورالينا<<هالاسم مركب والا طبيعي؟؟
لو تعرفين حقيقة وجودي هنا
اني ادحدر دحدرة من موضوع لموضوع
ومن قسم لقسم
وافرفر بهالمواضيع وافصفصها
في هالمنتدى الرائع حقيقة
قوة جبارة ماشاء الله من ناحية الادارة والمشرفين<<جالسه ترشي الاخت خخخخخخخ
وين الصحف مايجون يكرمون هالشباب اللي اقامو المنتدى؟؟
هذا بحد ذاته عمل سعودي ناجح 99%
واحب كل موضوع فيه
خاصة المسابقات
بس ماعرفت ولا حل لها<<<حالتي لا قريت السؤال
حالفين اني مااعرف له حل من اول سؤال

ندخل بالموضوع علطول لا نضيع هالوقت الحلو بالسواليف الجانبيه

في بداية الموضوع حبيت اسأل ليش كل من طفش رزع له موضوع عن وش شافت ووش ماشافات ( الفاضي يعمل قاضي !!)
بخصوص البويات فماعرفت بالضبط وش تتكلمين عنه .. هل عن الاستايل او شنو بالضبط؟
بخصوص البنات لمكدشات
فهذه من رأيي المتواضع الذي كل الناس يشكروني عليه<<ايه هين
ان هذه حرية شخصية لا يحق في اي فرد التدخل بكيفية قصة شعرك أو كيف مسويته اليوم ..
هل فاردته او مكدشته او مسويه تسريحة الابراج السبع او انك ناحتته
هذا شي خاص ..
الواحد لما يحب يعيب انسان
فلابد انه يعيب على الاخلاقيات والخلق
لا على المظهر والشعر والنظارة اذا كانت لابستها سودا والا بيضا
طيب حنا وش دخلنا لابسين نظارات سودا والا لا؟
بكيفهم
ناس حابين يلبسون نظارات ويكدشون شعورهم ويحطون السماعات
سواء بيسمعون اغاني او بيسمعون قرآن
شيء راجع لهم

او مثلا حطت لها كيلو ميك اب على وجهها
ومابقت عليه ولا نوع ماحطته
هل لنا دخل فيها؟
هذه ياعزيتي جآآآمعة
والجامعة تجمع لك مليون شكل ولون ومظهر
واعتقد ومن وجهة نظري اللي كل الناس يحبونها<<وبعدين معاك
ان الشخص مسؤول عن نفسه .. وبهذا العمر اكيد هو محدد وش يبي ووش مايبي
والشي الأهم هو انه عرف الصح من الخطا
ولا يحق لنا اننا نوحد الشكل او نتوقع اننا نتقارب في المظهر كأيام الدراسة
والمظهر والاستايل والشعر والنظارات هذا شي مب عيب ولا حرام
كدشته والا سوته حرير .. والا لبست نظارات والا مالبست نظارات

وعلى فكرة
صحيح اني اول ماادخل المبنى الكل يبحلق على قولتك كأنهم يفصفصونك فصفصة
لكن هذا شي راجع لهم
بكيفهم ..


اما بخصوص الامن والحلول
فأنا ضحكت ضحكتن مابعدها ضحكة
خخخخخخخخخخخخخخخخخخخخ
حلول ويش ؟؟ هو فيه شي غلط سووه عشان نلقى له حل
الحقيقة تقول اننا احنا البنات
نحب السواليف
ونحب نبالغ بالامور ونكبرها لين نسويها قضيه
وبصراحة انتم كذا كبرتو المواضيع بزيادة
ماادري يمكن اننا نكون فاضين .. زي ماانا فاضية الحين ورديت عليكم<<الأخت بزنس
او ان اغلب الحريم يحبون انهم يتكلمون عن الناس وش سوت ووش قالت ووش فعلت ومن هالحكي

متى نترك هالطبع
ونهتم في اننفسنا وفي امور مهمه بارك الله فيكم

طبعا يااختي الكريمة
انا مااتكلم عنك
انا اعمم هالموضوع
على الكل لآن هذا مو اول موضوع ينفتح
وعلى فكرة بعد تراني سعودية .. بس الحق حق والغلط غلط

