قبول الطلاب والطالبات الغير سعوديين

[كلي إحساس]

المشاركة الأصلية كتبت بواسطة oussama_yousfi افففففففففففففففففففففففففففففففففففففففف هذا الكلام ذكرني بكلام قاله لي واحد في جامعة الملك سعود الي هو كالتالي: كلمته اسال عن القبول فاول ما قتله قدمت من النت قالي الله يهديك النت هذا ما ناخذ فيه لازم حضور شخصي والتقديم يدوي وبعدين قالي شم موزونتك قلت 91 قالي والله لو كنت جيت كنت انقبلت 100% وقال ادخل هالسنة دورات او اي شي وانا اضمنلك السنة الياية تنقبل . ما كتبت هالكلام هني عشان بعض الناس تقعد تتفلسف علي

يآريت على كذا..
تدق عليهم يقولوا بتطلع قريب ..وتسألأهم يقولوا تقديم النت يكفي..
تروح لهم يقولوا مآآآفي أجانب من النت..

الله يصبرنا ويكتب لنا القبول..

[& دلوعة جدة &]

دانووو
ما قلتيلنا ايش صار مع أبوكي
راح للجامعه ولا لأ
مستنيه والله على نأار

[عذاري00]

المشاركة الأصلية كتبت بواسطة كلي إحساس السلام عليكم.. جيت لكم بخير جديد..شيبلي شعر رآسي.. تخيلوا اختي اليوم راحت العمادة قالتلهم نزلت أسماء الطالبات الغير سعوديات..؟قالت ايوا.. قالتلها طيب ممكن اشوف الورقة أعطتها ورقة مكتوب عليها من فوق "السفارة اليمنية" قالتلها هذي حق المنح صح؟؟ قالت ايوه .. قالت لا أنا ابغى أسماء المقدمين بالنت قالت أجانب بالنت؟!!!! يا أختي مافي أجانب مقدمين بالنت.. اللي قدموا اوراقهم في قسم الرجال رح تنزل أسماءهم قريب.. اهئ ..والله احترررررررررررررنا معاهم.. يآآآآرب صبررررك..

وياليت حق المنح عبروهم كمان نفس الحكاية ولا كانها منحة مقدمين بالنت مع الجماعة
مع القوم ياشقرا ههههههههههههههه عن جد شي يضحك اول مرة اشوف منحة كذا
هذي تعذيييب المفروض كراشي تحجز من بداية السنة لاصحاب المنح لكن لف ودوران وحركات
واستعباط وهبل ايش بنقول بس

[فاكوندو]

رددو ياليل مطولك

[A.bad]

المشاركة الأصلية كتبت بواسطة & دلوعة جدة & دانووو ما قلتيلنا ايش صار مع أبوكي راح للجامعه ولا لأ مستنيه والله على نأار

نفس السؤال ؟؟؟؟؟!!!!!!!!!

[Reem Mohammed~]

طيب صبايا

انا مرة من المرات أتذكر انه قرأت انه الدفعة قبل العام انهم سجلوا عن طريق النت >>>>>بالله اخلصي

خخخخ

لا من جد كأنه مو دفعت السنه اللي فاتت اللي قبلها قدموا عن طريق النت بس ،،


صحيح ولا كنت أحلم *.*

...

>>>> متابعه بصمت

[Reem Mohammed~]

المشاركة الأصلية كتبت بواسطة سنفورة صغيرونة مشكورين اخواني وخواتي وما تقصرون والله على مساعدتكم ونصايحكم لي بس والله اني محتارة ما بين ان اكمل دراستي بجده اذا قبلوني ولا ادرس هني عند اهلي ؟؟ وانا ودي اني ادرس بجامعه الملك عبدالعزيز لانها الجامعه الوحيده اللي عجبتني مادري والله الله يقدم اللي فيه الخير يااااارب ؟؟؟؟!!!

مساء الخير سنفورة ..

حياة تبلغك سلامها

بس مو راضي يفتح معاها المنتدى

فأرسلت رساله لك يا عسل .. وتقولك انها اتصلت على العمادة ،،

ويقولوا لك انه في اختبار في دبي راح يكون بـ 3/5 ( خمسه شهر ثلاثه >>> عشان اذا لخبط لما احط الرد خخخخ )

المهم ،، فين موقع الاختبار بالضبط ؟ لسه غير محدد .

بس أهم شئ راح يكون فيه اختبار ..

....

ولو تبين نصيحتي فنصيحتي لك لا تجين ،، لولا انها الوحيده هنا واهلي ما يرضوا اني اسافر براا ولا ما كنت راح اسجل فيها ،،

ما أقدر اقولك انه مستواها عالي أو انه مباني راقيه أو تعامل ... ... الخ .. عشان تضحي وتجي لما هنا

يعني كثييير القصص اللي اسمعها عن الجامعه ،،

بس الله المستعان ..

لو عندك فرصه تدرسي هناك - بالامارات- ادرسي افضل لك

أو تروحي الاردن أفضل بكثيييير ،، طبعا لو كان نفسك في غربه ،، لأنه هناك غربه بس فيه تعليم جيد وجامعات بشهادات معتمده دوليا ،، على الاقل الخسارة وحده ..


