لطلآب التحضيري أي سؤآل أو استفسار ضعه هنـآ وبإذن الله تجد الإجابة

[Raneeny]

بالنسبه للرياضيات اشتري الكتاب مهم نسيت اسم حقنا مدري اذا هوا نفسو طبعاً انت تذاكر الرياضيات عن طريق حل المسائل و الامثله الي معاكم من الكتاب وتحل الوورك شوب حقت البروف ماكنت أحلها للاسف واشياء كثير ماكنت فاهمتها فجبت درجة سيئة :|..


بالنسبة للفيزياء برضو كلو تقريباً مسائل ..كان مصدري الوحيد كتابتي للشرح مع الاستاذة وفيديوهات يوسف زويل وبعد ماأخلص أحل نماذج .. مدري اذا الفيديوهات موجودة دحين او لا .. بس اتوقع في الملخصات حقته سواءً في النت او المكتبات.. الدوري الاول في الفيزياء جداً سهله التشابترات الي فيه لاتضيع ولا درجه الفيزياء المادة الوحيدة العلميه الي جبت فيها 100 في التحضيري

[Somaiah Yousef]

المشاركة الأصلية كتبت بواسطة باستيل ارجوكم ساعدوني دخلت على سلايدات الحاسب مو موجودا فين الاقيها؟؟ والشابتر حقت الفيزيا فين الاقيها. هي تغني عن الكتاب؟

سلايدات الحاسب من هذا الموقع

هنـــــــا

الكتاب ماتحتاجيه ولا الشابترز

المذاكرة من السلايدات والملخصات في موقع هناء فرحان وبعدين أكدي فهمك واتدربي على التست بآنك

وقبل الاختبار اشتري ملزمة اسئلة السنوات السابقة وتدربي عليها

موفقة يآرب

[Somaiah Yousef]

المشاركة الأصلية كتبت بواسطة mema.h السلام عليكم .. معليش انا مو فاهمه فكره السلايدات ؟ يعني هي موحده ع كل الدكتورات ؟ يعني لو دكتورتي مو منزله سلايداتها بصفحتها الشخصيه اقدر اخذها من دكتوره ثانيه ؟ بالتالي الاسئله راح تكون موحده او كيف ؟ وكمان قرأت انه فيه سلايدات اشتريها من المكتبه ! اش فرقها عن اللي في النت ؟ او ماتكون منزله في النت فأضطر اشتريها ؟؟ طيب مذاكرتي تكون من السلايدات فقط ؟ الكتاب مو مهم ؟ او كلهم تقريبا نفس الشيئ ؟؟ شكرا

وعليكم السلام

ماوضحتي المادة اللي تسألي عنها

عامةً .. الاختبار إلكتروني والأسئلة موحدة لكن النماذج تختلف

والسلايدات اللي ماشيين عليها في مادة الكيمياء .. سلايدات الدكتورة ليلى الحربي

والأحياء تأكدوا من د . حنان الشاذلي .. إحنا مشينا ع السلايدات المترجمة القديمة

والإحصاء مامشينا ع السلايدات .. وفيه ناس مشيت ع السلايدات

عموما المنهج واحد :)

سلايدات المكتبه هي نفسها سلايدات النت وانا شخصيا ماقد اشتريت من المكتبة


الكيمياء > سلايدات ليلى الحربي + تست بانك

الأحياء > سلايدات المادة إما المترجمة أو الغير مترجمة تأكدوا ..

الإحصاء > الأفضل تمشي مع الكتاب

[Somaiah Yousef]

المشاركة الأصلية كتبت بواسطة asma. الكيمياء ما نزل عندنا اول سلايد الين خلصنا اول محاضرة و بدينا فالثانية و قالو الثانية لسا ما جاتنا و دخلت على موقع دكتورتنا ريما الحارثي و مافي شي و ما ابغا حق دكتورات ثانيات عشان لا اتلخبط و الاحصاء بس قالتلنا جيبو الكتاب مشكلتي انو دحين الشرح كلو بالانقلش و الاشياء سهل بس محتاجة ترجمة و طبعا ما اقدر اترجم كل شي مكتوب فنفس المحاضرة محا الحق على شي دحين يعني طول السنة كذا ناخذ المحاضرة اول بعدين ينزل السلايد ولا بس كذا بداية السنة ؟

حملتي سلايدات ليلى الحربي أو نهى وزان ؟؟؟ يمكن نفسها !

