تجمع طلاب الهندسة الكيميائية ( Chemical Engineering Students Group )

[heso]

انا اخدتها قبل كده بس كنت مع الهذلي الله يسامحه اداني 12 من 40 في الفاينل و اخدت f بسببه ..

دحين لازم اعيدها كنت ابغا اخدها صيفي و نزلتها مع بشير فجأة الاقيهم الاسبوع التاني جابو الهذلي حذفتها
و دحين اضيفها الترم الجاي و اشوف آخرتها ايش !!

[حلمي بروفيسور]

المشاركة الأصلية كتبت بواسطة بدر 2000 يا اخوي حلمي بروفيسور الشي الوحيد الي اقدر اخدمك فيه هذه المادة econ101 3 اذا كـــانت مادة حرة فارجو انت تدقق في اختيار الدكتور او اختيار المادة والسبب انه بعض الاساتذة الذين يدرسون المواد الاختياريه متعقدين وبالتالي يعقد المادة عليك ويطالبك باشياء خارج المنهج ويخسف بك بالدرجات حتى ولو كانت المادة سهله ــــــــــــــــــــــــــــــــــــــــــــــــــ ــــــــــــ اذا جيت تنزل مادة اختياريه احرص ان تكون عند دكتور تمام مهما كانت المادة سهله وذلك حفاظا على المعدل وكل عــــــــــــــــــــــــــــــــــــــــــــــام وانت بخير

مشكوووور ياخوي على التنبيه وفعلا كنت غافل عن هذي المعلومة

ومن العايدين :)

[حلمي بروفيسور]

المشاركة الأصلية كتبت بواسطة heso جستنيه مو كويس في الشرح و اللي ما ياخد خصوصي لو اتورط معاه حيرسب يعني !!

هو شرحه مو كويس وانا اعرف ناس مااخذوا خصوصي ونجحوا بس ب 60 و65 بس كانوا يذاكروا من اوراق اشرف

يعني لو تبغى درجة حلوة نوعا ما وتبغى تفهم الثيرموا خذها عند اشرف لانوا لو عديت المادة وانت منتا فاهم شي ح تتنكب في الثيرموا2

[حلمي بروفيسور]

المشاركة الأصلية كتبت بواسطة عبادي 0 الله يوفقك ياحلمي بروفيسور وبصراحة خوفتونا من الدكتور جستنية للثيرمو واذا هي عنده انزلها ولا اخليها الترم الي بعده؟؟؟؟؟؟؟؟؟؟؟؟ وانا 08 هل بأتخأخر لو خليتها الترم مابعد القادم؟؟؟؟؟؟؟

بصراحة انا لمن اخذتها عندوا كنت خايف من الرسوب بس الحمدلله عديتها
وانصحك تنزلها لان شكله راح يحتكرها لسنوات مافي فائدة من التاخير

وطبعا لو اخذتها عندوا انسى شي اسمه (اي بلس, اي, بي بلس) لانه يقول اعلى واحد عندوا واشطر واحد جاب(b)
بس انت شد حيلك وربنا يوفقك

ولاتخاف بما انك في الكيميائية راح تشوف مواد تبكي عشان تنجح فيها زي الماس عند عثمان داوود بس الحمدلله عديتها !!

[eng. abdu]

يا شباب و الله خوفتوني..

انا ما اخدت كيميستري 2 لاني حولت على الصيفي و ما اخدت صيفي..

ماني عارف ايش انزل معاها.. يمديني انزل الممنتم بس شكلها صعبه.. اتمنى تفيدوني الله يحفظكم..

[عبدالملكـ]

السلام عليكم .. وكل سنه وانتم طيبين..

حبيت استفسر عن هالماده بما انها من قسمكم

che201 مستوى الصعوبه وافضل دكتور وهل لها معمل . الاهم مستوى الصعوبه... سهله متوسط...الخ

[kau]

المشاركة الأصلية كتبت بواسطة عبدالملكـ السلام عليكم .. وكل سنه وانتم طيبين.. حبيت استفسر عن هالماده بما انها من قسمكم che201 مستوى الصعوبه وافضل دكتور وهل لها معمل . الاهم مستوى الصعوبه... سهله متوسط...الخ

لالالا اطمن بيمسكها دكتور كويس ان شا الله ، كلو يعتمد عليك الماده جدا سهله

[بدر 2000]

المشاركة الأصلية كتبت بواسطة عبادي 0 اخوي بدر *

معاك حق وثاني مره الله يجزاك خير انت و kau على التنبيه

[kau]

شباب ترى امزح خخخخخخخخ بس شي يرفع الضغط من جد

[مهنـ(engineer)ـدس]

كل عام وانتم بخير ومن العايدين
ياشباب انا مانزلت ولا مادة تخصص لاني اتخصصت بالصيف ومفكر انزل هذي المواد ايش رايكم احذف ايش واخلي ايش ومفكر انزل موضوع بس اول شي ابستشيركم بما انكم نفس التخصص (سيم سيم ) وابغاكم اتقولولي
الجدول ينفع ولا لا وكل مادة مين افضل دكتور

chem202 4
math204 3
ce201 3
ie331 3
isls301 2
15
للعلم انا دفعة 08 ومخلص 50 ساعة

وبالتوفيق للجميع