خاص بالمقابله الشخصيه لوزارة الخارجيه

[abeer74]

الاخت laloo
الله يسهل امرنا وامرك و يكتب الخير للجميع
سلام خاص للوالدة و جزاها الله كل خير

[laloo]

وصل سلامك عبيــر
واللحين جا دور المقابلهـ ... بالاول كانت مقابلتي الثلاثاء ...

المشاركة الأصلية كتبت بواسطة abeer74 وكانت المقابلة عبارة عن تحقيق!!! هو اسلوب من اساليب الاستفزاز عشان يشوفون مدى الثبات الانفعالي عندك!!! ما صارت مقابلة شخصية!!!صارت امتحان شفوي!!! الاسئلة الشخصية ما تتعدا سؤالين والباقي من الاحداث السياسية!!! اجل اش فرقت المقابلة عن الاختبار الي اختبرناه؟

المشاركة الأصلية كتبت بواسطة lafander * ايش تعرفين عن بومباي ومومباي ؟ * هل تعرفين رواندا ؟ كانت من اغرب المقابلات في حياتها ... المفروض الدكتورات يعرفون عن انفسهم !!! ما حد عرف وعلى طول اسئلة ولا حتى اخذوا سيرة ذاتية او شهادات و في النهاية شكرا وتفضلي خلصنا !!! ملاحظة : بنات فعلا المقابلة تحتاج اعصاب بارة ثلج لان الدكتورات يتعمدون يرفعون اعصابك من ازعاج ( وحدة من الدكتورات كانت تتكلم في التلفون) ابو التشويش واضافة طريقة طرح السؤال الغريبة ... تقول لك السؤال وما تكمل تنتظر

كنت احسب انو الوحيدة اللي صار معاي كذا لانو لظروف المقابله تبعي .. منها انو تو الدكتورة اللي من الجامعه تو واصله ولسا ما ترتبت امورهم يعني ... وكانت فيه وحده بالنص (بين الدكتورة اللي من الجامعه وبين الثالثه اللي تتفرج عليك بس)..تتكلم بالجوال ولمن جيت وقالت لي اجلسي قامت من الطاوله وراحت الجهه الثانيه تتكلم ... وهذيك استلمتني تحقيق (ولا جلست اللي معاها جوال) الا لمن قالت الدكتورة خلصت اسئلتي .. وسألتهم عندك سؤال لها قالت لا وتأشر بيديها وهي ماسكه جوالها حتى ما شفت وجهها ما رفعته والثانيه اللي تتفرج ما سالتني بعد...
هذا بالضبط اللي صار معاي .... وكانت اعصابي معها بارده... (بس لمن طلعت من المقابله اعصاب فوووق لدرجه انو انهل الشريط على ابوي بالسيارة وانقهرت) انو ليه مقابلتي كذا مو زي البنات ماصارت مقابله ما تعرف عني غير اني متخرجه من عندهم
ما عرفت اتكلم عن نفسي زي الناس.. من جد مقابله غريبة.. طمنتوني انو فيه احد مثلي .. ارتاح بالي..الله يريحكم

ما اطول عليكم ...سألتني نفس الاسئله ضيفو عليها
* سألتني عن معدلي؟
* عن التسرب اللي صار بالنفط بامريكا؟
* سالتني في تخصصي؟ اللي جاب معاها سيرة اسرائيل وآيباك وعن جنسية اعضائها.. وليه تستخدم اسلحة غير مسموح بها قانونيا؟ً
* اش سويت في السنه اللي فاتت بعد تخرجي؟
* سالتني عن عملي الفردي والجماعي وهل ترأست مجموعه بعملي؟
*احتياطي المملكه من النفط؟
*واللي استغربته اكثر اني ما قدرت اعرف عن نفسي بالعربي، فا لمن سالتني كيفك بالانجليزي وقلت لها كويسه ... قالت طيب اتكلمي <<<< كذا فجأه اتكلمي!!!!
قلت لها: اعرف عن نفسي
قالت:لالا خلاص عرفتي بالعربي .. تكلمي عن هواياتك <<< سلامات متى عرفت عن نفسي
مشيييت المقابله وبوجه شرح زي ما تبي
وكانت تغالطني بالكلام، يعني اقولها تعاملت مع الغرفة التجاريه بالمدينه ، ترجع بعد شويه تقولي ايوه لمن عملتي بالغرفه بالطايف << ؟؟؟؟
شكلها بتشوف امشي كلامها ولا اعدل لها .. انو ايه ايه عشان اخلص من المقابله
فا عدلت لها كلامها وقلت المدينة وجاوبت على سؤالها..
اش بعد <<<< ودي افيدكم لانو استفدت منكم
بس تقريبا هذا اللي اتذكره ذحين ..

وموفقين يارب جميعاً..... وياااااااااااااااااااارب يكتب لنا الخير ...

[selfConfidance]

١- تكلمي عن نفسك
٢- وش مسمى الوظيفه اللي انتي مقدمة عليها
٣- كم عدد افراد مجلس الشورى؟ ما هي طبيعة عملهم؟ عدد افرادهم؟ من يختارهم؟
٤- تكلمي عن الاسلام؟
٥- ما سبب الازمه الاقتصاديه في العالم ؟
٦- الدول التي تستخدم اليورو؟
٧- اذكري دولتين لا تستخدم اليورو في اوروبا
٨- اخر خبر سياسي قراتيه ؟
و اسئلة كثيره مالها داعي يعين لمفروض يسئلون عن الجانب الشخصي في شخيصية المتقدمة !! و الله شي غريب

[منتسبه*]

بالتوفيق للجميع

الي تختبر مقابله وظيفه كاتبه الله يجزاها خير تكتبلنا

انا 17 -6 يعني آخر يوم

الله يعين بس

[مدرسة الحاسب]

اهلا اخواتي من جد اللي حتروح مقابلة وظيفة الكاتبة السبت والاحد تقول لنا بليييييز انا كمان مقابلتي اخر يوم اللللللللللللللللللللللللله يعين ويوفق الجميع يااااارب

[laloo]

المشاركة الأصلية كتبت بواسطة laloo كانت مقابلتي الثلاثاء ...

خطأ مطبعي >>> يوم الأحد كانت
.........
Up
موفقين ياااارب

[shada_Ak]

الله يسهل لكل وحده وظيفتها ورزقها

قولو امين

[مدرسة الحاسب]

السلام عليكم
كيفكم ياصبايا بصراحة راح نطلب من الاخوات اللي راحو المقاابلة مايبخلوا علينا بالمعلومات رجااااء لكل اللي راحت وماكتبت تجربتها تكتب لنا للاستفادة منها وجزاكم عنا كل الخييييييييير وشكرا لكم

[منتسبه*]

اتمنى من الي راحت لمقابله وظيفة كاتبه تقول وش سالوها

وربي يبارك للجميع

(اختي مدرسه الحاسب انتي مثلي بنفس اليوم ) 17-6 يوم الاثنين

[مدرسة الحاسب]

اهلين اخت منتسبة ايو انا نفس اليوم الله يعينك ويعينني كنت باسالك ماتعرفي احد من اللي مقدمات على وظيفة كاتبة بس من اللي يومهم السبت او الاحد ؟؟لو تعرفين ياليت ابغى اعرف وش صاار معهم والله يوفقنا ويوفق جميع المسلمين والمسلمات بااي