ملخص لمادة الاحصاء 111 من مجهودي المتواضع

[ازهار الجنه]

الله يوفقك يارب ويوفقنا

[فرحة]

اليوم راح اشرح الباب الرابع

[ابوشوق0554]

الباب الرابع سهل سهل مثل المويه بس طبعآ بشرحك رح يكون اسهل من شرب المويه ولاتنسين تجاوبين على استفساراتي السابقه وعلى فكره هل القوانين رح توزع مع الاسئله اكيد كل سنه تصير كذا بس ومن جد لو مايعطونا القوانين رحنا فيها وبعدين القوانين تكتب بالرموز مايكتبون اسمها بالعربي صح كذا يعني لازم نحفظ الرمز

[فرحة]

المشاركة الأصلية كتبت بواسطة ابوشوق0554 الباب الرابع سهل سهل مثل المويه بس طبعآ بشرحك رح يكون اسهل من شرب المويه ولاتنسين تجاوبين على استفساراتي السابقه وعلى فكره هل القوانين رح توزع مع الاسئله اكيد كل سنه تصير كذا بس ومن جد لو مايعطونا القوانين رحنا فيها وبعدين القوانين تكتب بالرموز مايكتبون اسمها بالعربي صح كذا يعني لازم نحفظ الرمز

ابو شوق القوانين لازم تحفظ رموزها
بالنسبة لاسئلتك

انت سألت عن الانحراف المعياري له اكثر من قانون
امشي فقط على القانون الي انا اعطيتكم هو لانه اسهل قانون


شفت صفحة 94
وشفت القوانين واذا مشيت عليها راح تتلخبط
امشي ع القانون الي انا اعطيتكم هو
هو غير قوانين الكتاب ارجع لشرحي في الانحراف المعياري وانت راح تفهمني




مثال 3-40


راح اشرح المسأله عشان تفهم ليش كتبلك جذر في نهايه المسأله
او شي
هو ايش قال في رأس السؤال
قال اوجد التبارين والانحراف المعياري لعع مرات التداول اليومي خلال ايام العمل الرسميه من احد حسابات بنك ما



4 7 3 0 8



الحل :


اول شي لازم نكون عارفين ان الانحراف المعياري هو الجذر التربيعي الموجب للتباين
يعني اذا حلينا مسأله انحراف معياري وجبنا الانحراف المعياري
وححدناه وطلع عندنا انو الانحراف المعياري يساوي 36
وطلب مني اني احدد التباين لهذا الانحراف المعياري التباين هنا يساوي 6
ليش لانو التباين والانحراف المعياري واحد نفس القانون ونفس الحل الاختلاف الوحيد هو انو الانحراف المعياري بجذر
اما التباين بدون جذر
الانحراف رمزه s
التباين رمزه s تربيع يعني فوق حرف الاس فيه اتنين صغيره

نرجع للمسأله
بعد ما جاب التباين وهو 10.3
جاب الانحراف المعياري هو في اخر خطوه عاملك النحراف المعياري الي رمزه اس يساوي جذر التباين
وكتب ناتج التباين الي طلع وهو 10.3 وحط تحت جذر والناتج طلع 3.21
وهنا هادا هو الانحراف


تاني
اذا اعطيتك عدد 10.3 قلتلك ماهو الانحراف المعياري لهذا العد
تحط العدد تحت الجذر وتضغط يساوي بالاله الحاسبه النات حيطلعلك 3.21 هذا هو الانحراف المعياري



اذا قلتلك الانحراف المعياري 36 ما هو التباين لهذا الانحراف المعياري
على طول حط العدد 36 تحت جذر في الاله الحاسبه واضغط يساوي الناج الي بيطلعلك هو التباين


الانحراف المعياري قانونه نفس قانون التباين الفرق الوحيد انو لما تحل مسأله للانحراف القانون اكتبو بجذر اما لما تحل مسأله للتباين اكتب نفس القانون بس بدون جذر
اذا ما فهمتني اتمني تقولي عشان اعيد شرح

