ارامكو السعودية تعلن عن برنامج التدريب الصيفي للمرحلة الجامعية

[tahatalal2006]

أخوي th620هل ممكن اروح لهم اليوم بس موعدي كان يوم الأثنين وبعدين أرسلولي اليوم رسالة وصار الموعد يوم الاحد بكرة
فهل ينفع أروح قبل الموعد؟ وبالنسبة لمكان تدريبك في في جدة اي فرع؟ وشكرا .

[mody.]

انا اليوم كمان حضرت الساعه 8 واستلمت البطاقه وتدريبي في رأس تنوره في وحدة (marine engrg & projects unit) احد يعرف معناها او ايش طبيعة عملها

وقالي الطياره السبت الساعه 3
لاكن ماعطاني تذاكر ولا شي
ايش الوضع الحين اروح المطار واطلع بالبطاقه ولا ايش الهرجه
ومبروك لك اخوي تدريبك في جده
الله يوفق الجميع

[tahatalal2006]

طيب أخوي كيف الوضع هناك بالنسبة للسكن هل أنت لحالك ولا معاك أحد وهل فيه نت لاسلكي وأيضا هل يوجد ملاعب رياضية وأماكن ترفيهية والأكل مجاني ولا بفلوس وشكرا وآسف على أزعاجك لأني أول مرة أشتغل خارج جدة ومكان شغلي راح يكون في الظهران .

[th620]

المشاركة الأصلية كتبت بواسطة tahatalal2006 طيب أخوي كيف الوضع هناك بالنسبة للسكن هل أنت لحالك ولا معاك أحد وهل فيه نت لاسلكي وأيضا هل يوجد ملاعب رياضية وأماكن ترفيهية والأكل مجاني ولا بفلوس وشكرا وآسف على أزعاجك لأني أول مرة أشتغل خارج جدة ومكان شغلي راح يكون في الظهران .

السكن كل غرفة فيها شخصين..طبعا لو تعرف احد من الشباب طالع معاك الظهران تقدر انت وياه في مكتب السكن تقوله نبغى الاثنين مع بعض في غرفة وحدة..الغرف فيها تلفزيون وكل القنوات الرياضية المشفرة وقنوات الشوتايم..نت لاسلكي ما ادري على حسب السكن.. يبغى لك كنكت والا برودباند..يوجد ملاعب رياضية متكاملة ملاعب قدم مزروعه ملاعب تنس أرضي ملاعب سلة..نادي حديد ومسبح أولمبي..الاكل غير مجاني..بس كل المطاعم الوجبات السريعة توصل للسكن عندك

[خافي الأحزان]

الحمدلله على كل حال

اليوم جاتني رسالة الاعتذار ونقول خيره ان شاء الله

ومبروك لكل اللي انقبلوا

بس بغيت أسأل الأخ th620 أو أصحاب الخبرة

هل ممكن أتدرب مع أرامكو التدريب حق الجامعة ولا لازم يكون مفصول عن الجامعة؟؟

وإذا كانت الاجابة بنعم راح يعطوني رد سريع بالقبول ولا لطعة زي الترم هذا؟؟ لأنه لأزم أتدرب الصيفية الجاية عشان أتخرج لازم آخذ منهم رد أكيد ولا لازم أستنى الصيفية اللي بعدها

وفي النهاية أحب أشكر الأخ th620 على المجهود الكبير الذي قام به وأرجو من الله أن تكون في ميزان حسناته

[th620]

المشاركة الأصلية كتبت بواسطة خافي الأحزان الحمدلله على كل حال اليوم جاتني رسالة الاعتذار ونقول خيره ان شاء الله ومبروك لكل اللي انقبلوا بس بغيت أسأل الأخ th620 أو أصحاب الخبرة هل ممكن أتدرب مع أرامكو التدريب حق الجامعة ولا لازم يكون مفصول عن الجامعة؟؟ وإذا كانت الاجابة بنعم راح يعطوني رد سريع بالقبول ولا لطعة زي الترم هذا؟؟ لأنه لأزم أتدرب الصيفية الجاية عشان أتخرج لازم آخذ منهم رد أكيد ولا لازم أستنى الصيفية اللي بعدها وفي النهاية أحب أشكر الأخ th620 على المجهود الكبير الذي قام به وأرجو من الله أن تكون في ميزان حسناته

ايوه اخوي تقدر تدرب عند ارامكو تدريب رسمي حق الجامعة..بس ما تقدر تضبطه الا عن طريق قسم التدريب في كليتك..أسئلهم عن كل شيء وهم عندهم الخبرة انهم يجاوبوك

العفو أخوي وماسوينا شيء

[mody.]

