تجمع المقدمين على وظايف معيدات جامعة الملك عبدالعزيز فرع رابغ

[العلم لاهله]

حتى انا ماني فاهمة مع اني ارسلتها مع الملف وبعدين ابغى اعرف اش ممكن يجي في الاختبار التحريري والمقابلة عشان نستعد

[طــــالبة العُــــــــلا]

المشاركة الأصلية كتبت بواسطة d.m.c http://csar.rb.kau.edu.sa/pages-lecturer-jobs.aspx يسر كلية العلوم والآداب برابغ إشعار جميع المتقدمات والمتقدمين لشغل وظيفة معيد أو محاضر الحضور والتواجد بمقر الكلية بمحافظة رابغ لإجراء الاختبار التحريري والمقابلة الشخصية بدءاً من صباح يوم الأحد 24 شعبان الجاري مصطحبين معهم نتيجة إحدى اختبارات تحديد مستوى اللغة الإنجليزية التالية (toefl - ielts – step) بالإضافة إلى ضرورة إحضار بطاقة الهوية الوطنية الأصلية, علماً بأنه لن يسمح بدخول الاختبار لمن لم يحضرها وذلك حسب المواعيد التالية ماني فاهمه طيب هما قالوا من ضمن الشروط اختبار بديل التوفل وانا ارسلته مع الملفات والان يقولوا بس الثلاث الاختبارات هذي؟ ممكن احد يوضحلي وهل اختبار بديل التوفل gre يكفي الاشعار باجتيازه او لازم اجراء اخر؟؟؟؟؟

توكلي على الله ورحي وخذي معاك نسخة من شهادة الإجتياز

الله يوفقنا .....

[Kaname]

السلام عليكم ورحمة الله وبركاته

عندي شوية اسئلة

اولا مكان الاختبار والمقابلة فين بيكون
وبالنسبة للتخصصات العلمية
تانيا الاختبار يوم الاحد والمقابلة يوم الاثنين
هذا يعني انا ندخل الاختبار والمقابلة ؟
ولا نتايج الاختبار لما تطلع يختارو منها مرشحين للمقابلة
مرة ما فهمت لانو الاختبار والمقابلة ورا بعض...

كمان سؤال بخصوص اختبار الستب او التوفل يبغو درجة معينة ولا لا ؟؟

واللي عندها خلفية عن اسئلة المقابلة .. تكون بالتخصص ولا لا ؟
يعني اراجع الكيمياء ولا مايحتاج =)

وبالله اللي تعرف وصف مكان الاختبار والمقابلة تقولي لاني بجي من مكة
واعتقد ما يمديني احرك من مكة بنفس يوم الاختبار لازم قبلو ><
ومدري نلقى فنادق او لا

ربنا يساعدنا جميعا ويوفقنا

[أنامل مبدعة]

الله يسهل علينا

بصراحه ماعندي خلفيه عن الاختبارات التحريريه ولا المقابله ولا مره عملت مقابله ,..


ياليتهم حطوها ف يوم واحد .. الله يعين

[مُهاجــرة ~]

العلم لأهله
أتوقع يقصدون إللي اختبروا ستيب أو توفل بعد التقديم
لأن الموظظف قال لنا هذا الكلام لما قدمنا وطلب منا نجيب الدرجات بعد ما تطلع


Kaname
مكان الاختبار بالنسبة للطالبات زي ما هو موضح في الإعلان
وهو في مقر الطالبات _ غرب الشارع العام بالقرب من قصر البركة للأفراح
المكان واضح اسألي عنه وبإذن الله ما تضيعين (=

وبالنسبة للدرجة ما يحددون
لكن كل ما كانت مرتفعة كل مازادت فرصتك للقبول بإذن الله

أما المقابلة..
فقبل سنة ونصف كانت عبارة عن ثقافة عامة ..
مثل أيش هي منظمة اليونسكو ومين وزير التربية ومثل هالأمور
+ أسئلة في التخصص [كلام وحدة من الدراسات]
أما العام الماضي فكانت تحدثي عن نفسك بالانجليزي بالنسبة لنا
ويناقشونك عن بعض الأمور في السيرة الذاتية

أما الفنادق والشقق موجودة ..
ومنها حياة رابغ خلف المستشفى وعلى طريق البحر .. قريب جداً من موقع الجامعة

والله يوفقنا وإياكم جميعا =)

[طموحه@@]

يب الكل اللي قدم يختبر وكمان هل الاختبار التحريري للي مقدمين على محاضر ومعيده

[بلاهم]

السلام عليكم ورحمه الله وبركاته
اناجبت في اختبار الاستب 41
هل ممكن يقبلوني لاني من ابها ارجو الرد
وجزاكم الله خيرا

[عندما يتكلم الصمت]

معليش سؤال / أنا مقدمة على الوظيفة بـ شهادة البكلوريوس يعني معيد ولا محاضر يُعتبر؟
مع الشكر سلفا ً ..

[نهلووش]

الله يسعدكم ضرووووري تردوا عليا

التقديم الان ممكن ولا انتهت الفترة ؟؟؟؟؟؟؟

الله يجزاااااااااااااااكم الفردوس الاعلى انتظر الرد

[جرح الغلا]

اختي (عندما يتكلم الصمت) شهادة بكالوريوس يعني معيدة

اما المحاضر فهو لحاملات الماجيستير

اختي (نهلووش) التقديم انتهى من فترة وما اعتقد انهم يستقبلون اي طلب

لانه مكتوب بالاعلان نفسه لن تقبل اي طلبات بعد تاريخ انتهاء التقديم

والله يعوض عليك بخير