برنامج خادم الحرمين الشريفين للابتعاث الخارجي المرحلة الثامنة 1433

[Reflection]

المشاركة الأصلية كتبت بواسطة #دموع الحزن# ريفليكشن ممكن مساعدتك آبي الروابط اللي عن تخصص التيسول وارسلتها للأخوات هنا ,, مفكره اغير التخصص وابي آشوف آراء غيري ومشكوووور ...

اتفضلي
http://www.mediafire.com/?ivx6qsvjj796b4g

[Reflection]

المشاركة الأصلية كتبت بواسطة الشيمآء السلام عليكم ~ كيف حالكم جميعًا ؟ :) الله يسهل أموركم و تمشوا في دراستكم بخير . عندي سؤال عام كده ، ما في أي طريقة يُتجاوز بها شرط الدراسة في معهد للغة ؟ توفل ، أو أي اختبار تاني ؟ أعرف وحدة بدأت ماستر من غير لغة، بس إنها مبتعثة من الجامعة، و تخصصها إنقلش، و عندها توفل !! شكرًا لكم ~

تقدري لو عندك الدرجة المطلوبة فالتوفل او الايلتس تدخلي ع طول ماستر ،، هو اصلا دراسة معهد اللغة علشان تحققي مستوى كويس و تكون لغتك جيدة و تفهمي ع الدكاترة و تقدري تجتازي الماجستير ،، فإن جبتي درجة توفل او ايلتس كويسة هذا معناه لغتك كويسه ،،

ادخلي موقع الجامعة اللي حابه تلتحقي فيها و شوفي كم طالبين في التوفل او الايلتس و لو عندك الدرجة المطلوبة قدمي و الحقي بدري لان على حد علمي الاسبوعين - الثلاثه الجاية راح يقفل التقديم
اتلكم عن تخصص اللغويات الانجليزية اغلب الجامعات اللي شفتها بـ تقفل 1 ديسمبر ،، و اتوقع التخصصات الباقية مو بعيد .. اهم شي شوفي صفحة التخصص حقك ع موقع الجامعة الامريكية ،، و قدمي عليهم ،، و لو في حالة راح التقديم عليكي انصحك تروحي تدرسي لغة و تاخذي ع طبيعة البلد هنااك .. لا تدخلي ماستر على طول لان ما توقع نفسيتك بتكون مهيأة بالكامل ،،

اتمنى انا معيد لغة انجليزية يعطوني الجامعة فترة لو 3 شهور ادرس لغة او ع الاقل اسافر امريكا قبل الماستر بـ3 شهور علشان اتهيأ نفسيا و كل شي .. لكن للاسف الجامعة طالبة قبول ماجستير وما ادرس في معهد نفس صاحبتك :p

[Reflection]

المشاركة الأصلية كتبت بواسطة Roleen السلام عليكم ورحمة الله ياجماعة حاسة خلاص شوية وابكي مو عارفة استقر على مكان ولا على ولاية كنت حاطة في بالي اركانسس وللاسف بس جامعة وحدة المفتوح معهدها والباقي كله متكدس والحين مو عارفة ايش اسوي فجاءة ابحث في معاهد كاليفورنيا وبعدين ارجع فرجينيا وعلى هالحالة وقتي ضاع ماعندي اساس اقدر ابحث علييه ياليت احد يفيدني بطريقة البحث

استهدي بـربك و رووقي ولا تقروشي نفسك ،، شوفي لك وقت تكوني فيه مرووقة ع الاخير
و احسن وقت بعد صلاة الفجر ،، قومي و ابدأي ابحثي ،،

اول شي لازم تسويه و الاساس انك تروحي موقع الجامعات الموصى بها
http://ru.mohe.gov.sa/
و اختاري امريكا - التخصص: اكتبيه بالانجليزي بدون اغلاط - المرحلة: ماجستر او دكتوراه
وشوفي الجامعات المفتوح فيها تخصصك ،، بعدين قررري ع دا الاساس قرري الولاية ،، لانه احتمال تختاري اوريقون مثلا لكن تخصصك موقوف في الولاية ..تضطري تروحي اوهايو ما يعجبك الجو تروحي كلورادو معاهدها مقفله .. وهكذا لين تستقري،،

شي ثاني مهم المعهد .. على حد علمي المعاهد الناس بدأت تقدم من يوم جات الضمانات المالية ،، لذلك لازم تدخلي تشوفي التحديث الاخير للمعاهد ع موقع الملحقية ،،
http://www.sacm.org/Departments/ESL/ApprovedESL.aspx

اضغطي ع Approved ESL Program List علشان تطلع لك القائمة ،، و كمان راسلي الملحقية هل المعهد مفتوح اقدم عليه او لا؟ لانه يمكن يتكدس باي لحظة ،،

^
هذا في حالة كنتي تبغي المعهد و الجامعة في نفس الولاية وماتبغي تنقلي بعدين ،،
.

اما لو تفكري حاليا بس فالمعهد انا اقولك ابحثي في الولاية اللي تعجبك و سجلي في اي معهد فيها
و خلال دراستك للغة هناك دوري ع الجامعات و قدمي في اكثر من مكان ،، حتى لو جاتك في ولاية ثانية ،، يصير تنقلي

ربي يوفقك.