يعطيك العافيه ياغالي وماقصرت وفيت وكفيت
بس انت متأكد من موضوع البطاقه وهل ورش السفن اتدربت فيها قبل كذا يعني كيف الوضع هناك من ناحية المشرفين
وانا مشرفي تركي الشهري <هل مر عليك الاسم هذا
ويعطيك الف عافيه
الله يوفق الجميع

[th620]

المشاركة الأصلية كتبت بواسطة mody. يعطيك العافيه ياغالي وماقصرت وفيت وكفيت بس انت متأكد من موضوع البطاقه وهل ورش السفن اتدربت فيها قبل كذا يعني كيف الوضع هناك من ناحية المشرفين وانا مشرفي تركي الشهري <هل مر عليك الاسم هذا ويعطيك الف عافيه الله يوفق الجميع

ايوه أخوي متأكد من موضوع البطاقة بس لا تشيل هم كبير عادي..ورش السفن دخلتها مريت عليها وتعرفت على شباب اشتغلوا فيها السنة الماضية..بس انا مااشتغلت فيها..شغلي كان قريب من مكانك في التلوث البحري..حاليا انا تدريبي هالسنة في جدة بس مشرفي في رأس تنورة ومشرفي طبعا تركي الشهري بيئة أرامكو بيئة متعاونة لا تخاف انت اهم شيء حاول تضبطهم هناك وتثبتلهم جديتك في العمل..ولو مثلا مرت عليك ايام مافيها شغل وتكون فاضي بيقولون لك عادي مافي شغل اليومين هذي لا تداوم خلك في البيت نايم والا خلص أشغالك..مو شرط مشرفك يقولك كذا..لو أي احد قلك كذا..داوم حاول ما تغيب عشان يشوفونك مجتهد حتى لو مرت ايام مافيها شغل حاول تتعلم وتسألهم عن كل شيء انت مو عارفه ..لانه بعد ما تخلص يكون عندهم ملف مسجل في السستم انت ما تقدر تتطلع عليه بس مسجل فيه كل شيء عن تدريبك بس يشفع لك عند التوظيف..ووممكن لو عجبهم شغلك وجديتك وضبط نفسك وسويت لهم برزنتيشن عن اي موضوع في دراستك والا تكنولوجيا جديدة ممكن يضيفوها لعملهم..توقع أنه يوقعوا معاك عقد عمل قبل ما تتخرج


اي استفسار آخر انا حاضر

[mody.]

تسلم ياغالي ماقصرت احرجتني بأسلوبك

المشاركة الأصلية كتبت بواسطة th620 ايوه أخوي متأكد من موضوع البطاقة بس لا تشيل هم كبير عادي..ورش السفن دخلتها مريت عليها وتعرفت على شباب اشتغلوا فيها السنة الماضية..بس انا مااشتغلت فيها..شغلي كان قريب من مكانك في التلوث البحري..حاليا انا تدريبي هالسنة في جدة بس مشرفي في رأس تنورة ومشرفي طبعا تركي الشهري بيئة أرامكو بيئة متعاونة لا تخاف انت اهم شيء حاول تضبطهم هناك وتثبتلهم جديتك في العمل..ولو مثلا مرت عليك ايام مافيها شغل وتكون فاضي بيقولون لك عادي مافي شغل اليومين هذي لا تداوم خلك في البيت نايم والا خلص أشغالك..مو شرط مشرفك يقولك كذا..لو أي احد قلك كذا..داوم حاول ما تغيب عشان يشوفونك مجتهد حتى لو مرت ايام مافيها شغل حاول تتعلم وتسألهم عن كل شيء انت مو عارفه ..لانه بعد ما تخلص يكون عندهم ملف مسجل في السستم انت ما تقدر تتطلع عليه بس مسجل فيه كل شيء عن تدريبك بس يشفع لك عند التوظيف..ووممكن لو عجبهم شغلك وجديتك وضبط نفسك وسويت لهم برزنتيشن عن اي موضوع في دراستك والا تكنولوجيا جديدة ممكن يضيفوها لعملهم..توقع أنه يوقعوا معاك عقد عمل قبل ما تتخرج اي استفسار آخر انا حاضر

[tahatalal2006]

عندي سؤال آخر هو فين مكان المطار الخاص بأرامكو لأنه قال لي في القاعة الشمالية والطيارة بتطلع الساعة 3 يوم السبت .