اشبعوا فضولكم بكل مايجول في خواطركم عن السنة التحضيرية * مُحَدثْ *

[هديل.]

مين يعرف اي شي عن استاذة صفية باوزير رياضيات ؟ ياليت يفيدني

[حلم طبيبه]

مرآحب ي قدعآت

آللي ب آلسليمآنية خطة أ :$
وجآية يوم 27 آلموآفق آلثلآثآء تخبرني

حآبة نتقآبل ..
وآللي بتجي بعدين برضوآ تعطينآ خبر نشوف بعض
عسآهآ خير صُحبة لنآ

[HOF]

بليييز كممللي وتكلمي عن باقي المواد ,, خصوصا خطة ب , انتظظظررك :)
ويعطيك العافيه

[ŠǾmëØńé]

يَ شيخخة يسلم رآسسكك على هيك حكي

^ أبد محد تحمس
كلآمك جممميل زي رآعيتهه
وفعلاً المفروض الوآحد مَ يسمع كلام سلبي عن أي مادة أو عن أستاذة عشان لآ يكره المادة أو الأستاذة !
و ب النسبة للصديقآت بنقابل اللي ربي كاتب لنا نقابلهم
^ صديقآتي اللي بعد م قابلتهم أشتقت لكم ؟! < أنقلعي !
المهم الله يوفقنآ جميعاً

[Rawan95]

المشاركة الأصلية كتبت بواسطة حلم طبيبه مرآحب ي قدعآت آللي ب آلسليمآنية خطة أ :$ وجآية يوم 27 آلموآفق آلثلآثآء تخبرني حآبة نتقآبل .. وآللي بتجي بعدين برضوآ تعطينآ خبر نشوف بعض عسآهآ خير صُحبة لنآ

انا في فرع السليمانية خطة أ $,$
وبروح ان شاء الله يوم الثلاثاء وابغى احد معي :'$ بس كيف اتواصل معاكِ ؟

[ALFN]

المشاركة الأصلية كتبت بواسطة hof بليييز كممللي وتكلمي عن باقي المواد ,, خصوصا خطة ب , انتظظظررك :) ويعطيك العافيه

من عيوني ياعسل

الله يعافيكي

[ALFN]

المشاركة الأصلية كتبت بواسطة ŠǾmë&oslash;ńé يَ شيخخة يسلم رآسسكك على هيك حكي ^ أبد محد تحمس كلآمك جممميل زي رآعيتهه وفعلاً المفروض الوآحد مَ يسمع كلام سلبي عن أي مادة أو عن أستاذة عشان لآ يكره المادة أو الأستاذة ! و ب النسبة للصديقآت بنقابل اللي ربي كاتب لنا نقابلهم ^ صديقآتي اللي بعد م قابلتهم أشتقت لكم ؟! < أنقلعي ! المهم الله يوفقنآ جميعاً

ههههههههههههههههههههههههههههه عجبتني صديقاتي اشتقت لكم

الله يسعدك دوم الحماس يارررب

وانتي اجممل ومرورك اجمل ,

[w3d aljehany]

المشاركة الأصلية كتبت بواسطة Rawan95 انا في فرع السليمانية خطة أ $,$ وبروح ان شاء الله يوم الثلاثاء وابغى احد معي :'$ بس كيف اتواصل معاكِ ؟

حتى أنا خطة أ وحأروح يوم الثلاثاء إن شاء الله ودا حسابي w3d_aljehany@ ..^^..

[نحــوولـــة بنت رقــية]

موفقين !!

[ALFN]

بسم الله نبدا ..

الموضوع بدأ يزدهر وصار شات تعب قلبي كمان
حياكم كلكم

المهم ي ححلوين ,
اتكلمنا عن الاحصاء دحين حبدا اتكلم عن مواد خطة الف
بما انها الخطة اللي ابتديت فيها ..

- العربي : اخذتها مع استاذه هدى ذماري
شرحها كويس وتبذل مجهود و اوقات تفتح بور بوينت ف فجاه احس الكلاس نام لأنها تقفل النور ومبنى 12 بااارررررد
واذا تبي تاخذي درجات كويسة كوني قدام معاها وانتبهي كويس
المادة بالنسبة لي بما انها نحو كانت جدا سهله
لأني احب الماده دي من صغري جدا
ف كانت اشبه بمراجعه ليا ,, اخر الدروس ممكن تكون معلومات شويا جديدة ف ركزو عليها
واللي تقول العربي صعب ومااقدر اجيب فيه درجات
ف صدقييني مافي شي * مستحيل * مع الاجتهاد والمحاولة