افتكر بس هي هذي سلايدات الكيمياء .. وكنا نمشي على سلايدات ليلى لانها المنسقة وهي اللي تحط الاسئلة

والسلايدات كانت موجودة من أول السنة لآخر السنة

إذا مرة مرة .. خذي معاكي يو إس بي .. ونزلي السلايد من عند الدكتورة ريما الحارثي


بالنسبة للترجمة انا مستواي في الانجليزي سيء بس ماكنت أهتم في ترجمة الكلمات أو اني افهم كل كلمة .. الوضع اسهل من كذا

الكيمياء مسائل وكلمات بسيطة وراح تحفظيها من كثر ماتتكرر عليك

موفقة يارب

[Somaiah Yousef]

المشاركة الأصلية كتبت بواسطة صووفيا كتاب الكيمياء ايش احتاج فيه ..؟ دكتورتي عايشه طلبتوه وانا صورت السلايد وهيا تشرح من السلايد ضروري اشتريه

لا تشتريه

فيه دكتورات طلبوه من البنات واشتروه ع الفاضي وماستخدموه

طالما إن الدكتورة نفسها مابتستخدمه ماله داعي

[Somaiah Yousef]

المشاركة الأصلية كتبت بواسطة yasser104 يعطيك العافيه ع ردك بس حتى لو كنت معادل اللفلات 1 و 2 و 3 يعني مو دارسها معادلها بالاختبار ؟ وشكرا مقدما .

الله يعافيك

إيوا انا عادلت الليفلات ودرست ليفل 4 بس .. وحسبولي هو بساعتين فقط

العفو ..

[Somaiah Yousef]

المشاركة الأصلية كتبت بواسطة نسيم الامل الله يعطيكم العافية ماقصرتوا طيب السؤال الثاني بعد مامر اسبوع كامل مادرست الا انجلش ومحاضرتين رياضيات سؤالي كالتالي ايش هيا مصادري للمذاكرة يعني انا ماني عارف من وين اذاكر محد من الدكتارة افادنا بشي بعكس البنات كل دكتورة تقول مصادر المذاكرة واللي قاهرني دكتور الفيزياء ادانا محاضرة تمهيدية قالنا فيها ذاكرو كتاب مدري ايش اسمه بس انه مرجع وذاكروا كتاب ثالني وكمان ذاكروا ذا الكتاب,,,,, وكل ماتفتح كتب اكثر كل ماحصلت واستفدت اكثر قمت انا قلت له بنص كلامه كثرة المصادر تشتت التفكير<<عصب علي وقالي انت بجامعة مو ثانوي يعني صراحة اهني كل واحد بيحضر عند الدكتور طلال الحربي قمة في الكبرياء >>>اتركوكم من الفضفضة ذي بغيت اعرف يعني من ايش اذاكر والله حايس وابو جبل شرح لنا محاضرتين اساسيات الرياضيات بس ماقالنا من وين نذاكر كل اللي قاله لنا انو اللي بيحضر عندي اقل شيء بيطلع 90% وراح يكون سوبر بالماث طيب ماشاء الله كيف بطلع 90% وانت ماقلت لنا من وين نذاكر كل اللي قاله قال اشتروا كتاب كالكولاس باي نمبر والله تايه ساعدوني ياجماعة ابدخل الكلية اللي ابغاها واحس السنة ذي بتعيقني

أنا اشوف كتاب الفيزياء أبدا ماله داعي لا عند البنات ولا عند الاولاد

خليكم على الملخصات لان المادة كلها مسائل

ملخصات واسئلة السنوات السابقة

اسئلة السنوات السابقة جبااارة تهيئك للاختبار وتطمنك .. عدوا عليها بس وتصفحوها وحتشوفوا إنه الوضع بسيط حتى وإنتو لسة مابدأتوا !

المنهج كله سرعة وتسارع .. وبعدين الحركة في بعدين وقوانين نيوتن

اشياء بسيطة وربي قوانين تحفظوها وتعوضوا فيها


الرياضيات اكتب مع الدكتور .. ومادام إنه طلب منكم الكتاب

يصير هو مصدرك فقط .. ولو توفر وورك شوب يوافق مناهجكم .. حلو

ذاكر امثلة الكتاب وحل تمارين وإنت سليم

موفق

[وريدي]

اخويا تحضيري ودوبو تاني سمستر ويبغا يقدم اعتزار دا الترم ,, والترم الجي بيحول انتساب لانو راح عليه التحويل
هل ينفع احول ؟؟ و كييف لاني ماعرفت ع الاوديس ؟؟ وهل لازم يروح الجامعه ولاكيف يقدم الاعتزار ؟؟


لو سمحتو فيدوني ضروري عشان قبل مايروح عليه ومايحلق علي شي

[dream ry]

السلام عليكم .. ابغى استفسر عن في السنه التحضيريه انا علمي اقدر احول من علمي لادبي لتخصص ابغاه ف الادبي ؟ ...
اتمنى تردو عليا وتفيدوني.

[ReeMoo...!]

المشاركة الأصلية كتبت بواسطة dream ry السلام عليكم .. ابغى استفسر عن في السنه التحضيريه انا علمي اقدر احول من علمي لادبي لتخصص ابغاه ف الادبي ؟ ... اتمنى تردو عليا وتفيدوني.

ايوة مسموح التحويل من علمي لادبي