[Reflection]

المشاركة الأصلية كتبت بواسطة destroyer سلام عليكم ورحمة الله وبركاته مساءكم الله بالخير كنت في الملتقى ، وكان فيه عدة اسئلة تطرح بخصوص التخصصات، وهل يقدر الواحد يغير تخصصه او لا في مرحلة الماجستير؟ وكان جواب احد الدكاترة اللي موجودين انه اذا كان تخصصه في البكالوريوس موجود مثله في الخيارات المتاحة من قبل الوزارة ، يجب انه يكمل على نفس التخصص مثاله : بكالوريوس مالية .. يكمل ماجستير مالية وانا الحين مو عارف اصدق مين الجماعة اللي هنا تقول عادي تغير تخصصك ولا فيه اي مشكلة وانا صراحة ابغى اكمل MBA in Banking and Finance احترت !! ولازم احدد موقفي حتى اختار المعهد والولاية واتوكل على الله واسافر

طيب اسأله عن التخصص اللي حاب تكمل فيه و قله انا مالية و هل Banking and Finance اقدر ادرسه او لا .. و لو قالك لا .. قله ليش مو امتداد له و لا لا؟
موفق

[#دموع الحزن#]

المشاركة الأصلية كتبت بواسطة reflection اتفضلي http://www.mediafire.com/?ivx6qsvjj796b4g

يعطيك العافيييييييييييه ريفليكشن
طيب شو رآيك آكمل مآستر بعلوم حاسب..وهل له فروع ولالا ,, آفيدني الله يسعدك

[#دموع الحزن#]

يعطيييك العافيييه ريفليكشن ,,
آبي مشورتك آكمل ماستر علوم حاسب ولا
آمتداد تخصصي بالبكالوريوس وهو ادب انجليزي ,,
بشنو تنصحني ..,؟؟

[Reflection]

و الله انتي و ميوولك بصراحة ،، هل تشوفي ميولك حاسب او لا ،، و بعدين في تخصص جميل جدا و نوادر اللي متخصصين فيه او لهم اطلاع واسع فيه و هو computational linguistics ،، منها تكملي تخصصك و منها حاسب ومنها يكون قدامك المجال للوظائف الاكاديمية مفتوح ، او لو تبغي حاسب بحت بعيد عن اللغة برضو شئ جميل ، اهم شي ادخلي صفحة الجامعة اللي تعطي التخصص و شوفي الـكورسات اللي يقدموها و الـ prerequisites علشان تكوني فـالصوررة..و ربي يووفقك :p

هذا رأي احدهم في مبتعث ،، تخصصات لغوية لها ارتباط بالحاسب

إذا تحبين الكمبيوتر أمامك تخصصات: 1) تخصص CALL هذا التخصص للأسف لا يوجد في أمريكا (حسب معرفتي) وإنما يوجد في بعض جامعات بريطانيا مثل جامعة إيسكس، وهو تخصص مطلوب وقليل من الأساتذة في الجامعات السعودية متخصصين فيه، هو اختصار ل: Computer-Assisted Language Learning 2) تخصص: CL هذا التخصص أكثر ندرة، ولا أعرف في الجامعات السعودية إلا عدد محدود جداً فيه، وبعضهم أصلاً يدعي التخصص، وهو في الأصل متخصص لغويات بس له اهتمام بسيط بالكمبيوتر، وهذا اختصار لـ Computational Linguistics 3) عندك تخصص: LT هذا شبيه بتخصص اللغويات الحاسوبية، يوجد في بعض جامعات أمريكا مثل جامعة أريزونا، ولكنه أعم شوي وهو اختصار لتخصص: Language Technology 4) عندك تخصص أيضاً أعم من تخصص الحاسوبية اسمه NLP: Natural Language Processing

[shuaa:]

خلصنا الحمدلله من الشهاده البنكيه ..

بقي اقدم على المعاهد ..

وابغى معاهد في اوهايو او تكساس .. اللي يعرف معاهد كويسه ياريت يرسلي روابط او اسماء المعاهد

مني عارفه كيف اوصل للمعهد واقدم :(

[Reflection]

اوهايو ما ادري .. بس تكساس في معهد واحد اظن هو اللي بقي والباقي اتوقع اتكدس
المعهد اسمه House of tutors في مدينة آوستن ،، قبل تراسلي المعهد ارسلي للمحلقيه و شوفي هل المعهد اتكدس او لا علشان ما يروح تعبك ع الفاضي .. هنا وسائل الاتصال ،
http://www.sacm.org/ArabicSACM/Emplo...ctoryEmp1.aspx

او الافضل .. تلاقي نفس ملف الـ pdf اللي نزلوه حق المعااهد فووووق مره في وسائل اتصال ،، شوفي تكساس و اوهايو و اتواصلي معاهم ،، و ربي يوفقكم.
.
عندك ملف المعهد مجرد تنسخي اسمه في قوقل بيطلعلك الرابط ..

[#دموع الحزن#]

يعطيك العآآفيه ريفليكشن
بس كمآن لسا متردده ..