- الثقافة :الكل ممكن يقول اش ثقافة ! هل هي دين ولا بلاغة ولا تاريخ ؟
الثقافة مادة دينية اجتماعية حضارية تاريخيه تجمع بين الكثير من المعلومات
وتميل للدين طبعا , كثير يشوفوها كثيييره وكثيفة وكلامها كثير
ويقولو محانقدر نجيب فيه اي بلس ..
بس لو ذاكرتيها ب دي الطريقة محاتكون صعبة ابدا
1- لا تعتمدي ع الحفظ بالنص .. لما تجي عند صفحة اقريها بتمعن وقفلي الصفحة وقولي لنفسك اش فهمتي بالزبط وعن ايش تتكلم الصفحة !
2- في اشياء لازم تنحفظ زي التعاريف و بعض التعدادات لكن كثير تعدادات تكون تحتها كلام كثييييير .. هذا الكلام لا تهملينه زي ماقلت اقريه بفهم وقفلي وراجعية كويس
3- اغلب اسئلة الاختبار ماتجي نفس العناوين او التعدادات يعني مثلا

فصول السنة
= الخريف :
ف الخريف تتساقط اوراق الشجر الخ
= الشتاء
ف الشتاء تتساقط الثلوج

ف الاختبار ماحيجي ماهي فصول السنة .. الاغلب يجي تتساقط اوراق الشجر في فصل .......

^ اخق ع المثال
الزبده منه انك تنتبهي للكلام الدش اللي كثير يهملونه .. مع انه مهمممم ف الاختبارات الالكترونية

4- كثير يقولو صصصصععبب نجلس نقرا حرف حرف .. ونحفظ جمله جمله , لآ طبعا !!!
افهمي بالمجمل اهم شي تقفلي الباب وانتي فاهمه عن ايش يتكلم
5- اي جمله تحسيها مميزة او فيها معلومه مهمه حدديها واحفظيها ,
< لازم تكون لك خبرهه ف دا الشي لأنو كثير اشياء احسها تلفت انتباهي واحددها وتجي بالفعل ف الاختبار
6- ماراح اقولك ذاكري اول بأول < كثير يكرهو دي الكلمه ..
لا مثلا خلي لك بعد 3 اسابيع يوم تذاكري فيه لو باب واحد من اي ماده خصوصا الثقافة والحاسب تحتاج ل دا الشي

بالنسبة للاستاذه : كانت استاذتي شرحها جدا بسيططط وجدا عادي وكانت تنوم صراحة
لكن دي المادة تعتمد عليكي انتي مو ع الاستاذه ابدا ..


- الحاسب : اغلب الدروس متكرره من الثانوي لكن بطريقة اكثف شويا ..
ف البدايه فيه دروس كلها دش وكلام , لا تخافي منها وسوي نفس طريقة الثقافة ف المذاكرة وحتجيبي اي بلس
+ خليكي مع الاستاذه بكل حرف تقولو وخصوصا الدروس العمليه ,
اول ماتاخذي درس عملي طبقيه ف البيت واي نقطه ماتعرفيها اسألي عنها ولا تترددي

* ع حسب تجربتي مع اختبارات دي المادة كانت اغلب الاسئلة تجي من الجزء العملي اكثر من النظري ودا كلام كثير بنات كمان *


- الرياضيات :
كثير يكرهو دي المادة .. وانا اولكم
لكن والله العظيم ندمت على كل لحضة قضيتها وف قلبي خمول وكسل ويأس منها
لأن لو حطيت ف راسي اجيبها واذاكر كنت جبتها
اول اختبار اتكاسلت , ذاكرت وكل شي بس مو الجهد الكبير
ولا حاولت قبل اني أسأل الاستاذه واروح لها

وكانت درجتي سيئة اول اختبار

بعدها وعيت لنفسي وبعدت كلام الناس ورميتتت كمان كرهي للمادة على جمب
وصرت اروح للأستاذه ف مكتبها واسألها
واهتميت ف المحاضرة اجلس قدام وأسألها عن اي نقطة
انا من البدايه كنت اجلس قدام بس كثير اشياء تنقال ماافهمها
واطنش نفسي وحاطة ف راسي * مو لازم مافيني خلاص *

نصيحتي لكم ذاكرو الماده باب باب
يعني اول ماتخلصو باب ف الشرح ابدي ذاكريه
واي سؤال ماتعرفينو روحي للأستاذه
وانتي تذاكري خلي جمبك ورقة وقلم واكتبي اي سؤال واي نقطه ف الدرس مافهمتيها
وروحي للأستاذه تشرح لك

بكذا مايجي النهائي او اول دوري الا و انتي فاهمه كل فتفوته بالمنهج

__