متى بنكبر ونناقش في السلوكيات والأخلاق


بارك الله فيكن ورمضان كريم وصوما مقبولا


وياليت تقولن لي من وين جبتوا ملابس العيد لأني للحين مالقيت شي حلو



اشكرك اختي واتمنى ان تتقبلوا كلماتي بكل شفافية
تحياتي لكن

[بآيعتهآآآ بذكآء]

المشاركة الأصلية كتبت بواسطة طالبه جامعيه والله يا أختي هذا حال بناتنا للاسف الغلط مو عليهم الغلط على اهاليهم أولا وأخيرا لانهم مايدرون عنهم و الجامعه اش ممكن تسوي اذا حيعاقبوا البنات معناته ثلاثة ارباع البنات (الاغلبيه ) حيتعاقبوا هذي الحقيقه وبعدين ماتقدري تنصحيهم لانهم ماحيتقبلوا النصيحه منك اصلا تنصحي مين وتخلي مين من كثرهم وعلى فكره مو بس المبنى الثالث ازيدك من الشعر بيت الكافتريا اللي عند المبنى 12 فيه قلة ادب اكثر من كذا بالذات في المغرب الله لايوريك مااقول غير الله لايبلانا يعطيك العافيه

مازلت استفسر عن ماذا تتناقشين بالضبط؟؟
عن أي خطأ .. اتمنى التوضيح
اما عن قلة الادب فهذا هو بالضبط اللي الواحد يناقش فيه
بارك الله فيك.

[بآيعتهآآآ بذكآء]

المشاركة الأصلية كتبت بواسطة angel heart المبنى الثالث بعد مافضو شارع الحب انتقلو اللي كانو فيه للمبنى الثاااالث وطبعا انتقل الفسااااد وحركات النص كم للمبنى الثالث واللي يقهر انو في مكتب شؤون في نفس المبنى وقدام عيونهم يصير دا الشي الظاهر انو خلاص الشؤون مالهم لزمه الا كفش جوالات وملابس واللي قاعد يصير ساكتين عنو والله حاله متى نتخرج ونفتك من المناظر دي واللهي شي يقرف

أي حركات بالضبط؟
انا بصراحة يوميا كنت امر من هالمبنى ماشفت شي
<<كلها ماتحب تطالع في الناس

[بآيعتهآآآ بذكآء]

عموما انا تمنيت اني ارد على كل تعليق ولكن لأسف تفاجأت اني حتى ماصرت استوعب
هل هذا الكم الهائل من الردود تتكلم عن الشعر وعن النظارات وعن السماعات وعن الميكياج؟
اذا كنتم فعلا تتناقشون في هذا الموضوع فإعذروني
بحق
اننا شعب نهوى التعييب
اتذكر زمان قبل 7 سنين كنت ادشر انسانه بالنسبة لجماعتي لآني اول وحده لبست بنطلون على ايامهم
وياطلعوا فيني كلام وخلوني اكثر انسانه فاجرة
اما الآن
الكل منهم يلبسون المشخلع والقصير والظهر طالع والبطن و و و و..
وصرت انا اكثر وحده حشمة لآني للحين ماشيه على بنطلوني وبلايزي المحترمة
المغزى من الموضوع
اننا لا بد ان نتناقش في تعديل السلوك
لافي قصة الشعر والنظارات والسماعات
والا ترى كلنا فينا في الشكل شيء لايعجب الاخرين
فمن الممكن ان لبسك او عبايتك لا تعجب غيرك
عموما
اتمنى ان توضح الفكره لآني انصدمت ان اغلبكم يناقش هالموضوع بشكل غير مقنع
ولي عوده لأرد على بعض الردود

انا لست ادافع عن الاسلوكيات المنحرفة
ولكن لايحق لنا ان نتحدث عن الاشياء الخاصة في كل شخص كالشعر والنظارات والسماعات وانهم يطالعون فيك اول ماتدخلين المبنى

م احترامي للجميع
مع السلامة