[فرحة]

المشاركة الأصلية كتبت بواسطة ابو ليونه ربي يعطيك الف عافيه اختي فرحه .. وانا لخبطت مابين الاختلاف والالتواء ياعزيزتي .. اقصد معامل الالتواء اختي فرحه ياريت توضحي طريقه حلها لاني حاولت معاها باالالتواء عن طريق الوسيط والمنوال وماطلع الناتج وياي ياريت توضحي لي فقط في اسئلة الاختبار الذاتي للباب الثالث فيه السؤال الاخير انا طلعت المطلوب لكن اللي وقفلي هي معامل الالتواء

لتحديد معامل الالتواء يجب تحديدالمعطيات الي عندي
انا ليا قانونين في معامل الالتواء
راح استخدم القانون الثاني لانك تستخدم القانون على حسب المعطيات
احنا عندنا وسط ووسيط وانحراف


معامل الانحراف هو 5.59
والوسط الحساي 8
الوسيط
7.8



اول شي اطرح 8 من 7.8 = 0.2

نضرب 3 ضرب 0.2 = 0.6

نقسمها على 5.59
يطلع الناتج a


الناتج طلع بالاله الحاسبه 0.10

والناتج هذا ليس موجود بين النواتج ماذا افعل اذن اخد اقرب ناتج له
واقرب ناتج له هو 0.11
قريب من الي طلع عندي بالاله الحاسبه اذن اخذه

لانو مو شرط يطلع نفس الشي ممكن يطلع قريب منو

[فرحة]

المشاركة الأصلية كتبت بواسطة جميلة2010 شكرررررررررررراقلبي لكن كيف نحسب طول الفئة

جموله افتحي صفحة 91

الان اخر مثال في الصفحة مثال رقم 3-35
انتي سؤالك كيف نحسب طول الفئه
من خانه الفئات اخر خانه مكتوب فيها رقمين جمب بعض اطرحيهم دائما من بعض تطلع طول الفئه ويرمز لها بالرمز h


h= 98-90=8

انتبهي في الطرح هنا اطرحي الاكبر ناقص الاصغر يعني نطرح 98 ناقص 90


اتمني تكوني فهمتي عليا

[فرحة]

المشاركة الأصلية كتبت بواسطة الفراشه الخجولهmn بنات وش المحذوف من الاحصاء الله يسعدكم تردوا لان مرررررره تايهه؟؟؟؟؟؟؟؟ وهل البيانات المبوبه والغير مبوبه معانا؟؟؟؟؟؟ بأختصار اتمني تقولوا ايش اللي محذوف من المنهج؟؟؟ ربي يسعدكم

كان فيه موضوع لاحد الاعضاء انا حددت منو المحذوف علينا والحذوف للاولاد والبنات واحد
بس ماني عارفه فين الاقي الموضوع دحين

[فرحة]

لقيتلكم شي روعه مرا مرا

شرح جميل جدا للاخ تاورجي الله يسعدو يارب

راح اضيف رابط الشرح حقو هنا وادخلو عليه شرحو افضل من شرحي
ابو شوق شرحو منزل فيه الرموز والجداول وكل شي
الله يسعدو يارب

وهذا المضوع لن يغلق سيظل مفتوح للاستفسارات واي استفسار اكتبوه وعلى طول بجاوبكم
الله يوفقنا كلنا يارب



http://www.skaau.com/vb/showthread.php?t=130306


دروس مجانية في الإحصاء 111 للدورة التحضيرية ........

[فرحة]

اذا تبغوني اكمل شرح ماعندي مانع بس لو كان شرح تاورجي مو مفهوم
انا اشوف شرحو افضل من شرحي

[العبادي]

شكرا لك على مجهودك بس تابعه للاحصاء سنه تحضيريه خطة (ب) وهل الملخصات الموجوده في المكتبات لاني لم اشتر الكتب فقط الملخصات الراجاء افادتي ,,,

وشكرا....