تجمع طلاب الهندسة الكيميائية ( Chemical Engineering Students Group )

[ndn]

السلام عليكم

كيف شباب الكيميائية ؟

عندي استفسار عن التدريب الصيفي , ايش افضل الشركات في التدريب الصيفي ؟

وعلى اي اساس يتم توزيع الطلاب على الشركات ؟

[الكاسر]

والله سبحان الله استغرب كيف القسم ذا ماشي يعني معقووول دكتور احمد عرفات رياكشن يااخوان والله شئ لايعقل الدكتور احمد ماتيريل مايعرفلها عشان يدخل للرياكشن مااقوووول الا الله يخلف على اللي حيدرسووها معاه ماده مهمه ودكتور ماهو تخصصه هندسه!!!!!!!!!!!!!!!!!!

الف علامه استفهام وتعجب وتستمر الفوضى في قسمنا الموقر....نسأل الله العتقان منهم

[Heat man]

والله بعد كم سنة ماستغرب انو يمسك بروسيس كنترول

[heso]

الطلاب اللي منزلين مادة الرياكشن مع احمد عرفات - CHE 321

ممكن يفيدكم داه الملف ...
http://www.up-heso.com/upload/heso_64563962.rar

محتويات الملف:
Assignments
Main Slides
Majors in PDF

بالتوفيق :)

[ndn]

شباب الي اخذ التدريب الصيفي يا ريت يعطينا فكره عن فكره التدريب و اختيار وتوزيع الطلاب على الشركات

والتقديم للتدريب في ارامكو و غيرها ..

اعتقد المنتدى لتبادل الخبرات مو للسوالف ..

[heso]

انا السنة اللي فاتت اخدت تدريب في ارامكو بس انو مو حق الجامعة بس للي مخلصين فوق 60 ساعة و لسا اقل من 120 ساعة .. انا حديك فكرة عن تدريب ارامكو ،،
التقديم تقدم من النت في موقع ارامكو عادي و طبعا عشان يكون تدريب للجامعة لازم تخلص ساعات فوق 120

يبدأ يوم 1 ربيع التاني ان شاء الله ،،، بس لو تدريب صيفي حق الجامعة تقدم عادي و تروح للشؤون التعليمية تقلهم عشان يرسلو خطاب لارامكو انه داه تدريب صيفي حق جامعة عشان يعرفو الموافقة من بدري لانه موافقة ارامكو تتأخر قبل الاختبارات باسبوعين تطلع ،،

داه الكلام عرفتو قبل يومين لمن رحت الشؤون و سألت لآنه انا عارف ارامكو تتأخر و جربتها السنة اللي فاتت فقلت استفسر فقلي على هرجة الخطاب ديه ...

الأولوية في الاختيار تكون على حسب تخصصك الدراسي و تاني حاجة المعدل التراكمي ... طبعا الشركة لمن تختارك تحطك محل ما تبغا هيا ،، و الاغلب انو حتكون في الشرقية (الدمام - الضهران) ،، و الدوام من 7 الصباح الين 4 العصر من السبت الى الاربعاء.

لمعلومات اكتر ادخل هنا تحصل كل حاجة طالبينها و كل المعلومات عن التدريب الصيفي ...
http://www.saudiaramco.com/irj/porta...Programs&ln=ar

أما بقية الشركات ما عندي خلفية ان شاء الله الاخوان يفيدوك ،،،

[ndn]

الله يعطيك العافيه يا heso

انا للأسف معدلي نازل مره , ما اتوقع اتدرب في ارامكو ..

[طفشآاآن]

يااااااااااااااا شباب ممحتاج رقم الدكتور سعد الشهراني رقم جواله ضروري الله يسعدكم
الجوال وليس المكتب

[Eng. MeZo]

بالنسبة للدكتور أحمد عرفات في مادة الرياكشن .. الصراحة أنا للأن شايف أنه مسوي شغل ..
بس ما يبان الحين لأننا لسه يا دوب بالشتبر الثالث ....
على كل اللي يسمعكم يقول أن الدكتور بامفلح .. يشرحها كويس ...

[نبيل الفارسي]

شباب ايش رايكم أنزلmath 204, ثقافة اسلامية2 ولغة عربية 2 في الصيف.
لانه وزعوا علينا استمارات اللي يبغى الصيف برابغ. علماً بأنني أحد طلاب الهندسة برابغ. يعني مجموعها 8ساعات وشكرا.