ودائئما وأبدا أسألي الله من الخير كله .. واستخيري قبل كل شئ ..
سبحان الله يكون لك فيها خير وتقدري تتعدي كل الصعوبات وممكن تتعرفي على صحبه صالحه أو تلاقي مستقبل أو اي حاجه ثانيه حلوة ..

بس دائما أطلبي التوفيق ثم التوفيق ،، من جد مهما صار من مواقف للناس ضد حاجه معينه ممكن يكون لك انتي خير ،، لما يقترن بالتوفيق ..


...

وآسفه لو كان كلامي ملخبط ،، بس افكاري ملخبطه
واهم شئ وصلتك رساله حياتوو

[dannoღ♥ღ]

المشاركة الأصلية كتبت بواسطة كلي إحساس السلام عليكم.. جيت لكم بخير جديد..شيبلي شعر رآسي.. تخيلوا اختي اليوم راحت العمادة قالتلهم نزلت أسماء الطالبات الغير سعوديات..؟قالت ايوا.. قالتلها طيب ممكن اشوف الورقة أعطتها ورقة مكتوب عليها من فوق "السفارة اليمنية" قالتلها هذي حق المنح صح؟؟ قالت ايوه .. قالت لا أنا ابغى أسماء المقدمين بالنت قالت أجانب بالنت؟!!!! يا أختي مافي أجانب مقدمين بالنت.. اللي قدموا اوراقهم في قسم الرجال رح تنزل أسماءهم قريب.. اهئ ..والله احترررررررررررررنا معاهم.. يآآآآرب صبررررك..

ترا من زماااان وهوما يقولو كدا والعميد انسال وقال تقديم النت يكفي غير كدا المراجعه من عند الحريم صعععبه لانهم ما يفهمو هع

المشاركة الأصلية كتبت بواسطة & دلوعة جدة & دانووو ما قلتيلنا ايش صار مع أبوكي راح للجامعه ولا لأ مستنيه والله على نأار

والله بابا ما مداه يروح اليوم إن شاء الله بيروح بوكرة ويشوف الوضع وسوري عالتاخير بس النت بيعلق عندي

[& دلوعة جدة &]

المشاركة الأصلية كتبت بواسطة dannoღ♥ღ ترا من زماااان وهوما يقولو كدا والعميد انسال وقال تقديم النت يكفي غير كدا المراجعه من عند الحريم صعععبه لانهم ما يفهمو هع والله بابا ما مداه يروح اليوم إن شاء الله بيروح بوكرة ويشوف الوضع وسوري عالتاخير بس النت بيعلق عندي

كل تأخيره فيها خيره
الله يصبرنا
يعطيكي العافيه

[miss sara]

السلام عليكم =)

بما اني متابعتكم من زمان وشفتكم قلتوا هتتصلوا فأنا كمان اتصلت وجيت اقلكم ايش قالتلي

بس اول شيء اقولكم مافي تقديم للأجانب دي السنه يدوي
لانو وقت التقديم بابا راح الجامعه وقالوا مافي السنه دي تقديم يدوي
الأجانب من النت

نيجي للأتصال المحبط

مامتي اتصلت ع الساعه 10 وشوية
ردعليها واحد وطلب قسم القبول والتسجيل
وردت عليها وحده إسمها ايمان
ماما سألتها عن القبول وكذا
وقالت انوا ماعندها فكره وطلبت من ماما رقم الإقامه والنسبة وقالت انها هتسأل
وقالت لماما اتصلي بعد ساعه

ماما رجعت ع الساعه 12 اتصلت عليها وقالتلها مافي اسمي وإنهم وقفوا لعند الـ90 بس

وقبل فتره في واحد نعرفه في الجامعه قال نفس الكلام
بس هو كلم العميد وقله هما أول شيء بيقبلوا لحد الـ90 وبعدين
في ناس مابتيجي يعني بتكون سجلت في مكان ثاني او ماتبغى وبيبدأوا بعد كده ياخذوا أقل من التسعين
ولشخص دا بيقول انو الأسامي جات من الرياض بس لسه ماأعلنوها

*

بس ع الكلام اللي شفته هنا اللي بتقول انو اختها شافت الورقه وكده
حسيت انو اللي اساميهم طلعت دولا بس حقون المنحه حقة السفاره
وسألت مامتي هيا سألت عن الجنسيه ولا لأ
قالتلي لأ ماسألت
وماما كمان سألتها اذا النسب هتنزل ولا لأ
قالت ماتعرف !



اكبر قهرر انو نسبتي 89,49 < فرقت نص نسبه هههههه
اللي فوق التسعين يحطوا في بطنهم بطيخه صيفي :p ان شاء الله هيكونوا مقبولين

واللي تحتها يدعوا وان شاء الله ربنا هيسهلنا امورنا ويخترلنا الخير
ولا تتحطموا ان شاء الله يطلع كلامهم غلط ويكونوا يقصدوا منح السفاره

^
لا أحد يدعي عليا بس حبيت اقلكم ايش صار معايا
وان شاء الله كلنا نكون من المقبوليين